解答任何有關學習鋼琴的問題

vvmakyy

Hi Ming2

記得我嗎? 我囡囡依家學咗差不多年半, 每次都有 pass 2-3首歌, 上星期老師話囡囡升2級喎, 進度 ok 嗎? 現時用緊下面d書 :

John W. Schaum Piano Course (1半)
Beyer (1/4)
John Thompson's Modern Course for the Piano - Second Grade Book (剛開新書)

vvmakyy

hi ming2

嗰本 John W. Schaum Piano Course, 我唔知係咩? 不過我見到有個 "B" 字, 本書籃色架

頭先學完琴, 老師話要多d練鋼琴, 因為阿囡係屋企用電子琴, 老師驚佢彈唔到大, 細聲, 學壞手勢, 依家每星期只係去琴行練一次鋼琴, 但因為屋企地方細, 冇位放鋼, 又好難抽時間去琴行練, 唯有盡量抽多一日琴行練, 請問一星期兩天可以嗎? 本來都有諗過買新琴, 屋企可能要大執位, 但阿囡成日都話唔想學琴, 因為怕練琴, 搞到好煩, 都唔知點好?

babymiu

想問下一般情況考完八級要幾耐才考ATCL呀? 此外, performance cert. 同 ATCL有甚麼分別?一樣是演奏級嗎? 為什麼performance cert. 好似少d 人考咁?

babymiu

但八級-->performance cert. --> ATCL之間個 gap 是否很大呀? ATCL每年合格率高唔高?

vvmakyy

Ming2

好多謝你意見, 其實阿囡係學習上沒有遇到困難, 亦都不是老師覆琴時話佢做唔到而唔開心不想學, 原因係佢唔想練琴, 因為每次學完新歌又要不停練習新歌, 我有同佢講, 每天返學都要做功課, 溫書, 學琴同一道理, 學完新歌就要多練習才可彈熟新歌, 佢話我寧願返學做功課, 有時我同佢講, 新歌未彈得熟, 再多彈一兩次, 佢就會話 :

PANCO

Ming2, 我成日都係用呢幾招"乙水" 佢彈架, 方法2 : 佢每次彈完我都會話今次有65分啦, 跟住佢又彈多次, 佢又會問我媽咪今次有幾多分, 想佢彈多幾次咪講少d 分囉, 不過如果佢真係彈得好就比高d + 獎勵 (鍚一啖), 佢地好開心架啦....但係耐唔耐又要用返你個幾招, 唔係佢地會識穿架啦....我地呢d 唔識又要扮識都幾辛苦架....哈哈 ! 各位媽咪加油 !    

ming2 寫道:
vvmakyy

其實小朋友係要氹0既...你想佢將首歌練多幾次,你係唔可以咁直接同佢講"喂,你彈得唔好夠喎...再彈多次啦..."...等等呢d說話...你試下講.."嘩...彈得幾好聽喎..不過頭先呢度我唔係聽得好清楚,不如你彈多次俾我聽下係點架啦..."..."係喎..今次我聽得清楚啦...不如你彈我唱啦..."....咁樣小朋友不知不覺間就練多幾次架啦...係就係煩d..不過要培養小朋友0既興趣就係咁架啦...唯有大家一齊努力啦...

囡囡媽

ming2,

好多謝你常常幫我們解答問題，我本人都私下向你請教過多次。今次又有個問題想請教了。

我囡囡4歲多，跟琴老師都學了5個多月，囡囡一向唔多肯在練琴時數拍子，只有在老師家學琴時老師叫先肯出聲數，一係就好似好趕的數得好快，老師亦多次糾正佢，但佢都係唔係多改善到(特別是在家中練琴)。唔知ming2有什麼好的改善數指子方法呢?

另請check pm。