我最愛的寶寶有自閉症- 屯門<分享>

venustangsy

我囝囝已3歲了, 2歲8個月到協康做生活訓練, ($450 per 50min), 導師對我説最壞可能會7歲才懂説媽媽, 這話令我的眼淚不停流,

我很想我的兒子可以有好轉, 我不停給上訓練,
生活訓練; 言語治療; 到特殊幼兒中心暫托; 參加小組活動; 希望給他多點密集的訓練能有機會進步.

這真的用很多金錢, 收入與支出完全不平衡,
但2個多月前, 他特然走到我身邊用手指點我, 說(媽媽)後便走開, 到現在他的話多了, 專注力有進步,
應該9月可入讀 中華基督教屯門特殊幼兒中心
希望他可繼續進步

JUNEYEUNG

比多D希望自己, 小朋友既進步轉變有時好快,無人可以預測將來的結果, 個導師話最壞打算, 但有可能個結果係最好既預測出現亦唔出奇, 希望在明天..............:D

原帖由 venustangsy 於 09-5-18 20:01 發表
我囝囝已3歲了, 2歲8個月到協康做生活訓練, ($450 per 50min), 導師對我説最壞可能會7歲才懂説媽媽, 這話令我的眼淚不停流,

我很想我的兒子可以有好轉, 我不停給上訓練,
生活訓練; 言語治療; 到特殊幼兒中心暫托; ...

lmc640

venustangsy
你要好努力呀!
但你要小心自己身體,
Lee 到有好多人同你一齊行!
加油呀!

hellokitty1011

venustangsy , 看後真的很感動, 我兒子快2歲半, 我都很期望他再叫我媽媽, 雖然佢係1歲半時都有叫過 (像鸚鵡學舌般), 不過我都有1年沒有再聽過佢說啦, 佢都係沒有甚麼懂說, 不過佢上左3個月的言語治療, 佢最近都時時說 "我要", 都已經係一個大進步啦.

大家一起努力吧!

owl_2046

我地呢度每一位母親都經歷過, 亦完全明白你感受.

我個仔3歲半啦, 入左協度s位半年, 呢段其間進步好多, 說話動機都多左.

由好怕比人拖, 比人掂, 到而家主動拖我隻手, 攬我要我"咩"

爸爸放工門口都未入, 就衝上前叫"爸爸抱抱"再同工人講"bye bye"再關門, 動機係要求爸爸帶佢去公園.

以前我放工返到屋企, 佢只會望我一眼...而家一見到我就走黎門口, 幫我關門, 重要拖我入房陪佢聽歌.

重有好多好多......

其實我係一個悲觀主意者, 知道亞仔有自閉症傾向後已經感到我呢一生玩完.....只求盡力搵方法希望亞仔可以減少症狀......排s位, 返Joyful, 搵st, pt.... 反而我老公好積極及有耐性再+同亞仔鬥耐力, 摟盡六壬同佢對著幹.....好多時都笑c我.

呢幾個月亞仔有好明顯進步, 我而家對前境有D信心.

感謝主帶領亞仔一天比一天進步!

branma

Hi Venustangsy,

pls check pm.  Tks!

andylcm

我個仔可能會同你個仔做同學...

venustangsy

我收到電話, 9月會入屯門特殊幼兒中心, 有機會聯絡呢!

原帖由 andylcm 於 09-5-27 16:58 發表
我個仔可能會同你個仔做同學...

venustangsy

我囝囝上完協康的幼兒社交樂, 導師説他能聽4分鐘的故事,
但不主動與小友朋玩, 他總愛與大人玩,
叫我多點給他機會與小朋友玩, 到公園接觸小朋友

6,7月的sat 早上我都報了協康及屯門特殊中心課堂給他,

但外出的課堂我沒有參加, 我曾有個經驗參加親子音樂課,
是n1-k3 的, 但每個小朋友都能坐好上課,
但我的囝囝...大家都想像到, 只顧開門,弄唱機, 見到導師用筆拍拍子, 他馬上争著做(沒排隊)...
我只可不停拖著他, 說no no,
大家都有經驗, 其他只覺得我囝囝好玩皮, 沒聽話被種壞
其實有太多環effect, 令他很興奮, 是我選了不適合的環境給他,

但難過的是別人的說話目光, 我也怕到我奶奶家, 她每每把我囝囝與其他的姨孫作比教, 我真受不了,
他可知我用了多大的心機教導, 他是不伯痛, 打他沒用, 何況他根本不明白, 我知道打他是對他不公平, 是他不明白, 不是他用心做壞, 壞的是我沒用心去看他的內心.

做媽媽的我是用看他的內心, 見到他是多純真, 多善良, 我們教的是的是, 非是非, 不懂機心, (他真的是個天使, 令我記得我們重要的是愛, 是我們的愛, 沒私心, 沒機心, 不為名利)

我心想, 因他是自閉童, 令我多點用心來了解他, 不是為他的學業好, 懂多種語言, 多種樂器而驕傲, <而是今天比昨天進步, 今年比去年進步, 而能每天做開心快樂人>

andylcm

其實這裡有沒有就讀中華基督教屯門特殊幼兒中心的孩子家長在呢? 我很想知道這幼兒中心的水準如何?