鋼琴老師原來對孩子的影響好大好

kam825

我係一個鋼琴老師, 非常認同你的講法~
當我初初o係琴行教琴o既時候, 我都遇到過1個非常內向o既學生, 而另一個有閱讀障礙的。
o個個內向o既女仔其實都幾有音樂天份, 係懶o左o的........另一個有閱讀障礙的男仔其實唔鍾意音樂的, 不過佢媽媽係都要佢學, 因為呢個男仔, 我比琴行鬧過....(事緣初初教佢, 知佢唔鍾意學琴, 我就o係本琴簿同佢媽咪講"佢唔鍾意學琴喎, 上堂o個陣好唔開心, 不如暫停一下, 比佢試下學畫畫啦(佢好鍾意畫畫的)", 點知佢媽咪就打比琴行, 話我寫低o左呢o的o野.....跟住琴行老細就鬧我喇....又話o的學生係屬於琴行o既, 我無權叫佢地唔好學.......咁我解釋話係個學生根本都唔鍾意, 次次上堂一叫佢彈琴就眼濕濕咁.......講到我都眼濕濕......點知個老細話"個個細路都唔鍾意讀書o家啦, 咁佢地使唔使返學呀?".....唉.......我都費事同佢嘈.....但係我簽左兩年約, 如果我唔做要陪返$20,000的......所以都係繼續做..........)
兩年後o個個非常內向的女仔, 由問佢o野問幾次佢都唔答, 只係點頭同擰頭,  到到最後一堂佢識得話"唔該哂, 下個星期見丫~"(我無同佢講係最後一堂, 我驚我忍唔住喊......)
而個閱讀障礙男仔呢, 因為佢媽媽死都要佢考埋四級先肯放過佢(我接手教佢o個陣o岩o岩考左2級.....個考官唔比分佢.....琴行話要補考2級, 仲要報o左先話我聽.....跟住同佢操....都總算合格.....唉.....不過我又辛苦, 佢又辛苦....), 跟住個學生求我比佢考4級, 我話跟本無可能, 佢話考唔考到都唔緊要, 只係要比個交代佢媽咪......咁我又心軟, 見o個年4級o的考試歌又唔太難, 就比佢考, 同佢操o左年半, 其間都有彈o下o的簡單流行曲, 比個動力佢練下琴, 好好彩又比佢pass左.....佢仲有冇學琴我就唔知lu, 因為收到佢成績o既時侯,我都無o係o個間琴行做lu.....

哎呀~~講講下講o左咁多o野添.....
原本剩係想講我都曾經教過一個好內向o既小朋友........不過我都唔知點解佢會一路一路變到外向左......

其實我自己細個都係好內向的, o的老師問親我o野, 就算識都唔知點解唔敢答......又唔敢叫人......又好驚比人望住........而家大個左, 無端端發現已經改變左, 都唔知點解o既??