屯門幼稚園

puddingsharon

你可以留意下, 而家好多幼稚園都開放日, o係果日你可以參觀下個校園, 睇下d老師, 咁順便可以問問學校o既課程安排同埋其他野......咁你可以睇幾間再作打算啦~

不過帶埋小朋友會好d, 小朋友去到覺得開心, 你已經放心左8成啦~ 如果你覺得間學校好, 但小朋友日日返到去係喊, 咁有幾好個小朋友都學唔到野啦~!

碼頭果邊d幼稚園o係蝴蝶邨樓下有幾間~ 不過我就唔係好知全部d名~ 你可唔可以話我知有邊間, 然後我再同你問問我d同事啦~ ^_^  

pm-11

布丁

請問2間聖公會"青山村"&"兆麟苑"幼稚園點睇呢?
另外想請教下你,以1班30多個小朋友,用1位班主任加1位轉助老師教授或是2位班主任各負責教授15位小朋友的方法較佳呢??
thank you

puddingsharon

HI~ 你好呀~ 青山村果間好似得好少班架咋喎~ 同埋校舍比較舊, 而兆麟苑果間好似有幾多人讚架, 有一位同事o既同事對聖公會學校評價都幾好~ 而且兆麟苑校舍比較新同埋師資都幾好架!! 睇下你係邊間近d啦~ 我相信兩間課程就會差唔多, 睇下佢行政方面會唔會唔同囉~

而家普遍學校都係一班有兩位老師, 有時一班都係有20-24人左右, 即係1:11左右, 都好好架啦~ 而家幼稚園教師都係為合格教師, 其實分唔分助教都無咩問題, 因為助教都係合資格做教學o既~
通常o係分組活動上有就有分別, 其中一位老師可以帶一組幼兒(8-10人)去進行小組學習, 而另外一位老師可以o係課室做教寫字, 美勞等工作, 咁樣已經係好理想架啦~

我覺得咁樣比起由一位老師做主導更好, 因為兩位老師可能有唔同教法, 幼兒可以o係唔同老師身上學o既野都唔同, 而分組活動分開小組學習, 可以另幼兒更集中同教師容易照顧, 咁係最理想架啦!!~  :

iris_yu_him

布丁,

係碼頭個邊有好多幼稚園:
神召惠民
中華基督教何福堂
仁愛堂第二幼稚園
美樂
Oscar...

兆麟-ST. Peter
友愛-路德會呂祥光
(我比較希望我個仔能夠入讀基督教幼稚園)
我都想去參觀多幾間幼稚園, 但係始終要返工, 而且唔係好多幼稚園舉辦開放日/同樂日, 所以希望大家能提供多d意見俾我.
Thks!

iris

Almaz

布丁:

碼頭那兒有沒有好介紹?兆禧苑那邊都好像有兩間,一間叫世佛會,另一間就不記得名字.不知你覺得如何?

angeline

Haemon 寫道:
Hi all,
My husband and me were graduated from 何日東小學,so we also want my son can study in 何日東小學.But I prepare my son to study in OSCAR N1(international) next year as I want him to learn more English.Is it really more difficult to go into  何日東小學 if my son doesn't study in 順德聯誼總會梁李秀娛幼稚園 ???Because as I know kindergarten won't affect the primary.

以現時的計分制度下, 你囝囝入讀何日東小學當然唔會有困難啦, 你們兩位都畢業於何日東小學, 屬於舊生, 係有10分的, 你囝囝有20分(舊生10分+適齡兒童10分), 一般人多數15分, 自然比其他人優先取錄, 但是, 到你囝囝升小一(三四年後)時, 制度可能有變, 都唔知會改成點   

iris_yu_him

Almaz ,

你住係邊呀? 我都係住係碼頭個邊, 我知兆禧苑有間叫世佛會真言宗,另一間叫香海蓮社, 口碑方面則我要幫你問下其他人先知. 你係唔係都係要今年報幼稚園, 你有無咩介紹呢?

iris

Almaz

iris_yu_him 寫道:
Almaz ,

你住係邊呀? 我都係住係碼頭個邊, 我知兆禧苑有間叫世佛會真言宗,另一間叫香海蓮社, 口碑方面則我要幫你問下其他人先知. 你係唔係都係要今年報幼稚園, 你有無咩介紹呢?

iris

我住在慧豐園,我已經報了oscar.但我又覺得學費真的很貴,所以想看看有沒有其他好的選擇.你的意見如何?世佛會好像是全日班.而香海蓮社沒有N讀,因為我個女明年才入讀N,現在剛一歲半.明年九月未足2歲8個月,所以想先讀一年N.不知道美樂嗰間好唔好,本月16日開放日,我都想去看看.

iris_yu_him

Almaz ,

我聽其他人講美樂都幾好, 但係我比較想搵間基督教的幼稚園, 所以美樂係我第二/三選擇.你都會去開放日嗎? 我已經係昨天取報名表($20.00)連同開放日的遊戲券及食物券, 到時見啦.
(我個仔依家剛2歲1個半月)
iris

Almaz

iris:

沒有開放日的遊戲券及食物券都可以去嗎?咁你知唔知道邊間係基督教的幼稚園?

Almaz

有沒有媽媽知道富建花園聖德肋撒幼兒園好嗎?我覺得校舍比較細,唔知道教學方法如何?

iris_yu_him

Almaz,

我剛剛問左美樂幼稚園, 佢話若沒有遊戲券及食物券都可以去參觀及玩.

下面都係基督教幼稚園, 請參考 (比較近碼頭個邊):
中華基督教會屯門堂何福堂幼稚園  (蝴蝶)
路德會呂祥光幼稚園  (友愛)
新界神召會惠民幼稚園  (湖景)
聖公會青山聖彼得堂兆麟苑幼稚園  
聖公會青山聖彼得堂幼稚園   
救世軍三聖
佳寶幼稚園（屯門分校-兆安） ....

因為實在太多, 再加埋無宗教的幼稚園的選擇, 你話係唔係諗到頭都大埋?

皓朗ma

HIHI~~
    我都想知呀~~ 頭痕唔知讀邊間.....

同同

iris_yu_him 寫道:
Almaz ,

你住係邊呀? 我都係住係碼頭個邊, 我知兆禧苑有間叫世佛會真言宗,另一間叫香海蓮社, 口碑方面則我要幫你問下其他人先知. 你係唔係都係要今年報幼稚園, 你有無咩介紹呢?

iris

香海蓮社蝴蝶村幼稚園呀..我細過讀果間ga..我聽返媽媽講以前呢間要入學面試係黃筱煒...仲要自己一個入禮堂..果陣都叫幾好既..因為就算你報小學分唔到都可以讀返黃筱煒 (上午校長係幼稚園校長個老公)...以前真係好好..但係而家就..............因為乜都舊曬同咪我真係好記得好記得一定要學寫幼稚園個名...果陣寫到我想死...→香海蓮社蝴蝶村幼稚園←10個字..個個對我當時細過黎講真係好深好深~
我個人覺得除非信佛..如果唔係都唔好報佛教學校...日日早上返到都要企..企係到念佛同唱歌...3年幼稚園6年小學..9年..9年日日早上都要聽老師講一輪佛學..跟住念佛...企約5-10分鐘..
到而家我仲記得佢d歌點唱...完全入曬腦

zzz叮噹zzz

你好呀布丁:
我有個問題想請教你,保良局收左我個女女下午班,但我好想佢可以讀到上午班,但佢要我寫封信比佢,寫明咩原因要讀上午班,如果較重要的理由就可以優先,你可唔可以教教我點寫呀??我13/11就要交比佢喇,我真係唔知點寫好,唔該你教教我啦,謝謝!!  

German

Almaz,

Oscar不是已停辦了嗎？

Almaz

我住在慧豐園,我已經報了oscar.但我又覺得學費真的很貴,所以想看看有沒有其他好的選擇.你的意見如何?世佛會好像是全日班.而香海蓮社沒有N讀,因為我個女明年才入讀N,現在剛一歲半.明年九月未足2歲8個月,所以想先讀一年N.不知道美樂嗰間好唔好,本月16日開放日,我都想去看看.