有冇小朋友上過通利琴行既幼兒音樂課程(3-4歲)?

katiechow

其實兒童音樂班主要目的是想提供一個開心的環境俾小朋友開始習慣學音樂, 唔好諗著小朋友先可以學到一些專門知識對第時轉去正式學習樂器好有幫助會好d, 呢樣只是bonus, 學唔學到實質既野好睇小朋友當時既腦部發育情況和性格~我教過一些先上過音樂班後才開始學鋼琴的小朋友; 這類小朋友肯定會覺得音樂班既經驗好開心, 佢地上堂亦冇咁怕羞; 不過有好有唔好, 剛剛由音樂班轉去正式學樂器一定會出現以下問題:-

音樂班裡可能會用意大利式音名系統do re mi ,呢種系統方便音樂班經常唱歌用, 但轉去學樂器時我地會採用英/德式系統, 因為意大利式系統本身有個容易令人同sol-fa name系統混淆的缺點; 先上左音樂班的小朋友在呢點上需要好幾個月適應, 但問題不大, 小朋友係好容易忘記一d野再接受另一d新事物, 所以不用擔心~

音樂班裡沒有”趕課程和好認真的技巧要求”, 小朋友和家長心態都只會當去玩下, 但正式學樂器時必然會有好多achievements出現, 如果冇要求, 樂器只會奏得亂糟糟; 家長在小朋友學樂器後亦會期望佢地在什麼時間內要考幾多級; 情況同小朋友從一些活動式幼稚園畢業去到一間講求學業成績的小學一樣, 壓力轉變落差大; 有些小朋友經歷honeymoon後對正式學樂器會頗抗拒, 要花好多時間調整心理 , 有些小朋友本身能力同鬥心強就唔會既~

如果有彈電子琴仲要真係去練琴的音樂班, 小朋友習慣左用電子琴
彈到比較深少少的樂譜, 之後再轉去彈鋼琴時就會比較冇耐性彈番淺d既歌仔而著重執手形動作架喇(彈鋼琴要比彈電子琴難, 主要是動作力量要求高好多); 但如果之後不是轉去學鋼琴的話, 咁彈過電子琴先係好好架, 因為其他樂器通常是奏單旋律, 咁用電子琴先學下多個旋律的配合, 學起音樂上黎比較全面 ~

而就唔同機構辦的音樂班, 我發現Tomlee的JMC課程比較太深左d; 而有家長話Tomlee的課程成日彈來彈去都係果d歌仔, 幾搵笨, 其實咁係因為佢地揀既歌仔程度比較深呀, 佢地又唔想比壓力小朋友, 所以咪要花多d時間重覆彈law~