04年9月入讀小一家長請進！

Vin

其實咁耐以嚟我都只係帶過個女去一次戲院,嗰時佢4歲~~
平時多數都係租碟返屋企睇~~
我覺得戲院入面太嘈太大聲喇~~

e-mame

麟媽媽 寫道:
個仔同我講，學校呢排最興係「星球大戰」喎！一日到黑叫著要去睇Episode III，上兩星期佢都坐定定睇明珠台重播Episode I & II。但佢要聽中文bor, 英文佢聽唔明，字幕佢又睇唔切！點知頭先上網睇到，原來UA有一千零一間戲院(沙田)有中文配音的，broadway全院線都只得英文。
我買左喇，聽日睇早場9:30-$30張，我住港島區，真係山長水遠….一早駛車去囉！之後仲要趕番去溫書，星期二又測中文喇！

麟媽媽,
Star Wars 好唔好睇呀? 我個仔都想睇, 不過好似係二級定三級, 小朋友arm唔arm睇架 ?

carollam310

麟媽媽,
Star Wars 好唔好睇呀?可以分享小小嗎?仔仔睇完有冇買返把劍揮下呀?我女好鐘意呢隻"綠色人仔"  : 女女叫佢做"綠色人仔" :  :

katiema

Dear All~~,

原來興返"Star Wars", 我地冇睇呀, 電視都冇麥點開, 與世隔絕了, out 晒tim.

下星期我女2科test, 1科默書, 好忙~~呢!!

katiema

karencircle

這星期我囡囡都有3科評估同英文默書，最誇張係今次要串成40個字   

Vin

karencircle 寫道:
這星期我囡囡都有3科評估同英文默書，最誇張係今次要串成40個字   

嘩~~
平時我女女英文默書多數都係默5-6句句子咋~

karencircle

Edithma,
張大頭相比人點用左呀 ？        

Edithma 寫道:
我之前睇個媽咪留言話張大頭相比人拿著來用,諗落都几得人惊. 都系將相收埋好d.

karencircle

Vin,
其實阿囡之前默書都不是咁多咁誇張ga,
不過位老師放緊產假，新老師一上場就...... :-x ,
所以我今早都call左班主任想問下同表達下，
現在等緊佢得閑覆我

Vin 寫道:
[quote]
karencircle 寫道:
這星期我囡囡都有3科評估同英文默書，最誇張係今次要串成40個字   

嘩~~
平時我女女英文默書多數都係默5-6句句子咋~[/quote]

Vin

karencircle,
我都有見過,有啲人發現另一個會員用嘅大頭照係自己個仔/女張相~~

karencircle 寫道:
Edithma,
張大頭相比人點用左呀 ？        
[quote]
Edithma 寫道:
我之前睇個媽咪留言話張大頭相比人拿著來用,諗落都几得人惊. 都系將相收埋好d.

[/quote]

Vin

karencircle,
唉~~有時啲老師嘅私事就影響咗無辜嘅小朋友,
要佢哋去重新適應一個新嘅代課老師~~
又要適應另一種教學方式~~

我記得你以前話過女女比較怕英文科~
其實而家有冇好啲?

karencircle

Vin,
你真好記性
阿囡佢現在好Ｄ，平時都會同我講下但有時見到樓上樓下個D外國人就~~~閃埋一邊   ，都係等佢慢慢來啦   

新官上任真係......，所以要同班主任傾下，同學校反影下。

自己個仔女做左別人ga大頭相    .....係咁四周騙人駁同情個D人偷ga           

Vin

karencircle,
其實我自己啲英文都唔掂架~~
所以我見到啲外國人都係閃埋一邊~~

我都唔明點解啲人要攞咗人哋啲相嚟用囉~~
都唔知佢哋諗乜~~

麟媽媽

比人用左張大頭相我都試過，當時亞仔兩、三歲左右的學生相。
唔係我自己見到的，係有網友見到pm我，仲問係唔係我老公？！之後我pm嗰個人，原來當時我地D相佢地可以選用的，咁佢話我仔個樣好似佢自己細個咁喎！我心諗咁咪用你自己細個張相睇吓係咪咁似？！之後佢無再用喇。

琴日一早入左沙田睇星戰三，星期日好早吖！仲山長水遠，我住北角架！！一入到去即刻去starbucks買coffee，如果唔係頂唔住！成兩個幾鐘，都幾好睇，特技當然好，但我不是星戰fans，但老公同個仔好興奮。佢地未睇之前已經買左劍，兩個琴晚係屋企扮Jadi！之前個仔成日要做Skywalker，琴日睇完知道Skywalker做左Darth Vader，即是壞人，即刻唔肯做要個老豆做，好攪笑！

carollam310

尋晚明珠台又播呀..下星期日又有...我想睇返晒之前果D先先入戲院睇新的.但阿女勁心急 早兩天約了妹妹今個星期六早上去睇 ....但我剛剛先想起星期六早上要去考插班試..... :  : 年紀大冇記性

Vin

carol,
你想同女女轉校咩?點解?
我記得你嗰時係派到第一志願,仲要挎網架喎~~

麟媽媽

carollam310,

其實戲院做的是之前的，點講呢？
琴晚電視做的是Episode 4，呢套好耐以前拍的了，而戲院做的是Episode 3，即是之前發生的事，係拍番之前發生的事，所以叫前傳囉！Star Wars共有9個Episodes，拍成電影的有6個Episodes。琴晚電視做的公主及Luke，係戲院做的Episode 3只是剛剛出世咋！戲院做的是講佢地爸爸媽媽的，唔講咁多，等你自己睇。所以唔使睇之前做左既先睇戲院做緊嗰套。

PS: 如果睇番Episode 1&2先睇戲院的Episode3會好D。

carollam310 寫道:
尋晚明珠台又播呀..下星期日又有...我想睇返晒之前果D先先入戲院睇新的.但阿女勁心急  

karencircle

“紅磡早上發生學童保母車與小巴相撞意外，6名5至8歲的小童及小巴司機受輕傷，送院治理後已全部出院。
早上8時許，一輛小巴沿漆減道北東行，至山市街交界時收慢，尾隨的學童保母車收掣不及，撞向小巴。
保母車上5名男童及1名女童受輕傷，58歲的小巴司機亦受傷，全部被送往伊利沙伯醫院治理，經治理後已全部出院。”
見到尼D新聞真係驚驚，阿囡學校架校車到依家都未安好安全帶，都已經同學校反影過啦，佢地又push唔到校車公司，真擔心

carollam310

Vin
協和唔係唔好..雖然傳統D辛苦D..又三測三考 ..升中派位成績又好....但半日制唔仔0羅 放學返到黎成7點...我報果時學校話07年會轉全日制架..上午校會有新校舍0係舊機場果度..點知政府反口...唔比果度又冇講比邊度喎....依家冇晒下文添....總之07年一定轉唔到啦...我咪搵學校轉0羅...我揀馬頭涌官立小學（紅磡灣）...交表時冇諗過阿女有份筆試架.表上寫住唔係人人有得筆試..我都係試下咋....依家收到信有份筆試已經好開心...得唔得要睇阿女自己了..佢老豆唔知架......佢老豆非常反對轉校..話阿女讀得好又讀得開心喎...我諗住....收左佢先算..收左先同佢講....

Emily_bb

麟媽媽,

我想問下 "星戰三" 小朋友可以入場咩

麟媽媽

我都無留意係IIA定是IIB級。
但套戲無色情成份，最多都是Skywalker打完仗返家見到老婆擁抱同kiss，最多係咁。
至於暴力都唔係太過，無咩特別可怖的鏡頭，琴日都好多細路仔睇。

Emily_bb 寫道:
麟媽媽,

我想問下 "星戰三" 小朋友可以入場咩