一呂現家長 / potential 家長會

claudiaho

你

alicetong

homama,
※因時間關係,今晚只要默啲佢"錯"過的字應足夠哇!!※

多謝提點,盡力而為吧...

※唔記得講上星期尾家姐派回來的評估:中文不供詞填充只有一題"對"  當堂嚇死,好彩閱讀理解全對,但看真又不是錯得好離譜,只係佢唔記得標準答案.好像佢填雪花"紛飛",正確係"紛揚"類似這些錯誤,所以係要背熟晒啲課文詞語.....※

今晚我都要睇睇阿仔中文評估如何..??因為之前無同佢溫過..
睇怕都凍過水了

※而英文評估就好好囉...全班最高分,奇蹟   只在writing部份被老師扣了一分,希望實戰時都係咁好就安慰了※

家姐真係越0黎越有進步..
我成日覺得家姐同我仔仔4年級時好似...希望我個仔5/6年級無咁多驚嚇比我啦...   
有姐姐咁大有進步我就 執到囉...   

※好彩不是兩個都要跟到足,否則真係要唔做囉…… alice,希望你細那個又係不用跟啦…※

未敢樂觀住...女女一向跟daddy自由慣呀？

承應妳貴言啦..     

alicetong

claudia,
※我諗住放工買d零食..一於威逼利誘咩都出齊緩和下氣氛囉..軟硬兼施都出哂, 你呢個真係二十四孝阿媽… ※

無辦法啦..
: 自己知自己個仔事...真係〝血〞都經已噁乾了...     

homama,
勞煩妳check pm..

candytl

Homama,

我今早真係click錯制, click”送出”變咗”取消”, 我都覺得奇怪架喇, 點解send 完冇轉畫面.

我係想問家姐星期六係in邊間?

Homama2004

家姐剛報告鋼琴比賽81分,季軍82分,冠軍84分....佢好唔開心呀! 話就係差少少就可以拿季軍.....我當然收貨啦!!還想怎樣喎!! 舊年鋼琴比賽佢拿84分,季軍就85分,又係差一分....    真慘!!

我係想問家姐星期六係in邊間?
>> 第2志願那間

Homama2004

好消息!好消息! 兩個囡囡的樂理成績出咗,兩個都合格咗!家姐就77(pass),妹妹88(merit). 比我預期好好多囉! 因琴姐姐估妹妹會合格但唔好expect咁高(懶,但記性好),家姐就好可能要考多次云云(記性唔好),兩個都係有四題拿滿分.我老公    未見過我咁開心....當然啦! 張證書可以用好耐喎!!!!剛才我通知琴姐姐佢都話意想不到,而我都有付出努力的,就係臨考試找到本中文樂理書再同佢溫(因琴姐姐唔得閒去了美國探男友)....再考要用好多時間&錢呀!!!    :  :
100分滿分: 66-79 pass; 80-89 merit; 90 or above distinction

今晚去了駿景園吃日本菜慶祝，我又乘機偷懶    買了把玉桂狗間尺給家姐做禮物，妹妹則保留權利．

candytl

homama,

恭喜恭喜   
買了把玉桂狗間尺給家姐做禮物，妹妹則保留權利．>>>>有點疑偏心渦   
中文樂理書>>>>可唔可以借俾我copy, 係咪由Gr. 1開始的.

alicetong

Homama,
※兩個囡囡的樂理成績出咗,兩個都合格咗!家姐就77(pass),妹妹88(merit). 比我預期好好多囉※

恭喜晒..       

邊隻是玉桂狗呀..   

※妹妹則保留權利※

莫非已經有心儀的東西紀錄在案

Candy,
※中文樂理書>>>>可唔可以借俾我copy, 係咪由Gr. 1開始的※

學樂理0既事就拜託妳0拿..    有消息通知我啦！

Candy,claudia
homama的密件我要考完試先得閒影比妳地0拿...

    :

candytl

alice,

homama的密件我要考完試先得閒影比妳地0拿>>>>>唔急架, 又要勞煩你.    

學樂理>>>>你决定俾仔仔學嗎? 你仔仔預計幾時考Gr.3, 使唔使同琴老師商量下, 睇幾時學會好啲. 我冇所謂架, 兩人學又得, 一人學也可以. 唔知6月時claudia個琴老師得唔得閑教, 我想請佢教.

alicetong

Candy,
樂理考試是否2月,6月同10月考的..??如果計最得閒時段應該是暑假學喎？琴老師幫我報左名..佢話暫時未知排到幾月？同佢商量又唔係佢度學會唔會唔好意思呀？ :  : 其實學早左都無壞的..對嗎？是否分grade架....    claudia個琴老師大約咩價錢到呀...???

claudia,
妳有無諗住比女女學樂理呀...???     

alicetong

其他媽咪報料..科學館復活節節目,我打過
電話去兩樣都仍有位..我想參加實驗班係"奇妙的空氣",
足十歲或以上可參加科學營,
看妳們有無興趣？..加埋去商務打書釘就最好了..哈哈！

實驗班個半鐘,(係計足架)八至十歲,$25
科學營,5小時,十至十二歲,$105
復活節有班(通常長假都有班,內容次次不同)
實驗班係"奇妙的空氣",
科學營係"磁電嘉年華",
今次名額未滿,唔駛抽籤,
月頭話有名額餘

Homama2004

樂理考試是否2月,6月同10月考的..??
>>係呀! 我個人認為2月考最好,不會撞呂小的考試週呀!!今年6月考試的便撞正考試

好似沒有甚麼人會考五級以下樂理喎!!! 聽琴姐姐話加拿大那邊以前係考甚麼級的琴便要考那級的樂理,循序漸進,好過香港個個半桶水咁……

復活節有班(通常長假都有班,內容次次不同)
>>記得我囡囡三四年級時有參加過(唔記得係幾時,總之係長假),做葉脈書籤,阿囡話都幾好玩.如有時間可以試下…..我哋今年要跟學校去上海.

claudia個琴老師大約咩價錢到呀...???>>我琴老師收$250一對一.

中文樂理書>>>>pls check pm

唉! 明天家姐要考中文+聖經+音樂,樣樣都有大把嘢背....
   佢記性又一般......今次又呈分添....真係大壓力    過幾個月話咁快又到妹妹    佢哋考完今次試真係要鬆鬆去下facial等等

alicetong

記得舊年過年時我要進出醫院探望媽媽嗎..??媽咪割左個膽..都叫做康復過來,亦轉左去專科門診跟進..其間再check返腎同肝功能都無事...??最近返去覆診抽左大筒血,佢又話比醫生聽有時去唔到大便同個肚唔舒服..醫生幫佢驗3日大便...要介吃肉類,蕃茄,椰菜等等.....今日姑娘打0黎話驗到有問題,明天2點半回去見醫生...剛同佢通過電話..佢心情好差,講埋d負面說話...我當然安慰佢啦！其實都好擔心？希望一切無事啦....   

candytl

alice,

我明白你心情, 至親嘅人有事又點會唔擔心呢. 不過宜加未知事情去到邊, 唯有向好的方面諗, 多些安慰你媽媽. 可能個結果只係小問題都唔定.

claudia講過約$200/hr 1:1, 我未聯絡過老師, 可能佢冇時間都唔定. 不過揾老師相信不會太難揾.

Homama2004

Candy講得對.希望你媽媽係小問題. 我office嬸嬸十年前都割左個膽,因膽管塞,聽佢講要戒吃油膩的東西,因沒膽汁供應到肝.佢就戒很好清,隔了幾個月又甲狀腺分泌不足瞓不著,見佢都幾辛苦,幸好佢今年7月退休,終於享仔女福囉....    願主祝福你媽媽!!有你咁孝順的囡囡一定無事

alicetong

多謝大家支持同關心...
剛剛家姐打來話醫生check到第3個樣本帶血..原因有好多,建議一係用X光或內窺鏡照清楚d腸..家姐話照內窺鏡係未清楚d同見到息肉可以切除埋..醫生話係..相反X光就無咁清楚..現在排期5月28日照內窺鏡,到時要飲顯影液...都放心左先..佢地尋晚真係嚇親我..但係媽咪仲係話要過2個月先知...??老人家心態其實都好擔心....希望一切無事？多謝homama的祝福

claudiaho

呢兩日忙到死, 尋日下午做

candytl

claudiaho,

一般大約學40小時 (如果我冇記錯的話!!), 如果你想10月考, 就暑假開始, 如果你想出年2月考, 就9月開始都得>>>>>>如老師話40小時先得, 咁6月開始到10月得16周, 假如每周上一堂, 每堂1.5小時, 先上得24小時, 同40小時差好遠呀, 係咪你聽錯. 定是要每周上兩堂?
如果可以, 大家夾埋會平啲.

我一早同阿女琴老師擔過聲, 唔揾佢係佢人工貴, 我負擔唔起呀 :cry:

Homama2004

放了兩天假上班,當然係成枱都係嘢要清.....好彩今早上不到network,看不到email,可以有時間清下的文件....    天助我也.....原來無network可以慢好多拍做嘢喎......有email簡直係24小時候命.前兩天在家每天都要花上2小時答公事電郵......

佢話亦要睇小朋友資質, 對數(logic)有興趣的就快上手
>> Claudia的琴姐姐講得好對.見妹妹看下點兩點便寫到一小節幾拍,但家姐用好多時間就要劃來劃去計數(<-第一題),那些甚麼變調,妹妹又係點下點下便做到(<-最後一題)......妹妹遲家姐幾三四個月學,出來結果就大家都見到.   其實學甚麼都係睇小朋友資質.樂理就像讀書咁讀,不用練習的,所以妹妹咁懶都考得好掂....

Alice,
>>> 可能係醫生穩陣 好多時都係虛驚一場.....    

妹妹話中文老師已出了下次呈分試,閱讀理解會出文言文喎    死囉!!要老公出馬....難怪中學面試要問詩經與楚辭的分別......

alicetong

其實想搞清楚先..以我仔仔level,佢要10月左右先考3級琴試如果我比佢學係以應付呈分試理由居多...(因為考琴5級以上先要樂理..)妳們認為需要嗎？....
homama,想問清楚5年級定6年級需要考樂理呀...???    真係唔熟行呀...