九龍禮賢幼稚園K3家長請進！

penpen

LucasMama,
唔緊要架! 妹豬都慣左, 佢唔介意架!! 中好鍾意添
Lucas見親佢都咁斯文, 我好難想像到佢笑到趴響度係點, 真係好想見下

朱古力,
今日下午同妹豬去註冊, 家陣先報大天就唔得啦~
呢段時間妳都要諗定計仔應付佢一連串既問題都要求喇~  

朱古力

penpen,
係呀∼要諗定佢地一連串既問題呀∼
我點會幫佢報大天呀∼就係唔想佢咁辛苦，
我先決定搵返馬鞍山既學校．
不過我都明白既，佢地做左同學三年，
唔多唔少都唔捨得，更加唔想重頭識過ｄ新朋友，
所以明年九月佢開學，我會放假陪佢習慣一下，
下年真係要好好安排假期，每年都多夠用呀∼

penpen

朱古力, bosze,
到時唯有得閒約出來等佢地聚下啦~~

朱古力,
妹豬都係話塱生好斯文呀! 昨天佢放學返來仲話塱生教佢野添呀!(我唔記得左係咩~ )
妹豬經過左果日之後多左鍾意同塱生一齊玩, 可能因為果日得佢一個女仔同學, 而塱生真係好照顧佢啦~  thank you!!  

柏衡調左坐妹豬隔鄰, 我問佢鍾意同之前果個同學坐多d定鍾意同柏衡坐多d, 佢話柏衡喎! 因為柏衡唔會蝦佢   

朱古力

bosze,

比浩然笑死我呀∼       
我老公好鍾意浩然呀！佢話佢性格各樣都好欣賞佢，
讚不絕口，如果係女仔佢咁讚，我實好嬲呀
希望日後都多d約出黎玩啦~

朱古力

penpen,

係呀∼塱生好樂意教人架，不過佢表妹就唔聽教，
淨係玩對抗，所以佢好激氣，成日要我安撫佢，
佢成日話表妹唔同人分享，事實佢表妹係『獨家村』
我又唔在場都無辨法，老人家就覺得塱生唔岩，
要玩人地既野，叫塱生去中心，佢又唔肯．
有時都忍心ｄ等佢自己解決，夜晚我就輔導番佢咯∼
到小一返全日，我唔會安排佢去公公度架啦∼

朱古力

penpen & bosze,

琴日同一位小學教師傾計，佢話我地小朋友無讀書，
咁開心愉快返學，當佢地升上小一時都會好辛苦，
所以佢建議我要幫小朋友每天都要串字和默書，
就算每日默３個字都好，等佢習慣同適應，
佢教左十幾年書，佢話見過好多小朋友升上小一都唔適應，
要追得好辛苦，如果佢對串字有抗拒總難攪呀∼
所以佢話由依家開始，我地係屋企幫佢地適應下，
將來上小一會容易好多，唔洗嚇怕佢地．

penpen

朱古力,
妹豬都好鍾意同人分享架! 可能因為咁! 佢兩個都好啱key啦~
到時唔去公公度, 諗住點安排呀??  

多謝妳的心得和分享! !

littleeva

朱古力

很認同您的講法. 小一的適應期真係不易. 希望我們的小孩子個個都能安然渡過. 我仔表姐今年讀緊小一. 每天放學後就自己上來我家直至晚上等佢父母放工接她.  (佢坐校車在我家樓下大堂下車, 無馬路).
我有睇佢d 書本.  都不易嫁. 個書包簡值係超重. 我問佢鐘意幼稚園 or 小一. 佢話緊係幼稚園. 看著她我就好似仔仔提早升小一咁.  又默書又test.......真係幾busy嫁.

小小分享:
我仔仔每天都有默英文.  都係學校教過果d. (bread, read, wind, write, hot dog, cheese...........)

新教的字在最初就玩填充先  eg  s_ ng , b_ n _ h, ....etc
玩多幾次. 佢就識串和默了. 佢話老師平時有叫佢地 close eye 串 字.

另外就 每天都計 20 條數.  (佢好鐘意計數．計完又話再計．．可能我出得淺．最多都係計到　１１＋５，　）

自從佢讀高班. 我已經放工沒有看 tv. 不過都值得. 因為佢很開心溫習. 每次都希望有 100 分. 還自己改簿.



中文多數做番學校d 工作紙.   佢最唔鐘意中文,所以係溫得最少. 多數係認字. 無再要求佢默. 我唔想佢討厭溫書.  

每天都係咁.  中英數 3 樣.  

平時d 工作紙  我會影印比他做.

我欺騙佢話高班係要咁溫習. 而且要天天溫. 老師會在家長日問番家長. 我話您知媽咪唔講大話. 所以您有沒有溫我要照實講. (很慚愧我其實係講緊大話欺騙佢)

基本上仔仔已經習慣了.  有時我lazy 想睇tv., 佢習慣到話媽咪我還未做自己功課.  我都唔知咁係好唔好. 因為見到其他小朋友 (eg 佢表姐 在 屋村幼稚園, 不是什麼名校) 低高班時已經有默書串字.... 而且 中文字也寫唔少. 英文會寫句字.  eg I am a boy/girl . ........etc.
   

littleeva

朱古力, penpen bosze
您地一定係同班. 真開心. , 我唔多識班上的家長. 有一位一同返禮賢會就比較熟 . 其他都沒有聯絡.       

littleeva

Lucas Mama

我仔都派左油塘基顯,  您大仔讀緊 ? 細仔是否 2007 入讀 ?
我就大仔2007, 細囡就有排... 到時大仔已經5年級. 妹妹才一年級.  

littleeva

bosze

好　＜sin mo＞　您地 　         

期待有機會與大家相見.

penpen

littleeva,
妳好偉大呀!! 我都未做到呢d野, 只係同佢溫下習,不過都係時要開始努力喇~  
唔緊要啦 ~  妹妹小一, 哥哥都仲係5年級, 唔係升中一, 都入到去呀~    

bosze,
見妳咁講, 我又好唔捨得想 咯~  
不過唔緊要啦~ 其實你囝囝(大角咀)同我囡囡(荔枝角)都好近姐!  

littleeva

penpen

我們個個做媽媽都係一樣. 只是各施各法.  但是大家都係一樣付出個心.  

penpen

囡囡好可愛呀!!  
想睇埋哥哥果張, 等下次學校有咩聚會, 大家可以say 個hi嘛~  

littleeva

ok　加左哥哥啦．　

朱古力

bosze,
我暫時諗住去補習社或搵鐘點是但一樣先.

penpen,
唔洗喊喎~見佢地咁乖，我同塱生隨時歡迎你地再黎玩呀！

littleeva,
嘩！唔覺唔覺你囡囡都咁大個啦∼時間過得真係快．

littleeva

penpen

多謝! 囡囡真係好可愛.  好得意. 感恩.

回想當錯的產後xx症.  雖然很辛苦不過都值得.  而家好湊好多. 就快 2 yrs. 不過之前就..... 初生bb 係好難湊.  

最辛苦係個工人姐姐. 感謝主.  她一直都係幫我湊大d 仔囡. 明年4 月會再續她.  

littleeva

朱古力.

時間真係好快過嫁. 幾時...諗諗佢.  囡仔真係得意好多嫁.  

penpen

littleeva,
哥哥係唔係都幾大件頭咁呀?! 戴眼鏡, 容易認!  
難得遇到個好工人, 咁妳都可以好放心, 一定要hold住佢, 相信妳對佢都唔差, 如果唔係佢都唔會對妳d小朋友咁好架!!
我自己都曾經想過出返來做野, 但要請工人, 但我就衰在唔鍾意有陌生人響我屋企囉~ 所以都係要等佢上左小學隱定左再睇下

朱古力,
都估到你係咁! 如果係我, 我會搵鐘點好d, 因為佢地初轉全日可能會好倦, 要適應期, 另外可以叫個鐘點煮埋飯, 妳自己都唔洗咁辛苦呀! 因為到時妳放工又要同佢做功課, 又要溫習
仲記得果日我地上左小巴, 塱生嗌左好多次叫我地再去妳家玩    佢地大個喇~  識得點樣相處, 少左紛爭, 我地又可以輕輕鬆鬆咁傾計, 簡直係樂事呀!  

朱古力

littleeva,
媽媽真偉大呀！你要放鬆ｄ啦！請到個好工人，
真係幫輕到自己好多架，真係要好好珍惜呀！

我成日都會叫自己放鬆，因為我好容易情緒低落架，
好似之前放榜咁，當我情緒好低落時，我會聽ｄ鼓勵既歌，
好似之前聽見penpen話收到禮小既信，我就好