2007年8月開學宏福幻兒園既媽咪一齊入來傾下

天藍

all mama,

今日昊藍又無咳啦! 好奇怪前日無咳,
琴日早上咳, 放學後同夜晚無咳, 今
日又無咳, 甘係咪即係好未
穩陣起見我都敦多三次川貝比仔仔
食先!

candyhui77

天藍,

昊藍應該好返家啦, 不過你照敦俾佢飲啦, 對佢既氣管同聲帶都好既, 有病醫病, 冇病強身...

原文章由 天藍 於 07-12-21 10:33 發表
all mama,

今日昊藍又無咳啦! 好奇怪前日無咳,
琴日早上咳, 放學後同夜晚無咳, 今
日又無咳, 甘係咪即係好未
穩陣起見我都敦多三次川貝比仔仔
食先! ...

天藍

candyhui77,

我都係咁諗照敦比仔仔飲, 學你話有病就醫病,
無病就當保健
你唔好睇小自己同仔仔呀! 可能放完假仔仔都
無哭呢? 加油加油~~
今晚見到翔仔啦~~

原文章由 candyhui77 於 07-12-21 10:36 發表
天藍,

昊藍應該好返家啦, 不過你照敦俾佢飲啦, 對佢既氣管同聲帶都好既, 有病醫病, 冇病強身...

hongmimi

天藍 / candyhui77 / 各位，
多謝妳關心呀! 匡爸無乜事喇! 後尾漏夜痾左幾次，擒日返工又鬼咁忙唔記得自己病，而家都無乜事。佢話可能係油麻地差館canteen d野唔乾淨喎，佢大前日係果到做野所以係canteen食lunch，佢有個同事一齊食，又係腸胃炎~  

天藍，
天氣乾燥昊藍喉嚨仔唔舒服先早上咳，穩陣d燉多次潤下都好~:loveliness:

candyhui77，
翔仔仲細，俾d時間佢，最緊要妳對佢有信心， 加油呀~
匡匡都未返過學，唔知到時會點呢?

翔仔爸爸炒車，傷勢點呀? 要小心處理傷口先得呀! 原來翔仔爸爸揸電單車架，果時匡爸想學我同奶奶都唔俾 ，因為我地覺得揸電單車真係好危險，雖然好型仔~

佢第二日先同妳講都係驚嚇親妳啫，妳錫番佢啦! 不過，都要鬧下佢，等佢警惕下次要小心d~

ElainAiolia，
聰爸真係慘，連頭皮都出…. 我聽妳一講唔認得佢，我個心就酸一酸 ，連老婆都唔認得老公…. 佢而家一定好辛苦… 唉~ 我地都愛莫能助…
希望聰爸快d快d好番~ 好番我派匡匡代表我全家錫聰爸一大啖~

天藍

candyhui77,

我都係咁諗有得食嘛! 影左張相就食左個包幾好
英雄所見略同

pcdogxx,

鈞渝以家無哭咁叻女
今晚你有部靚相機唔好唔記得我昊藍呀!
鈞渝同昊藍影多幾張靚相

原文章由 candyhui77 於 07-12-21 10:33 發表
天藍,

我諗我一定會join整包包, 因為整完即刻有得食, 當午餐都得 .  我諗翔仔有排先好似昊藍咁乖乖地笑住返學. 不過我一定會努力等呢日既來臨既....多謝你呀....:loveliness:

...

天藍

candyhui77,

翔爸原來抄左車, 真係慘傷口仲發炎,
以家要唔要定時返醫院/診所洗傷口,
翔爸都係唔想你擔心先唔講, 但你話
佢都岩, 因比佢有驚剔下次小心d!
昊爸以前都想渣電單車返工, 但我
極力反對又係怕出事, 所以佢都係
無渣電單車!
祝翔爸早日康復!

原文章由 candyhui77 於 07-12-21 10:26 發表
EalinAiolia / hongmimi,

聰爸同匡爸好d未呀? 快d好返啦!! 無得同子聰匡匡玩, 佢地會好唔開心家.... 翔仔爸爸都好唔好彩中左招, 不過唔係病, 而係炒左車...

事源係18/12個日去完"世界"大酒店, 揸電單車返屋企行經 ...

ElainAiolia

Dear all mami,
真係唔抵得要上o下o黎先，容乜易追C我o架:tongue: 。

好期待今晚又見到大家，另祝各位（包括各位爸爸）身體健康！

天藍,
好o野 ，昊藍可以同子聰一齊整飽及造匙扣。

hongmimi,
其實我諗唔會check出世紙，但我驚老師會留意到 ，所以o米比貴DD o羅。

candyhui77,
好o野 ，家長日你同我同一時段，我又有人陪呢 （因聰爸唔知到時得唔得閒陪我去）。

翔仔就o黎好o力仔，可以訓埋晏晝覺先放學，到時佢要幫手照顧鈞渝 。我想問o下翔仔而家食飯係o米自己食，OK o麻，因子聰到而家都食得好論盡，同埋成日要印印餵，真係怕佢對手遲D會退化 。

嘩，翔爸炒車咁大獲 ，咁而家有無睇醫生呀，發炎都可大可小，好易細菌感染。我都贊成你鬧鬼佢 ，咁大件事都唔第一時間話你知，聰爸以前有事都唔會第一時間話我知，但我話過佢幾次之後 ，佢而家有事都會盡快話我知，怕我擔心之餘 ，其實係怕我又哦佢 。

626mama

嘩~~~各位留言我真係追唔到，我今日放
12:30 睇下一陣返青衣有冇時間追先。軒軒訓就應該得，唔訓實坐埋來，同我講"我想玩電腦"。

..............喂........唔該等埋我呀。唔該。

[ 本文章最後由 626mama 於 07-12-21 11:57 編輯 ]

ElainAiolia

天藍,
已check o左PM！Thx!

你講o既第1間，子聰契媽話通常只收佢o地D教徒o乍，所以係較難入o架，都係過o左農曆年後先諗。


祝各位D小朋友可以入到一間心儀又o岩心水o既好學校 ！

pcdogxx

各位,
今朝返學見到好多家長係校務處排隊我仲以為有咩執..   原來係好多家長都唔知原來小朋友今晚都要飛呀..     其實班主任後來有係手冊聲明返..   不過佢地事先冇係通告上註明真係唔岩.. 有時我都覺得佢地行政方面好似有d亂同埋遲鈍d者..

626mama

有同感

收工LU 拜拜

原文章由 pcdogxx 於 07-12-21 12:19 PM 發表
各位,
不過佢地事先冇係通告上註明真係唔岩.. 有時我都覺得佢地行政 ...

pcdogxx

ElaineAiolia,
你呢排成日讚呀T學校, 好似成數真係好高喎..      除左睇校舍你咪睇下邊個教學理念你鍾意d囉..   不過d人亦都講如果校舍大, 小朋友活動空間大都係最大既優點..  

鈞渝歲半都打左水痘針喇..   如果照醫生咁講咁如果出左都唔會太辛苦既..   不過睇見聰爸咁真係戥佢辛苦...   佢出得咁嚴重既..   連塊面都搵唔到忽好肉..   諗起都有d嚇人...   等佢好返你叫聰聰錫返佢多d, 補返佢呢幾日過得咁辛苦啦..  

爭咁少日子要俾全費好唔抵喎..  你當而家報名仲係2歲得唔得呢?   其實我覺得學校一定會知囉.  咁子聰岩岩開完生日會架嘛.. 係人都知佢3歲啦..  不過如果你報左2歲學校又唔會篤穿你既.. 暗地裡講下你咁囉..  

嘩.. 子聰咁好耐性同爹地傾左成個鐘電話呀?     我都想知佢地傾左d咩喎..   傾咁耐都有既..

哈哈..  咁係因為你地出得多post我先有咁多野覆之嘛..  唔係有鬼野講咩.. 所以唔係我攪破壞呀..  

我隻腳冇乜野喇.. 好返好多..   好彩唔係好嚴重者..

嘩.. 乜d阿sir咁都有既..  鬼鬼祟祟咁射你地..   近距離射真係好鬼痛架嘛..     

尋日返去睇到喇..   我揀左整包..  我真係想學下點整, 所以到時叫爸爸睇住鈞渝.. 因為鈞渝仲未識整實同我攪破壞...    最多我學成之後等佢大d係屋企開d麵粉再同佢玩...

就係成個商場都係人, 邊好意思同佢開年吖..   如果係屋企.. 佢仲唔冇命...?  

Cindyhui,
家長日我揀左10:00-10:45呀..  我都唔可以同你揀埋一齊啦..  大家都係Ms. Ng..     

嘩.. 好彩翔爸冇事咋..  真係好危險...   我都覺揸電單車好危險.. 自己點小心都好.. 遇著d大架車真係冇得避架.    叫爸爸揸果陣唔好咁貼d車呀..   小心小心...    講俾你聽又怕你擔心, 唔講又怕你鬧..   所以佢都好難做..  今次算原諒佢啦..  


天藍,
我都諗住唔帶鈞渝去阻住晒..   我想聽下Ms. Ng 講返鈞渝既校內情怳..  

可能有時咳兩聲係喉嚨有d乾者..   你仲未教我點燉呀..  我又要燉俾鈞渝飲....  

舅父約左人可能睇完都要走.. 所以你地要影相好行埋黎喇..  哈哈..  

各位,
我都收工喇..   返去同鈞渝扮靚靚.. 今晚見...

626mama

hongmimim,

係呀，以前軒軒都唔會理我走唔走嫁，而家係沙田就找婆婆，
係青衣又搵我，好以ElainAiolia話齋，大過左識得搵人。今期宿舍抽唔到
為有望下期啦，就好以六合彩咁。

食到匡爸"腸胃炎"油痳地差館CANTEEN，下次都係唔好去食喇。

真係好喇，妳地一家三口一起出席。我地齊人喇。

626mama

pcdogxx,

咁下次講電話行樓梯，記得望住地下行喇，搽趺打酒要搽多兩日
唔係第時會返痛嫁。

打 WAR GAME 個教練咁攪笑，叫人地做"蕃著"，都好丫，起碼
要妳地玩，玩過就覺得好玩。

BUTTERFLY我都未聽過軒軒唱，唔知好唔好聽呢?今晚捉個小朋友
唱比我聽先得。

婆婆話，都有聽人講"鵲鴣"好止咳，佢話以前聽D老人家講，
公園果D小鳥，都好止咳嫁喎。

我都係買乜唔出乜，咁下次妳我買完六合彩，記得話比大家知，
加埋我買果D，小了好多個號碼撰擇。大家中的機會就大左，
大家中了記得請我地食飯。

我都有部細相機仔，都可以帶去影。有專業的人影當然更好啦，
唔得喇，叫軒軒企係鈞渝隔離先得。

傻瓜機整都要400蚊，真係唔低喎。

626mama

天藍, HONGMIMI,

我收到PM了。

626mama

CANDYHUI77,

軒軒11月學費同校車費都好蝕嫁，我返得幾日炸。

翔仔爸爸唔即日話比妳知，佢真係唔岩，真係要話下佢呀，
過左成日才去洗傷口，仲有D發炎佢都唔理，佢都好唔怕痛喎。

626mama

ElainAiolia,

妳三點放工都想來，乜唔係好眼訓嫁咩。

睇落妳同昊藍都好夾，一個噴火，一個救火。

好以HONGMIMI咁講，連老婆都認唔出來，真係...........
而家出到去咁多個位置，咁即係好怏會返，好快可以回家喇。
今日復診LU喎。

下...希望屯門健康院D大肚婆冇事啦，有真係好大獲喇。

親子旅行，我揀0左整飽二隻，軒爸話佢同軒軒整，唔好攪佢地
果個飽喎，所以另外我自已整。好叻咩，我同我玩。其它我想
望下係點先玩，我估到時想參加會冇問題瓜。子聰要比$75真係唔低，

家長日我揀10:00-10:30，我地大家都唔係差好遠。

子聽同爸爸講成個鐘電話粥，真係講咩，係冇好久冇見，所以
咁長氣。

ElainAiolia

Dear all mami,
今晚好心急，所以要上o黎留o下言，我無心追擊大家o既 ，唔好怪我咁心急。


送比大家小朋友D禮物，希望佢o地會仲意，鈞渝果份特別D，因為佢係女仔，所以要玩番D女仔o野 ，而所有男仔D禮物，係同一系列，但唔同款，而我係唔知你o地收到邊份，因包禮物個姐姐撈亂晒D禮物，所以最終主角即Thomas送o左比邊個我都唔知o架 ！亦好多謝大家送比子聰o既禮物 ，佢今晚都好開心，成12點都未訓，好彩聽日唔使返學o乍 。

首先講o下聰爸先，佢今日覆診，醫生睇完之後話仲係會傳染人 ，仲要繼續自我隔離及仲會繼續再出 ，所以又比o左7日sick leave佢 ，28/12再去覆診，如果係我，真係想C 。

再講，今晚個嘉年華會排隊等表演，企都企都腳軟，子聰問過我好幾次佢好想坐，但我唯有同佢講o下其他o野，分散佢o既注意力 ，等o既期間又無得睇其他班表演o咼。另外安排落去食o野時，又帶錯路搞到要行來行去，希望佢o地出年搞好D，因婆婆話校長致詞時，話今年係第一年搞，仲話若有閃失，請多多包涵咁話 。

好期待26/1來臨，因我o地大家又可以相聚la ，仲要齊晒人，真好 。

ElainAiolia

pcdogxx,
你隻腳真係好似無乜事o羅o咼，見你行o既時侯無跛跛o下就知啦 ，記得自己小心D呀。

你話睇o下邊間教學理念我鍾意D呀，呢次我都幾貪心，2間都唔錯，真係好難取捨 。

今晚鈞渝好o力女，唔怕陌生人，好似記得我o地咁，成日過o黎玩，睇o黎佢都好開心o咼。

有關天藍講o既川貝果皮萍果蜜糖係點煲，可能佢唔記得你問過佢，所以至無覆o者，等我教你大約點煲 ，但份量我求其o乍，若有出入以天藍為準 。

川貝(一小揸)、果皮(一角仔挖囊)、萍果(切粒size自行決定)，一齊放入燉盅入面，睇你用電子燉盅定用明火燉，因用電子燉盅入面D水用滾水會傳熱快D，大約2個鐘左右；用明火燉盅入面可以用凍水燉，用大火到水滾再改慢火，大約45分鐘至1個鐘左右，攞出o黎後先加適量蜜糖就可以飲la 。如果唔怕苦，可用蜜棗代替蜜糖，大約2粒左右，同D材料一齊燉，唔使再加其他o野。

hongmimi,
你咁夜返屋企就係去o左凑匡匡呀，希望份禮物佢仲意啦，有無好奇怪點解會有o野掛係門口呢 。

candyhui77,
你去o左邊呀 ，成晚都揾唔到你，想見o下你同翔仔個真人都唔得，食o野時都唔見你 ，我準備o左份聖誕禮物比翔仔，諗住佢會開心D o麻，而家唯有等放完學校假期先經Miss Ng送比佢la，到時當係新曆年禮物，希望你唔好拒絕及翔仔仲意la！

ElainAiolia

Dear all mami,
明天(22/12)我o地會去我家姐(即小B女)屋企 ，開Christmas Party，所以唔會上o黎，希望各位高抬貴手、幫幫忙 ，唔好又追C我，咁就好la。

祝大家Merry Christmas!