將軍澳天主教聖安德肋幼稚園

barryalice

hi all,

你o地攞番隻畢業/結業禮既vcd未呀    其實我到e+都未收到ms cheng打電話通知我返學校取呀!   

報o下我既近況先.........仍然每日返半day工，之後接朗朗放學、接著就梗係做功課喇，仲要上綱做什麼中文&英文每日一編，而且學校個綱都要做埋，對功課、溫習(因為十一月尾要考試喇)，又要黙書(暫時只係中文，逢星期四)、串英文生字(如monitor、monitress、headmaster 、headmistress、a group leader、a classmate、a class teacher、an eraser 、a crayon)總知就好辛苦(係我同朗朗呀)    我到現在都唔敢再加其他課外活動給朗朗，而且o個d每日一編係連星期六、日以及假期都要做o架    我覺得簡直攞人命，而且根本唔係一年班既學生可以應付得來，根本佢o地未能夠可以自己解題目，而且d字都好深，我有時都叫朗朗自己試o下做，但佢永遠既答案都係「我有d字又唔識讀同埋解釋.....」，咁咪只可以不停叫佢比d信心喇    英文仲死要每句用中文解幾次先做到d功課    都咪話e+讀書唔辛苦(d小朋友)。   

KCMAMA

barryalice

只聽你講我都覺得怕    咁多功課要做唔怪得我約果d 有仔女讀小學的朋友食飯時，唔係要默書就係考試，成日要延期，咁攪個個家長都有哂自由啦    明年到我地啦   

hinhinmom

   hinhin 進步左咁多米好囉，我都覺得卓卓多左講學校 d 野俾我知，重會係我面前唱歌 鄭老師真是有辦法   

wing530

anson 個扮相好得意呀   
我都以為是由老師分配糖果，但見到卓卓只

barryalice

KCMAMA,

咁你又唔駛怕, 可能是個別學校(不過那些綱上功課，還是要每天做的) ，不過有一點是肯定的小朋友會在初段是很辛苦，而我們做父母就一定唔好再加壓力給他們。

wing530

>ZAA
我個小朋友係k2插班, 所以, 都唔知係咪一樣, 我果時唔洗in家長, 只係in小朋友咋~

>barryalice,
又會咁o岩, 咁都比你撞到呀!    

聽你講小一d野, 我真係好驚 !    咁都好, 比個心理準備我地!        其實, 會唔會你果間特別深d架, 我見d英文生字都好深喎, 開學唔係好耐咋喎, d生字咁快去到咁深又長, 大人小朋友都好辛苦喎, 朗朗k3時, 你有無同佢串開字架? 如果串開會唔會好d呀? 另外, 你未拎dvd咩? 不過, 上次聽ms.cheng講, 話換返比我地, 到而家都未換呀, 不如咁啦, 我copy一隻比你睇下, 吊住癮先啦, 好唔好!    

每日一篇網上功課, 連假期都無得抖呀!       如果今日無做, 可唔可以聽日做返2篇架? 咁多野做, 仲邊有時間學其他課外活動呀!     所以, 我想搵d唔好太多功課做嘅小學(因為我懶呀   ), 想小一就教小一, 唔想教高1, 2級呀!     希望我選果間, 真係如出面d人咁講啦~   

>kcmama
係咩, 卓卓無比糖anson呀, 但係, 我聽anson講, 話卓卓比左"jelly"佢喎, 咁卓卓係咪帶jelly呀! anson又係話...好多同學仔都想要佢嘅 m&m喎, 但係, anson話..佢得3個同學仔比佢咋喎, 有d同學又無帶糖, 不過, 佢都照比佢, 我仲讚佢大方, 唔係睇回報, 又話...有個同學仔好貪心, 因為大家交換之後, 又問佢拎返喎!     anson好嬲呀!   卓卓都好攪鬼喎, 想測試下有幾多同學會主動俾糖佢呀! 好鬼老積呀!      

幫人湊小朋友, 真係好大壓力, 慘過湊自己果d, 加上湊得耐, 真係好有感情, 好唔捨得, anson個ee, 開頭湊左佢7~8個月時, 我同佢講, 可能自己湊返, 佢地一家都好唔捨得, 唔係為左錢, 佢地真係放左好多感情落去! 最後, 我咪繼續返工囉, 不過, 今次決定左, 最遲要做到08年中就轉做全職湊仔婆呀!

>hinhinmom
早2個星期, 我撞到deborah一個家長, 佢話佢地k3教緊d野, =黃x樹小學嘅小二喎! 佢去參觀時..見到架!     

   

KCMAMA

wing530

我都覺得幫人湊仔好大壓力，你搵到個好保母，唔駛擔心啦可以放心番工，明年你做全職湊仔婆    可以全力睇住個仔好好多呀 :  : 我可能遲多一兩年都要搵保母啦，因我媽咪年紀大，唔知重可唔可以兩邊走，希望好似你咁可以搵到咁好的保母

卓卓係有 jelly 呀，可能佢派糖派到傻左，唔記得了

deborah k3教緊d野, =黃x樹小學嘅小    真係想像唔到 D 小朋友點跟    

hinhinmom

我覺得deborah k3教緊d野, =黃x樹小學

barryalice

wing530,

其實可能真係個別小學程度喇~~ 而每日一篇網上功課係一個月只可補做兩次的，不過一個月有四個星期日都唔夠用尼補做喇     k3 o個時我都已經開始有同朗朗串英文生字o架la, 由其是1-20, 不過就無串d咁長既, 但尼d字又真係在k1英文書度有教喎   

dvd o個度我就唔係急住要, 只係驚ms cheng 太忙唔記得通知我攞咋     不過都要thank you 你。   

wing530

>kcmama
anson尋日無返學呀, 因為佢腸胃炎, 我尋日朝早, 帶左佢返上水睇醫生呀, 醫生話呢排好多腸胃炎呀, 可以係空氣傳染, 不過, 就唔知anson係邊隻, 因為佢d菌已落到腸, 已睇唔到佢點染病喇!

anson星期日訓醒晏覺, 睇睇下電視, 突然沖入toilet嘔喇, 星期一開始痾, 所以, 尋日咪同佢睇醫生囉, 今日返左學, 不過, 我都有小小驚佢係學校痾, 唔知點攪姐! 想放多一日架, 但又驚佢追功課果度辛苦, 話哂k3, 唔同以前麻~

我明年未做湊仔婆住, 不過, 我老公就想囉, 我自己就想08年中先呀!   

>hinhinmom,
hinhin抽唔抽到"基督小幼苗"呀, anson抽到呀!      

>barryalice,
網上功課, 只可一個月補做兩次咋, 好大壓力喎, 假期去下旅行都唔得呀!      

朗朗串開字都咁辛苦, 如果無串開, 真係仲 c 呀!     我地都要幫佢地打下底, 將來小學唔洗咁辛苦, 好彩朗朗有學珠心算, 起碼睇少一科數學先, 如果唔係, 仲慘呀!  

KCMAMA

wing530

我好怕小朋友肚痾，好似唔會停咁    之前卓卓歲幾兩歲試過兩次咁，嚇 c 我   
你要去到上水睇醫生    之前睇開架 不過小朋夾到醫生幾遠都要去

功課唔會追唔到，但要補做辛苦 d 囉，而課程你大約都可以跟到啦，唔駛太緊張... 最緊要小朋友有精神番學

你地個個都有讀珠心算，我就唔到時間卓卓仍然未有得學    我都擔心佢跟唔到小學 d 課程

wing530

KCMAMA

ANSON今日係學校痾左3次呀!     尋日朝早都係痾一次之麻, 全日加埋都係3次, 但係佢今朝都痾左3次喇, 放學係商場又痾一次,  加埋已4次, 睇黎佢聽日都要放sick leave喇!    

wing530

kcmama

anson都唔係成日肚痾, 印象中....都係試過2次左右, 唔算嚴重, 所以, 我都唔係好驚~

係呀, anson剩係夾到上水呢個醫生咋, 睇左佢好耐喇, 由1個半月bb仔到而家, 超過5年有多喇, 我都係睇佢架, 如果小事, 傷風流鼻水呢d, 我都會係tko睇, 如果唔係, 我都會入去睇, 費事亂睇醫生亂食藥, 咪仲大件事, 我係tko睇過好多個醫生喇, 卓卓有無睇開邊個架? hinhin都係睇我上水呢個家庭醫生架!       係我介紹比佢架!   

如果連續放幾日假, 我真係驚佢追唔到架, 我覺得教得好快呀!     我尋日見anson都好有精神, 又無咩痾, 所以咪比佢返學囉, 如果知佢痾咁多, 我今日都唔比佢返呀!  

係呀, 我地個個都有學數喎, 點解你唔比卓卓去學呀? hinhin都學緊公文數, 滇滇又係珠心算, 我聽anson講, 班上都有幾個學緊公文數架, 我唸個個都係為小一打好個底掛~

KCMAMA

wing530

重有肚痾    明日請唔請假...或者睇埋今日先決定啦

卓卓普通野都係睇樓下個醫生，如果煩野就去紅磡或者旺角個耳鼻喉科專科咁

唔係我唔想佢學，係屋企附近都係星期六先有，而星期六卓卓又係沙田，遠的又唔想媽咪行來行去，所以好煩   
只好自己教下，而家做緊減數，雙位加數已識做，只好慢慢黎囉

ZAA

wing530

唔該晒你D資料 !
呢間學校環境好正好舒服

wing530 寫道:
>ZAA
我個小朋友係k2插班, 所以, 都唔知係咪一樣, 我果時唔洗in家長, 只係in小朋友咋~

wing530

>kcmama
anson今日有返學呀, 因為尋日係學校痾左2次之後, 都無再痾喇, 所以, 今日照比佢返學, 今早就唔比奶佢飲, 費事容易痾麻~    我聽anson講, 尋日有一次搵唔到姐姐幫手, 痾完之後....要自己攪掂, 佢第一次要自己出手咋, 仲話....用左好多紙巾喎!       都好

KCMAMA

wing530

anosn 好犀利呀    自己攪掂，卓卓從來未試過靠自己，佢話污穢、核突又怕掂到隻手喎   所以到而家都係大叫要人幫

沙田果邊附近的我都搵過，都冇....一係要行到沙田第一城，要起碼 20分鐘，一來一回又要等卓卓上堂，都係果句費事我媽咪等啦   自己教住先囉

星期日同卓卓剪髮，今次冇去開平時果間，是旦係樓下剪，點知用電剪時另到卓卓隻耳損左，激死我    個剪髮人重要話小小啫，明知目已手震震就唔好學人剪髮啦 (真係好震架 )早知立核換人好過，卓卓重要同人講好說話，話可能自已郁所以受傷喎   

wing530

kcmama

無人幫手, anson都要"焗"住自己黎啦!      唔係點呀!        平時佢都係有人幫佢攪掂架, 不過, 上左小學好多野要佢地自己黎喇, 都係時候學下自理能力喇, 如果唔係, 我地仲擔心佢地係學校點呀!    

果個人咁唔小心架, 剪到小小都係剪到麻, 都會痛!    卓卓真係大方呀, 人地剪到佢, 佢都仲幫人講好說話, 真難得呀!    

KCMAMA

wing530

係啦...真係要提高下佢地 d自理能力先得，卓卓連快子都唔識用呀    睇黎我真係要好好教下佢

卓卓見我咁嬲，怕我閙人地掛，所以米話自已囉 不過番到屋企先講啫

上次米話卓卓有課英文 sister 只寫一行，原來係佢聽錯，應該是隔一行，係學校老師要佢寫過，跟住當然比我話啦

hinhinmom

all,
有件事我幾唔開心同埋嬲呀...     琴日hinhin同我講, 佢坐o係地下時, o個個"新同學"用腳踏hinhin隻手... 我聽完到宜家都好心痛呀...       我問hinhin, 有無話比老師知, hinhin話無, 不過d同學同老師都見到, 話左個"新同學"!!!

真係有無搞錯呀!!! 點解可以o甘頑皮架!!!!!!! 比人話o甘多次都係o甘, 今次仲要搵腳踏hinhin隻手...    滿青十大酷刑o羊!!!       點算?? 我係o米應該同班主任反應下???      

wing530

>ALL
ANSON今日無返學呀, 因為今朝見佢有嘔, 所以, 無比佢返學, 係屋企休息下先~   

係呀, 你地有無睇NOTE BOOK呀? 寫住7/11去一個同學仔屋企做家訪喎? 問家長可唔可以比小朋友去呀? 我比ANSON去呀, 都幾得意喎, 做家訪我都係第一次聽, 咁會唔會......下次去我地屋企架??       

>KCMAMA
卓卓未識用"快子"呀, 都係時候比佢用下喇, ANSON有時都會用下, 佢食麵時, 都通常會比快子佢用囉, 我同事個"E生", 佢而家都10歲喇, 仲未識用快子呀, 我睇書講過, 話....小朋友過左果個求學階段之後, 如果你無比佢地學習, 咁佢地就再無呢個意識(好奇)架喇~

係啦, 無理由寫新字, 只寫一行

KCMAMA

hinhinmom,

我覺得應同同老師反映，因不是第一次啦，所以應該講，等老師留意下

wing530

anson 咁耐都未好呀 駛唔駛覆診呀  
卓卓到要去同學仔屋企呀，不過係下星期二 10:00-11:00，我覺得個活動好有意思，等 d 小朋友學下去人地 屋企的禮貌    唔知果 d 被家訪的小朋友，媽咪係米家教會的義工呢   

我會買 d 學習用快子輔助器比卓卓用，幫下佢咁