有關和小兒在學習和打機及電子媒體使用上的時間爭議

Jane1983

October. 發表於 19-6-14 21:31
婚姻呢樣野，錢生話齋：城外的人想衝入去，城內的人想逃出來。我就覺得好似著鞋咁，要自己去試，先知岩唔 ...

錢鍾書講的係一個現象，但實情係人人際遇唔同。有d人的婚姻係幸福的，互相扶持；有d人係第三者不斷或者柴米油鹽生活逼人。執到好籌的，唔會想出來。明知係死路一條，亦唔係個個為恨嫁而夾硬黎。

結婚同修身唔同，就算當事人再好、再努力，遇到不堪的對手，最終都難有happy ending。

October.

Jane1983 發表於 19-6-15 08:48
錢鍾書講的係一個現象，但實情係人人際遇唔同。有d人的婚姻係幸福的，互相扶持；有d人係第三者不斷或者柴 ...

是的，遇到好的婚姻要格外珍惜。

所有的大人都曾经係孩子，但唔係所有既孩子都會變成大人，有啲人經歷挫折會成熟、會進步，有啲人就原地踏步永遠都係孩子一個，一段婚姻如果對方不努力去呵護，靠一己之力維持，很快會七癆八傷，咁情況，依家啲人好識打算既，唯有放棄，越早止蝕傷害越少。

另外，當然唔贊成為嫁而嫁啦，未嫁都唔滿意對方囉，當戀愛蜜月期過後，只會更加失望。

stanleypyk

最近阿仔間學校要求學生要找一些與本科有關的暑期工計學分，在他返便利店時突然有位做地產的客人問他有沒有興趣到地產舖做，都要熟中文輸入和繪圖，但仔這五年來一開電腦只識打機，以前教過他倉頡和速成，但未肯用心練習，今天一路打機間中話學中文輸入，這樣學法，惡補都無用，死性不改，到時見工佢就知衰！

王家爸爸

Jane1983 發表於 19-6-15 08:48
錢鍾書講的係一個現象，但實情係人人際遇唔同。有d人的婚姻係幸福的，互相扶持；有d人係第三者不斷或者柴 ...

就好似 Before Sunrise 片頭嗰對德國夫婦咁，幾十年都係為一啲小事（例如報紙新聞）而爭吵。可能男女主角既邂逅，然後失聯，再重逢，再失聯，更令人回味。

洋蔥頭媽咪

stanleypyk 發表於 19-6-15 13:34
最近阿仔間學校要求學生要找一些與本科有關的暑期工計學分，在他返便利店時突然有位做地產的客人問他有沒有 ...

所以話唔駛勞氣喎，書到用時方恨少，年青人有的是時間，碰下釘、捱過知衰就會願意去學/去做，由得佢啦！就算佢揾唔到，放心明年 yr 2 學校都會幫佢地揾。

Jane1983

王家爸爸 發表於 19-6-15 13:38
就好似 Before Sunrise 片頭嗰對德國夫婦咁，幾十年都係為一啲小事（例如報紙新聞）而爭吵。可能男女主角既 ...

唔好的男人一直失聯算啦，咪鬼重逢

Yanamami

stanleypyk 發表於 19-6-15 13:34
最近阿仔間學校要求學生要找一些與本科有關的暑期工計學分，在他返便利店時突然有位做地產的客人問他有沒有 ...

Stanley, 打蛇隨棍上快d再教佢中文輸入法啦，学下学下一个两个鐘过去咪打少d机食少d煙出少d去網吧囉~

little_yolky

October. 發表於 19-6-15 11:01
是的，遇到好的婚姻要格外珍惜。

所有的大人都曾经係孩子，但唔係所有既孩子都會變成大人，有啲人經歷挫 ...

好彩我C6暫時睇嚟都唔錯，係身子差D

little_yolky

stanleypyk 發表於 19-6-15 13:34
最近阿仔間學校要求學生要找一些與本科有關的暑期工計學分，在他返便利店時突然有位做地產的客人問他有沒有 ...

我當年本身識英文打字，去中大校外進修，學咗個半鐘就識。明咗個道理就得。練得多，依家一分鐘6X字。地產應該無駛打字快，識就得。

stanleypyk

Yanamami 發表於 19-6-15 16:05
Stanley, 打蛇隨棍上快d再教佢中文輸入法啦，学下学下一个两个鐘过去咪打少d机食少d煙出少d去網吧囉~ ...

教都無用，昨天慣常晚上8點前打完機，冧住食完飯夜晚叫佢學一陣，終於9點前又出咗去，深夜12点半才回來，唔問都估到佢去咗邊，不聽教，無奈！

October.

little_yolky 發表於 19-6-15 17:16
好彩我C6暫時睇嚟都唔錯，係身子差D

你C6算好啦，肯幫女溫書，都係你調教得好。叫佢做多啲運動啦，身子健康先至係本錢，我屋企倆個男人都肯做運動。

little_yolky

October. 發表於 19-6-15 22:06
你C6算好啦，肯幫女溫書，都係你調教得好。叫佢做多啲運動啦，身子健康先至係本錢，我屋企倆個男人都肯做 ...

佢慘呀，結婚前係跑長跑的，又鍾意打機。生咗小朋友乜都無晒。但家姐到依家咁大個都好痴佢㗎。家姐真係佢一手帶大既。

October.

little_yolky 發表於 19-6-15 22:25
佢慘呀，結婚前係跑長跑的，又鍾意打機。生咗小朋友乜都無晒。但家姐到依家咁大個都好痴佢㗎。家姐真係佢 ...

邊個帶大親邊個，你C6個心甜到漏啦。佢為家庭為阿囡都放棄興趣和打機，呢啲咪有責任感囉。所以，有啲人係唔同環境下，係會改變的。

stanleypyk

昨天婆婆到我家暫住兩週，阿仔終於夜晚無出去打機煲煙，維持返個乖孫型像，希望這兩週不會再這麽放肆！

little_yolky

stanleypyk 發表於 19-6-16 08:32
昨天婆婆到我家暫住兩週，阿仔終於夜晚無出去打機煲煙，維持返個乖孫型像，希望這兩週不會再這麽放肆！
...

婆婆錫佢呀嘛，無成日話佢呢樣唔好果樣唔好。佢大個仔喇，好唔好都係佢既選擇，唔好俾咁多「自己」既意見，由得佢自己試下。

Jane1983

stanleypyk 發表於 19-6-16 08:32
昨天婆婆到我家暫住兩週，阿仔終於夜晚無出去打機煲煙，維持返個乖孫型像，希望這兩週不會再這麽放肆！
...

你和婆婆對佢的態度有咩唔同? 係咪婆婆係愛心滿滿，你係道理多過感情? 你要用佢受果套去感召佢，一味批評或者恐嚇要趕佢走係無用。

你仔和婆婆的互動，顯出佢的心其實未盲，有得救!

MrBeast

little_yolky 發表於 19-6-15 22:25
佢慘呀，結婚前係跑長跑的，又鍾意打機。生咗小朋友乜都無晒。但家姐到依家咁大個都好痴佢㗎。家姐真係佢 ...

encourage 下一起玩/學様運動，我都係咁個水泡先細左

MrBeast

Jane1983 發表於 19-6-16 09:37
你和婆婆對佢的態度有咩唔同? 係咪婆婆係愛心滿滿，你係道理多過感情? 你要用佢受果套去感召佢，一味批評 ...

不排除相見好同住難

Jane1983

回覆 MrBeast 的帖子

相見好同住難，都係ga。不過衝突通常係同女和女婿，同孫比較少。
我細個係由婆婆湊大。她有很多缺點，絕對唔好相處。但湊大的感情係唔一樣。

MrBeast

學生不願意用功讀書，甚至逃課，也許會讓部份老師十分苦惱。中國山西朔州任教高中三年級的蘭老師，在 3 年前向學生承諾，如果他們不走堂上網，完成高考後就請他們到網吧打機。早前高考結束，蘭老師兌現 3 年前的承諾，在周日（9日）自資請全班同學到網吧打機。

蘭老師接受傳媒訪問時表示，他在 2016 年開始教這班學生，可是他們算是成績較差的一批，尤其是男生都愛上網打機，於是他便跟同學說，如果這 3 年他們好好聽話，不翹課到網吧打機，至高考完結後，同學可選最好的網吧，他包場請同學打機。

時光飛逝，早前高考完結，蘭老師亦兌現承諾，花了 3000 多元人民幣包了一個網吧，學生都十分興奮。來到網吧，有的同學打機，有的則看劇。他表示：「用這種方式來告別高中也挺好的，家長也表示理解，覺得孩子出去玩一下沒問題。」接下來老師還計劃跟其中約 20 名學生騎單車到上海作畢業旅行。至於網民方面，不少人都十分羡慕，留言：「又是別人家的班主任」，「為甚麼我當時沒有這樣的老師」等。

src: ezone