我的孩子評為邊緣讀寫障礙

montery

由於小女上小一時,老師話她寫字慢,人家比她差的, 一兩個月都有進步, 但她毫無進展. 於是叫我去查一下是否學習障礙, 智商是否低了點, 那時候真的不相信女兒會是這樣子, 於是, 去年10月, 請醫生寫紙去中九龍, 排期至07年6月時才做了一次評估, IQ正常, 語言能力比寫字能力好, 只是過度不專心, 讀寫方面, 快讀剛巧7分, 默寫6.87分, 根據他們的標準, 7分樓下就是讀障, 於是, 給我一大堆機構名字,那些特別專為讀障而設的英文拼音班, 要$200/時, 整個COURSE要42小時, 平日上課, 我又要上班,得我一個人照顧佢,難道要我父母每天走來走去嗎?
我又不明, 佢是踏邊, 又不是嚴重的, 如果這些課程是為學障的, 對佢會否SERIOUS了?  不知道過多一年, 好不好再評估多一次?因為我女眼睛有問題, 排了期在理工做一次是否眼睛問題, 看不清楚,令至手眼不協調, 總之, 我甚麼地方也會同佢去, 我真的不知, 讀障可以點幫佢?

貓大姐

我個女都係 (9月升小三), 小一時已經排期, 今年 4月先做評估.....

你都好, 有課程上, 我咩都冇, 只係比左一大堆資料, 叫我出去找 坊間的機構      

yywhk

唔好太擔心, 我囝囝兩年前都有咁o既問題,但而家我覺得佢都算應付得好好......仲叻過好多冇問題o既同學添!

我覺得早發現好過遲發現,大部份學校都唔會提供好多額外資源,我囝囝間學校都係考試俾d調息佢,但我地冇用到,父母o既支持同支援係最重要架! 小一小二d功課都未算好多,咁就要下多d苦功同時間幫吓佢嘞!

montery

yywhk,

多謝你的分享. 我可能有點緊張, 所以, 我打算用這個暑假跟佢伴謮, 玩拼字等, 希望升小二後會好一點. 是呢, 你同囝囝怎樣克服的? 我見女兒派了成績單回來, 只跟我說:[媽咪, 對不起, 又是這樣的分數. 你原諒我吧.]
我看了分紙, 全部用口語的都滿分, 要寫的只有廿多分,默書.... 更加不用說, 她又說:那天我在學校喊, 因為我默不到.  所以我也沒再說甚麼, 只是說 : 小妹妹比上一次進步了3分, 一定是先做了識做的問題, 不識的跳到最後了.
她聽後,笑著點頭, 我在問自己, 是否太多壓力給她, 是否她真的做不到, 還是我該給她多一點時間?等她適應了再說.

yywhk

montery,

你囡囡咁識諗又好乖,你同佢都唔好為一時o既分數唔開心,佢肯努力,我信佢一定可以某程度上克服,但你唔好太樂觀諗住佢可以完全克服,我覺得始終點都係會有小小瑕疵架......不過我都好滿足好滿足lu...... :

如果你唔介意,我個經歷都幾長.....坦白講,我囝囝真係算好好彩,佢情況比較特別,英文好好,好到可以唔温書都有八九十分,但中文就......好努力温都頂多係七八十分......咁我當時係集中火力温中文咋...佢小一時成日寫錯字,連個"花"字(k2 學咗寫咗, k3默過晒)响課外讀默都寫錯......仲有"狗爪邊"同"剔手邊"成日撈亂晒....等等..抄寫又慢,抄一個生字佢幾乎寫一筆望一筆.......都仲要抄錯, 抄一行生字,又可以寫寫吓甩咗d筆劃,第一個字同最尾個字時時都係唔同樣o既, ,我係全職媽媽,亦有工人幫手,但為咗要教佢認字寫,都死咗唔少細胞,同喊過....   

話說佢k3時,我都已經sense到佢有d唔係好妥,因佢好有心機想寫靚字,但始終d字都係好醜樣,亦有左右部份掉轉,上下部份掉轉等,但因為佢其他方面都好好,即使我懷疑佢係有讀寫問題,但連老師校長都以為佢係小肌肉發展較慢,叫我留意但唔駛佢評估住...

未被評時,,因為佢短期記性超好,d字温好晒第二日默都啱得七七八八 (幼稚園咪冇問題,)但到咗小學,學校默完書過一兩日要佢寫,作句之類,佢又會寫錯甚至完全冇印象.
不過當時因我一早有懷疑,所以已經開始留意教讀寫障礙認字,記字d方法.....所以小一一開波我已經係當佢讀障咁用一個個故事教佢認字......真係幾乎一個生字作一個故仔幫佢記咁滯 .......(好在我作故仔好叻 )

而我自己亦一路留意住呢方面資料同不斷上d課程了解多d,係一開學冇耐個中文科老師同我傾開小朋友進度而同我講小朋友會唔會係讀障架.... 咁我即時開始排期,都等到小一下學期,佢先有機會接受大口環初步評估,係懷疑個案,醫管局將個case refer俾教統局,同知會學校,於是校方社工開file跟進,社工亦俾咗一份"讀寫樂"同一d幫助讀障o既電腦software俾佢玩吓咁.....另外亦教我用每日默十個生字o既方法......

.......續

yuki123lam

montery,

其實會唔會因為小肌肉比較弱既問題所影響 ?? 有冇 "職業治療師" 同妳小朋友評估過 ? 因為我仔仔幾個禮拜前係沙田尤德見過職業治療師評估過, 因為仔仔左右手各 3 隻手指發展比較差, 只有 5 歲甘上下力度, 仔仔依家已經 7 歲半. 所以呢點都可以令到小朋友寫字慢既原因.

我仔仔同妳小朋友問題都差唔多, 佢好用心寫字, 但係 d 字好核突, 好大隻, 小一下學期開始, d 中文, 英文字大部份時間都出界, 同埋寫得好慢, 同齡一分鐘寫 10 個字, 仔仔只係寫到 5 至 6 個到, 筆劃全部錯晒, 最慘係讀字方面都係好慢...............好多時見到個 "橙" 字讀左 "燈"...... "報告" 讀左 "告訴".... 等等, 所以佢中文讀本成績好差, 但係評估中心只係轉介左仔仔去醫院排期接受職業治療    

yuki123lam

貓大姐,

點解妳要排期甘耐     我排左 4 個月咋 ! 我同妳好似都係同區架    

yywhk

      

我下晝打咗一大堆嘢......點知一時錯手,按多咗吓backspace......冇晒呀....................好慘......即管再打多次啦........但冇晒心機同好大陰影呀.......


........續上:

當囝囝開始用每日重覆默十個生字呢個方法同認識咗讀寫樂入面教o既"形符"同"聲符"之後,佢慢慢開始有dd改善,社工亦有提我,寫俾佢o既改正d字頭要用顏色筆去"突顯"佢錯咗o既筆劃應該係點寫,等佢唔駛嘥時間同精神去辨別錯咗d咩.當時我同囝囝講,知道佢學中文學得好吃力,所以媽媽去學d特別方法等佢學得輕鬆少少,佢好受落,好合作.

過咗兩個月左右,同佢温中文默書我都覺輕鬆咗,唔一定要用故仔幫佢記,可能佢英文好,佢好buy "形符""聲符"呢一套,有時我提一提佢...."記唔記得個形符/聲符"呀...咁佢好多時就會有d印象點寫....但到咗正式評估,佢o既報告都係話佢係 marginal dyslexia 同 gifted.  

我同老公商量後,決定將佢讀障嗰部份詳細解釋俾囝囝知,但另外嗰部份,就輕輕帶過,話專家都覺佢係好聰明....我地兩夫婦係好serious咁同囝囝討論架.....表示爹o地媽咪會全力支持佢打呢場仗,又好有信心佢可以克服呢個困難,仲同佢商量埋學校俾佢考試o既調息(加時/放大試卷/重組字句唔需要成句抄淨寫次序之類),問佢自己想唔想接受,我地係同佢分析要同唔要o既利弊,同埋俾佢知我地o既想法,但最後係會尊重佢o既選擇囉.......好在佢都揀唔用.....

我地本來對佢o既期望係好高,預佢科科都攞到9x分架....但我都同佢講,知佢o既困難,所以所有用中文o既科暫時降低要求到8x分,但我地都有信心,佢遲早d中文一定會追番上去......

........待續..........

yuki123lam

yywhk,

我想知道多 d "讀寫樂" 既資料, 請問可以係邊度睇到呀    

yywhk

yuki123lam,

今日忙住一早同細囡去學校開小一家長會,好忙又冇乜心機(間學校係幾好,但唔係第一二志願,我仲係叩緊門).....尋日又打打吓冇晒.....

Anyway,學校社工第一份俾我地o既資料叫"讀寫樂",係教統局(?定係教署?)專門出版俾學校(應該每間學校最少有一個copy),俾d有讀障o既小朋友用,免費借,(仲好似係冇copyright,可以影印o既),另外學校借過一d光碟好似係叫"文字國"咁,係d電腦遊戲(社工又係叫我方便可以抄番套俾自己用,唔駛keep住佢第個學生想借又冇)......我其實最記得囝囝第一套接觸幫佢認字o既概念係"形符"同"聲符"......部首對小一生嚟講反而可能係深d o既一套概念, 但如果你小朋友已經小二咁學校都會開始教部首嘞,俾佢接觸吓,睇吓佢受邊套多啦!

不過以上已經係兩年前資料,去年大約好似三月左右,我聽
新聞好似教統局發展咗套新書/軟件,(可能因"讀寫樂"都幾舊吓啦),但我當時問社工,佢話冇消息......(你都知政府做嘢可以慢過蝸牛),我又冇追佢,到今年一開學,囝囝學校個新社工又介紹過一套"星願小王子(?)",係最新發展一套光碟(唔係教統局架),但因我見囝囝已經應付得幾好,就冇再俾佢玩嘞. 我建議你一定要揾學校社工傾吓,佢地點都應該有d資料架.

fitceo

yywhk,

好多謝你既分享,因為我仔仔都剛評估有讀障,你既分享對我黎講好有用.
另外在九龍塘特殊教育中心,有英文拼音光碟攞, 中文就要帶光碟去copy. 都係俾有學障既小朋友去學習的.

yywhk

fitceo,

唔好客氣,回想當初我confirm囝囝有讀障曾喊了好幾次  , 我覺得囝囝好慘.....以為佢無可能"讀得成書"嘞....(因我同老公都係master degree,覺得要俾子女讀書要讀到大學係理所當然o既事)....

但有讀障唔係等如一定讀唔成書,....(當初我聽到有人話讀障係"冇得醫架....成世都係咁上下"之類o既說話時,對我嚟講真係好似想判我囝囝"死刑"咁)......既然我覺得囝囝好好彩,打勝咗一場仗,我都好想藉着分享我o既少少經驗支持一吓其他有同樣學障小朋友o既媽咪,好等佢地都陪佢地小朋友一齊打勝佢地o既仗....  

yywhk

.....續上...

咁小一嚟講,因為d功課同課程都唔算艱深,囝囝算係安然渡過,暑假一到,囝囝學校暑假就係放暑假,即係冇任何暑期作業同功課嗰種......於是我同佢都放鬆晒......每日重覆默十個字都時做時唔做咁啦  ,本來教統局教育心理學家係建議我地可以同囝囝趁暑假準備定來年課程,(但因每本書都係跳嚟教,有時只教一半咁上下,咁我咪問老師要課程範圍囉),但校方一聽到我地問來年課程,就好似觸動咗佢地一d"國家機密咁",不但唔肯透露半點,老公言語間仲同校長搞到有點點不愉快.........眼見温定都可能温錯,咁咪白費囝囝d心機,咁我地都決定算數,等囝囝抖吓氣,過一個開開心心o既暑假罷,但佢每次要求玩電腦遊戲,我都係話:好呀! 但要玩吓d中文字遊戲先噃,玩悶咗? 咁你不如玩下一個學期或者高一年級,試吓得唔得?....如是者佢過了一個非常開心,但我就辛苦到死o既暑假....一日到黑帶佢去暑期活動,又熱又悶(時時等佢放都等到吽..)

到咗小二開學,因為過咗一個咁開心o既暑假.....     慘囉....囝囝出現咗d"返轉頭"現象......

...待續...

yeenmama

Try the following link to access the program:

星願小王子

簡報：治療讀寫困難的原理

fitceo

yeenmama ,

好有用! thanks!

  

yeenmama 寫道:
Try the following link to access the program:

星願小王子

簡報：治療讀寫困難的原理

windywong

其實有讀寫障礙都唔係好嚴重問題, 唔洗咁擔心, 我有朋友個仔仔都有類似問題, 但見佢平時反應超快, 成績都ok, 聽佢媽咪話, 只係要換個方法去教佢, 比多d 心機諗d唔同既方法去訓練佢, 等佢有多d incentive去學習就ok啦。

真係可以試下玩下星願小王子, 佢既設計係可以幫到d有讀寫問題既小朋友, 我朋友都有買, 佢好推薦比我bb, 但我bb就冇讀寫障礙, 佢話佢仔仔學校買左, 就算係冇讀寫問題既小朋友都可以玩, 一樣可以學到好多野.. 可以試下www.little-prince.com.hk (剛上網睇過, 好似有新版出, 叫做 星願外傳.. )

ccaa

我買左星願小王子成年ｌａ，小朋友都好鐘意玩，後來發覺學校都買左，老師重話黎緊出新板，禁就好我吾使再買ｌａ

我小朋友都有輕微讀寫障礙，佢寫中文字會經常有錯亂，　好似”　考＝孝　龍字會將右邊個字方向轉左左邊”好多好多錯字，　英文反而無事，但串英文比較困難，　學校成績除左英文比較差其他中數都ｏｋ．．


我由初初擔心佢將來到ｅ＋已經接受左，覺得既然係事實，就要面對同搵方法去幫小朋友，我記得做評估時等結果那刻，　心情都好沉重，心想如果係事實點算，後來結果真係有讀寫障礙，果刻有ｄ緊張，成日都吾知點算，　好ｄｏｗｎ同朋友傾訴，周圍搵下資料，有咩課程幫到佢，　發覺地點同時間都吾得，　重有ｄ課程好貴，負擔吾起，後黎同班主任傾過，班主任再同學校支援組傾過，另外教統處亦出信學校，　將小朋友評估報告送出，　學校就要跟足教統處安排，讀寫小朋友係中英默書上一定要有範圍，考試有＋時，　如果嚴重就要讀卷，　我小朋友除左無讀卷外，　其他都有齊，小朋友係下學校開始有ｌｅｅ個制度，經半個學期觀察，　小朋友成績上有明顯進步，　所以大家比心機，　我地絕不能放棄架，須然條路比較難行，但係我地吾幫佢重有邊個會睇佢，　所以大家努力

yuki123lam

yywhk ,

唔該晒妳, 妳 d 資料真係好有用  

仲有希望妳叩門成功喇     今年好似容易左好多, 因為我好多朋友叩門都成功, 唔好放棄呀, 我上年叩門叩到開學前一個禮拜呀, 好彩最後都成功  :

我仔仔冇證實係 "讀寫障礙", 不過份評估報告 mark 住讀寫障礙測驗 "一般(較弱)", 所以學校社工方面應該唔會點理我   因為之前都同學校社工接觸過, 佢地話太多小朋友 waiting list, 所以佢地會按嚴重性 (好似打人, 隨意走出位, 情緒問題等等 ) 先去處理.........

其實 ~ 星願小王子 or 星願外傅有咩唔同, 我去過佢地個 web-site, 好似係兩種唔同既野, 如果我要買, 係咪要兩套都買        

yokilau

好多謝yywhk既分享,
我個細仔似乎都有讀寫障礙,
d字又寫到鬼5馬6咁,
都係帶佢去check下先。

請問係咪星願小王子光碟可以幫到佢?
睇黎係我真係要去買返套,
等我個細仔可以好好地練習下,
希望對佢有幫助啦。

chiho

星願小王子可在邊到買到??