你地覺得廸士尼美語值唔值得買呢!!

奶粉妹

我都有買dwe,小朋友都用得好好.
當初有朋友都問我想唔想買佢套2手.因為佢個女已經畢左業.
但我最終都無買到.因為我有2個小朋友,計過條數都叫化算.
係...有供有求係無錯.但可能係d家長買2手之前唔知道有咩分別.(當初我都唔知).
因為用呢套教材都好煩復.我真係上埋首部曲之後仲要打去教育顧問熱線問過幾次,先可以初部掌握到.因為又story,story book,又CD,DVD.原來已經分別好大.用既方法又好唔同.
同埋初用年紀較細既小朋友,真係成日整爛d書,係會員就無限次換.
如果買2手,咁緊係錫住本書用.咁好難話放晒出離由得個小朋友去睇.(因為實有機會爛,我都換唔少)
定期有活動參加,我小朋友都參加過2次,暑假有遊學團.唔係會員又唔可以參加.
電話美語,會員登記左,可以由美語姐姐/哥哥打電話比小朋友唱歌仔或者傾計.

我覺得disney咁貴一套教材,推出得又點會死錯人.
佢地一定做d野去保障自己.謝絕2手市場.
好似我咁,買左1年多,又加左step by step同百料全書.
我又買左.但佢地好識做生意,唔係會員唔可以分part買.
即係必須買左套dwe先可以買其他教材.

可能之前既媽媽語氣上令大家誤會左.
咁買2手當然無罪,不過我係用家覺得套教材係硬件上係無分別.但如果我唔講以上既會員可享有既權利,根本買家就唔知.
相反如果買家一早清楚知道買2手,係唔可以享有以上既野,而佢又願意買,我覺得一d問題都無.買賣雙方願意就得嘞.