真假教徒??

BBR

我妹妹係基督教徒10幾年,佢從未間斷星期日返教會,平時星期六都會返教會幫手攪活動,星期一至五間中都要返去,宜家佢兩個小朋友同老公都係,成家人都好鐘意幫人,成日做義工. 但佢無用這樣野黎同個仔報學校.
我有個朋友,個小朋友一出世就plan好返教會拎多5分,返左3年終於如願以償,之後無再返

BBR

但係我又覺得學校的教徒分係比志同道合的人有多5分,如果真係為5分而入教會........當然最後可能佢真係信左教徒故然好,但最後真係係為5分而入,有左分後就唔再信咁........同政府/學校定出黎個原意係米有所出入. 對於我地這些不是教徒但又不屑做出這種行為的大部份媽咪就好唔公平

BBR

其實我覺得有D似用假地址個case一樣,如果係真教徒當然會覺得可能係神用另一個方式令佢地信神,但係我地唔係教徒的身分就覺得人情上你為左個小朋友無咩好講,但道理上就好錯,好似有時會睇到報紙話因為小朋友無野食,個阿媽去supermarket偷野比小朋友食一樣,咁...佢對或錯呢?可能有些父母覺得做假教徒又傷害唔到人(但我覺得其實佢地咁做已經係傷害左某D小朋友)無所謂,但我就過唔到自己個關,我驚我小朋友第時做錯野時會同我講"車!有咩所謂,你以前都係咁騙人啦,重知我咁做個目的都係想件事好,個過程係點無所謂啦,達到目的米得law"咁我真係唔得佢死 .
我體諒到咁做的媽咪,但我唔認同佢地咁做

BBR

咁.....我地係米應該助長這個風氣 ?
對於我,我唔係教徒,雖然好想入某學校,但我過唔到自己個關,亦唔想個女知道佢個學位係咁得返黎,因為我好重視身教,如果真係想入教會,我會係真係想信神而入,目的單純.
對於有媽咪咁做,我可以體諒,因為大家為人父母,但希望佢地明白佢地咁做係"mok"奪緊其他小朋友的權利而得返黎的,難道唔會咁做個D父母就係唔緊張小朋友嗎?唔係批判,係問良心姐

[ 本帖最後由 BBR 於 08-11-26 17:54 編輯 ]

BBR

其實我一D都唔灰,我都好信咩都整定,所以好多野都無所謂,我要做都做左,有幾多學校收個女都無所謂,因為我信上天有安排(雖然唔係你口中的神),不過有人開這個post就走入黎講下,我身邊都有朋友為學校而入教,得到學校後就走人,亦有D真教徒,但品德極之差,有D就好到你唔信,所以我知世界無奇不有 ,我做人原則就係要對得住人,過得良心過得人,咁就每日都咁開心

原帖由 CSW 於 08-11-26 17:53 發表
bbr,

唔好咁睇得咁灰...因為日光之下無新事...此等情況和用假地址等, 均年年發生, 年年有人評論。每人心中的尺不一樣, 我覺得你做什麼, 自己心裏覺得平安便可, 至於別人要做什麼, 到最後, 那條路也是自己選擇的。
...

[ 本帖最後由 BBR 於 08-11-26 18:05 編輯 ]