九龍禮賢幼稚園K3家長請進！

朱古力

penpen,
Mandy話得好呀     
係啦∼我會執定屋等你地黎呀∼歡迎到寒舍一坐   
琴日塱生話：媽咪我地唔夠

penpen

朱古力,
塱生果然係大個仔咗! 識得解決問題仲咁早識得諗到會有咩問題, 夠體貼, 好男仔喎!! 叫妹豬留意下先~  
到時打攪晒喇~  散場麻煩妳要執餐飽咯~
去完妳屋企果日第二日就要去睇放榜喇~  明知第一輪機會唔大都會仆過去睇   
今朝送妹豬返學見到佢架校車到,未到佢落車, 佢見到我同廷曜媽咪好開心係咁揮手, 落車我幫佢整理好件校服, 發覺佢個書包好重喎! 問佢點解, 佢話要取東西給公公喎!!  
老師有冇話佢近排點呀??  

bosze,
今朝都有見到浩然, 佢未落到車見到我又係表現得好開心呀!!  我心裡都覺得好開心呀!!    不過佢個頭好亂下喎! 係唔係懶瞓瞓到咁呢~  

朱古力

penpen,
咁岩見到佢呀！ 係呀！我今日比左個電動刨筆機去拎去亞公度，同埋塱生放左水壼係書包，所以重少少．
上次老師黎家訪，佢地都好擔心，驚塱生係公公度唔開心，想問我點解會咁安排，我同老師講左，係塱生要求，老師都有問塱生，其實間中塱生同表妹都有爭吵，打比我，有時都會好激動，好似癲左咁，我都好膽心架，不過可能習慣左同埋我會好溫柔問佢有咩事，我會表面態度支持佢，佢依家好好多，無再咁激動，雖然佢有時好唔開心，但我叫佢去中心，佢又話要去亞公度，可能始終自由Ｄ啦∼上次家訪後老師都無搵過我啦！其實除左上次話黎家訪外，老師都無打過電話比我，可能K3比較忙啦！

bosze,
塱生一樣呀！一上車就瞓，我問佢校車行隧道定馬騮山佢都唔知，因為瞓左呀！

唔緊要啦！我都習慣，中秋節過後屋企人和同事都會問我邊日得閒，因為想黎BBQ嗎 所以我一直都唔捨得搬，因為我好鍾意BBQ，有時淨係同老公和塱生都會BBQ一餐，不過我淨係鍾意食唔鍾意燒    

朱古力

penpen,
我係公司聽唔到，剛才play黎聽又真係好好聽喎！我放左落mp3可以隨時聽呀！剛才搵到歌詞，原來呢首歌叫『生命有價』．

生命有價

曲：歐碪江      詞：歐碪江      編：張兆鴻

盡快將， 憂愁眼睛， 憂愁面孔， 憂愁內心， 拋棄吧。
找回你的微笑嘴巴， 一同合唱， 可以嗎？
啦啦啦啦，啦拉啦拉， 啦啦啦啦啦啦啦
一同拍掌全力讚賞生存是有價。
從哇哇一聲睜開眼睛看地球， 從懂得緊握媽媽暖的手。
到依依呀呀一聲兩聲仍唔夠， 從爬爬行行然後曉得走。
從叻起書包， 吸取知識不用愁, 從你有佢有開始手牽手。
到它朝開心， 傷心痛心齊嘗透, 人活著實在奇妙怎猜透。
願你知生命實在亦是有些意外， 不用徬徨迷途只須緊記。
它有無窮色彩， 它有無盡的愛, 願憑著自信垮過障礙賽。

penpen

bosze,
妹豬都係超級爛瞓同反訓, 可以由床入面訓到出面, 床頭訓到床尾

朱古力,
咁我諗佢之後應該冇咩樹, 所以老師冇再打電話俾妳啦~ 應該開心先啱!  

咁過癮, 3個人都燒一餐, 咁你地實係高手啦~ 到時要賜教下喇~  
妳響邊到買燒烤物品? 有冇d物別d既食品可以燒?  要唔要我地早d黎幫手呀?? 要隨便出聲, 大家咁熟, 唔駛客氣架喎!  

朱古力

應該我問你地先岩喎∼你地鍾意燒ｄ咩架？
我通常買雞翼、豬扒、牛扒、魚旦、牛丸、雞肉腸、銀雪魚、魷魚等..........有時會買娃娃菜加鮮冬菇加其它菇加牛油用錫紙包住燒，多數呢幾款，唔知你地有無其它野想食呢？呀∼仲有我會買一條法包切片加蒜蓉醬燒，好好味架．

penpen

朱古力,
正啦~~ 不過我記得廷曜媽咪提過, 唔燒豬扒, 片開d豬頸肉燒仲正喎! 雞肉腸妳有冇試過隻匯牌? 我覺得超正, 因為冇果d廚司腸咁咸, 我可以響街市既凍肉檔買架! 平過百佳, 妳提果個娃娃菜加冬菇我都想試下, 未試過嘛~ 同埋呢個都啱璟朗媽咪食, 因為佢食齋架! 諗起都流口水, 我提議咋~ 唔好介意打攪妳好似仲多多要求咁!
要幫手出聲喎!  如果唔係我會:evil:+ +   + 妳架!!

朱古力

penpen,

唔好客氣，氣提醒我呀∼我諗住咁：
1. 雞翼（黑椒和蒜蓉兩款）
2. 豬扒（黑椒和蒜蓉兩款）（因為我鍾意食）
3. 豬頸肉（有得買架）
4. 牛扒（你地有無人唔食架，我計過人數先買）
5. 魷魚
6. 雞腎（有無人鍾意呢）
7. 金沙骨和叉燒（買少少，好最懶一定唔會燒呢樣）
8. 魚旦、牛丸、墨魚丸、燒賣
9. 切片銀雪魚（你地鍾唔鍾意呢？老公食過幾好）
10. 粟米和蕃薯
11. 娃娃菜加雜菇
12. 蒜蓉包（好好味）
13. 芝士腸（你地鍾唔鍾意呢？）
14. 紅腸（你地鍾唔鍾意呢？）
15. 雞肉腸（你話既匯牌，我未買過，真係叫匯牌呀？我都覺得廚師牌好咸呀∼但買過另一隻又唔好食喎∼所以咸都照食咯∼）等我去睇睇先．

penpen

朱古力,
牛扒不用預太多, 因為廷曜媽咪唔食牛, 雞肉腸係"雙匯牌"我買啦~ 預幾多包好?! 3定4包夠未??
今日同朗朗媽咪傾過,不如大家夾番錢啦~ ok!    芝士腸紅腸預少許啦~  我真係驚太多野食唔晒呀!!  
妳預我地幾點到妳度架?  你兩公婆取到咁多野嘛? 仲要買野飲喎!!

朱古力

乾貨和飲品我會叫百佳送貨（平時都係咁）
淨係要自己去街市買食物，我諗住星期六買Ｄ，
星期日再買Ｄ，分兩日咯∼
你地諗住約埋一齊定係點呢？如果烏溪沙總站落車就要行，
約十至十五分鐘，如果唔行就係馬鞍山等，時間我無所謂，
朗朗媽係咪想去摸蜆呢？好耐無去過啦！不過要夾岩水退，
庭耀如果

penpen

朱古力,
咁我買4包腸腸夠未?? 另外果日我買餸時買左d蟹子炸魚旦, 唔係響中間的, 都幾好未, 我買1磅黎丫~
若果響馬鞍山係唔係東鐵站等跟住打的呀??
嘜條友仔話摸蜆咩?! 若果早摸到擺埋上個爐燒都好正架! 諗起睇住佢打開個蓋, 然後入面d汁滾, 在跟住即刻夾來食都流晒口水~
時間方面其實諗住早d架! 因為d細既第二日要返學嘛~ 早天台會唔會晒呀??

朱古力

或者計下：
我　　（２大）　（１小）
你　　（２大）　（１小）
朗朗　（２大）　（１小）
浩然　（２大）　（１小）
庭耀　（２大）　（２小）
－－－－－－－－－－－－－
合共（１０大）　（６小）
＝＝＝＝＝＝＝＝＝＝＝＝＝

（大）
雞翼．．．．４件　ｘ　１０人　＝　４０件
豬扒．．．．１件　ｘ　１０人　＝　１０件
雞扒．．．．１件　ｘ　１０人　＝　１０件
豬頸肉．．．１件　ｘ　１０人　＝　１０件

（小）
雞翼．．．．２件　ｘ　　６人　＝　１２件
豬扒．．．．１件　ｘ　　６人　＝　　６件
雞扒．．．．１件　ｘ　　６人　＝　　６件
　
雞翼．．．．６０件
豬扒．．．．２０件
雞扒．．．．１６件
豬頸肉．．．１０件
牛扒．．．．．５件
雞肉腸．．．．３包
金沙骨．．．．１包
叉燒．．．．．１包
魷魚．．．．．１包
雞腎．．．．．１包
蒜蓉包．．．．１條（有２０片）
丸和紅腸．．．２－３磅
雜菜和粟米．．適量

我諗可能都食唔晒呀，因為有一半係小朋友，
不過唔知有無大謂王    你覺得呢？

penpen

[size=x-large]一定食唔晒啦~ 洗唔洗咁多呀!! 想嚇c人咩~ 靚女!!

朱古力

雞翼．．．．５０件
豬扒．．．．１５件
雞扒．．．．１０件
豬頸肉．．．１０件
牛扒．．．．．５件
雞肉腸．．．．３包
金沙骨．．．．１包
叉燒．．．．．１包
魷魚．．．．．１包
雞腎．．．．．１包
蒜蓉包．．．．１條（有２０片）
丸和紅腸．．．２磅
雜菜和粟米．．適量

咁得咩呢？

penpen

ok 啦~ 真係唔想食剩浪費$$嘛~ 雞肉腸我我買, 順個便架咋~  另外我仲會買D蟹子炸魚旦添~~   唔夠未最多到時煮個出前一丁囉~
THANKS!!    

朱古力

好啦∼咁就依呢個數量去買啦∼  

雞翼．．．．５０件
豬扒．．．．１５件
雞扒．．．．１０件
豬頸肉．．．１０件
牛扒．．．．．５件
雞肉腸．．．．３包
金沙骨．．．．１包
叉燒．．．．．１包
魷魚．．．．．１包
雞腎．．．．．１包
蒜蓉包．．．．１條（有２０片）
丸和紅腸．．．２磅
雜菜和粟米．．適量

penpen

我　　（２大）　（１小）
你　　（１大）　（１小）
朗朗　（２大）　（１小）
浩然　（２大）　（１小）
廷曜　（１大）　（２小）
－－－－－－－－－－－－－
合共　（８大）　（６小）
＝＝＝＝＝＝＝＝＝＝＝＝

雞翼．．．．４０件
豬扒．．．．１０件
雞扒．．．．１０件
豬頸肉．．．１０件
牛扒．．．．．５件
雞肉腸．．．．３包
金沙骨．．．．１包
叉燒．．．．．１包
魷魚．．．．．１包
雞腎．．．．．１包
蒜蓉包．．．．１條（有２０片）
丸和紅腸．．．２磅
雜菜和粟米．．適量


廷曜媽咪話一定有剩!!  

朱古力

OK∼

我　　（２大）　（１小）
你　　（１大）　（１小）
朗朗　（２大）　（１小）
浩然　（２大）　（１小）
廷曜　（１大）　（２小）
－－－－－－－－－－－－－
合共　（８大）　（６小）
＝＝＝＝＝＝＝＝＝＝＝＝

雞翼．．．．４０件
豬扒．．．．１０件
雞扒．．．．１０件
豬頸肉．．．１０件
牛扒．．．．．５件
雞肉腸．．．．３包
金沙骨．．．．１包
叉燒．．．．．１包
魷魚．．．．．１包
雞腎．．．．．１包
蒜蓉包．．．．１條（有２０片）
丸和紅腸．．．２磅
雜菜和粟米．．適量
蕃薯．．．．．適量

penpen

ok!!

記得我買雞肉腸喎!!  

到時唔夠食就切廷曜媽咪d肉出來燒

朱古力

penpen,

記得啦∼
你切庭耀媽咪黎燒，庭耀實搵你個囡出氣呀∼