2007年8月開學宏福幻兒園既媽咪一齊入來傾下

hongmimi

pcdogxx,
係.... 妳打去邊到問? 學校定假日農莊呀?
假日農莊就一定話得啦!
學校話得會唔會以為係學生既兄弟姊妹等屋企人? (咁計埋匡匡同鈞渝既關係.. 我地都可能係一家人 )
咁好? 咁即係同妳地一齊係青衣集合出發呀?:
我有興趣呀! 幾時話? 老公星期六係要返學，但我記得佢話唔知邊兩日唔洗喎~ 等我問過佢先!
   
http://www.yp.com.hk/holidayfarm/ 假日農莊
大人 $75
小童 2-3歲 $50

hongmimi

pcdogxx,
個教練又會咁認真既?!:evil:  玩下啫! 你估真係打仗呀!!

妳呢舊大蕃薯有無咁論盡呀! 一陣唔記得拎野、一陣就PK，好彩唔係抱住鈞渝咋!

妳今晚返去記著搽多幾次跌打酒~

pcdogxx

Cindyhui77,
岩岩尋日收到通知, 鈞渝一月開始轉全日班喇..   不過尋日Ms. Priscilla 同我講, 下午係佢睇喎, 我仲以為下午都係Ms. Ng睇埋架添..    因為放完假驚唔適應, 第一日食完飯就走, 如果情況ok, 第二日就可以瞓埋覺...   翔仔都要努力呀..  

鈞渝都唔識butterfly.. 我叫佢唱, 佢又"lur"左d出黎, 都唔知唱乜..  你都好吖.. 翔仔都識話你聽做左乜..  我問親鈞渝都係話玩左波波咋...

你奶奶真係好叻..  連鷓鴣都用埋黎煲湯.. 淨係聽個名都唔知點攪....  不過我朋友頭先俾左幾個食療我..  都係話好止咳化痰架..  等陣我post出黎俾大家..   你就好啦.. 有奶奶攪埋唔使自己煩..  我奶奶淨係識好少野..  唔會試其他野架..

pcdogxx

626mama,
我都係好少買六合彩..  不過我呢個真係白日夢啦..  我抽獎運勁唔掂..   有時自己揀6個字買..  係6個字都唔中呀..     試過同老公買咩膽拖腳十幾個字, 居然一個都唔中..  如果有人補買我地冇買果d,  中獎機會都好大..  

我多數都會揀天藍同Hongmimi果間..   佢地千祈唔好到時飛起我呀..   

鈞渝唔知做乜d痰好犀利呀...  雖然唔係成日咳, 但係一咳就聽到佢好多痰囉..   我連橙樹都俾埋佢試喇..   希望快d好返啦..  

其實download好易架咋.. 但係要做少少工夫囉..   不過果個網d填色稿真係多到嚇死人..  要俾小小時間我先dl得晒..   你地得閒上去望下..  我都再upload左好多上去喇..   

乜旅行張通告有話咩整包包咩?  唔係淨係問邊個參加咋咩?  死喇..  返去金精火眼睇真d先...

626mama

天藍,

真係冇計，一返學又比同學仔我傳妳你傳我咁。
怏D比昊藍飲多兩日湯，怏D冇事啦。

原文章由 天藍 於 07-12-20 09:36 AM 發表
all mama,

今早仔仔醒左又開始咳, 但琴晚同前日
都無乜點咳, 一返學又咳個好煩

pcdogxx

ElaineAiolia,
嘩.. 乜出水痘係咁辛苦架..   真係好慘呀...   希望聰爸快d好返啦..  不過d人話出晒差唔多散果陣先係傳染性最高架喎..  唔知係咪呢..

其實鈞渝都唔叫好返晒..  好似昊藍咁斷斷續續咁..   所以都好煩...

鈞渝果日唔係feel到我心情唔好而扭計.. 係佢想坐係服務台到攪姐姐d野..  我阻止佢咪喊囉..    我都夠心情差架啦.. 佢仲要發脾氣聲左我一巴..  好彩果日我EQ都算高..  唔係真係同佢提早開年.    

見到626mama 提議你嚇個工人..  好彩冇飲梗水..  唔係實噴埋出黎..       阿工人又會驚成咁既...   

哈..  哥C拉..   真係慘..   無啦啦要做怪獸...   到大d子聰就唔會話做超人架喇..  唔驚唔驚...

你個廿四孝媽咪真係好..  放學咁辛苦返黎仲砌聖誕樹俾子聰..   鈞渝都好鍾意聖誕樹..  成日係樓下lobby玩唔肯返屋企..  不過見鈞渝唔係成日係屋企, 所以我冇買呀..   子聰好攪笑, 叫樹樹乖d等佢返黎..  

鈞渝都未識同我對答. 佢梗係未識講第時要做咩啦..   佢咁鍾意唱歌跳舞, 可能第時話要做歌星..   哈哈..

626mama

天藍,

原來妳都可以聽收音機。
我一聲到就立即POST，
係呀，李醫生知道我地想知。

原文章由 天藍 於 07-12-20 09:48 AM 發表
626mama,

我今朝都有聽都有想post出來, 比你快手個我添!
可能李醫生知你地琴日有疑問, 今早答你地

pcdogxx

天藍,
其實我想問川貝燉蜜糖點燉架? d人又話蜜糖唔可以用高溫..  平時都係只可以暖水開黎飲既?  咁係一齊放晒定係之後先加蜜糖? 要燉幾耐?   仲有川貝果皮蘋果冰糖又點燉呀?  我都想試下煲其他野鈞渝飲下..  唔該晒.  

我都係噙下架咋..  應該都係果間架喇..  係我驚你同Hongmimi會變卦咋..   
乜你公司咁衰架..   星期六請假當一日...   咁你去旅行果日咪蝕囉..   唔抵唔抵呀..  

其實我好渴望可以同鈞渝可以對答咁傾偈..   昊藍咁叻話唔可以玩火..   不過想做消防員既原因係玩水.. 真係好攪笑...

一返學就係咁..   都未試過完全無病...  所以真係避唔到..  所以大家都要勤d煲湯俾佢地飲幫助佢地提升抵抗力..

626mama

hongmimi,

我朋友比過我睇，又唔以比火燒過嫁，
燒炮仗

原文章由 hongmimi 於 07-12-20 10:31 AM 發表
626mama,
燒落去拍拍聲~ 好似燒炮仗多d喎!

pcdogxx

Hongmimi,
好彩我電話多數袋係褲袋..  自從爆肥之後都好少著裙...
不過唔見大電話真係好煩..  我電話簿記事簿都係save晒係電話到..   我當年出第一部電話就係俾人偷左喇..   成晚一諗起就喊.. 又典床又勁踢床尾..   
我咪又係唔記得邊張咭係銀包到囉..   諗左我幾耐. 好彩冇唔見咋.. 原來仲有兩張咭未cut..

鈞渝咁細未識打字嘛..  搵到個心心圖案已經好叻架喇..   你當做中間人幫佢交俾匡匡啦..  

而家真係好難抽到屋呀..   唉..  婆婆仲搬到咁遠..   可能匡匡大左想媽咪係身邊多d..   希望你快d搬返近d啦..  

哈哈..  個電話簿你排第一.. 佢好易就按到..   佢唔講野架.. 俾婆婆電話佢都冇用..   可能佢想聽下匡匡把聲..    哈哈..  

你個衰野成日諗埋d衰野..  差d俾你笑死..    第時子聰同昊藍都會勁鍾意呢個 "哥C拉"咯..  

死喇.. 而家係水痘高鋒期呀?   返學真係好危險.. 不過都好難避免.
鈞渝打左水痘, 希望就算出都唔好咁辛苦啦..

我梗係打埋去學校問啦.. 我話明係另一個家庭有個小朋友..  你呀, 好快d覆我呀..   學校話先交form先得..  陣間你累埋我冇得去..  我就咀咒你..     哈哈..

係啦..  佢成日教訓我地話唔應佢..  講埋一大堆道理..  我有個同事又唔聽訓示..   結果我地果組俾佢訓做5下掌上壓呀..    果時我就諗到老公之前入學堂訓練d阿sir 一定又係咁..   所以我地成班人開頭都好驚佢    不過玩到下午又覺得佢好攪笑..  其實都好nice既..  

唉..  所以我帶鈞渝出街一定係平底鞋..   起碼少d危險先..  

pcdogxx

各位,
乜你地d小朋友咁多都用左手既.. 鈞渝係用右手架..  有時佢錯手用咗左手, 我奶奶同阿媽都要佢即刻改用返右手..  d老人家唔知點解唔鍾意用左手既.. 如果係天生你都迫唔到架啦..  

其實學校係咪慢左d呢..  尋日都仲未收到入場券,  回條都交左咁耐啦..  :-x   不過真係好期待聽晚既晚會..  希望個個小朋友肯乖乖咁表演啦..  我始終都係覺得鈞渝會成碌木咁企係度..  


哈哈..  連環攻擊完成..   咁又半晝喇..  下午要乖乖做野先得...

[ 本文章最後由 pcdogxx 於 07-12-20 14:02 編輯 ]

pcdogxx

各位,
岩岩入左去睇個網址, 好似幾正喎..   好多野玩咁..
我都想學整麵包呀..  (哈哈. 係我想唔係鈞渝..)   

咁多野玩都係2點就離開架喇?  好似唔夠時間玩喎..  
可唔可以玩晏d架呢?   可能想玩晏d要自己搭車走..  

candyhui77

嘩嘩嘩....

公司同事個個都努力清野放聖誕, 攪到好鬼忙:tongue: , 好多留言呀, 有排睇tim...

candyhui77

我想問下今朝我見到另一位mama話今日開party所以穿便服, 我問佢麥唔係明天晚上咩?? , 佢話明天係show time only , 我又唔見有通告講, 唔知係唔係ms ng俾留我定, 我眼大睇過龍 攪到我有d亂亂地,

626mama

各位,

嘩~~~嘩~~~嘩~~~
我都追唔切呀，第老細入左去開會，
回復及 POST多幾個先。
唔知佢開會開幾內呢。睇怕都回唔晒。

真係唔好睇小 pcdogxx 一出手就幾頁紙。

原文章由 pcdogxx 於 07-12-20 10:37 AM 發表
各位.
你地冇人性架...     使唔使咁恨出咁多post呀?   
都係Elaine衰啦..   咒我多野做...    攪到我冇時間上黎留言...  
俾少少時間我..  我又黎大追擊 ...

[ 本文章最後由 626mama 於 07-12-20 15:11 編輯 ]

pcdogxx

Cindyhui77,
我今朝都見呀.. 有個小朋友著晒聖誕服飾, 我以為佢開生日會咋..  
乜唔係架咩?   真係唔清楚咯..

我想問翔仔平時幾點返到學校架?   佢呢幾日仲有冇喊呀?

626mama,
今日見到軒軒返學, 好乖坐係度俾婆婆換鞋仲冇喊添呀..  我見佢向入去果邊係咁叫早晨..  唔知係咪Ms. Gloria係咪企係門口呢?  (因為係企係出面望入去), 定係佢已經克服左佢既心魔呀?

我又upload左42個character既填色稿喇. 你地慢慢download啦..  

626mama

PCDOGXX,

婆婆話這幾天遲了出門口，一入門口便望Ms. Gloria 軒軒咪娜娜聲走入去搵Ms. Gloria囉，昨天仲同門口兩位MISS講，唔洗老師帶，我自已去搵Ms. Gloria喎。所以唔記得喊瓜。

所以旅行那天有機會要比軒軒同Ms. Gloria影多兩張相至得喇。
軒軒一定好開心。

妳真係好怏手，upload左42個character既填色稿。
我仲未有時間入去睇添，近排老細唔出街，真係好悶。

Cindyhui77,

妳今日記得認晒我地小朋友張相呀，到時記得叫我呀 OKAY
翔仔張相細細個，我怕我認佢唔出呀。

原文章由 pcdogxx 於 07-12-20 03:09 PM 發表
Cindyhui77,
我今朝都見呀.. 有個小朋友著晒聖誕服飾, 我以為佢開生日會咋..  
乜唔係架咩?   真係唔清楚咯..

我想問翔仔平時幾點返到學校架?   佢呢幾日仲有冇喊呀?

626mama,
今日見到軒軒返學, 好乖坐係度俾 ...

626mama

candyhui77 ,

我都唔知喎!
會唔會今日有一班有小朋友咁岩開生日會呢。

係呀。好多留言有排睇tim，咁妳攪掂D工作才上來追啦。

原文章由 candyhui77 於 07-12-20 02:58 PM 發表
我想問下今朝我見到另一位mama話今日開party所以穿便服, 我問佢麥唔係明天晚上咩?? , 佢話明天係show time only , 我又唔見有通告講, 唔知係唔係ms ng俾留我定, 我眼大睇過龍 攪到我有d亂亂地, ...

candyhui77

626mama,

我初時都以為係生日會, 但問左個位mama佢又話開x'mas p喎, 不過我估only k1 開p, 其實我唔知佢個女係k1定n1, 所以我地d n1冇得開p...

原文章由 626mama 於 07-12-20 15:26 發表
candyhui77 ,

我都唔知喎!
會唔會今日有一班有小朋友咁岩開生日會呢。

係呀。好多留言有排睇tim，咁妳攪掂D工作才上來追啦。

626mama

pcdogxx ,

我見個網址，整麵包都有兩款，一種好以買果D咁，焗的。
仲有一款係一條再圍住支木棍轉圈火燒嫁。

仲有好多野外自制的野玩，2:00就走，好以好唔夠時間，
而且午餐要自備，唔知果度有冇得買呢?

咁我地個個都做麵包喇，有包食呀，唔知有冇牛呢，自已揸牛奶飲囉.........講講下好以野人咁，唔爭在，摘埋水果食LU。

係LU，想玩晏又冇車走。唔怕，好玩第時我地再去過囉。

原文章由 pcdogxx 於 07-12-20 02:16 PM 發表
各位,
岩岩入左去睇個網址, 好似幾正喎..   好多野玩咁..
我都想學整麵包呀..  (哈哈. 係我想唔係鈞渝..)   

咁多野玩都係2點就離開架喇?  好似唔夠時間玩喎..  
可唔可以玩晏d架呢?   可能想玩晏d要自己搭車走. ...