一呂現家長 / potential 家長會

alicetong

claudiaho,
請check pm   
  

candytl

homama,

你在哪裡? 係咪忙緊面試呀?

alice,

老師派作文他是全班第2高分78分唔駛謄文>>>>恭喜恭喜    唔駛謄文"hung"好多力水架

alicetong

homama,
我都同Candy諗法一樣..3月3號呀麻？

家姐面試要努力加油  

Candy
呢個學期好似第一次咋....
原來尋晚睇返老師作文前有派一張紙中間一個題目,叫佢地返去諗畫概念圖架？以往佢成日話做左...媽呼過骨 尋晚引導佢去諗又瓜瓜嘈... 阿仔同阿媽0既鬥爭真是沒完沒了架...   

claudiaho

老師派作文他是全班第2高分78分唔駛謄文
>>唔只慳"好多力水架, 仲好威添! 阿女都試過免謄, 老師亦係班中讀出她的文章, 佢講到好開心ga, 我想這種感覺都可成為他們

alicetong

CANDY.
請check PM...

Homama2004

我歸隊…..

係呀! 好忙呀! 昨天又放了病假,現在仍然係暈暈地清檯面啲嘢…..

老師派作文他是全班第2高分78分唔駛謄文
>>     咁你有沒有獎勵佢呀!!! 我囡囡好彩好似今年都係免謄,謄文真係好浪費時間,我覺得謄句已好夠….

見細妹已寫了考試倒數日子在月曆上,才知距離考試有二十幾天不夠一個月,嘩! 又要準備,家姐今次係呈分…

家姐面試要努力加油>>多謝   但我哋仍未收到準中的面試信呀!!家姐等到有點失望咁   ….聽其他家司話得報了MCS的收到信,而好似報親都有得見喎!!

Alice & Claudia,下星期請你們報告下補習老師如何???  

alicetong

Homama,
妳要保重啊...呢掛天氣忽冷忽熱好多人都病左？

※老師派作文他是全班第2高分78分唔駛謄文※
最弊係阿媽參與埋意見先有呢...(如果有朝一日係佢自己一手一腳就老懷安慰lu...哈哈！)

:wink: 不過對佢0黎講都好有鼓勵0既？尋晚仲學老師咁對我同daddy大聲朗讀一次..又話老師話平時咁多口0既佢都作得有進步..(可想而知..佢平時上堂都唔方乖左囉      ),一輪嘴又話老師影印埋貼係中文壁報板...

老師一話班上有2位同學比較作得好..佢心諗點會係自己喎？
我讀書又唔係最叻..有咁多同學叻過我等等..(欠缺信心d囉)
小朋友的世界就是這樣...哈哈！
對於佢0黎講真算是一個成功的滋味來.....     



※見細妹已寫了考試倒數日子在月曆上,才知距離考試有二十幾天不夠一個月,嘩! 又要準備,家姐今次係呈分…※

話咁快又考試...咩生字都未寫過？只叫做熟讀左常識同聖經課文.....晚晚時間都不夠用啊..??想話睇下中文同英文閱讀理解都得個〝想〞字...
   究竟人地小朋友點可以9點10點就上床訓呢？    我就真係時間唔夠用呀..仲包埋佢唔合作添....???

※下星期請你們報告下補習老師如何??? ※
無問題。不過只係第一堂咋..??只希望阿仔d媽呼駁嘴唔會激親

補習老師啦！    (望係咁望...)

alicetong

claudiaho

※老師亦係班中讀出她的文章, 佢講到好開心ga, 我想這種感覺都可成為他們

claudiaho

Homama
>>而家就係d所謂『乍暖還寒』

Homama2004

聽啲同事話財爺派糖
>子女免稅額加到5萬
>新生子女首年加免稅額5萬 - 你會否因此而考慮生多名???    .....最近幾年才叫做不用半夜起床,真係咪攪....況且我就已太老,都快4字頭,唔敢做高齡產婦  
>退50%稅,上限15,000
>免首兩季差餉,上限5,000
>個人進修開支由40,000元加到60,000元 - 你會否因此而讀多幾個課程???   

你哋收到這個消息後,開心嗎??我只覺好過無.....去行超市一次就覺得啲嘢貴過一次

alicetong

claudiaho ,
※o甘有冇D『線人費』收先 ? 哈哈!!!※
一定..一定..
為求目的..不惜一切？     

homama,
※新生子女首年加免稅額5萬 - 你會否因此而考慮生多名??? ※
學妳話齋眠乾睡濕真係未搞我呀？    更何況我間廠經已接鬼左添...   
不過今年往團拜..有2個同學我諗40幾囉...大家各自再整多一件..都係2個月大..    真係好勇敢啊？

※退50%稅,上限15,000
※免首兩季差餉,上限5,000

呢兩樣可能益到我地少少0既..??


※個人進修開支由40,000元加到60,000元 - 你會否因此而讀多幾個課程??? ※

  
年紀大機器壞..已經無咩記性lu..... 況且剛讀到四年班,明年仲要從小一開始添....     

※你哋收到這個消息後,開心嗎??※
木知木覺..不如乾脆加人工好過啦.... 大大話話過十年未加過...反減呀？       

Homama2004

木知木覺..不如乾脆加人工好過啦....  大大話話過十年未加過...反減呀？
>> 好有同感呀!!!因為我都係.你都好D,政府加你都有得加,而我哋已同政府脫鈎所以    見別的"公司"有得加都係得個"恨"字囉.....係全無聲氣.有得你做已經好好

claudiaho

新生子女首年加免稅額5萬 - 你會否因此而考慮生多名???
>>嘩, 唔好玩啦, 仲有漫漫長路呀

退50%稅,上限15,000
>>好過冇啦

免首兩季差餉,上限5,000
>>都好實際

個人進修開支由40,000元加到60,000元 - 你會否因此而讀多幾個課程???
>>訓都未夠時間, 何來有時間進修?

alicetong

Homama,
※好有同感呀!!!因為我都係.你都好D,政府加你都有得加,而我哋已同政府脫鈎所以   見別的"公司"有得加都係得個"恨"字囉.....係全無聲氣.有得你做已經好好※

係喎妳地同政府脫左鈎喎...
最弊政府都無聲氣話要加呢？...    真係一〝殼〞眼淚呀？      只怕就0黎連做都無得做...    唯有最高境界做阿Q囉.....

claudia
※訓都未夠時間, 何來有時間進修?※

神呀..請賜給我訓覺時間...
尋晚搓住張報紙睇下已是11點半0拿？拚死無大害..諗住今天的事今天做...將自己訓覺時間都奉獻埋...       

alicetong

Homama,
請check e-mail..

仲有pm....

candytl

claudiaho,

你有冇睇過本常識練習呀? 又真係幾切合我地本常識書

candytl

財爺派糖>>>>梗係好啦       計我話子女免稅再調高到$80,000就最好

哈哈, 可以幫補阿女課外活動費.

alicetong

Candy,請check pm
※最好調高到$80,000,可以幫補阿女課外活動費.※
我都係咁話...      都未有時間細心去睇....

alicetong

請問大家今年有無識得小一新生小朋友家長呀？..0黎近9月阿女升小一..想睇下有無舊書,作業....工作紙等等呀？       

Homama2004

我都覺得應大幅提高子女準貼才是長遠計,新生子女才得第一年準貼,往後的日子又怎樣呀!!現在養一個已好貴,我們還是打孖上     

alice,只識得一位囡囡將同你囡囡一起入小一,所以幫不到你...佢媽媽聽聞現在的低年級比高年級更多嘢做谷成績,話會用一年時間觀察下,如個跟唔掂便轉去直資讀.你們有聽聞嗎???我見妹妹就好得閒,日日差不多都在學校做完功課返屋企煲書,而家姐多會在晚飯前完成,好似又不是太多嘢做.....家姐報告昨天考了中文口試,都無預備添!幸好拿了滿分20/20喎!   希望其他科都有咁好成績,今次係最後一次呈分試呀!!