大埔羅定邦中學 交流區

lu-ka

原帖由 mamaho1018 於 14-04-06 發表
恭喜 " lu-ka" 你囝囝終於入到罹中, 我囝囝是第一輪巳註冊了, 大家將會是同學啦...
你囝囝有沒有參加星期六 ...

多謝!  我地真係好開心入到羅中，係我小朋友一個新開始。他是第二輪入，所以不能join 這期英文班，但學校通知會在7月底左右有英文班，但我小朋友剛剛會在這個時候到美國，擔心他不能參加……

我小朋友也是讀傳統小學，真的…有很多活動他根本沒有機會參與，很多時都會留給成績好的這一羣或資優生，什麼學遊，戶外營，他從來只有聽……

lu-ka

我希望我小朋友能在羅中得以發揮，找回讀書自信，坦白講能否卜到大學是其次，只要他在中學過程中開心，已足夠……

polo819

mamaho1018 發表於 14-4-6 02:08
恭喜 " lu-ka" 你囝囝終於入到罹中, 我囝囝是第一輪巳註冊了, 大家將會是同學啦...
你囝囝有沒有參加星期六 ...

真的好， 感受到是一間很好的學校 。 如果我住這區， 我想我都會和你一樣， 選羅中。 恭喜哂！

bogie888

見到樓上幾位媽咪既留言…令到我心情好好多……我都想係度分享下自己小小既想法……羅中係我仔考既第一間直資…亦係最早要決定要唔要學位既…羅中第一輪就收左佢…初時只係當羅中係安全網…所以就註左冊先…諗住一考到其他banding更高既直資就抽表走人… 呢次既羅中面試過程同經驗令到我仔好輕鬆愉快…對之後既幾間面試即時信心大增…
計埋羅中…我地總共報考左5間直資…其實其他4間既banding據傳都應該係高過羅中既…阿仔考出來既 結果全部都係好好…但係我地考晒咁多間學校之後…收晒結果後…都無去到羅中抽返表出來…點解…因為羅中係唯一一間既學生表現令到我地感動既…因為有學生主動行來同佢講話同打氣既……個日係星期六…我地既面試時間好早…我同個仔08：30度就到學校了…沒夠鐘唯有坐係小食部等…呢個時候有幾個學生係側邊操場練緊波…跟住有個“小不點”行過來問我仔係埋來面試既…我地話：係呀！你呢？佢話佢入左籃球隊…所以返來練波…我仲話…睇你唔係好高喔…佢話係呀！教練俾機會我…所以我今日都返來練…其實我地完全唔識佢既…但佢“搭訕”得來…係完全唔覺得討厭既…既可愛又誠懇…佢同我仔話唔駛太緊張既…我自己英文都唔係好勁都收我入來…仲學埋西班牙文…我仔問佢…咁你舊年面試考咩尬？佢話都係讀下文章問下題目咁囉…好好笑…佢教晒路話最緊要唔好驚…夠鐘去集合時…佢仲祝我仔好運…成個對話過程個學生淡定自信誠懇…而校務處既人員亦係有問必答…夠晒親切禮貌…第二間我地去到大圍考…呢次既學生印象簡直得兩個字形容：討厭～當我地係火車站前既小巴站排隊準備去個間學校…原本我地前面只係排左兩個人，係並排係度傾解…到小巴就來到既時候…跟住就行左個人來排係我地前面…我好客氣咁同佢講…唔該排返隊…佢話我有排隊喎…吓？佢話前面個兩個係佢同學…嘛一直排緊隊囉…好…咁我就算數…之後又有個女仔插埋來…我已經谷鬼氣了…跟住又兩個男既插埋來…我話又來…你地有無搞錯呀！排隊唔係咁排既…佢地竟然應我話…我地一直排緊隊尬…係行開下啫嘛！我由前面得兩個人…依家變左6個人排係我前面…佢地當聽唔到…係度用英文講…我嬲到用英文鬧返佢地…學校名響又點？d學生咁既格…有鬼用呀！話到明唔可以有筆試…結果取巧用電腦考…我仔話：媽咪，呢間學校唔老實…
但當我告知班主任…我既決定時…佢猛話徙左阿仔…佢話以我仔既表現同成績…就算係最後先去扣門都一定收…何必咁急要入呢間…聽到我好唔開心… 但其他既offers 都已經回絕了… 好驚自己累左個仔…呢排不停係度諗呢件事…前幾日睇到樓上幾位媽咪既留言…自己再反覆思量究竟對個仔來講…咩係最重要既…原來我唔係咁緊張究竟升唔升到大學…亦唔認為要升上JUPAS d大學先叫做有出路…全世界咁多大學…妳慌佢無學校讀…我最著緊既係佢可以係中學呢段期間…相交到可以做一世既朋友…將來佢回憶那些年時並無空白到…
至於之前有個高年班既係度猛留言…老實講我真係唔當一回事……我係外國讀書大既覺得換班房上堂係好平常既…有咩咁大件事呢？咩都係講習慣… 過左兩三個學期後…就乜都慣啦…至於偷野…被人偷左野既同學係埋都應該為自己既財物負責呢…名校住宿生都會俾人偷底褲啦…唔係得羅中會發生失竊既…
我經常去大埔那打素探病…實會見到d羅中既學生…老實講…我對佢地印象唔錯喎…又唔多見有佢講既嗰ｄ情況出現呀！如果常見…唔通我會推個仔落火坑…所以…佢有佢講…唔會左右到我自己既決定囉…

lu-ka

原帖由 bogie888 於 14-04-08 發表
本帖最後由 bogie888 於 14-4-8 00:53 編輯

見到樓上幾位媽咪既留言…令到我心情好好多……我都想係度分 ...

我相信選擇在羅中讀書的家長，都是為自己小朋友著想，尋找一間有心教學的學校為本，讓自己孩子可在輕鬆及愉快的環境下學習。我仔現在很期待新中一生活的開始，坦白講，我自己也是……

mamaho1018

多謝詳細分享, 對, 品德才是最重要的, 講一個實案, 我囝囝是跳拉丁舞的, 同partner 巳跳了8年,她和囝囝是同一間小學, 她在學校是一位活躍份子, 成績不錯, 所以學校給她很多機會, 但問題到現在巳開始嚴重, 因學校就是這樣 highlight 她,做什麼的目的都只是要勝利, 不著重過程,  她自己以為什麼都是no. 1, 開始 look down 所有人, 現在連媽咪都挑戰, 同媽咪講"你識乜"(但她媽咪為了與她溝通,她自己都學了幾年舞) , 而且跳舞只是講對方跳錯, , 永遠只有自己是對的, 不會大家相量, 每次見面都不懂同人打招呼, 冇禮貌, 好多好多自以為是的行為, 所以我想, 成績好, 有才能又如何, 品德好才是最重要的, 尤其他們中學時期, 容易受人影響....
我相信羅中是一所接受新事物能力比較高的學校, 講遠D, 如果成為一個一成不變, 老老土土的人, 怎能適應香港這個不斷求變, 不斷創新的社會呢?  因有小學這經驗, 所以我絶不會再給囝囝繼續這一套
再講, 我更加相信有我們這群能夠支持小朋友的家長, 更能給小朋友發揮潛能的機會的....

pangpangchak

看見這麼多媽咪在發表,心情十分興奮,回想起當年都是懷著心大心細的心情,因為小兒根本可以直升上b1中,但玩面試時卻被羅中的師兄師姐的熱情吸引著,當第一輪羅中已收小兒後,都是戰戰兢兢地去註冊的。小兒就讀已經兩年了,每次回校都感覺到関
愛的感覺,不知師長們有着什麼法術令到每
同學都那麼熱心待人,什至連不善辭令的小兒心自告奮勇幫學校招攬新生。可能想而知他是多麼熱愛學校了。

mamaho1018

Good, 做家長既, 都係希望自己的仔仔囡囡能夠熱愛自己的學校, 這樣才能投入學校生活, 做個身心健康既學生

Fanny_ma

羅中要加學費了

Momiumo

原帖由 Fanny_ma 於 14-04-18 發表
羅中要加學費了

真係同之前學生家長係教育局全面評估座談時所講嘅一樣，羊毛出自羊身上，想學校留到好老師及投放多啲資源提供好嘅設施俾學生，加學費差不多係必然嘅⋯⋯雖然有好多直資學校學費都唔平，羅中加幅都唔算太多，但我都想我啲人工可以年年有得加呀

bogie888

上學校官網睇過
學費既加幅都唔算大
好彩辦學團體仲出埋手幫
依家加左學費後都算係可以負擔
其實直資來講....
羅中學費算係好平了

Fanny_ma

羅中泥幾年進步左好多 就算加學費都值 回想反以前羅中仲係津貼學校時 都已經不錯 睇住羅中大

pangpangchak

羅校外語老師比本地的多,今年呀仔班主任兩位都是說英語的,家長日那天回去真是有点驚。
多付少少學費,卻覺得值回票價。

lu-ka

我應為加幅係可接受。但我想加人工好Ｄ囉

pangpangchak

在羅中會有很多發揮機會,祝你兒子會有多姿多彩的中學生涯。

bogie888

我係隔離個版見到個住大埔既樓主
因為一心想幫個仔揀羅中....
而舌戰各方不亦樂乎
其實青菜蘿蔔各有所好...只取自身合味即可
我視如珍寶....妳卻嗤之以鼻
唔明點解要盯著數據揀校???
各執一詞的結果....搞到火花四濺
為乜哩???

pangpangchak

她們跟本對人不對事,再插手下去都是浪費時間。

Momiumo

他們發表的也不選是全針對人的；主要是樓主為兒子選校時作了很多大埔區學校成績搜集分析，所以當看到有人說羅中的成績不如其他區內中中時提出「希望你能夠係作岀排名時 ， 先了解各校成績走勢 ， 要不然你就會抹殺羅中全校一直既努力！」

不過其實誰是誰非，也沒有什麼意思的，因為無論羅中是band 1也好band 2也好，最後學生公開試考到什麼成績主要還是靠自己吧。我相信讀任何中學，只要肯努力學習，每個學生都絕對有機會升上大學的！

lu-ka

其實選校除了成績，是否其他因素都要考慮？ 如真係俾你孩子入到排名好既B1中學，但學生品格係B3, 你都會考慮嗎？

我記得同阿仔in 完羅中我，我地去火車站附近麥記食野，因lunch time 很多中學生都在排隊，在我前面有一班女學生，其中一個話要食魚柳包，跟住走去排隊，而其他女仔約有7-8個，其中一個用粗口講: 哈哈…… 儍 X  買魚柳包!  底X能!   嘩! 我呆咗一呆，望咗幾眼，原來佢地係火車站附近B1中學既學生。 個女仔一口流利粗口跟其他同學講野，其他同學當然用返佢地自己溝通語言(粗口)回答，跟住一齊笑個女仔。

如我仔真係B1生，而間學校成績排名幾好都好，呢間學校一定唔會係我杯茶。人既品格，修養，內涵最重要! 你話我膚淺都係咁話