跟自己的孩子疏遠了？不明白他們的想法？進來分享一下吧！

joenjac

疏遠了,如何估量?孩子3,4歲,我仲會同他們沖涼,再大D就有了距離,一個個階段唔同.
其實每一個人心中都有一把呎,上面既刻度係人生既經歷,所以每個人量度出黎既野都唔同.
總括就是一個價值觀,我們去衡量一件事的危險性,得益之後,就會加於孩子身上.如果拍拖為你留下好多好事,你就會你希望孩子有你一樣既經歷.如果你曾為成績不好而在社會到處碰壁,你就會告誡孩子努力讀書.但我們的新生代,就在這種心態上每況愈下.

80年代後期,台灣開始有學生自殺,之後演變了一陣死控風氣.
當時有人問:我們的孩子怎麼了?

大學裡有教授和我們討論這一問題,都認為我們戰爭下成長的一代太苦了,所以不想我們孩子過同樣的生活.除了保護,更提供了一切最優裕的資源.

後果是溫室的花朵受不了社會的暴雨

後續...

eviepa

joenjac 寫道:
我大女兒今年升中一,半年前我搵左好多反叛期的行為資料,同女兒一齊研究.讓她知道這時期的衝突是很自然的事.然後我說:
你們總有一日會離開爸爸,去發展你們的空間.開始有秘密係正常既事,我唔反對.我祗係要求一樣野,當你去做一樣野而會有罪惡感時, 就最好唔好做.然後講我同我父親以前因吵架而離家出走的事.
我弟弟的女兒14歲,幾個月前開始拍拖
我明白她們兩姊妹好好感情,一定有影響.

我做法係
講我和她媽媽結婚前一些失戀的經過.讓她明白戀愛的結局是可以有多方面的.之後講我們於三十幾歲才結婚,讓她知道戀愛的路可以走好長.
我又讓女兒知道我跟她媽媽求婚時,她媽媽說的一段話:
嫁你是遲早的事實,問題是你準備好做人的老公未.

告訴女兒即使我33歲,還有什麼不成熟,讓她知道婚姻還需要有什麼條件,我幾段戀愛的心得

人物,時間,條件.都讓她知道現在談戀愛是一件有問題的行為
之後的事,就由她自己去處理,兩件事, 我都強調一樣野,人要對自己行為負責.而責任,係包括左自己和所有在你身邊因事
而波及的人

相信像你一樣，將類似的價值灌輸給子女的大不乏人，但問題是成效如何？有多少少年人會照辦呢？大家心裡有數。

你有把握你女兒會接受這番言論嗎？

這只是一個one sided, cost analysis，只分析過cost就跳到拍拖是錯的結論，而不是權衡各方面的 cost and benefit analysis。

Eviepa

加菲貓

無錯拍過一次拖架, 都會有第二次, 第三次, 點解? 因為拍拖係樂趣, 但分手係痛苦, 所以分手後, 找個第二個黎盡快忘記創傷, 同時要証明自己不是失敗者, 唔係你唔要我, 係我鐘意左第二個.

做父母不單唔想兒女承受不能承受的痛, 亦都唔想『影響學業、有可能導致性行為』. 子女真的要拍拖也阻止不了, 因為戀愛係盲目架, 我地係個個時候講咩都無用都唔入耳, 所以唔係要禁止子女拍拖, 而係係事情發生前防止佢地咁做, 防止佢地拍拖亦都係防止佢地有性行為架方法之一, 因為未成熟架少年, 有幾多個係拍拖時可以守身如玉呢!

eviepa 寫道:
加菲貓：

妳的論點是：少年人拍拖容易分手—>分手時的痛苦他們承受不了 —> 反對拍拖

拍過一兩次拖的少年人，應對拍拖的利弊有很深切的體會，妳不妨問一下他們，二十歲前要不要再拍拖，相信十居其九都會say yes。這表明少年人覺得拍拖所帶來的快樂比痛苦來得更大，所謂『不想兒女承受不能承受的痛』，還不是『影響學業、有可能導致性行為』的借口嗎？

Eviepa

el1008

我記得去年在報章上看過一個動人故事,大概內容是一個男學生原本讀書成績不錯,但後來因為家庭問題,自暴自棄,會考成績很差,要重讀中五,後來他的女朋友鼓勵他,重發覺他的數理很好,勸他由文科轉讀理科,最後他倆的高考成績十分好, (好像是2,3個a)

又另一個故事,我身邊的朋友, 他告訴我他的讀書成績好是因為當年的初戀女友英文很好,他也不想比他的女友成績差,所以發奮讀書.

又另一個故事,這個女孩一直有一個十分要好的老友,也是女孩子,有一天她的朋友拍拖了,漸漸疏遠她了,她突然有一種被離棄的感覺,情緒也很困擾,讀書成績亦差了.

我不是鼓勵拍拖,但拍拖也不一定是毒藥,我只是想講教導孩子選擇朋友反而是最重要,但亦應告訴他不是戀愛大過天,什麼事情也不要太沉迷便好了.每一個父母都愛錫自己的子女,不想他們太早拍拖,是因為太愛錫他們,但人是要經歷失敗才能成長,做父母只能在旁守護他,到他們跌下來是才扶他一把 :-|  :-|  :-|

eviepa

加菲貓：

加菲貓 寫道:
無錯拍過一次拖架, 都會有第二次, 第三次, 點解? 因為拍拖係樂趣, 但分手係痛苦, 所以分手後, 找個第二個黎盡快忘記創傷, 同時要証明自己不是失敗者, 唔係你唔要我, 係我鐘意左第二個.

做父母不單唔想兒女承受不能承受的痛, 亦都唔想『影響學業、有可能導致性行為』. 子女真的要拍拖也阻止不了, 因為戀愛係盲目架, 我地係個個時候講咩都無用都唔入耳, 所以唔係要禁止子女拍拖, 而係係事情發生前防止佢地咁做, 防止佢地拍拖亦都係防止佢地有性行為架方法之一, 因為未成熟架少年, 有幾多個係拍拖時可以守身如玉呢!

因為害怕孩子成績受拖累而反對拍拖似乎是站不住腳的，反對拍拖亦似是不能減少過早性行為。過去很多年來都沒有人可以用較為有邏輯的論點駁倒我先前所發表的主張。妳能否指出我的見解有何問題？

eviepa 寫道:
拍拖可以帶來很大的樂趣，理應鼓勵，但非常多家長反對求學階段子女拍拖，就是覺得拍拖的代價太大，而反對子女拍拖大概只有以下兩個理由：

1. 影響學業
2. 有性行為

但我想了幾十年，似乎這兩個都不成理由。

學業：在這社會裡，自然有人讀書讀得好，有人讀得差。如果針對著讀書讀得差的學生，做一個『死因研究』，我相信因拍拖而導致讀書差的只佔一個極小的比例。我深信，打波過甚、打機過甚、看電視過甚、發Ngau豆過甚……..等等都比拍拖更具殺傷力。為何家長對拍拖會如此的深痛惡絕，而對其他對學業影響得更大的卻又相對地手下留情呢？

性行為：十六歲前法律是禁止性行為的，當然不好。但問題是，是否禁止子女拍拖就可以減少性行為呢？對此，我持相反的意見。大家都年青過，有多少人會因為父母反對就不拍拖呢？拍拖這東西是禁之不絕的，甚至有人認為越是禁制，子女越是躍躍欲試，反不反對，只是地上或地下情而矣。所以，我覺得父母越是開明，越能將之納入正軌，過早性行為的機會便可以減低。反之，若果將子女戀情迫到地下發展，則反而更難令子女接受正確的性觀念，更易出事。

Eviepa

加菲貓

以前D人拍拖可以好純, 依家時代唔同, 我同一個中四架女仔講開, 佢學校好多女仔鐘意界手, 我問點解, 佢話通常係因為分手. 好唔開心, 想自己痛下, 有時甚至將分手左男友架名界係手到. 名校女生都會係咁.

我以前架老闆, 佢個女大學畢業出黎做野, 但無拍拖, 老豆問佢點解唔拍拖, 佢話因為佢鐘意屋企, 唔想咁快離開父母, 雖然我唔知佢以前有無談過戀愛, 但比我地睇, 如果父母可以同仔女有溝通, 關係好, 仔女覺得係父母到可以得到愛同鼓勵, 佢地就唔會咁快向外求.

我個仔16歲, 每晚我地都會一家人一齊食飯,  佢咩都講, 都會問, 我話如果你有一日拍拖, 你記得話我聽, 等我幫下眼, 因為拍拖係大件事呢, 揀得唔好, 分手就冇為. (雖然我唔係想佢拍拖) 我問佢有無同學拍拖, 佢話都有, 亦有同學問佢拍過拖未, 咁我問佢點睇, 佢話自己都顧唔點自己, 點顧人, 屋企兩個妹妹都已經夠煩, 一個人唔好咩, D女仔又唔會同你打波, 講打機, 我有錢唔好自己洗, 又要請多個. 佢話有同學二男追一女, 攪得朋友都無得做, 為咩, 其實只係比個女仔利用. 有個女同學好夜係朋友到唔想返屋企, 打比我個仔傾計, 我個仔就勸佢返屋企唔好要屋企人擔心, 佢其實睇緊波, 唔想同佢講, 我個仔事後講返比我聽. 我個仔偶以會同學去街, 都無去夜街, 假期多數一家去街. 所以我唔覺得仔女大左, 就一同會同你疏遠, 只係唔會你講咩就聽, 佢會有自己架睇法.

joenjac

joenjac

joenjac

不知大家有無聽過一個叫龍應台的作家.而家好似係中大客藉教授.

她有一仔一女,仔好似16歲左右身處外國.

報紙有時見到龍應台將仔女討論事情既文書登出.從文章中可見龍應台對仔女既行為同決定予以反對,但不會禁止.

這是西方的開明教導方式.

我覺得我們的問題是我地有西方的種子但錯落在中國的培土上.

資訊發達讓我們接觸到許多新思維,我們明白這是好的東西,於是引入我們的生活中.可是這個社會仍然充斥著傳統文化.這中間是有矛盾的.然而我們卻不能用封閉方式去過濾其他資訊去教育下一代.這矛盾延伸到兩代之間,就大家都不知所措.

外國人讓孩子在保障底下成長,但社會卻有獨立人格的要求,這是一種中和作用,所以孩子到15歲之後有外向的發展傾向.而父母亦予以認同.
龍應台畢業於美國,受這文化薰陶,所以她懂得平衡.

我們大多數父母卻沒有這一種經驗,生活在傳統禮教的無形枷鎖中,去實踐西方文明.自己無力擺脫周遭的壓力,就在十字街頭犠牲兩代的關係.

我們去保障孩子的成長,但環境卻不讓孩子獨立,保障過度的結果,就見到好多自殺的小孩子.

有人提到性行為,這是誘惑的,孩子們會去試.我們好難壓止.在西方社會, 觀念上比較開放,失敗的戀愛不會因為性行為而加深傷害,而且社會彌漫著合則來,不合分開對兩人都有好處.

但我們社會呢? 反對是因為存在危險較太,而不是去禁止.

我是反對的,因為我們生活在中國文化較濃厚的社會中,我所做的是以教去預防,而不是用罵去制止

chelsea

joenjac,

I admire you are really an open minded parent and learn the technique of how to handle young teenager.

From your posting
"我大女兒今年升中一,半年前我搵左好多反叛期的行為資料,同女兒一齊研究.讓她知道這時期的衝突是很自然的事."

Please advise where to find those info, great thanks.

Chelsea

vincentma

joenjac,

100% agree your point.

ChiChiPaPa

戀愛和性生活是個人私隱。父母不應該有權力去「管」。

父母可以做的，是自小給予孩子正確的觀念。到孩子長大，孩子需要的是關懷，不是管束。

momodog1990

只係無上來一陣，已經多了幾頁
看來我要勤力點才行了
另外，我真係好開心，大家都好踴躍發表自己的意見

讓我首先說說戀愛是什麼一回事
為什麼大人細路都躍躍欲試「拍拖」這個東西？
拍拖，學校無教點拍，父母唔會教
我們任何人（不分年紀）都唯有試
唔試又點知係咩來？
只係我地唔應該將「拍拖」同「性行為」掛了鉤

其實我唔反對小朋友拍拖（日後做了父母也是）
puppy love 甚至係越早越好
小朋友的戀愛都是是純真的
人大左，拍拖就變得複雜
你會計較對方有幾錢人工，做醫生定律師靚唔靚仔/女
女仔怕對方第時養唔養得起自己
男仔又怕對方叻過自己
相反，小朋友唔會有咁多計較同期望
只係因為電光火石間覺得「鍾意」

好多父母唔想孩子拍拖係怕佢地有過早的性行為
其實只係父母怕自己咩都唔知
寧願一刀切唔比孩子拍拖
但小朋友係咪就會聽你話呢？
如果父母係咁諗，就比孩子更無知
孩子貪新鮮、好奇去拍拖係理所當然的
但如果父母認為唔比佢地去拍拖就可以保護佢地
你係一手將孩子送上不歸路啊！

做父母唔好盲目唔比佢地拍拖
因為咁只會令佢地覺得你有敵意或者唔

ChiChiPaPa

momodog1990 寫道:
......

To女女
「媽咪都係關心你，
唔想你受傷害，
更加唔想你的人生就咁就完，
你真係可以保證佢會愛你一世？
比人搞大左個肚，
受害點都係你，
如果佢係咁愛你，
就唔會隨便向你要求有性行為
你諗下你的人生幾多資多采，
為左一個男仔而放棄自己的人生，
值得嗎？
要記住自己的底線！
就算發生任何事，開心唔開心，
都可以同阿媽講，
阿媽永遠企在你o個邊」

......

當你愛一個人，你可以為他放棄很多的東西，甚至性命。如果你會想『值得嗎？』這恐怕不是你的真愛。

如果你愛他，你會和他一起為將來作安排和打算，而不是想自己的人生和自己的底線。

joenjac

其實教女我都係從失敗中學習,主要係我弟弟和他的女兒關係不太好,反叛期是他們父女爭吵時我才意識到,於是上網搵左好多資料, print 出黎同個女一齊睇,目的係比心理準備大家,即使有爭議,都唔好傷感情.到弟弟個女拍拖穿左,先知道個女都係時候要一d輔導.

天下間父母都做過小孩子,唔好將父母既忠告以為係幻想,好多戀愛時既手段因為我地用過,見人用過,聽人用過,所以會擔心.

問心, 去約會之前會唔會刻意打扮自己,同對方開始的日子, 會不會特別遷就,有沒有刻意收起自己一d缺點? 我有

唔好話我係咁就以為人地都係咁,科技係日日唔同,歷史就日日重複, momodog 我再反問你一次, 你有去瞭解你父母嗎?

唔好以為父母瞭解子女係應份,子女就唔使理會父母感受.
如果你係街童,落翅仔,我唔會有呢d post,係因為你係受過教育,有條件去反思.

好多年青人去做義工, 去老人院探公公婆婆,但家中的老人家, 我見過,係好唔耐煩.關心人竟不是由身邊最親的人開始.在你關心你男朋友的時候,幾時想過你父母?

momodog1990

joenjac

雖然你唔駛我答，但我好想答
因為我認為8歲的小朋友已經有能力燒雞亦
只要我地有明確的指示
小朋友係可以有能力做好多事的

你同好多父母一樣，犯左一個毛病
太愛孩子了
只讓孩子享受快樂、成功
不讓他們嘗試受苦、失敗

我就是一個人辦了
我媽不讓我受傷，不讓我跌倒
沒有失敗過的我找不到成功的道路
最終我反抗了
我讓自己撞板、碰釘
所以這幾年我覺得自己長大了很多

父母要記住，你不能看孩子一世
他們總要跌過才會懂
就讓他們在你的守護下跌一跌
就算跌傷都有你們的呵護
P.S.我唔係要你地看著孩子吸毒、玩火都唔理
請大家別太極端化我的說話

孩子越小嘗試失敗
就越會變得堅強
唔好呢頭覺得宜家D 4、5歲細路識報警好叻
o個頭覺得細路10幾歲拍拖唔應該
小朋友早左見識世界，自然會早熟D
呢個世界都係有辣有唔辣的

P.S.兒女唔係生左先學點教
我由初中就開始諗我第時點教我的孩子
襯自己仲係年青人的時間記住自己的一點一滴
記住自己細過點任性，點無知
咁先會真正同自己的孩子溝通到
真正教到佢地

不過，我相信天下父母都係愛自己的仔女的
但我好希望天下的父母都會學做好父母！

momodog1990

ChiChiPaPa

我只係提供容易比仔女接受一個方法比各位父母吧
我唔認為一個初中生會愛一個只係識左唔係咁耐的人而放棄自己的性命。
我好認同你的講法，但你認為一個初中生會明白嗎？
相信你都要有返咁上下的經驗才明白愛是什麼一回事
所以孩子們去拍拖，學習和人相處的哲學
拍拖也只是初中生的生活體驗
如果佢地可以好似你咁諗
做父母根本唔駛擔心
因為佢大了，成熟了，清楚自己做緊咩
所以更加唔會玩出事

P.S.好多初中生（甚至大人）只知拍拖，而不知什麼是戀愛！

momodog1990

joenjac

我每天都努力了解我媽咪
即使佢唔係一個好媽咪
我讓自己化成火，溶化佢呢塊冰
即使過程幾咁艱苦
甚至有段時間日日都自己在被窩裡哭
因為我知佢愛我
即使有時佢做的事不是真的令我好
但我知佢做的事都係為我好
所以我一直都好愛佢
希望佢開心
希望我做到一個在她眼中滿分的女兒

momodog1990

我始終認為父母關心、甚至為子女付出一切都係應份的
唔係因為我宜家係做人仔女
我第時都會做人媽咪

子女永遠都係被決定出世的
係父母使子女無自由地出世的
這就是為人父母要一世為子女付出的理由

當然，只要父母愛子女
子女都是懂得回報
應該回報的
卻不是父母應份得到的

任何人決定做父母
都要明白今後的日子只可以付出，不能求回報
這就是當父母了
但當孩子大了
呢D付出根本不算什麼
因為得到的快樂會更多更多

其實呢個道理我一早已經講過
你可以去返網上遊戲的topic看看

joenjac

既然你答了,那麼我問,為什麼3歲5歲唔得?

我有保護個女,但我比更多機會她去失敗,正正是我的成長路,她沒有我一樣多的機會.

小學時,我去玩水,唔知係水底幾耐,淨係記得我拉水草,卒之有人奇怪有野係河邊郁先發現我.
新年跟住d舞獅既人去到唔知邊,天都黑晒,亂行行到有火車軌既地方,左同右好在我撞中左.
放風箏唔單止上天台,仲要爬上水箱,前後得10呎,差錯腳就做空中飛人
玩火柴差d燒左間屋,
用螺絲刀插電制,砰一聲全屋停電
用報紙包銅線繞燈泡插燈制
放汽水蓋係火車軌,火車過果陣,d蓋好似飛刀咁飛出黎.
用煙花射人廚房
.......

我唔肯定我會比我女試呢d,但當年我唔死得,真係好彩.我評估過危險性,我會由得個女去做.做父母,真係生左先知道父母之苦