將軍澳媽媽,你們會幫小朋友報邊間幼稚園呀?

homingm

zoezoeiou 寫道:
我想知富康德宝及循道衛理好嗎??

我都好想知循道衛理好唔好，課程如何？我曾經問過有位k3的家長，佢覺得d老師好nice，課程唔係話好深，小朋友讀得也好開心。

至於得寶，我大仔讀緊德寶k2，佢由n1讀到而家，我見佢返學都好開心，d老師和嬸嬸都好好，但德寶d課程都幾深，k1而經開始學寫字，我仔而家k2寫的字對於一個四歲都未到o既小朋友來講真係幾難，佢而家已經學寫：秋天，房屋，商店，男女，田等等，英交就已經學寫到A-Z，數字而家學寫到1-50， 問過學校老師，佢O地話課程深是希望銜接到小學O既課程，等佢O地升上小一時追得無咁辛苦，咁都幾有道理bor

homingm

今日有無人去o左循道衛理幼稚園開放日呀？感覺如何？可否分享下呢？

我自己就覺得d老師都好nice，與老師傾過，感覺他們不會只係重視小朋友學術方面，他們也很重視聖經的教導，對家長們也照顧周到，因我見他們定期會舉辦家長講座讓家長們參與，這幾方面我都很欣賞。但美中不足我覺得學校環境無咁大，尤其果走廊好似好迫咁，仲有學校無教phonics，其實而家好多幼稚園都有教phonics啦，但點解果老師話phonics對咁細o既小朋友無mug作用

homingm

MMM888>>你會唔會比囡囡讀nursery 呀？我仔仔而家讀緊德寶n1，不過都想佢報下其他o既幼稚園，其實我好想報茵怡宣道，因我朋友個女讀緊，佢覺得唔錯，但茵怡對我來始終遠o左d無咁方便。但係咩話要晨早去排隊報名o架

homingm

PERRYNMOM>>我昨天有見到你o地去循道，係呢，除了循道，你仲有無稔報其他o架

homingm

PERRYNMOM>>點解唔讓Perryn 繼續讀德寶 我想幫細仔轉讀其他學校，是因為哥哥讀德寶全日學費$3700，加埋細仔而家o既學費真係好多，所以想慳留D $$

homingm

昨天去了循道報名，果老師話99%的媽咪都係報上午班，我都係只考慮上午班，但上午只辦2班，果老師話只怕未必可以滿足到各位家長的期望，睇來入讀上午班競爭都幾大 :

homingm

M8,

我約o左30/10上午11:20 interview，咁你又幾時見呀？咦，mug呢間學校無課外活動o既咩，但見佢貼出來o既學校生活相又好似有好多活動咁o既

homingm

昨天去了基博參觀，感覺學校環境麻麻地，原來課室已經很細，木台椅擺放很擠迫，三十位小朋友坐埋一齊真係得個迫，但課空仲擺放了很多物件，整個課室我覺得很亂，一點也不整齊，可以給小朋友的空間很少，所以我稔我不會考慮這間。

homingm

Hi! Natung,

我大仔係返全日班，所以佢o既功課會係學校老師督促下完成，放學回家我只係檢查功課，睇睇那些寫得無咁好，所以我會輕鬆好多。

K1上學期只係寫線條練習，但下學期寫o既字已經無虛線，中文字：十土上下山人大天口日田石生木米；數字：1-10；英文：大楷A-Z。每日會有兩樣寫字的，每樣要寫成頁即係30個字，其實對於咁細年紀來講都幾辛苦o架！

除了寫字外，學校亦會有中英數常識o既功課練習，這些練習全日班的小朋友已經係學校完成，但半日班就唔知會唔會係家裡做呢？半日班o既家長相信跟小朋友的功課會辛苦好多  

homingm

Hi! vibianyeung,

兩歲半日班將軍澳唔多，多數私校才會有半日班且學費都會較貴。小童群益會樂智幼兒園(唐明苑)，保護兒童會(尚德村有)，神召會康樂幼中心(尚德)呢幾間都有兩歲班不過就是全日o既，呢d全日班學費與私幼o既半日班o既學費都差不多

homingm

M8, Perrynmon,

你o地收到循道幼稚園的信未呀？我今日都收到通知讀上午班，要11日前去交$550，我而家都心大心細，唔知讀唔讀好，還是讓他繼續係德寶升k1，因為循道始終無西人教英文同埋無phonics學，而呀仔又好鍾意學phonics。真心煩

有無人知道除了循道較好之外，信義會又如何

homingm

請問有幾多人去循道交了留位費？到底循道好還是梁省德好呢？今日去了梁省德參觀，兩位主任都介紹得好詳細，感覺都唔錯，但唔知道兩間的程度如何呢？