九龍禮賢幼稚園K3家長請進！

penpen

朱古力,
妹豬剛剛先講完話昨天佢地開完生日會, 到下午班開完林先師和鄧老師去了妳家, 妳就好啦~ 塱生小笑左?! 妳要多d留意返佢搵番個原因出黎喇~  

鍾意食生果, 上次君君生日會已經知啦~ 尤其芒果, 對嗎?
雞翼唔知佢係食我整果d定第二位媽咪整果d呢?!       因為林老師叫我整廿隻咋! 不過妹豬一放學就係咁同我講生日會d野, 又話鄧老師真係好鍾意食我整d雞翼喎!   都唔知真定假
妹豬食雞翼多數都係連皮食, 因為唔係成日食, 反而斬雞豉油雞我就唔俾佢食咁多皮

好好笑! 昨天壽星仔女邀請家長上台唱不再做bb跳舞, 阿囡邀請左我之後, 凱婷企佢隔離同我講佢爸爸媽媽唔響度, 我話唔係唔係度, 係要返工, 留返d假下次同佢去旅行, 咁跳完舞, 老師叫壽星仔女鍚爸爸媽媽啦~ 凱婷同妹豬一人鍚我一邊仲要攬住我黎鍚, 鍚到我成個坐左落地下     後來落返台, 人地個個家長帶返位, 佢地就兩個就堅持一齊帶我返我既坐位, 然後自己返自己個位

朱古力

penpen,

你好細心呀∼無錯塱生勁勁..........鍾意食芒果     

琴日你係咪覺得多左個女，好幸福呀∼

penpen

朱古力,
唔係細心, 係上次君君生日會我幫佢手取旦糕時, 姐姐放了件旦糕落佢個碟, 跟住佢話要生果, 姐姐來左幾片芒果俾佢, 見到佢由初時扁咀到後來笑到見牙唔見眼個開心滿足樣所以估下咋~ 個樣就好似我個女取到果片朱古力公主一樣  
琴日係多左個女呀! 琴日開始跳舞之前,我同凱婷同埋阿囡講, 凱婷媽咪爸爸唔得閒, 咁我地陪埋凱婷啦~   
真係多一個就咪搞喇~  

朱古力

penpen & bosze,

我收到面試信啦~我係2:40,你地呢?

penpen

朱古力,
我15:00呀!  

penpen

朱古力,
到時塱生係唔係著返運動衫?!
我諗緊妹豬返唔返屋企換衫好?!  

朱古力

penpen,
我上午要返工，不過我會幫塱生帶定套衫，到時換左先去．

朱古力

bosze,
睇你既留言真係好忙喎！忙還忙呀，都要休息一下架．

sanli77

各位媽媽
可否問一些禮賢的資料
想知道禮賢是不是活動教學
英文是不是外籍老師?每日都有嗎?
普通話呢 ?
另外家長會否知道 小朋友學了些什麼?例如生字?英文字?
校舍大嗎?
有沒有開放日?
你們覺得這間學校吸引之處在哪裡?
請分享下
我已諗到頭到大埋
仲有我住青衣   要不要一個小時返學?
珊

sanli77

對不住
再補問一個問題
禮賢幼稚園有沒有測驗默書?
課程屬於淺?中等?深?
謝謝
珊

penpen

bosze,
小心身體!!  

penpen

sanli,
禮賢是活動教學

英文老師係MS YIP, 中國人樣子,唔識講廣東話既! 冇記錯,幼
兒班好似係一星期會有1堂小組1堂大班, 升左低班堂上會多D

教普通話林老師應該是文憑的, 一星期一堂

每星期手冊都會有紀錄小朋友一個星期學了那些中英文生字

幼稚園部沒有開放日

吸引之處是校舍大, 老師有愛心, 小朋友好開心咁返學學習

測驗默書?! 冇呀!! 不過每學期會有評估, 做報告給我們的, 程度好難同妳講覺得深定淺, 各人睇法也不一樣呀!! 但可告知妳學校是用牛津出版社的書本的  

littleeva

小小分享 :

昨天面試時, 見到一位教友的兒子陪弟弟面試. 他是在禮賢讀小二.  我順便問他. 喜歡在禮賢讀小學嗎 ?  他的答案使我很感動.  還以為他會說些 "喜歡. 老師好好人.. 唔惡. ...等等."

誰不知他說  " 緊係鐘意啦. 禮賢d老師好有禮貌"

真的很少聽見這類說話. 小朋友的心已經被學校的教導進入了. 老師的身教是小孩子的學習對象.  

這些正是我喜歡禮賢的原因. 另外祝各位考試成功.

penpen

littleeva,
謝謝妳的分享, good luck!!   

sanli77

各位媽媽
請問知不知道禮賢小學是不是中文小學?
活動或傳統教學?
谷不谷小朋友?
小朋友英文程度點?
多數升英中或中中?

同崇真同培正比  你們會點揀   請列出其優缺點 感激不盡
珊

sanli77

penpen
謝謝你啊
珊

朱古力

penpen,
多謝你隻碟呀∼真激氣，當日唔記得帶相機呀∼好彩有你地比番ｄ相我，thanks~   

littleeva,
多謝分享呀∼

sanli77,
請問知不知道禮賢小學是不是中文小學?
是
活動或傳統教學?
活動
谷不谷小朋友?
要求一定有，我覺得小朋友都會讀得舒服既
小朋友英文程度點?
我覺得幾好喎∼
多數升英中或中中?
你可以入小學網睇架，佢地獲派英中的比率幾高架．
同崇真同培正比 你們會點揀 請列出其優缺點 感激不盡
崇真我唔知，培正要填父母讀邊間中學（感覺怪怪地），我鍾意禮賢係因為佢地一視同仁，園長和老師好注重小朋友既身心發展，以前我都好想自己小朋友讀民X，原來並非想像中好．其實好睇家長既要求，小朋友既性格，以我為例，我唔要求小朋友讀書成績好好，想佢開開心心，中線發展，所以我揀禮賢，但如果你想小朋友成績高人一等，要入精英班等，禮賢就唔適合咯∼

penpen

朱古力,
客咩氣, 舉手之勞!! 嘜原來妳冇帶相機?! 我家陣先知, 我淨係知廷曜冇帶咋~  早響等我幫塱生影多幾張嘛~

朱古力, bosze,
果日真係玩得好開心!! 唔知你地係唔係咁覺得, 就快畢業喇~ 黎緊有咩節目我會更加珍惜架!!  讀左小學, 阿囡都冇咁多時間可以玩喇~
你地有冇搵呢首歌CLICKE HERE俾佢地聽!! 佢地響學校聽緊!!    其實歌詞都好有意義, 好過好多家陣果D所謂既兒歌!!  

朱古力

penpen,

係呀∼我都有同老公講玩得好開心，起初都驚去唔到，因為好遲先知培橋面試係星期六和日，當收到信時都好緊張，即刻打開黎睇，嘩∼好彩係星期六，無撞期．
當日天氣又好，唔算熱，但又唔凍喎∼仲可以落水玩添，我真係無諗過落水，所以自己無帶泳衣，淨係帶多套衫（都係臨出門口放入袋），我淨係帶齊塱生用既物品，因為佢超爛玩呀∼其實佢扭左好耐話要去玩沙，不過無時間同佢去，今次佢都玩到夠啦∼如果爸爸有黎，佢就會跟你地出去玩多一次，但我就夠啦∼所以

penpen

bosze, 朱古力,

國鏗同君君既爸爸媽媽都冇落到水呀! 佢地響岸邊,都係我地d落得水既大既睇埋咋~ 玩要盡慶呀!! 下次記得帶齊應該帶既野呀!! 我初時都冇諗住俾妹豬落水架! 之前擔心會凍, 但都帶定自己同妹豬既泳衣同替換既衫, 寧願拎得辛苦都唔想佢掃慶嘛~~  

bosze,妳又同朱古力一樣, 同我黎客氣啦~   妳都請左我搭車啦~  :evil:  計落我有著數添~  
我地3個係幼勇班開始最早識架! 需然初時都未見過, 但做左第3年同學喇~  
不過記得提番浩然, 下次見到靚女唔好咁喉擒,今次小事飲左兩啖咸水, 下次擔心佢嚇親人呀!!
同朗朗媽咪傾開, 先知果度係南風灣, 本來想去浪茄, 但果日吹東風, 果邊吹到正, 擔心出到去, 返唔到呀!! 好彩!!  
不過我地果日第二轉出去, 多左好多艇, 最衰d死鬼佬, 駕快艇懶有型咁剷上岸, 聚埋響架快艇度又食煙又飲酒, 家陣叫佢拍廣告咩~ 又放狗喎!  睇到初時就過癮, 但都擔心玩得癲得滯失性整親d細嘛~ 仲有唔知邊條茂利, 打橫泊架電單車響岸邊, 冇d公得心, 朗朗媽咪仲話, 君君有次俾個浪蓋親, 響度喊, 跟住有個死鬼仔指住仲佢話stupid, 俾佢見到, 點知個c鬼仔咁啱又俾個浪蓋番, 濁親, 跟住俾朗朗媽話番佢u're stupid 2, 佢先好冇癮行開左
見到家陣一號風球, 更加覺得果日真係好好, 天助我們也, 妹豬之前幾日都留意住天氣報告呀!!  
記住下次燒烤呀!!