SPK PM offer letter

aeropybb

我仔仔噚日都受到 pm offer letter. 但係我真係好十五十六, 因為真係好怕一班得咁少男仔. 担心會對阿仔會有唔好既影响.

有冇人可以俾啲 advice 呢?

aeropybb

多謝各位既 advice.

EChan369, 你意思係我囝囝係spk 讀一年 k1, 跟住 k2 轉去 st joseph? 咁如果唔計一條龍呢個問題, 其實, spk 定 st. jo好啲呢?

babyhilary, 希望你仔仔都入埋, 咁我地可以一齊返學啦. 我囝囝係獨仔, 6 月出世, 唔太又唔細咁. 我冇識人, 今次入到, 我諗係好彩咋.

我噚日同我小學既老師傾計, 想問佢意見. 因為佢係一個好資深既小學教師. 佢話佢覺得係幼稚園少男仔唔會係大問題, 因為佢地年紀仲細, 玩埋係男定女, 佢地唔係太介懷. 反而佢地近多咗女仔, 個人會定啲 tim.

唔知呢, 聽完 miss 咁講, 我又 easy 咗啲. 囝囝而家讀緊衞理堂, 係一條龍. 所以又令我多咗煩惱. 入 spk 就要放棄一條龍. 但係 spk 又好似好過衞理堂喎. 所以煩緊 take 唔 take 呢個 risk 囉.

大家有咩意見呢?

aeropybb

我都明既.

其實係咪如果讀天主教幼稚園就考唔到基督教小學呢 ? 請指教.

layfayette, 又想問, 點解維多利亞你會加分俾佢呢? 因為係雙語?

原帖由 lafayette 於 09-3-5 18:11 發表
男女真係唔係一個重要因素, 因實在太細

呢間係中文幼園, 同其他辦得好的幼園唔會有咩唔同, 如果唔考慮一條龍因素, 實在唔相信三年幼園根基是否就能改變一個人的一生

如果呢間係維多利, 咁會多一d point

不過情意 ...

aeropybb

Babyhilary,

我呢幾日都好發茅咁週圍去攞 opinion, 睇吓係咪女校男生都 ok. 好似你一樣, 終於過到呢一關啦, 跟住就發現我既心水小學, st paul boys 係基督教既. 唉, 咁原先諗住如果 spk 既校長真係會肯幫男生寫 ref letter 既 privilege 又好始冇咗... 個心又開始十五十六囉...

但我諗我都好大機會會揀呢間, 你囝囝收到信之後記住話我知, 等我地相認, 到時一齊返學啦.

My best wishes !

原帖由 BabyHilary 於 09-3-6 11:46 發表
aeropybb,

多謝妳祝福, 我都希望我個仔有幸同你囝囝做同學。
祝你囝囝有個開心幼稚園生活﹗

我心情已經反覆左好多次,
面試前冇期望, 只係想見識下,
但面試後好鍾意間學校,
什至之前憂慮女校男生問題都唸通左,
好希望 ...

aeropybb

Babyhilary: 我地一家三口都冇入教. 我都知 st paul boys 係直資, 佢都收唔少聖公會同聖保羅堂既學生. 我睇返衞理堂上年派位, 都冇人去 st paul boys, 反而 St Paul co-ed 就有三個.

其實點樣可以揾到個間學校喜歡收邊類學生呢? 我都想知 spk 啲男仔多數去咗邊間小學讀.

iantsang : 我都有幫囝囝報聖公會同聖保羅堂, 但係都只係 waiting, 所以都冇行架喇, 咁多人報. 我囝囝唔係大仔, 冇識人, 我同老公亦都唔係舊生, 邊到考到呢. 今次 spk 會收, 除咗好彩之外, 可能亦都因為佢少男仔報, 所以先入到.

唉 ...

原帖由 BabyHilary 於 09-3-6 16:46 發表
aeropybb,

妳有冇宗教信養?
st paul boys係直資/私立or津校?
如果係直資/私立, 可能妳要再做下research,
呢間小學有冇特別鍾意邊間幼稚園學生,
又或者會唔會對基督教幼稚園喜好大d, 再作決定。
不過基督教有好多"會 ...

aeropybb

invitation,

多謝你既意見, 真係好有用. 又大家咁啱都係讀衞理堂. 真架, 係而家呢一刻, 我都真係幾唔捨得衞理堂, 因為覺得啲老師好有愛心. 但聽完你講之後, 又多咗分加俾 spk. 因為培養到自信真係好重要.

想問呢, 咁你覺得 spk 既老師如何呢 ? 會唔會好 harsh?

原來佢地入高主教多... 都係既, 通常會易啲返去同一個宗教. 不過我心水小學係 st paul boys...我老公既意見係佢覺得 spk 出名啲, 咁第時考邊間都應該會著數啲. 但係我就十五十六咁囉.

原帖由 invitation 於 09-3-10 17:01 發表
hi aeropybb,

我個女讀spk前，都係讀衛理堂的pre-n，但我個係囡囡，當然會考慮有直昇機會的spk.　而你個係囝囝，兩間都無分別，小一都係要努力搵學校，而你的目標係直資的話，你要衡量邊間會教得好d，邊間對佢考直資有幫助．以我個人 ...