荃灣浸信會幼稚園家長-chat room, 入來傾傾吧.Part IV

必必

yanyanmama,

你有無問過其他旅行社有無團? 現在唔成團的是那一間旅行社? 不如考慮下去台灣/星加坡, 4日自遊行一定去得到.

我今日去了旅行社交埋團費, 27號出發, 要到26號5pm後才知出發時間, 地點, 都好遲才知.

christina,

請到好工人真係好似中六合彩一樣, 真係要講彩數.  我現在請的是沒有做工人經驗, 所以開頭是很難教, 如果你請到有星加坡/台灣工作經驗的, 會好好多.

明天帶佢去agency照肺, 照完之後, 應該會好些, 另外, 我姑仔話佢今朝早餐食了2塊方包, 仲有一個公仔麵, 真係好大食.  

christina

Yanyanmama:可否告知在那兒看到伍x明有我囡d相, 我找唔到, 麻煩晒你.(上午校/下午校)???

maku

yanyanmama 寫道:
maku
你係公司/屋企 我都剛剛先走得, 今日夜左

今晚, 有朋友來我家吃飯, 所以幹返屋企   

christina

yanyanmama:終於見到相簿la, 不用告知.

christina

必必:有d人話請有經驗, 有細佬個d會定性d, 又有d話請全無經驗可以教佢, 咁佢就會聽聽話話, 永無say no, 都唔知請邊d好. 你26號才知, 你去那裏, 何時回港 你工人好大食woo.

maku:singapore是個好choice     

必必

christina,

其實都是那一句, 真係睇你好唔好彩, 我請過幾個工人都是未婚, 因為我驚有小朋友的會思家, 仲有好多時小朋友有事, 佢會無心機/要返家, 所以都會好煩.

如果可以, 可以考慮在港請完約女傭, 可以直接見及試工, 滿意才請, 不過那些工人會選工作, 你請佢, 佢都未必會做.  無經驗就要俾多些時間去train佢, 所有事都可跟你要求做, 有經驗的就已經有自己的一套做事方法, 好難要求佢改.

我睇報紙見到8月尾去singapore套票不用$1,900, 仲包 2-3晚酒店, 真係幾扺, 我報了團, 唔係都會考慮去singapore.

我們報了27號, 3日2夜住2間渡假酒店, 一間是海泉灣, 一間是虎門豐泰花園酒店, 會去埋番禺歡樂世界.  一共11人出發, 好耐未試過那麼熱鬧了.     

christina

必必:多謝意見, 好詳細啊.11人去玩真好. singapore個時跟團去過, 我感覺較悶 :cry:


yanyanmama:你可以跟singapore套票     

yanyanmama

Christina/必必
我係東x遊，　唔成團，　尋日試左Singapore airline, 只係waiting list, 可能去唔成   

０１０
失蹤左, 返屋企只同阿仔玩, 唔理我地   

必必

yanyanmama,

下次去旅行, 唔好那麼遲才決定了, 旺季真係好快會滿, 去唔到就掃興了. 真係去唔到, 會唔會返大陸/澳門?

010去了東莞, 你是不是唔得了?

christina,

今日帶了個工人往agency, 個agent話我一走了, 個工人就喊, 仲話contract寫話照顧6個人, 但是就要照顧12個人, agent問我係唔係, 我話係12個人的dinner, 鬼叫我奶奶有5個仔女, 返晒來點止12, 有14個就真, 後來仲話唔做返菲律賓. 我就同agent係電話講, 最好佢唔做, 即刻俾番一個月代通知金我, 叫佢即走.......

最後, 當然係經agent同佢訓話一輪, 見到其他鄉里同佢講下cases, 知佢其實已經好好,  跟住就死死氣同我講對唔住, 跟我返家啦! 經過今次, 睇怕佢都會乖乖地了. 其實新來的工人, 每人要俾萬幾元手續費才可來hk, 如果俾人抄了, 返家鄉真係要有排還債.  

christina

yanyanmama:非常應同必必講, 旺季好快full, 好彩我報到團, 但選擇唔多lor, 最衰老公好遲先知可以放假, 我個人好性急, 一plan去旅行, 先取假, 之後就會報名架la, 你可以去macau/買大陸package玩吓lor.


必必:咁是否要比3000多元, 無啦啦要比, 條氣真唔順, 好多工人用cry招數架la, 我d親戚都試過la. :evil:          :tongue:

010

放假放到心散晒，所以把心一橫放多日假上去東莞玩多日． 好攰！但我無唔記得你地，一返來就上來啦．

結果星期五一早便上去，仔仔重話係綠楊撞到yanyan同喬喬喎（我自己只見到喬喬咋）．yanyanmama囡囡無話你知？

太子酒店無想像中�拍攝咁靚 .姑仔喎太多人去已經舊左啦．但佢地真係好有規模，五星級係唔同ｄ，因姑仔關係upgrade到房，所以都算好．洗手間都有電視看．仔仔好開心，重一路浸浴一路看電視．
而個泳池真係好正，好大，我地去時唔多人，但後來慢慢就人多啦，重多數都係香港人喎！

Yanyanmama/maku ：你地想去新加坡玩？我10年去過一次，覺得無咩野玩喎，ｄ野�食又唔平．．．．唔知而家會唔會唔同，但上年同事個個去完返來都話麻麻喎．．．  

必必
我有時都係坐係到燙衫嫁，我老公可以證實係．．．唔得嫁．．．
請工人真係講彩數，你果個咁表現－我估佢思鄉呢，你都係唔使諗啦，換個個安全ｄ．唔係一定激死你．
韓國團餐咁差咩？我又唔識講韓文，要去一定要跟團喎．．．．重諗住計劃下揾次去下呢，真係要諗諗先．．．．

Maku
我只係比仔仔同表姐仔係青年協會學個暑期課程，好似$4xx咁上下，得5堂，唔期望佢地學到ｄ咩，只係比佢地初步接觸下日文咋，佢地初初學左數數字，由1數到100嫁，但跟住我仔因去台灣�東莞連續２課無上啦－蝕本啦，返來上多一堂便完啦．但你自己教囡囡唔係會好ｄ咩？

--------------------------------------------------------

頭先返來吃左件鳳梨酥，已經無岩岩買咁好食啦，所以各位要快ｄ取．
因明天重係放假－約左仔仔＋表姐仔+表姐D朋友仔去Disneyland，希望唔係下雨啦！
christina 咁我當你唔要啦！
yanyanmama星期二返工約你中午交收．
必必星期二放工後約你交收，
maku你係咪係中環工作，我地點交收？

--------------------------------------------------------
各位得閒入去看看
台北之旅相片
太子酒店

maku

good morning.

必必
我女女游水今次要留级中一， 申請了星期日12：30， 你又如何？


010
我在FORTRESS HILL返工， 不如你比CD 埋必必先， 等我去向她拿, 谢谢。

yanyanmama

各位早!

010

大家早
我同仔仔＋表姐仔＋朋友仔出發去Disneyland啦，今晚返來再上來報料－如果重頂得住的話

maku

010

哇....你节目好丰富   

yanyanmama

010 寫道:
大家早
我同仔仔＋表姐仔＋朋友仔出發去Disneyland啦，今晚返來再上來報料－如果重頂得住的話

今日好熱, 記得飲多

yanyanmama

maku 寫道:
010

哇....你节目好丰富   

好厲害, 明天返工你就知味道

必必

010,

阿仔功課已經在我手上. 星期二, 你幾點返到荃灣? 對仔女要游水, 6:30左右才在寶石樓附近出現,  如果你都是around那段時間, 我就帶埋功課出來, 如果唔係, 我就唔帶了.

各位:

工人有些少進步, 要睇多一, 二星期她的工作態度, 才決定抄唔抄佢啦....昨日因為家中無人, 所以要迫住帶佢去埋我婆婆家, 阿姐真係寸, 同我講佢唔想去, 我就好 , 同佢講, 我一早同你講因為家中無人, 所以會帶佢去婆婆家中, 等佢學下煮飯, 我講到明, 我對佢無信心, 另外都信佢唔過, 留佢一個人自己在家, 偷野走佬都得啦! 仲有, 我話佢現在的身份是工人, 唔係老師, 我assign的工作, 佢無得say "no".  真係一些基本知識, 禮貌都要教, 仲慘過教仔女. 最慘係唔準時, 叫佢預備出門口, 佢話想沖涼, 我就叫佢快些, 因為仲有5分鐘就出門.  點知阿姐仲要用了20分鐘, 跟住問我有無士啤梳, 因為找不到, 無梳, 即係佢幾日都無梳頭???  跟住仲要刷牙, 真係睇到都   啦!

現在那些工人好醒目, 昨日仲問我, 係唔係今日有假放? 我話你星期三才開工, 連埋今日, 才第五日, 根據勞工法例, 每7日才有一天休息日, 你都未做到7日, 點有假? 仲有假期未必在sun, 任何一日都可以......自已唔識的話, 都會俾個工人大番轉頭.....

昨日個舊工人返來拿封信, 佢真係好好景....佢話有好多傭主請佢, 之前話在青衣, 昨日話轉了去跑馬地, 一個印度家庭, 仲話傭主2公婆都是醫生, 另外有一家美國人, 仲有2公婆住淺水灣及一頭狗的. 唔通出面真係好好環境?

yanyanmama,

去唔去得到旅行?



maku,

對仔女仲有2堂才學完, 要星期四才知升唔升到, 不過家姐升到高一就好煩, 因為2個唔可以 一齊游, 一係就在星期日11:30, 才可以 2個一齊, 唔係就要星期五, 家姐游4:00, 細佬游5:00, 不過家姐到時會好趕,  所以都幾頭痛, 如果游sun, 他們可能要走一堂, 因為我們仲有一日disney未去, 俾了錢, 點都要去多一次.

yanyanmama

必必
你工人真係好大膽, 又真係令人好激氣

我BOOK 左SINGAPORE 機票, 去程ok, 但回程仍然WAITING LIST, 睇怕    , 要再去睇睇其他選擇, 大陸唔可以, 阿囡張回鄉卡要31/8後才有, 我老公唔太喜歡返大陸, 好煩

必必

yanyanmama,

去唔到singapore, 唔去大陸, 只有去澳門......好過無啦!