2005年出世或~宏福幼兒園媽咪~(PART II)歡迎新朋友加入

ElainAiolia

Dear all mami,
明天 (5/6)，小朋友要著綠色上衫返學校，參加世界環保日，及有生日會開 (子聰果班有2個同學生日)，記得帶書包。

上星期子聰返畫班，我聽D家長講新都會有教樂器果2間舖頭，有暑期班開，好似話係教D小朋友唔同o既樂器，o黎發掘佢o地對邊種樂器有興趣D，再讓佢o地係果方面發展，但價錢 同地點，我聽唔到佢o地講，又唔好意思問 。

其實呢排都有上o黎，不過見佢好慢，仲short short o地o忝，所以無留言 。

天藍 / 626mama / pcdogxx / hongmimi,
你o地有無都到協康會搞o既參觀麵飽廠，佢o地前2日打電話比我 ，話抽簽抽唔中，唔知你o地有無中呢 ？

ElainAiolia

天藍,
唔使客氣，但青衣城2樓果間文具舖，好似叫「美亞」，我上星期日去好似已經執o左「粒」o咼。返畫班果段時間 (一個鐘頭十五分鐘)，如果你無地方去而又唔離開果度，開頭老師係唔關門上堂，之後先關門上堂，但你可以係門上面o既玻璃或走廊果塊大玻璃睇入去課室，睇o下佢做乜及上堂時佢o既反應，放學後，老師派完評估卡，佢都會講o下小朋友上堂有乜o野問題or有無進步，而你亦可以問o下老師D野。

乜昊藍上功夫班都係要叫走，乜真係咁唔好玩o羊。

昊藍好番晒D鼻水同咳未，小心身體。

嘩，你o地成班星期六無上到功夫班，走晒出去玩玩具，留低鈞渝一個努力學習，小心你o地第二時唔夠鈞渝打。

ElainAiolia

626mama,
18/6你會唔會去？我會去，暫時亦幫聰爸報埋 (未知佢返乜)，即2個，聽o下佢講D乜都好呀。放心la，若大吉你去唔到，我o地幫你聽埋再話比你知la。

pcdogxx,
鈞渝o力o力 ，無偷懶，努力學習，第二時唔怕遇到色狼la 。

鈞渝仲有無發燒la？小朋友病就真係最忙、最辛苦及最擔心o既都係我o地，扁桃腺發炎係會發燒o架，因我以前成日都會發o既，而家少o左lu，小心身體，祝佢快D好番。

ElainAiolia

fionlaw / snoopyhk,
歡迎加入吹水，得閒上多D o黎la 。

fionlaw,
我有幫小朋友報暑期班，都係好似626mama / 天藍咁，報協康會，因為好近我屋企o麻。

18/6，我都會去，另外我同626mama個仔K1都會係宏福果邊個校舍返學o架。

係呢，你個仔叫乜o野名，睇o下我識唔識佢，子聰平時都係由印印帶返學、放學，不過，有時我放假都會帶o下佢返學o既。

子聰早排生日已經係1月o既事lu，但係都要多謝你o地張DIY Birthday Card 。

畫班詳情我pm比你呀。

snoopyhk,
書簿雜費幾時交 (學校未公報，可能18/6會講)，另外你問有幾多人會唔交，我都唔係太清楚。

天藍

pcdogxx,

鈞渝今日好d未? 仲有無發燒? 小朋友病真係好擔心
同大人都好辛苦, 又無得訓, 鈞渝真係慘要食抗生素。
希望食藥會早日康復!
你同你老公真係好鍾意飲菜蜜, 一見到就買
我都係咁話鈞爸出聲話買好過你自己話要買,
到時唔會比人哦嘛又話屋企都好多。
鈞渝無返學記得準時食藥, 休息多d, 如學校
再有乜通告我post上來話你知。

ElainAiolai,

我後尾無去到青衣城個到買學畫畫既圍裙, 因
我係荃灣個到買啦, 都o岩身只係$25圍裙
連兩個手就仔, 後尾我見我樓下個間文具鋪
都有只係$20, 但d公仔就無咁靚, 昊藍個個
圍裙係咸蛋超人, 佢一著起就話要打怪獸
昊藍以家都係青衣城個到學緊畫畫, 試
兩堂佢都好鍾意, 只係入去個到哭一陣,
之後都好開心, 放學個陣個個同學仔走佢
唔肯走話要再畫, 希望佢返你介紹個間都
係咁開心同鍾意, 因以家我睇緊邊間好先
決定比仔仔以後讀邊間, 多謝你成日介紹
d好野比我。Thx!!!
昊藍真係唔鍾意返功夫班, 如返功夫班好
似返畫班咁就好啦! 好彩功夫班唔貴平咋!
唔係真蝕水, 以家變玩具日, 唔打功夫
去玩玩具~
我無報協康參觀麵包廠, 我只報"齊齊賀中秋"
個個咋! 但我報"塗鴉寶寶(a)"都唔仲簽, 因之
前諗住荃灣個到無咁快有位咪報, 好彩抽唔仲,
因以家仔仔係青衣城同荃灣個到都有位, 咪唔
協康個到, 抽唔中有得退錢仲好~
你話葵芳個到學樂器, 唔知係咪葵青戲院個到,
因我之前都聽個人講, 但唔知好唔好??? 等我
打探下再報告比大家知。
你講開學樂器同音樂, 我見青衣都有, 我資
料, 但放係屋企, 如你有興趣, 我明天帶返公司
scan再email比大家。

原文章由 pcdogxx 於 08-6-4 17:38 發表
各位,
呢排真係冇心情上黎, 因為鈞渝病足一個星期, 仲要係發燒燒左咁多日..  真係擔心死我.. 原先星期六諗住佢冇燒, 點知上完功夫班又燒過喇..  即刻同佢去睇醫生, 話佢扁桃線發炎喎..  食左3日抗生素都仲係燒.. 原 ...

[ 本文章最後由 天藍 於 08-6-5 10:34 編輯 ]

fionlaw

我囝囝個名叫“文煜”。
我已經收到你俾我既資料，thanks!我琴日放工都去咗青衣城果間攞資料，雖然價錢比其他地方貴d，不過我見d時間都ok，而且婆婆又唔駛去到咁遠，所以我今晚就會去報名，想幫囝囝報“幼兒塗鴉樂”。可惜佢哋無手工班，之前家長日miss bonnie同我講囝囝對做手工好有興趣，所以好想俾佢學，可能退而投其次考慮報唔報埋“紙黏土班”。

原文章由 ElainAiolia 於 08-6-5 01:35 發表
fionlaw / snoopyhk,
歡迎加入吹水，得閒上多D o黎la 。

fionlaw,
我有幫小朋友報暑期班，都係好似626mama / 天藍咁，報協康會，因為好近我屋企o麻。

18/6，我都會去，另外我同626mama個仔K1都會係宏福果邊個校舍返 ...

[ 本文章最後由 fionlaw 於 08-6-5 12:34 編輯 ]

hongmimi

各位，
真係唔好意思…好耐無上黎…原來都左咁多新朋友~

ElainAiolia，
協康會除左功夫，我join左塗鴉同中秋，麵飽廠就無參加，暫時都未收到任何電話通知話無份。

嘩!妳都好積極幫子聰join暑期班喎! 子聰呢個暑假夠晒充實。

pcdogxx，
鈞渝食左咩野熱氣野攪到扁桃線發炎? 唱歌又跳舞…病得黎都幾精靈喎~

唉…如果匡匡上playgroup可以學到鈞渝一成都好喇~ 我真係唔知點攪…匡爸叫我下次放低就走人，無鬼理佢喊又好、扮野又好…我就至怕阻住其他人上堂。

天藍，
而家妳協康會中唔到簽真係fit到漏油…原來學畫畫要買定圍裙架! 唔知我到塗鴉洗唔洗自備呢?

pcdogxx

Hongmimi,

你做乜咁耐唔上黎呀?  人地好掛住你架嘛..  

唔知係咪如果佢唔打黎就中架呢..  我無收到電話, 跟住我打去問全部都中晒呀..   塗鴉寶寶 / 感官樂園 / 開心放暑假 (青衣) / 學前適應小組 / 賀中秋 都有得上..  所以我諗你冇收到電話應該有份喇..

塗鴉果度, 佢話如有需要請自備圍裙及毛巾呀..  所以你如果抽中左都要預備定喇..  

我都唔知佢做乜扁桃線發炎呀.. 佢都唔會點食熱氣野啦..  我地好少俾佢食既..  真係睇醫生都睇到窮呀..

天藍,
你真係好彩咁岩抽唔中.. 又唔使咁頻撲..  咁好運快d去買返注六合彩睇下中唔中啦...  

鈞渝呢兩日都無發燒喇..  尋日同今日都有返學..  不過尋日返屋企唔見你地講6月18日講座果張通告既, 唔知係咪截左呢?  我今日有寫手冊問老師呀..   

ElainAiolia,
我冇報到麵包果個呀..   爸爸話冇興趣嘛..  所以咪冇報囉..

鈞渝無燒喇..  不過今朝唔知係咪唔夠瞓, 扭計到爆..  所以9點幾先返到學校..  你係咪又係好易扁桃線發炎架?  渝爸細個一食熱氣野就扁桃線發炎架喇..  跟住太麻煩所以好細個割左無後顧之憂..  我驚鈞渝遺傳到..  係就麻鬼煩喇..  希望唔係啦..  

我都估唔到鈞渝第二堂居然會唔喊, 仲跟住師父學..  所以如果佢去慣左果度, 我可以同佢報多d course,  第時返上午班, 放左學瞓完午睡可以有d course讀下唔使對住工人戇居居...  唔知平時果度有冇開course既呢..  遲d問下有冇資料先..

咁你係咪除左麵包廠唔中之外, 其他course都中晒呀?

[ 本文章最後由 pcdogxx 於 08-6-5 13:58 編輯 ]

snoopyhk

ElainAiolia,

你好, 我同囝囝只係報了宏福暑期班, 希望他在開學前可預先適應學校。

原文章由 ElainAiolia 於 08-6-5 01:35 發表
fionlaw / snoopyhk,
歡迎加入吹水，得閒上多D o黎la 。

fionlaw,
我有幫小朋友報暑期班，都係好似626mama / 天藍咁，報協康會，因為好近我屋企o麻。

18/6，我都會去，另外我同626mama個仔K1都會係宏福果邊個校舍返 ...

626mama

天藍,

你都算好彩咁岩抽唔中，又可以退返錢。又唔洗兩頭走。


pcdogxx,

鈞渝病足一個星期，發燒燒左咁多日，真係好擔心。
好d就好喇。

鈞渝報既4個course都得，都好好彩喎。
我明天都唔知帶唔帶軒軒上功夫班。不過細姨同婆婆都話肯帶佢上。

鈞渝第二堂唔喊，仲跟住師父學，好叻女，值得讚。叻女。
比鈞渝去學跳舞都好喎，佢一定好肯學。

原來塗鴉果度, 佢話如有需要請自備圍裙及毛巾!!有在冇咁快開班，我遲d先睇同買。  


EalinAiolia,

協康會搞o既參觀麵飽廠，我沒有報名。因為好以係閒人來。

18/6我報了兩個去，到時至算。聽o下佢地講咩都好啦。
如果真係去唔到...回來問妳先。


fionlaw

妳囝囝叫“文煜”，係自已改定比人改嫁，個名都幾特別喎。
我住沙田入到青衣咁遠返學，係因為星期一至五，軒軒由婆婆湊，
婆婆住青衣嫁，我地識d小朋友多數都在青衣左右。

新生家長會我想去，暫時未知到時符唔得。


hongmimi,

原來妳都係協康報了塗鴉同中秋，麵飽廠三樣野，又係抽中晒。
妳都好好彩喎，唔知多唔多人報名呢。

我初初都有匡爸的想法，放低就走，唔理佢，只係在門口比佢望到。不過見個個都有媽媽配一齊學，我才入埋去上堂。


snoopyhk

妳幫囝囝報了宏福暑期班，都幾好丫，反學前對學校有d認識，
到開學冇咁怕，開學前可預先適應學校丫。

fionlaw

626mama,
文煜果名係俾人改ga，個師父俾咗6個名我哋揀，我哋揀咗呢個law！雖然我報咗去家長會2個去，但係我諗daddy走唔到，所以我諗都係得我一個出席。

原文章由 626mama 於 08-6-6 11:06 發表
天藍,

你都算好彩咁岩抽唔中，又可以退返錢。又唔洗兩頭走。


pcdogxx,

鈞渝病足一個星期，發燒燒左咁多日，真係好擔心。
好d就好喇。

鈞渝報既4個course都得，都好好彩喎。
我明天都唔知帶唔帶軒軒上功夫班。不過細姨同 ...

pcdogxx

626mama

Hongmimi 係淨係報左塗鴉同中秋咋.. 冇報麵包呀..

鈞渝呢兩個月病到七彩, 淨係食抗生素都食左3次.. 真係食到癲...
希望佢第時轉返上半日唔好咁再咁多病啦..  成日俾阿媽同奶奶依依哦哦架喇..

可能真係功夫同跳舞都有d關係, 所以佢好先咁鍾意..  我都諗住搵d舞俾佢學下..

各位,
原來我冇份聽6月18果日講座架.. 因為佢話係宏福幼稚園果邊既學生先要去聽.. 我幼兒園果邊K1係冇份去架..  好彩我唔諗住係宏福讀K1者..  如果唔係你地個個過晒宏福果邊, 得返鈞渝係幼兒園果邊咪好慘..

天藍

626mama / hongmimi / pcdogxx,

明天昊藍唔返"功夫班"啦! 因昊藍仲有少少咳
加上明天要去荃灣上堂好趕, 唔想仔仔趕得咁
急, 所以明天決定唔番功夫班, 反正仔仔都唔
係咁鍾意, 所以唔返住。

原文章由 pcdogxx 於 08-6-6 16:53 發表
626mama

Hongmimi 係淨係報左塗鴉同中秋咋.. 冇報麵包呀..

鈞渝呢兩個月病到七彩, 淨係食抗生素都食左3次.. 真係食到癲...
希望佢第時轉返上半日唔好咁再咁多病啦..  成日俾阿媽同奶奶依依哦哦架喇..

可能真係功 ...

siuBmama

想請問吓各位媽咪, 你地會帶小朋友去邊度剪頭髮呀.... 有邊度好介紹

天藍

fionlaw,

雖然我仔仔同你仔仔唔同班, 但我上星期晚放工返
屋企問仔仔你有無同過"文煜"玩呀? 仔仔答我話有
呀! 仲同我講話"文煜"係男仔黎架嘛! 唔同佢一班,
但有一齊玩車車, 唔知係咪?
我仔仔都打算係青衣城個到繼續學畫班, 因我見佢
都學得好開心, 又無扭計, 近近地都繼續學, 同係個
到都遇到好多宏福d學生, 仔仔去到見到幾個同學仔
都係個到學晝畫, 唔知你報咗星期幾到時唔知會唔
會見到你仔仔。

ElainAiolai,

真係唔該晒你! 星期六個日提我工人, 同今日(sunday)
昊藍補堂子聰借顏色筆比昊藍用, 因我以為補堂係中心
會提供比小朋友用, 因唔係長期上, 個到d職員又無同我
講, 去到原來係咁, 真唔好意思, 借咗子聰d顏色用, 下
次請番聰聰食野補數, Thx!!!
今日昊藍返畫班係唔使我同我工人陪, 係自己自動自覺
入去, 好合作好開心仲好多野同老師講, 比起星期六個
日返英文班就差得遠, 所以今日落堂後, 我同個到d職員
講都係返番星期六一點半個畫班, 佢地又ok, 而家昊藍
又返緊青衣城個間畫班, 以家我睇下邊間好d就睇家返
定一間。
不過, 我有樣野想問你, 我之前無細心去睇, 荃灣個間
報名個陣咪有張咭比我地簽, 有d手則之類既野, 我報
名個陣無細心睇, 今日同仔仔坐車返屋企個陣見仔仔
同姐姐玩緊, 我攞出來睇下, 發覺有一項係黑雨同8號
風球停課不設補課同退款, 唔知係咪??? 因初時報名
我係咁意睇下, 因6, 7, 8月比較多風打, 有D擔心。
荃灣個到d老師都幾好今日係玻璃門到見到佢地上堂
都好開心, 落堂老師都有同家長講返上課情況, 但如
真係黑雨同打8號風球唔可以順延補課又真係唔係
咁第, 蝕咗一堂錢, 唔知係咪真係無得補???
希望你唔好奄我煩成日咁多野問你, 因我真係好大頭
蝦既媽咪, 成日都烏下烏下, 多謝你地平時提點下~

626mama / hongmimi / pcdogxx,

星期六個日協康比咗電話話黑雨取消咗"功夫班",
個職員同我講話會另行通知安排, 唔知後尾你地
有無收到消息???
同14號個個星期六返唔到"功夫班", 因我地一家
同埋公公婆婆買咗"長隆"d套票, 星期六早上上
去玩, 慶祝父親節, 所以個日返唔到, 如有乜消息
請通知我。Thx!

原文章由 fionlaw 於 08-6-5 12:29 發表
我囝囝個名叫“文煜”。
我已經收到你俾我既資料，thanks!我琴日放工都去咗青衣城果間攞資料，雖然價錢比其他地方貴d，不過我見d時間都ok，而且婆婆又唔駛去到咁遠，所以我今晚就會去報名，想幫囝囝報“幼兒塗鴉樂”。可惜佢哋無 ...

天藍

hongmimi,

好掛住匡匡呀! 你咁耐先出現~~
圍群個到我見荃灣都有好多, 如你平時忙唔得閒買,
我可幫你買?
今日我有幫你再問到荃灣個間畫班, 佢地話暫時星
期日早上都仲未有位, 下次我再帶仔仔上堂又幫你
再問下~~

pcdogxx,

鈞渝好d未??? 希望放下假休息多d鈞渝會快d好番。
真係六合彩就無咁仲, 但好彩協康個到唔仲簽, 因
以家昊藍係青衣城個到又學緊畫畫, 荃灣個到又係
所以好彩唔仲唔係人地以為我想昊藍做畫家, 咁多
到都係學畫晝, 昊藍真係好鍾意畫畫, 無好似功夫
班哭同扭計, 自動行入課室上堂, 仲好開心, 如果
功夫班都係咁就好啦! 都係鈞渝叻女習武咁專心,
師夫教d招式都跟到, 你真係可以考慮比鈞渝學埋
跳舞, 我諗鈞渝一定會跟到, 諗下鈞渝著住件跳舞
衫都覺得好可愛。
你都幫鈞渝報咗好多暑期班, 好豐富呀! 今個暑假
鈞渝好充實~
我同昊藍報咗"功夫班"同"畫班", 以家諗住報埋個
"音樂班"(青衣城), 都未諗到再報乜啦!

all,

你地有無收到學校通告, 6月26日影全班合照相,
8R每張連過膠$15, 我都會訂一張, 唔知到時有
無碟比番, 定係會係下學期學校生活照個隻碟有
埋??? 唔知大家知唔知???

原文章由 hongmimi 於 08-6-5 12:45 發表
各位，
真係唔好意思…好耐無上黎…原來都左咁多新朋友~

ElainAiolia，
協康會除左功夫，我join左塗鴉同中秋，麵飽廠就無參加，暫時都未收到任何電話通知話無份。

嘩!妳都好積極幫子聰join暑期班喎! 子聰呢個暑假夠晒充實 ...

天藍

siuBmama,

唔知你係咪住青衣? 我帶仔仔係長發商場個到
個間髮型屋, 但我唔記得咗個名, 都ok.
同婆婆有次試個帶亞仔係青衣涌美頭剪個, 好
平好似係d家庭式, 唔洗頭單剪先$25左右, 但
都剪得幾好, 但我都唔知係邊, 我問番婆婆佢話
都唔記得個名, 係女人剪既~~

原文章由 siuBmama 於 08-6-6 22:34 發表
想請問吓各位媽咪, 你地會帶小朋友去邊度剪頭髮呀.... 有邊度好介紹

siuBmama

天藍,

我地住係翠怡架,,,, 原本係我朋友幫小朋友剪嘅, 因為個朋友剛剛轉左第二間髮型屋做野, 所以唔方便帶佢去新工果度剪, 所以咪要搵過間飛髮輔剪囉,,,,, 你知啦, 小朋友實會周身郁, 兩頭拎, 所以希望搵間飛髮輔有好嘅 (即細心同小心) 髮型師幫佢剪囉.....

原文章由 天藍 於 08-6-8 17:07 發表
siuBmama,

唔知你係咪住青衣? 我帶仔仔係長發商場個到
個間髮型屋, 但我唔記得咗個名, 都ok.
同婆婆有次試個帶亞仔係青衣涌美頭剪個, 好
平好似係d家庭式, 唔洗頭單剪先$25左右, 但
都剪得幾好, 但我都唔知係邊, 我 ...

ElainAiolia

Dear all mami,
呢幾日咁大雨，大家係o米好悶咁留係屋企無周圍去呢 ，尤其係Sat早上，無端端黑雨，但比你o地放o左半日假係屋企休息o下。子聰呢二日都有返英文班及畫班，仲係同昊藍一齊上o忝，好開心 。

喂，又有親子功課，18/6之前交，大家又要做o野la。

626mama / pcdogxx / hongmimi,
原來Sat功夫扇班取消o左，佢o地有無話補番比你o地，點解我會知取消o左 ，因為我去o左退款諗住撞o下你o地，點知見果度“靜英英”，o米問o下D職員，佢o地話我知取消o左，唉，我o地又緣慳一面la 。

hongmimi,
我咁積極同子聰報暑期班，無非係唔想佢成日對住印印無所事事、遊手好閒，等佢學多D o野，唔使依賴印印，等出年佢夠期走，都唔使難捨難離o麻 。

ElainAiolia

pcdogxx,
鈞渝好番晒未呀？咁細個扁桃腺發炎就真係好慘 ，唯有平時食o野再小心D la。雖然睇醫生睇到窮，但始終小病是福 (唯有咁樣自我安慰) 。老人家o依o依o我o我梗有o架la，o米當佢o地唱歌o羅 ，但鈞渝會唔會係o係學校該晏覺無帶口罩而染病？我反而覺得自從要帶口罩返學後，子聰少o左病o咼，唔知關唔關佢間中睇中醫事呢 ？

係呀，我中學果時成日扁桃腺發炎o架 ，其實醫生有叫我割 (兼且叫我割埋鼻膜o忝，因我鼻膜厚，好容易鼻塞，每次鼻塞要靠個口呼吸，所以好容易令到D細菌入侵扁桃腺而發炎)，但果時屋企有5姐妹讀書，父母賺錢又唔係多，所以無錢入私家醫院割，政府醫生我阿媽又信唔過，搞o下、搞o下，到做o左呢份工，已少o左扁桃腺發炎，但每次發親都係放假或者要入醫院 ，但唔係好密，我都由佢，因做完手術有排都唔可以成日講o野 ，對我呢個口水婆o黎講 ，簡直想C，所以未去到一定要做手術，我都唔會做住 。

係呀，除o左麵包廠唔中之外，其他course全部都中晒呀 ！