大坑道真光幼稚園家長請進~

啤梨

Hello,

我囡囡今年9月會入讀大坑道真光幼稚園, 我住o係小西灣, 囡囡依家o係屋苑內既幼稚園讀緊預備班, 各位家長一齊o黎傾o下啦!



**************************************************

幼真班(廖先生)﹕
bb2001 - 仔 - 紅組 - 3號車
Joanna媽媽 - 女 - 藍組 - 5號車

幼光班(戚先生)﹕
啤梨 - 女 - 紅組 - 4號車
ingrid-mama - 女 -  綠組 - 4號車
TinaWu - 女 - 紅組 - 6號車

幼星班(陳先生)﹕
WongCW - 女 - 藍組
Chaumama - 女 - 紅組 - 4號車

幼善班(李先生)﹕
HeheBB - 女 - 藍組 - 5號車


低班﹕
Swan - 女 - 善班(岑先生) - 4號車
Charlotte_mom - 女


小學:
Mrs. Lee - 女 - P1
WongCW - 仔 - P2

啤梨

Hi~ bb2001,

真光幼稚園同小學都係男女校﹐ 中學至係女校呀﹔ 妳囝囝除左真光之外﹐ 重考到邊間幼稚園呀﹖

啤梨

bb2001,
真光中學係女校, 可能好多男仔讀到半路就轉校, 不過真光唔係一條龍上中學, 其實都係派位, 而灣仔區都好多好既中學, 派到好學校既機會應該幾大丫~
本來我都同囡囡報左名考北角衛理堂, 不過開放日去參觀時, 覺得環境有o的侷促, 相比起黎, 我覺得真光環境好o的, 所以最後都無去考到.
聖約瑟我唔係幾清楚啊~

ingrid-mama,
我囡囡都係上午班, 真係可能會同一班喎, 我打算比囡囡坐校車, 我屋苑有站上車, 每朝8:00左右都見到有班真光學生等校車, 不過唔知幾時要留校車位呢? 好唔好打去問

啤梨

ingrid-mama, bb2001 & Mrs Lee

我囡囡依家讀既預備班﹐ 其實同K1差唔多﹐ 都係返9﹕00 am - 12:00 pm, 只係唔駛學寫字﹐ 囡囡之前參加過學校既“創意思維”班﹐ 而最近亦o係灣仔循道衛理報左名返English playgroup(逢星期六上午), 下星期六至上第一堂﹐ 唔知好唔好呢﹖ 另外﹐ 都o係屋企附近搵左畫畫班比囡囡﹐ 不過暫時未有位。

我又問左“小蜜蜂” (小小童軍)﹐ 不過要足4歲至收﹐ 可能明年都會同囡囡報名參加。

妳地都講o下小朋友讀乜o野興趣班丫~

啤梨

Mrs Lee,

妳囡囡升小一﹐ 係咪讀返真光呀﹖

啤梨

Hi~ WongCW,

真光遊藝會當日, 我離遠見到妳呀, 不過實在太多人, 同唔到妳打招呼呀.

第日家長會見~

啤梨

各位真光家長﹕

Reminder:

* 開學前記得剪頭髮。

- 8月28日(星期六)10﹕00 - 12﹕00 係新學年家長座談會﹐ 大家記得出席呀~

- 9月1日 要交6張相片(須穿著整齊校服)﹕背書寫姓名﹐ 編號

- 9月1 - 3日, 9:00 - 11:00 (星期三至五) 幼兒級開學日(親子適應班)﹐ 家長必須陪同子女出席

- 9月6日, 9:00 - 12:00 (星期一) 全校照常上課 (全體學生上課3小時)

我囡囡要坐校車﹐ 所以開學頭3日﹐ 我會陪佢一齊搭校車﹐ 唔知到第4日要囡囡自己一個搭校車﹐ 佢驚唔驚呢﹖ 希望可以順利過渡啦﹗

祝大家都一切順利﹗

  

啤梨

ingrid-mama & WongCW,

8月28日見  

啤梨

bb2001 寫道:
Hello 啤梨，

想問下個家長會知唔知靜係家長去就得架？
另外，啲相要自己係外面影架？
Thanks.

bb2001,

係呀~ 8月28日個家長會係淨係家長去得喇~ 唔駛帶小朋友o架!

啤梨

各位:

我幾日前收到校車乘車證, 妳o地收到未呀?

啤梨

啤梨

Hi~ ingrid-mama,

我想等囡囡返學方面settle左先再考慮同佢報其他興趣班, 我囡囡6/7月o係灣仔循道衛理返英文活動班, 但每次上堂都會同某個小朋友爭拗, 好幾次重搞到未上完堂就喊住要走, 所以8月已經無再報名, 依家只係逢星期五晚o係屋企附近返畫班, 囡囡返畫班都返左幾個月, 我發覺佢o係畫畫方面真係有進步, 以前佢只係o係圖畫紙上亂畫線, 但依家佢可以畫到一個人形公仔, 分到有頭、身體、手腳 & 眼睛

如果遲o下再報English class, 我會睇o下英國文化協會, 或者一D有認可證書既課程; 另外, 我半年前同囡囡報左通利琴行既"親子樂理班", 不過"通利"話報名後通常要等一年以上至有位, 而且亦要小朋友滿3歲10個月至可以讀.

  

啤梨

loklokc 寫道:
請問係咪好少男仔讀?  多唔多英文, 國語學?  睇書介紹好似幾好咁!

Hi~ loklokc,

唔好意思我未答到妳既問題, 因為我囡囡9月1日至返K1.
有無讀緊真光既家長可以回應o下?

啤梨

Hi~ Swan,

Thank you~ thank you~  
妳囡囡係咪9月6日至開學呀﹖

啤梨

Swan,
多謝~ 希望大家都順順利利啦﹗
今日參加左家長會﹐ 之前唔知原來 K2 & K3既家長都參加﹐ 早知約妳傾o下計啦﹗ 我囡囡編左“幼光班”﹐ 班主任係戚老師﹐ 初次接觸感覺幾好。

ingrid-mama,
我o地既囡囡係咪同班同學呀﹖

  

啤梨

ingrid-mama,
原來我地囡囡真係同班同學呀﹐ 我住o係小西灣﹐ 我地應該連校車都係同一條路線(4號)﹐ 真係要相認一o下喎~ 我囡囡編為藍組8號﹐ 妳囡囡呢﹖

Swan,
我囡囡依家越大越似我老公﹐ 好在膚色就似我﹐ 白淨D 下次再有家長會﹐ 我地約埋傾o下啦﹗

bb2001,
妳仔仔編左邊班呀﹖ 會唔會又係同班同學呀﹖

啤梨

ingrid-mama,
係呀~ 我o地一家今日真係十分觸目 ﹐ 我都有留意妳地呀~ 因為杏花村得妳地上車

ingrid-mama, Swan, WongCW﹐ bb2001 & all,
我囡囡脾氣好大﹐ 今日比佢搞到我好 ﹐ 食茶點既時候又心急唔肯祈禱﹐ 又同小朋友爭玩具 ﹐ 唉~ 我奶奶就話囡囡係“蝦”我地﹐ 平時我地兩公婆返左工﹐ 佢又幾聽話喎﹗  我發覺囡囡既情緒好容易波動﹐ 本來好地地﹐ 轉頭又會突然“發難” ﹐ 真係要請教o下老師點樣可以教好佢。  

  

啤梨

Swan & WongCW,
多謝妳地呀﹗ 我尋晚同囡囡o係屋企玩過食茶點﹐ 佢今日食茶點時肯祈禱喇~ 不過佢對返新學校有D緊張﹐ 間中會同我講佢好驚想我抱﹐ 而有幾位老師都分別同我傾過﹐ 其中有一位老師安慰我﹐ 同我講每年新入學都有好多唔同表現既小朋友﹐ 唔係個個都可以坐定定﹐ 叫我唔好將囡囡同其他小朋友比較﹐ 要比較就同自己比較﹐ 睇o下佢有無進步﹐ 聽完老師咁講﹐ 加上囡囡發脾氣時老師都有方法好快平伏到佢心情﹐ 我依家都安心左好多。

chaumama & all,
我囡囡兩日都係坐大既校車﹐ 不過司機就肯定次次不同﹐ 而個保母都講明話唔好認司機or校車﹐ 要認住佢﹐ 因為司機同校車會經常唔同 ﹐ 我最擔心係兩日放學時坐既校車都無安全帶﹐ 而我地今朝問個保母﹐
個保母竟然答 ﹕ 唔係架架車都有安全帶,  唔裝得咁多o架麻﹐  
(另一位爸爸問 ﹕ 落斜時好危險喎~)
保母再答 ﹕ 無安全帶果D, 我會教D小朋友用腳撐住前面   ﹐ 無問題既﹐ 我地做左十幾年  
唔知得小朋友坐既時候﹐ 個保母既服務係咪同呢兩日一樣﹐ 會唔會幫小朋友帶安全帶呢﹖ 行車時會唔會行去後面睇o下D小朋友呢﹖ 真係好擔心﹐ 聽日要同學校反映o下!

啤梨

各位﹕

我整理左大家既資料﹕

幼真班﹕
bb2001 - 仔
Joanna媽媽 - 女 - 藍組 - 5號車

幼光班(戚先生)﹕
啤梨 - 女 - 藍組 - 4號車
ingrid-mama - 女 -  綠組 - 4號車

幼星班﹕
WongCW - 女

低善班(岑先生)﹕
Swan - 女 - 4號車

小學:
Mrs. Lee - 女 - P1
WongCW - 仔 - P2

Chaumama - 女 - 下午 (係邊班呀﹖)

啤梨

Swan, ingrid-mama & all,

校車方面﹐ 我同老公都有諗過冠忠已經做左十幾年﹐ 如果係有問題﹐ 應該唔可以繼續承辦到﹐ 而o係星期五個家長會﹐ 冠忠既代表話大約9月中左右﹐ 每條路線就會安排返同一位司機﹐ 除非架車要做例行檢查或有問題至會作出調動﹐ 希望佢唔係 “沙” 我地啦~   重有﹐ 我地之前以為放學坐既校車無安全帶﹐ 但後來發現原來係有既﹐ 係打橫一條過o個款﹐ 不過冠忠將條安全帶摺埋收o係張椅邊﹐ 跟住我地又問個保母﹐ 佢答話係因為架車有唔同用途﹐ 有時未必需要用安全帶﹐ 所以無放出o黎, 但我覺得既然當時係做緊校車﹐ 就應該放返條安全帶出o黎, 到唔係做校車時﹐ 咪至收返囉﹐ 既然接得做校車﹐就要做返足安全措施至得o架﹐ 呢D野點可以懶o架 :evil:   所以坐左幾日校車﹐ 我地覺得感覺上似坐貨車多D

Mrs. Lee,
多謝妳提點﹐ 我會儘量抽時間出席學校既各項講座&活動﹐ 包括家校團契。
可唔可以講o下妳囡囡o係邊到上英文班呀﹖

WongCW,
好羨慕妳呀~ 仔女返學唔駛坐校車﹐ 妳屋企附近有無“荀”盤出租﹖  

啤梨

Mrs. Lee,
好詳細呀~ 多謝妳分享﹗
    

ingrid-mama & all,
如果時間地點方面夾到﹐ 可以諗o下比小朋友一齊返English course啊

Chaumama,
妳囡囡都係坐4號車﹐ 咁我地應該係街坊喎﹗