我的孩子評為邊緣讀寫障礙

yuki123lam

montery,

其實會唔會因為小肌肉比較弱既問題所影響 ?? 有冇 "職業治療師" 同妳小朋友評估過 ? 因為我仔仔幾個禮拜前係沙田尤德見過職業治療師評估過, 因為仔仔左右手各 3 隻手指發展比較差, 只有 5 歲甘上下力度, 仔仔依家已經 7 歲半. 所以呢點都可以令到小朋友寫字慢既原因.

我仔仔同妳小朋友問題都差唔多, 佢好用心寫字, 但係 d 字好核突, 好大隻, 小一下學期開始, d 中文, 英文字大部份時間都出界, 同埋寫得好慢, 同齡一分鐘寫 10 個字, 仔仔只係寫到 5 至 6 個到, 筆劃全部錯晒, 最慘係讀字方面都係好慢...............好多時見到個 "橙" 字讀左 "燈"...... "報告" 讀左 "告訴".... 等等, 所以佢中文讀本成績好差, 但係評估中心只係轉介左仔仔去醫院排期接受職業治療    

yuki123lam

貓大姐,

點解妳要排期甘耐     我排左 4 個月咋 ! 我同妳好似都係同區架    

yuki123lam

yywhk,

我想知道多 d "讀寫樂" 既資料, 請問可以係邊度睇到呀    

yuki123lam

yywhk ,

唔該晒妳, 妳 d 資料真係好有用  

仲有希望妳叩門成功喇     今年好似容易左好多, 因為我好多朋友叩門都成功, 唔好放棄呀, 我上年叩門叩到開學前一個禮拜呀, 好彩最後都成功  :

我仔仔冇證實係 "讀寫障礙", 不過份評估報告 mark 住讀寫障礙測驗 "一般(較弱)", 所以學校社工方面應該唔會點理我   因為之前都同學校社工接觸過, 佢地話太多小朋友 waiting list, 所以佢地會按嚴重性 (好似打人, 隨意走出位, 情緒問題等等 ) 先去處理.........

其實 ~ 星願小王子 or 星願外傅有咩唔同, 我去過佢地個 web-site, 好似係兩種唔同既野, 如果我要買, 係咪要兩套都買        

yuki123lam

yywhk

其實我都認同妳既講法, 只係幾個鐘頭入面既評估唔可以代表 D 咩, 我都係以參考態度去睇, 因為最了解小朋友應該係自己, 評估完之後, 其實評估中心已經寄左份 report 去學校, 學校方面都有同仔仔開左個 file, 因為仔仔既問題原來係小肌肉同手眼協調方面, 所以寫字好多時都好大隻, 大部份寫 d 字都係出界, 每日寫手冊, 做功課對佢野講已經好辛苦, 因為佢寫字比其他人慢, 再加上佢認讀中文都好慢, d 筆順又錯晒, 所以學校方面同我傾過, 暫時只會 mark 底個 record, 最多唔會因為佢寫字比較特別而扣佢分數.

我都唔期望學校方面會有 d 咩資料會提供俾我喇 ! 橫掂都係無了期甘等, 不如我自己行動去幫下仔仔好過, 趁住暑假, 可以多 d 時間幫下佢, 我會俾 "星願外傳" 同 "星願小王子" 佢玩下先, 睇下成果好唔好, 好似遲 d 繼 "星願小王子" 之後會推出多一個新產品, 到時有消息再互相交流一下, 因為我家姐都係係小學工作, 所以我會從佢方面取多少少資料.

其實成績方面我依家都覺得唔係太緊要喇 ! 最緊要令到小朋友本身建立番個自信心, 我覺得呢樣好緊要 ( 因為仔仔開始介意同學話佢 d 字好核突 )

我地大家都要努力呀     唔好因為少少野就放棄呀 !  

yuki123lam

yywhk,

真係好佩服妳, 妳仔仔有妳呢個媽咪真係好幸福呀   妳為妳仔仔真係付出左好多好多..........呢樣我真係要好好甘向妳學習一下喇, 呢幾日從妳身上真係學到好多野, 真係要衷心講句 ~ ~ Thanks   

yuki123lam

yywhk

:loveliness: 我都想知多 d 呀, 妳有時間再 post 多少少指教一下我地喇 !


我想問下...... 俾小朋友學體操 ~ ~ 可唔可以幫助小肌肉方面 & 手眼協調 ??

yuki123lam

yywhk,

我都想知多少少呀, 如果妳有時間再 post 出來指教一下我地呀

我仲想問下 , 如果俾小朋友學體操, 對小肌肉方面同埋手眼協調有冇幫助呢 ??

yuki123lam

yywhk,

  我仲以為 "體操" 對小肌肉可能有 d 幫助 tim..... 因為仔仔排左 9 月先到威院見 "職業治療師", 所以暫時都唔知做 d 咩先可以幫佢手眼協調, 小肌肉方面等等..........我想趁今個暑期幫下仔仔先, 俾妳提一提真係諗起, 仔仔剪紙方面唔係好好, 畫畫都成日出界, 睇怕我都係同佢係呢方面著手先, 下一步同佢報 d 球類 course, thanks !

yuki123lam

原文章由 yywhk 於 07-7-4 09:01 發表
yuki123lam,

如果我冇搞錯,體操應該係訓練大肌肉,手腳同身體各部份協調多d. 眼手協調最好係應該係球類,我o既首選係乒乓球,羽毛球同網球 (對眼要追住個波,然後用手控制球拍去打).....

小肌肉訓練其實唔多& ...

yuki123lam

yywhk

恭喜晒呀 !! 咪等埋第一志願睇下點先 law, 我上年都係甘之嘛

yuki123lam

原文章由 yywhk 於 07-7-5 22:29 發表
Dear all,

好心有好報呀! 細囡今日confirm叩門ok, 註埋冊嘞,係我地o既第二志願....好開心呀!忍唔住都想同你地分享埋呀!!!!

不過.......仲想等埋第一志願.....係咪好貪心?????

yuki123lam

rubytang,

其實學校方面俾妳仔仔去加強輔導班我覺得係一件好事, 一班得 10 個人左右, 老師又可以集中教 d 小朋友, 妳仔仔吸收都會快 d 喇, 慢慢成績好 d , 自信心都會有所增加, 好過勉強繼續落去都冇意思架

會唔會 Label 左個小朋友.........就真係兩睇喇 ! 不過妳覺得介意人地點睇妳小朋友呀...........定係想小朋友可以得到適當既安排甘慢慢進步呢 ?

yuki123lam

yywhk,

我上年去左 3 間小學取回小一註冊證, 有 d 校長主動同我傾計, 留我, 有 d 都有俾面色我睇, 問點解, 轉左去邊間小學等等先俾番我,  開學之後既手續都應該係一樣, 不過要寫多一封 "退學信" law, 我上年都係臨開學前一個禮拜先叩門成功, 為左入呢間心儀小學, 我前後用左一年時間, 不繼寄信俾校長等等..........希望妳都可以成功入第一志願既小學喇 ! 本來我諗住小二同仔仔試下轉去一間都係我心儀既直資小學度讀書, 因為活動教學, 有 d 似國際學校 feeel, 不過仔仔今次考試退步左好多, 所以機會都幾微下............

yuki123lam

原文章由 yywhk 於 07-7-6 13:27 發表
Dear all,

多謝大家回應, 我真係好開心.. ...起碼而家去旅行都唔駛咁心掛掛......第一志願我都一定會等, 但睇怕等到開學後都未定........不過我都係會笑住:loveliness: 咁等....唔駛:f ...

yuki123lam

我都想知道個 d 記憶班資料呀, 我聽講好似好好甘, 但係市面大多, 唔知應該擇邊間先好, 有冇好介紹呀 ??

我仔仔今日都派左成績表喇, 不過我要收工先睇到, 預左佢俾之前退步左好多 (因為考試成績差左好多), 不過最慘係, 佢學校都係唔會原班直升小二, 分開晒 d 同學仔, 阿仔好唔開心, 真係有 d 擔心佢二年級又要從新適應, 因為佢 d 社交能力好差............ 最慘係升上二年級同班有兩個出左名打人既同學, 點算 阿仔一年級已經俾同學打過, 社工都有同佢做過心理輔導 (睇下佢心靈有冇受影響), 因為個次都幾大年事, 我真係好擔心呀 點解佢間學校有甘既安排架 :cry: :cry: :cry:

yuki123lam

原文章由 phoebelamlam 於 07-7-12 13:34 發表



我孖女都派左成績表啦~~~

大孖有出奇地好呀~~~~~

佢由89名去到66名(全級108人)

平均分都合格,仲有一科可以攞到100分(係英文說話呀)

細孖就差D,主科全部肥佬,唔係主科布有兩科合格,

...

yuki123lam

hello, 好耐冇係度 talk 喇 !

上個禮拜終於去左見職業治療師, 証實阿仔唔算係讀障, 不過都唔好得去邊架喇, 因為佢係 "視覺空間" 出現左問題, 所以寫字好核突, 永遠出界, 抄寫對佢好有困難, 所以佢抄手冊我永遠唔知佢寫咩, 寫一個中文字要望 5 ~ 6 次先可以寫到............

妳地有冇試過依家好多個 d "記憶班" 呀, 我想俾阿仔試下, 但係太多, 唔知點擇, 妳地有冇提議呀

yuki123lam

ccaa,

其實我之前已經係評估中心 TEST 晒所有野, 發現佢小肌肉唔得, 寫字方面有問題, 評估中心個邊已經 CLOSE 左個 FILE, 轉介左我去醫院見職業治療師, 出來個結果話佢 "視覺空間" 某部份出現問題, 我係其它 topic 問過 bk 媽咪, 佢地都有解釋俾我知咩係 "視覺空間" 有問題, 真係同讀障好相似.........攪到我都好亂, 都唔知究竟係邊度有問題甘............. 不過醫院方面安排 10 月中有 10 堂 course 俾仔仔上, 好似係訓練大小肌肉, 感統方面所有野, 完成 course 之後醫院方面會再同仔仔做多一次評估..............

原文章由 ccaa 於 07-8-20 11:24 發表



YUKI123LAM< 你係咪係政府做架，　我果時都係係政府做，　職業自療師都係同你一樣講我女無讀寫問題，（其實後來我明白佢意思係評估我地小朋友肌肉對讀寫有無障礙）　因為最後我都重係要見一次讀書專家，　 ...

yuki123lam

阿仔俾學校份 report 寫佢唔係讀障, 所以我都好難希望學校方面會對仔仔有 d 咩幫助........

職業治療師叫我同學校方面講, 睇下可唔可以將佢本手冊入面 d 格全部放大, 因為一本正常手冊佢係冇可能會抄寫得到, 同埋所有功課 d 格都要係頂部畫多一條俾佢, 真係唔知點算, 九月開學就小二, 到時都唔知學校方面會點, 再加上仔仔寫字超慢, 真係好擔心 !!

yuki123lam

原文章由 rubytang 於 07-8-20 14:48 發表


hi, yuki~
我囝同你亞囝都係同樣問題喎~
咁你依家有無安排佢去上d咩野訓練班咁呀~
我囝永遠都唔洗旨意佢抄到黑板呀~
佢個老師話, 次次都係佢幫我仔抄落簿架~
依家佢上左果個感統訓練班之後, 好似好左少 ...