浸會大學附屬幼稚園,小學及中學(王錦輝中小學)

ka媽

今日去過浸小的校舍地盤, 原來浸小面積好大o架, 個運動場就真係大得緊要, 不過唔知完工後可能運動埸會被劃分出籃球埸, 花園之類呱, 而另一邊浸中以及國際學院的面積加起來才有浸小咁大, 浸小與浸中現在都起到上一樓, 我猜新年應該會起好晒個外壳, 我在現場有影相, 不過唔識放上綱.
[img][/img]
[img][/img]

ka媽

我即場睇到, 真係同浸小綱頁的圖唔同, 但如果還有一間學校在浸小旁邊, 咁係咪緊貼先, 我見d工人圍起一大塊地, 如果旁邊唔係浸會嘅點會圍在一起, 而且浸小綱頁所示, 球場在小學校舍前, 但我所見, 小學大樓幾乎貼近大門口, 最多可以起個綱球場咋, 而我所見嘅大塊地在校舍後面.

ka媽

Hi, kae, 我還有3張現場直擊相片, 妳幫我搞啦, THX!
總共5張相片, 全部都係小學部範圍.

小學正門正面, 對著石門火車站出口處:


小學後街, 向高速公路:


以下是否小學旁邊住宅用地?

ka媽

sunmoon, 請check pm.

ka媽

我都收到信了, 到時我會去註冊, 順便聽下又有咩o野講, 剛剛上完浸小嘅綱頁, 嘩! 校舍建造進度張相幾時影o架? 冇半年之前都有4個月前啦, 好唔update喎!

ka媽

學校係有泳池, 不過好似話係國際學院以及中小學的學生共用.(詳細情況當然係開學先知啦)

ka媽

校舍現在...

ka媽

將住其他區的爺爺或公公家的水費單改你老公名就不用搬離沙田了, 住址證明都係浸小校方向教署交代啫, 因為浸小對沙田區收生係有限制嘅, 如果沙田考生太多的話, 浸小就想收你都有心冇力(雖然話浸幼生會加分優先).

ka媽

浸中小校舍現今未起好

ka媽

校長在與家長開會時講過:"...如果中小學部都未趕及06年9月交貨的話, 會用現在旁邊已竣工的國際學院的地方先...如果小學部搞掂, 但中學部未搞掂, 咁中學部就暫時用小學部的課室...".

WYmom 寫道:
ka Ma,

From your photos, seems that the campus is far from completed, will it be able to open in September 06?

ka媽

我女將會入讀"浸小"小一, 真係很期待9月開學的日子, 其實如果中小學部校舍未完工, 用住國際學院的地方先都幾好啊, 因為大學部的設備一定都係先進齊備啦.

如果大家有耐性, 可以翻睇之前的頁數(p.25), 有關"浸小"的面試, 教學方向等等都有家長討論過, 而且留言講過不少寶貴的意見o添. 一讀就12年, 嘩, 好似一個大家庭入面有很多兄弟姊妹一齊長大一樣, 真令人興奮!!!

ka媽

3b,
佢地講緊普通話授課係指"浸小", "浸幼"係用母語教學o架, k3普通話一星期有1堂30分鐘, 英文堂一星期2堂各30分鐘, 可能有人覺得教普通話及英文的時間太少, 不過內容都幾深, 如果小朋友醒目100%吸引晒, 都不遜於其他主流名校. "浸幼"係活動教學, 著重啟發性知識, 學費每月$3100(茶點自備, 不需穿校服, 不過好在沒有其他任何雜費, 書簿都包括在內), 小學學費每月$3500, 雖然學校好, 但都有人因為學費嫌貴而卻步, 不過我覺貴都係物有所值嘅.

Kae,
妳囡囡都快讀完一個學年啦, 覺得點啊? 畢業禮會唔會去睇, 真係值得一睇o架,  或會做義工...幫我女換衫出場表演之類.

ka媽

Kae,
"浸幼"畢業典禮好似在6月, 不過可能只找k2的家長幫手, 如果唔夠人用先會找k1嘅, 不過如果園方有邀請到妳地k1仔去睇都值得一睇, 到時會好感人兼非常熱鬧.
如果妳有機會做畢業禮義工, 我會pm話妳知邊個係我女, 哈哈, 記得幫佢著整齊d靚d, 個扮相係我好辛苦想出來的(表演部份包括家長為學生搞作一個國家民族造型), 另外會有普通話誦讀謝帥詞...我只知咁多, 其他要保密喎.

ka媽

Hi, Kae,
之前是綵排, 讓老師看造型, 而且是為學生對其他國家民族有更深認識, 後來出來效果出奇地好,妳看了都叫好呢, 畢業典禮所以會再展現一下的. "...好正..."...妳日後都有機會要幫囡囡作此準備, 偷到師未?

ka媽

嘩...d校服又幾型仔喎, 重有2個款選擇o添, 好有國際學校feel.
不過唔明點解9月6日才開學, 唔通學校都興擇日開張?
我女話好想同番浸幼d同學仔一班, 唔知會點編班呢?

另外, 如果想知小一面試的大概內容可以睇下本題目的p.21

ka媽

各位同學仔, 我都係今年p.1, 我覺得陳太係個好powerful嘅人, 她讓我感覺到佢對浸中小是想有一番作為的, 雖說校長係2年合約, 但打落的江山點會輕易放棄? 而且估計2年時間的浸小只是定型期, 要上軌道起碼做上4-6年吧?

ka媽

band 1? 點估啊? 望係咁望啦!

ka媽

我有親戚係教育界人士, 佢話業內對浸小都好有信心, 相信陳太會"搞得掂",  而且還有培僑的老師將仔女送入浸小而不是選讀培僑喎.

ka媽

2007/08小一簡介會

第一場
日期：2006年6月15日
時間：7:00 - 8:30pm
地點：九龍塘窩打老道224號 香港浸會大學善衡校園   鄭翼之講堂

第二場
日期：2006年8月12日
時間：2:30 - 4:00pm
地點：小學禮堂
　　　沙田11區石門(馬鐵石門站)

內容：
(一) 學校簡介

辦學理念 校園設施 十二年一貫課程 人文素質課程 家長進修學院 田園教學

(二)  21世紀孩子的素質

歡迎家長踴躍參加，並填妥表格後擲回本校預留座位。講座詳情亦刊登於明報。

ka媽

陳太話浸幼生不是直升浸小, 都要參加面試, 不過浸大及其家屬, 浸幼生考浸小都會有加分.