好擔心...醫生話BB發展遲緩~~

HelenMrs.Lau

mamee 寫道:
Helen
最後見完st, 有乜說話講?

星期6果日見過阿仔老師同ST，大家都贊阿仔有進步，老師話連中心主任都甘講喎 都唔知係唔係真架 定TUM下D家長開心
ST話阿仔上個別堂好乖，好合作，好肯學野。上個別ST堂係隔週架，ST話今堂教左阿仔，阿仔下堂就有功課交（做到）。OK喎      ST話阿仔好鍾意嗲人，知道邊個錫他。寧舍聽錫他的人話，話乜做乜。 但係點解成日唔聽我講既，蝦到我屎屎下 :-|  :-|  :-| 真係學校一個樣，屋企一個樣。阿仔既表達能力（講野）高過理解能力，成日唔識跟指示做野。唔係好識答問題 :cry:  :cry:  :cry: 甘！即係得把口      好多日常用語：早晨，多謝，唔該晒，拜拜。。。。阿仔都OK。
我話阿仔有D音發唔到，ST話阿仔口肌完全無問題。ST見意如果大家想訓練小朋友既口肌（對發音有幫助）最好玩多D〔吹肥皂泡〕，SEE 至於我地前果排提過話想阿仔8月返普通幼稚院下午班（上午返SCC），ST唔多贊成，叫我地睇定D先。衣家出生率低，好多幼稚院都收生不足，唔怕無位。因阿仔成日好想別人注意（錫錫），SCC師生比率1比6，普通幼稚師生比率1比30，驚老師照顧唔到阿仔，阿仔為左吸引別人注意而做D負面行為或者會退步。 :-|  :-|  :-|

mamee

Helen

無咁誇張~1比30. 正常來講, 應該係1:14.
我估個st想講, 出面幼稚園通常收成30+個學生1班(2-3個老師). 班房裡面一人多哩, 小朋友就容易借機發亂.

個個都讚你仔仔有進步, 很好呀. 我相信老師/st唔會為左氹你而咁講, 你自己都見仔仔既進步嘛.

mamee

HelenMrs.Lau

Mamee,
係呀！阿仔確實真係SHARP醒左。近排唔肯返學      去到學校門口要攬住爸爸喊，唔比爸爸走。比餅乾利誘都唔〔喉〕      最後都係要爸爸陪入課室，攬攬錫錫一輪，先肯比爸爸走 好黐纏丫     
正話打左一大段，跟手POST，BK就DOWN左，激屎     

HelenMrs.Lau

至於老師就同我講左下學期阿仔既訓練目標。我就問左老師阿仔係學校既生活。
阿仔初初返學時有好多壞習慣都mit甩左
例如：
1。掟野：拿起野就掟，課室頭掟到課室尾。成地都係，執到老師屎屎下   
2。尖叫：以前為左吸引別人注意。
3。迄凳：比老師話得多，衣家無迄凳。
4。坐定：坐定左少少，無自由行。以前行渾全班房   
5。等侯：玩小組肯輪流做及排洗都肯等。

所以，kakab105 同 joanna 唔好灰心，他們會學同有進步架 :wink: 比心機加油

MAMEE，
我今日0力嘛 打左甘多野，簡直羅我命     

陸美爸

好辛苦...因為亞仔病左, 所以困左係屋企幾日, 人都快發毛喇...

呢幾日無返學, 對住佢既時間多左, 亦都覺得佢曳左好多...好勞氣 :evil:

helen,
老師+ST+主任都讚, 應該真係進步左好多......恭喜晒呢!!!

我個仔都係"成日唔聽我講，蝦到我屎屎下"果種  :cry:

陸美媽

HelenMrs.Lau

陸尾媽：
我隻仔都係越大，越曳，越識扭計發皮4。隻仔成日週圍摸，樣樣野都摸，又唔知危險，我都好勞氣∼∼∼:evil:  :evil: :evil:
無計，你就當哩D係副產品，照單全收囉！    
我老公就夠惡，兇到阿仔。我無乜火氣，所以隻衰仔唔怕我        

kakab105

helen 陸尾媽

我又係 亞仔怕爸爸 唔怕我~~

HelenMrs.Lau

kakab105 寫道:
helen 陸尾媽

我又係 亞仔怕爸爸 唔怕我~~

因為我地〔林〕，陰聲細氣，好好蝦 老師話同阿仔講野一定要好FIRM，一就一，二就二。唔好有位比他〔攝〕。隻衰仔知我心腸軟，又唔得堅持。大家執生喇

mickeyma

Helen,

Congratulation of the progress of your son!

"我隻仔都係越大，越曳"

Expert said it was because they became more smarter. Not only one expert said this to me, including Dr. Chan, my ST Ms Sung... Ha ha, so no worry..

tin_tin

mamee,

Thanks for your information. They are very useful for me. My son likes eating very much. I use some fruit 圖咭 and teach him "媽媽食蘋果", "哥哥食蘋果" tonight. 細仔好貪新鮮ga, d玩具玩兩三次就唔玩喇 (火車除外)! 有時唸點draw 佢 attention 真係唸爆頭!

細仔係 super Thomas fans, 日玩夜玩, 所以我收起晒d火車, 點知呢幾日佢囉d car 出嚟排隊, 扮火車. :-x

JOANNA722,
我仔相反, 出去做訓練肯全程坐定, 係屋企就走嚟走去, 激屎我!

Helen,
仔仔有進步恭喜晒呀!! 繼續努力!! 今日放假接仔放學, 老師話仔仔講嘢叻左, 但就曳左, 成日推同學呀!!

HelenMrs.Lau

有時唸點draw 佢 attention 真係唸爆頭! [size=medium]===> ME TOO!

細仔係 super Thomas fans, 日玩夜玩, 所以我收起晒d火車, 點知呢幾日佢囉d car 出嚟排隊, 扮火車. :-x[size=medium]===> My boy is a super BUS fans!    

我仔相反, 出去做訓練肯全程坐定, 係屋企就走嚟走去, 激屎我! [size=medium]===>  SAME TO MINE     

Helen,
仔仔有進步恭喜晒呀!! 繼續努力!! 今日放假接仔放學, 老師話仔仔講嘢叻左, 但就曳左, 成日推同學呀!![size=medium]===>  THANKS!   My boy also is a naughty one          

JOANNA722

HelenMrsLau
你仔仔叻左好多喎!    加油, 遲下又叻d架嗱!  到時咪可以比人趕出校law!   

HelenMrs.Lau

Joanna:
你都加油丫！到時唔洗排隊添     

12312

今日又返"廣華"覆診, 是上次 12月腳的事件, 當然我又會問下囝囝的"智力, 言語"啦, 男兒科醫生說 排綜合檢查排成點呀? 我話最小要在"容鳳書"重要等成 2個幾月, 點解等咁耐?   醫生話記錄排"波斯富街排成點呀? 我話"波斯富街"通知只是 排6y 以上, 叫我去 "啞蘭街" , 啞蘭街說已排了"容鳳書'' , 我吹"容鳳書"時間點解等咁耐, 朋友等2個月已見醫生, 但鴉蘭街文員: 越見得快, 即是問題大喎. 是否這樣的?    
另排了在"廣華"做聽力測試--要睡了才做的那個test.

在返家裡的路程, 囝囝激死我呀, 在旺角行去乘mtr, 囝囝在通菜街要 "轆地沙" , 婆婆說抱啦, 即刻對婆婆好開心咁笑, (其實囝囝跟本不倦.) 如果不是街上咁多人, 我實由得佢 "轆地沙" ( 越大越古域.) ,
(今日接囝囝去"廣華" , 走的時候連校長都肯-踢)   

稚言治語

咦﹗我冇聽過波斯富街做評估喎﹗請問是什麼機構來的？

至於衛生署轄下的兒童體能及智力測驗中心(即所有CAC，例如鴉蘭街、容鳳書等；大口環除外<~~因為屬於醫管局)，由於不同地區的人口分佈不同，排期所需時間會稍有偏差。

據我所知(未必準確)，現時的制度應如下：
1. 先見護士，由護士收集資料，初步決定小朋友需要見哪幾門專業(醫生、PT、OT、ST、臨床心理學家、聽力學家、視光師、醫務社工等)，然後依需要排不同的隊。
2. 有些中心有Join Clinic，即小朋友會同一日見多過一位專家。有些則分別約見。
3. 至於是否能力差的小朋友會先行接見，我便不大清楚。可能是因為在某一間中心，某一條隊(同時要見很多專業)比較短。

12312 寫道:
今日又返"廣華"覆診, 是上次 12月腳的事件, 當然我又會問下囝囝的"智力, 言語"啦, 男兒科醫生說 排綜合檢查排成點呀? 我話最小要在"容鳳書"重要等成 2個幾月, 點解等咁耐?   醫生話記錄排"波斯富街排成點呀? 我話"波斯富街"通知只是 排6y 以上, 叫我去 "啞蘭街" , 啞蘭街說已排了"容鳳書'' , 我吹"容鳳書"時間點解等咁耐, 朋友等2個月已見醫生, 但鴉蘭街文員: 越見得快, 即是問題大喎. 是否這樣的?    
另排了在"廣華"做聽力測試--要睡了才做的那個test.

hinhinmummy

尋日老公同軒軒返大口環精神科覆診, 醫生看左佢呢幾個月係大口環st, ot的report, 話佢進步左好多, 看黎可以讀i位不駛讀s位, 跟住佢再看埋上年9月見心理醫生的report就話啦, 心理醫生(學家?)話佢都係有小小似a-features, 都係不好啦, 橫掂都排左s位law, 讀住先啦, 讀讀下佢地覺得佢可以讀i位就會趕佢出黎.

oh! 本來有小小希望不駛讀s位, 都係....

不過諗深一層, 都係既, 依家先話轉i位, 未又要排1年多?

不過都好, 起碼醫生看返d report之後, 都話佢進步左好多, 有機會轉i位, 希望好快比人趕出校

依家出去食麥當當, 再去花展

rincojack

HI HelenMrs.Lau :
I saw your post that your son love to touch every thing, it is prossibly, your son needs 感統training. Because he wants to treat himself by touching every thing by which he could actually feel the nature of surface of thing. Or you may buy or collect things with different surface nature.
I learn this from the certified 感統training from Heep Hong. It is really useful. see you !

rincojack

Hi hinhinmummy :
Do not waste the chance to enter the special school, we have to confessed that our child need special attention whether on the education or learning  on the living. I have two sons with the same problem and now they are being educated in S- school. The training provided by the school is very much useful and my elderly son 4 yrs. old ( with a very minor features) is now has a very impressive improvement. I am sure I have a right decision, also my family contributed a lot to them no matter at home or outside. Remember, the endless loving , efforts round the clock from the parants are very important. The           'greaest enermy'          to our child improvment is          'ourselve'.

hinhinmummy

rincojack

多謝你的comments, 其實我不是不比佢讀s位, 不過始終有個期望(或者可以話'網'想), 佢可以不駛入s位, 讀i位就得.
當然我會聽從醫生/專業人士的意見啦.

to all

剛剛去完花展返黎, 好倦, 好多野玩, 跳彈床, 跳到幾野啦, 不過著左條好鬆的褲去, 一路跳, 一路甩, 佢無心機再跳, 再跑車, 兩隻腳一高一低郁果d, 佢未做到, 我唯有一路推佢, 一路教佢, 腰骨都斷埋.

跟住呼拉圈, 見到家姐玩, 佢就自己係個呼拉圈入邊自轉當玩左.

再玩彈彈波, 又係不識彈, 我幫佢彈下彈下, 當然又係腰骨斷多一下.

跟住玩集體遊戲, 一塊好大的色彩實粉的布, 好多小朋友一人拿住個邊, 小朋友掛上色帶, 工作姐姐叫紅色, 紅色色帶的小朋友就要由布低(小朋友會高起塊布)捐過去對邊.

軒軒玩得好開心, 到呢度, 條腰斷到企不直(因為要同軒軒係布低一齊捐過去).

跟住去影埋d靚相.

14元大人, 7元小朋友(軒軒不駛錢), 21元玩左一個早上, 好抵, 但買脫苦海的錢看怕都不小

如果聽日得閒, 去玩下, 最後聽日  

還有好多攤位遊戲, 有小禮物

JOANNA722

又要來呻下!  今日同個仔搭地鐵去做st, 佢唔乖突然落地坐過對面時, 踩到啊叔條褲, 我未講Sorry! 佢已話我個仔"痴9線" 不停檢視佢條褲傷勢, 表現很不滿, 又怒啤我地, 後來我咋聽唔到咋看不見佢......   真係唔開心