會考中文題太「潮」考生「O嘴」

Sindy

我女話都唔知點解,同埋都嚇一跳.....


([url=]星島日報
[/url]報道)[url=]考試及評核局
[/url]在昨天舉行的[url=]會考
[/url]中文科綜合能力考核中，創作「見鬼勿O嘴」、「潛水怕屈機」等潮流用語（潮語），要求考生分析使用這類語言的利弊，遭考生及教師批評，間接推廣粗鄙用語；但亦有學者指出，有關試題可引發學生作批判性思考，知道不該亂用潮語。
　　記者：蔡瑤

　　昨天的會考中文科試卷五，要求考生閱讀兩幅採用潮語製作的宣傳海報，以分析用潮語的利弊；當中一個主題公園的萬聖節廣告，採用「人氣勁熱蒲點」、「小心嚇死異鄉」、「見鬼勿O嘴（張口結舌）；潛水（不露面）怕屈機（打機不夠別人厲害）」、「喪膽喪屍齊喪玩」、「膽小鬼同[url=]心臟病
[/url]人，速閃！」等口號；另一個閱讀獎勵計畫的海報，亦用上「勁吹閱讀風」、「越看越愉快；激賞一千塊」、「數碼達人」（精於數碼的人）等潮語。

　　有關試題隨即引發考生在網上熱列討論，有考生指試題極度新潮，看完後即「O嘴」。中學中文科教師卓淑珍稱，她和部分應屆考生均認為，試卷不應用上這些粗鄙的字眼；於風采中學任教中文科的屈老師亦稱：「較單純的學生根本未接觸過這些粗鄙的字眼，試卷變相在推廣它們。」她補充：「即使是分析這些用語，也可用較文雅的詞句，就如性教育，是否要說得很露骨？」

　　[url=]理工大學
[/url]中文及雙語學系助理教授黃子程則指：「潮流用語隨處也是，不能像鴕鳥般逃避它們，這試題正好讓學生思考該用甚麼態度對待非正統語言，明白這些字詞雖富娛樂性，卻不應用來寫作。」[url=]考評局
[/url]發言人回應稱，有關試題是要求考生分析潮流用語的特點，而非使用它們。

　　網上流傳會考試題外泄

　　此外，有會考生在討論區上批評，昨天的中文科卷三聽力測驗，加插了一段聲音詭異的萬聖節廣告，令他們感到不安及誤以為收音機壞了。

　　另外，網上流傳[url=]旺角
[/url]區一所中學的教師，曾將會考中文科卷一閱讀理解的試題派發予學生，質疑試題外泄；另有考生在網上發起，於下月二及三日穿黑衣應考英文科，抗議中文科卷一試題過於艱深。考評局回應，若考生質疑試題外泄，應向局方提供相關資料，該局會十分重視。

　　八大院校可轉私立大學

　　此外，教育局局長[url=]孫明揚
[/url]日前宣布，○九╱一○學年起將[url=]中一派位
[/url]人數，由目前每班三十八人分兩年調低至三十六及三十四人，他昨日稱，雖然英文中學學額因而縮減，但由於學童人數亦大幅下降，英中的競爭不會較前激烈。

　　他又提到，現時接受大學教育資助委員會資助的院校，即八大院校將來若得到私人捐款，可轉型為私立大學。另孫明揚將陸續與多個中學團體會面，商討教學語言政策微調的細節。

ca-c

睇埋解釋都唔識解，阿女都睇到抓晒頭。

原文章由 20070101 於 08-4-29 00:43 發表
潛水（不露面）怕屈機（打機不夠別人厲害）????
比我去考就fail緊啦 我完全唔明

mimikitty28

亞仔成日講屈機, 但我就唔知點解, 以我理解係咪解用矛招, 因為我個仔成日一路打一路話人好屈

ca-c

其實係唔係要阿女而家開始學吓d潮語呢，以便日後會考嘛!!!!!

原文章由 mimikitty28 於 08-4-29 14:59 發表
亞仔成日講屈機, 但我就唔知點解, 以我理解係咪解用矛招, 因為我個仔成日一路打一路話人好屈

goat

係另一個forum, 即使班潮仔潮女都唔明「見鬼勿O嘴」、「潛水怕屈機」點解wor
考評局真係

一個爸爸

屈機是一個香港及周邊區域所用的遊戲機術語。早期用於遊戲機中心內指對戰中的挑戰者利用一些由遊戲程式作者有意無意間製造出來的漏洞，使玩者在先達到某種條件或進行某行為之下，可輕易地（有點不正常地）達到遊戲內某種目的，從而戰勝被挑戰者。這些漏洞，一向被認為是禁忌招數，在遊戲機中心內的對戰是禁止使用的。

後來，這個詞語漸漸融入香港的流行文化中的俚語，泛指任何使用建制上的漏洞而使事件得以達成的手段，都被統稱為「屈機」。

廣義的「屈機」，是指被強橫方式硬逼，覺得無可反駁，無法還手，譬如遇上明顯比自己強的對手或形勢，毫無招架能力，只好無奈接受。


想知多d...去睇維基百科啦!


http://zh.wikipedia.org/w/index. ... F&variant=zh-tw

bikkibikki512

哈哈 (拍手...) 考評局帶動香港教改!!!

由而家開始, 學生要兩文三語都唔夠, 仲要兩文四語。另外, 考評局為左考試更公平, 因此要拉近傳統學生同新派金毛既考試分數, 佢都好有苦衷, 大家唔好怪佢。

仲有, 由而家開始, 全港老師要再培訓, 學唔識潮語唔應該走去教書, 否則學生點考會考??? 培訓完之後, 一定要攞埋專業資格先至叫做功德完滿。

乜野叫「攞埋專業資格」? 就係老師都要去考會考中文科, 佢地以前考既會考中文科成績早已過時...

judywan

由下學年開始，唔知會唔會加多科"潮語精讀"........

beverly＠mim

死囉，唔睇報紙既解釋，都唔多係唔識解既
我老了

我頭先睇既解釋係：

人氣=好多人去
勁熱=出名
蒲點=地方
小心嚇死異鄉=???玩到現場暴嫳???
O嘴=嚇呀
潛水=失蹤
屈機=???唔識喎
喪膽=大膽
喪屍=鬼怪?
齊喪玩=玩到顛
速閃=快d走
勁吹=鼓吹
激賞=獎賞
數碼達人=又唔識

原文章由 Sindy 於 08-4-27 14:32 發表

「人氣勁熱蒲點」、「小心嚇死異鄉」、「見鬼勿O嘴（張口結舌）；潛水（不露面）怕屈機（打機不夠別人厲害）」、「喪膽喪屍齊喪玩」、「膽小鬼同[url=]心臟病
[/url]人，速閃！」等口號；另一個閱讀獎勵計畫的海報，亦用上「勁吹閱讀風」、「越看越愉快；激賞一千塊」、「數碼達人」（精於數碼的人）

swallowngxx

原文章由 beverly＠mim 於 08-4-30 01:42 發表
死囉，唔睇報紙既解釋，都唔多係唔識解既
我老了

我頭先睇既解釋係：

人氣=好多人去
勁熱=出名
蒲點=地方
小心嚇死異鄉=???玩到現場暴嫳???
O嘴=嚇呀
潛水=失蹤
屈機=???唔識喎
喪膽=大膽
喪屍= ...

咁下年會考會唔會考粗口, 都係地道文化的一種, 怎至考廣普粗口對照.

Charlotte_mom

痴線, 咁都可以用黎考試, 人地份成績用一世架!
下次考埋d日本漢字丫笨! 有病!
(考粗口都可以考慮 )

原文章由 swallowngxx 於 08-4-30 11:55 AM 發表
咁下年會考會唔會考粗口, 都係地道文化的一種, 怎至考廣普粗口對照.

cza

小心英文科會考火星文(網上文字)呀!

Sindy

原文章由 Charlotte_mom 於 08-5-1 13:46 發表
痴線, 咁都可以用黎考試, 人地份成績用一世架!
下次考埋d日本漢字丫笨! 有病!
(考粗口都可以考慮 )

唔係考點解..好似係考有乜意見對呢d潮語......

swallowngxx

原文章由 Sindy 於 08-5-5 18:17 發表


唔係考點解..好似係考有乜意見對呢d潮語......

我時時教仔唔明d野唔好亂講亂俾意見, 如唔明白d潮語點解咁點發表意見, 真係難為了考生.

波子

睇完後自己好 "OUT".
返去問下阿仔知唔知點解先.

tkkmama

出年都唔知會唔會出埋粗口.....

annalaumw

內容:http://www.uwants.com/viewthread.php?tid=6166587

gabrielmum

考評局回應
http://www.hkeaa.edu.hk/doc/2008_04_30_CE_Chi_Paper_5.pdf


因為8，所以上去港台2台聽番個錄音，之後朋友又比我睇題目，先知道真係唔識個10個潮語都可以答到條題目ga wor。

我反而覺得既然唔舉個10個潮語都可以答到，0甘點解考評局0甘多此一舉，以為自己好潮，列晒10個例(衰在仲有錯)去干擾考生生呢？

資料唔正確的確係考評局ge責任，好地地3,4月賣萬聖節廣告係佢地疏忽，但係考生係咪都投訴，小事化大，講到考評局好似欠左佢地0甘就完全係顧客心理，投訴之餘仲影響自己之後作答ge心態，有親0羊唔合自己意就話係對方唔好，0甘似乎係未睇清自己應負ge責任。

作為一個就快進入成人社會ge青少年，睇晒全幅畫面，平心分析，鬧得其所(自己/他人)，先係最重要ge。

[ 本文章最後由 gabrielmum 於 08-5-12 07:37 編輯 ]

gabrielmum

因為聆聽資料都講得幾清楚ge

2008 年 香 港 中 學 會 考 中 國 語 文 卷 三 ( 聽 力 測 驗 ) 、 五
http://search.rthk.org.hk/search/index.php?submitform=1&queryType=arch_radio2&queryStr=

不過，事件都過去，自己靜靜雞聽好la，費事比d小朋友造成壓力。小朋友面對會考壓力真係幾大，考完就唔好再想la。

原文章由 swallowngxx 於 08-5-6 08:51 發表

我時時教仔唔明d野唔好亂講亂俾意見, 如唔明白d潮語點解咁點發表意見, 真係難為了考生.

[ 本文章最後由 gabrielmum 於 08-5-12 07:37 編輯 ]