教統局-“嚴查”和 "嚴懲”虛報地址, 特別是 41校網

easybring

掉轉頭諗: 如果我買左間41網屋(發緊夢), 租出去畀人, 冇電費/水費單, 但我又打算抽41網, 若抽中第一志願先收番間屋住, 唔得咩?

你係唔係講呢句呀? 我呢個問題"唔得咩?", 其實個個都識答, 係可以抽, 我只想反問大家, 我用合理租金租一個地址, 可以搬入去, 但唔搬, 算唔算假地址? (教統話唔得) 如我買一間屋, 可以搬入去, 但唔搬, 可唔可以抽? (係人都知可以啦) 你唔覺有conflict?  我有好多錢, 全港各區都有樓收租, 邊到先係我既residential address? (邊到都得)  

原文章由 jk67jk 於 08-1-10 17:29 發表


我唔係同你講抽籤。 我係講乜, 你知嘅！ 你舉錯 case, 哩個 case 唔成立。   (我明你講乜)

easybring

我都知你係路人甲.  我都係想攪清楚自己既理解!  其實我有母校back up 唔洗抽(如幾年後d rules冇變)+小囡唔係今年考小一. (都係路人)

[ 本文章最後由 easybring 於 08-1-10 17:49 編輯 ]

TANGMOOMOO

Agree :evil:

原文章由 puzzledmama 於 08-1-10 10:47 發表
容我"涼薄"d講句--"應有此報"!
大家知唔知名校集中地41區及12區校網的租金/樓價係幾咁貴, 果d父母,不論買或租樓, 係貨真價實同真金白銀去付出, 去籌謀, 身體力行地去為子女的學業努力!  姑勿論呢個派位制度 ...

Childhood

其實那些去菲律賓旅行, 順路入去其中一間教堂就可以受浸, 之後参加自行分配學位就加5分, 應該有部份人用這途徑在第一輪入咗, 聖誕前巳開香賓興祝, 依家重駛乜係呢到同大家吹水!
你地話這種人是否更加好惡!
教育局是否要“嚴查”和 "嚴懲”呢?

Uncle-DOS

Quote from 九龍城區議會
第二十二次會議記錄
日 期︰ 2007 年5 月23 日(星期三)

4. 黃以謙議員指出他在本年一月的區議會會議，已提出現時以
- 4 -
假地址申請小一派位的情況令人憂慮。這些不當行為如此猖獗的其中
一個原因，源於政府沒有正視問題所在，讓人感到即使被揭發，也不
會被重罰，只需放棄已入讀的小一學位便可了事。他請黃常任秘書長
參考席上文件第1A 號所載的數據， 以了解41 校網內估計只有5 百
多名5 歲適齡入讀小一的兒童，卻出現收取千多名小一新生的不尋常
情況。有家長更對他透露，坊間甚至有人公然收取費用為家長提供假
地址申請小一學位的服務。為了堵塞現時的漏洞， 他建議︰
(一) 小一入學申請表上加上聲明，使家長簽署後有等同於宣誓的
責任；
(二) 以租約或樓房按揭契約作為住址證明；
(三) 以多個公共事業所發出的單據或以一年以上的水費或電費
單作為住址證明； 及
(四) 教統局應加強抽查申請人的工作並對違規者作出檢控。

KY

應該去平等機會委員會

原文章由 QQ吉吉 於 08-1-11 10:23 發表
我曾經去信反對機制將信仰 (宗教分) 納入小一入學劃分準則之一, 但教局回覆係: " 現行的小一入學統籌辦法（包括計分辦法）是教育統籌委員會經廣泛諮詢公眾後所建議，並於二○○二／○三學年小一入學開始實施。整體來說，現行的 ...

irenec

今年我真係識有個家長收到教統局封信 (佢報 12 net), 教統局要佢進一步証明住址之外, 仲要佢帶埋小朋友現就讀幼稚園嘅學生手册去教統局接見添, 佢囝囝學校內 (將軍澳) 仲唔止佢一個係咁, 有幾個家長都係咁樣, 班家長都話可能係 "幼稚園嘅學卷制" 嘅資料查到都唔出奇！唯有面對現實啦！

nabi

""大家知唔知名校集中地41區及12區校網的租金/樓價係幾咁貴, 果d父母,不論買或租樓, 係貨真價實同真金白銀去付出, 去籌謀, 身體力行地去為子女的學業努力!  姑勿論呢個派位制度合唔合理, 但呢d父母真係為仔女辛苦地付出代價, 係應該受到公平對待!
我個人覺得那些借人地址報學校的人, 就好似佔人便宜, 或排隊打尖, 或買老翻侵犯別人知識產權一樣, 不值得受到同情, 教署應加大力度打擊呢d人, 如有人知道其他人"出貓", 不公平的參加這個派位制度, 請立即通知教署! ""


True!

KinKin_Mama

非常贊成

vic6

原文章由 irenec 於 08-1-11 22:41 發表
今年我真係識有個家長收到教統局封信 (佢報 12 net), 教統局要佢進一步証明住址之外, 仲要佢帶埋小朋友現就讀幼稚園嘅學生手册去教統局接見添, 佢囝囝學校內 (將軍澳) 仲唔止佢一個係咁, 有幾個家長都係咁樣, 班家長 ...

irenec,
嘩,今年咁嚴!! 咁過唔過到關呀? 往年無咁既嘢嗎?

vic6

原文章由 nabi 於 08-1-13 13:50 發表
""大家知唔知名校集中地41區及12區校網的租金/樓價係幾咁貴, 果d父母,不論買或租樓, 係貨真價實同真金白銀去付出, 去籌謀, 身體力行地去為子女的學業努力!  姑勿論呢個派位制度合唔合理, 但呢d父母真係為仔女辛苦地 ...

i agree.
最初有朋友都叫我咁做,但我會覺得若教下一代咁做,對小朋友同自己都唔o岩...所以我便安心好多....因良心無唔舒服. 而主亦會知道我們行的路是正確的.

vic6

原文章由 overview 於 08-1-10 10:55 發表
如果喇沙同瑪利諾係黃大仙區就好啦 起碼唔一定係有錢人先有權利選擇此學校

呢個制度一d都唔公平, 應該將所有schools一齊抽, 點解一定要住九龍塘/九龍城先有資格讀?

不過我好相信係2012年前呢d名校都要 ...

名校會轉做私校/直資,其實都大有可能, 同質素亦可以有如!!!

annienorman

唉!諗深一層,其實呢個唔係家長嘅錯,係政府嘅錯!政策嘅錯!

[ 本文章最後由 annienorman 於 08-1-14 06:29 編輯 ]

elok

我就覺得 "升小一"的制度好公平, 每個人都有自己的優勢, 每個父母都有自己畢業的學校, 只是個 d學校係咪你想choice! 宗教分都好應該, 本身間學校真是有宗教, 當然如家長都是有同一宗教, 係教學會上對小朋友更好, 正如要認同教學理念一樣.如沒有宗教的, 可選官校, 咁咪公平, 只是這些官校係咪你想choice!

個個人都只想choice 個幾間名校.全港有咁多升小生.跟本就冇可能, 如果改制度唔洗分區, 咪仲衰.一陣派去好遠.到時結果都一係樣.

好似我自己, 我媽媽係41區, 我自己住馬鞍山.我都唔用媽媽地址, 一來怕比人查, 因我都會考私校的.如用假地址就連考直資/私校時都要一致.唔通教個女講大話? 而我自己亦肯定唔會要馬鞍山的學校.我是今年的.自行這次我選了有宗教分的, 但都是唔得, 我而家等6月時跨網得唔得, 如唔得就讀私校!!

讀私校要交學費, 這是我的付出!!正=為考名校而搬出名校網一樣, 佢地都付出了, 所以我覺得"嚴查"和"嚴懲"虛報地址是非常正確.唔好覺得"名律校要$$住個區先可以讀". 正=搵工一樣, 人地要求大學的, 自己冇, 唔通又話人唔公平?!

[ 本文章最後由 elok 於 08-1-14 08:29 編輯 ]

JVC2002

原文章由 Childhood 於 08-1-10 22:13 發表
其實那些去菲律賓旅行, 順路入去其中一間教堂就可以受浸, 之後参加自行分配學位就加5分, 應該有部份人用這途徑在第一輪入咗, 聖誕前巳開香賓興祝, 依家重駛乜係呢到同大家吹水!
你地話這種人是否更加好惡!
...

AGREE Doing those things, Can't be a good model for
our children....To teach our children to tell a lie & not
respect the religion.

irenec

我朋友都有去教統局, 但對方唔接受佢嘅解釋, 最終都要放棄 12 net 囉！

原文章由 vic6 於 08-1-14 02:33 發表
irenec,
嘩,今年咁嚴!! 咁過唔過到關呀? 往年無咁既嘢嗎?

puzzledmama

非常同意!
為公平,亦請將涉嫌"出猫"借人地址的個案, 將獲派的小學名稱及學生/家長姓名...等通知教育局, 以作跟進!一定有回應的!
途徑如下:

1) 電郵至[email protected]
2) 上這條link 直接提供資料:
http://www.edb.gov.hk/index.aspx?langno=2&nodeid=2176
3) 致電教育局學位分配組,
電話:2832 7700/ 2832 7740

原文章由 elok 於 08-1-14 08:26 發表
我就覺得 "升小一"的制度好公平, 每個人都有自己的優勢, 每個父母都有自己畢業的學校, 只是個 d學校係咪你想choice! 宗教分都好應該, 本身間學校真是有宗教, 當然如家長都是有同一宗教, 係教學會上對小朋友更好, 正 ...

[ 本文章最後由 puzzledmama 於 08-1-14 16:17 編輯 ]

瑩瑩老豆

唉! 明明自己做錯, 卻話係人地錯....

原文章由 annienorman 於 08-1-14 06:28 發表
唉!諗深一層,其實呢個唔係家長嘅錯,係政府嘅錯!政策嘅錯!