大埔道崇真05年K1小朋友家長，入嚟啦！

LQ_FAMILY

Hi, I'm here.
同幼愛班d媽咪打個招呼!! hello !!!

禮禮媽

Jade，
Weekday 就英語樂園，星期六就返多元智能班，係學校就係呢兩樣，校外就仲有幾樣，而家就玩 d 冇 mug 壓力活動，遲下我想佢學珠心算。係呢昕昕有冇在校內/校外報活動呀？禮禮下個月仲要學溜冰。
至於崇真，我就貪佢一條龍，地方大 and 活動多。其實搵幼稚園時，我係睇佢地有冇小學。而家禮禮又好鍾意返學，我暫時都 ok，我覺得呢兩個月佢講野仲好明顯叻左好多（成日博咀）。只係個 toilet 有 d ....，如可改善就好喇。我就係咁，唔太細心，只係睇表面。你咁問我，莫非你有什麼意見呀？

balltsang

LQ_FAMILY,
你係邊個媽咪     


得意ma,
波波池一事,真係...   

Adrian媽媽

禮媽,

禮禮都好忙噃 ! 係咪他不用睡午覺, 加上你又是ftm,  所以可同他上咁多課外活動呢 ? 我都想君君學溜冰, 有無介紹呀 ?

Jade

禮媽,

問吓睇吓你點睇啫, 我揀崇真當然對崇真有的要求, 到而家都係so far so good, 而且覺得我哋個班主任都幾好.

昕昕暫時玩體操同美藝, 下次轉咗美藝班做甜品班, 都有的想同昕昕試吓個英語樂園, 但又唔想返晒4日. 出面昕昕就上緊ballet.

禮禮係出面學緊咩呀? 溜冰我都會俾昕昕試吓, 或者遲少少啦, 因為係屋企樓下好方便的. 我見有的好細嘅上.

Jennie

禮媽>>西九龍中心o個樹溜冰可以試堂, 不過要比錢o者, 你可以比禮禮試o下先,睇佢鍾唔鍾意至報名.

我o個日家長會以為響課室, 都經過廁所, d 味真係好難頂      唔知朝早會唔會好d 呢??

禮禮媽

Jennie，
我同禮禮係西九龍玩左親子溜冰，佢想好似 d 哥哥姐姐咁走得咁快，我見佢玩開咪比佢繼續玩，但我唔係好鍾意西九，所以改左去又一城比佢自己再學。因搵唔到朋友仔同佢一齊學，所以要參加唔到半私人班。

Adrian 媽，
睇下佢學成點再話你知。

Jade，
禮禮仲有返畫班 and 音樂啟蒙班。

Jade

禮媽,

又一城好多人架噃.......我住個度都有溜冰場, 雖然唔係好大, 但勝在人唔太多. 諗住到昕昕4歲度就去試吓, 或者遲的都入去玩一次半次, 睇佢驚唔驚, 但自己太耐冇溜冰, 反而自己都有的驚.

我同昕昕去過西九龍中心上過一次畫班, 但佢呢個STAGE都係填色多, 昕昕又唔多鍾意填色, 所以冇繼續.

禮禮媽

Jade，
禮禮都係唔多鍾意填色（包括佢 d 功課），而佢學畫畫果度就教佢地畫 d 如車、cat、dog、洗衣機及加 d 剪貼，主要都係教佢地用 d 形狀配合出來，都做得幾靚架。

我覺得又一城比較乾淨，我都係陪佢先玩親子溜冰，起碼係佢身邊放心 d。我都覺得陪佢玩下先比佢學，好似好 d。我都係 n 咁多年冇玩，為左佢地冇法 la。你就好 la，係樓下咁方便。將來昕昕學左，可以約埋一齊玩。

Jennie/Adrian 媽，你地都說諗諗 la。

Adrian媽媽

禮禮媽,

請問幾$堂, 每次我同君君睇, 他都睇到入哂神, 早前我怕他細, 未比他學, 而家星期六下午, 我都想比他學下嘢, 現在平時只學畫畫及英文咋! 音樂學咁Txx Lee or  Pasxx  a?

Jennie,

我讀國際的朋友都係在課室講, 我都唔明點解要在禮堂講, 好嘈, 成個街市咁.

Jade

禮媽,

禮禮咁係邊度學畫呀? 如果唔係填色, 可能昕昕都有興趣的. 佢上個次, 個"abc"老師用畫筆畫咗個大方向, 再叫昕昕填色, 所以昕昕上完都唔係好大興趣, 但昕好鍾意畫公仔的, 畫完仲有會有故仔講.

又一城當然新淨好多, 但人太多我又會有的擔心咁. 我住海濱, 都有一個溜冰場的. 遲的可以約埋一齊玩噃. jennie都好似有興趣架.

禮禮媽

Jade，
禮禮係“藝窩”度學畫畫，係旺角朗豪坊後面，而家地點冇以前咁好，佢地以前係太子，但禮禮好鍾意返又返得好開心。果度有兩個姐姐教，禮禮而家逢星期三返，佢果班得三個小朋友，唔會太多人。佢地上滿三個月仲會有隻上堂既 VCD 送比我地。Tel: 3119 7668，可以試堂，試堂好似 around $60，好似都有見過崇真其他 d 小朋友係度學。

Adrian 媽，
禮禮而家就係“葉氏”返，一月就會去“香兒”度返。溜冰就 $550 for 5 堂，每堂 30 mins for weekday。
許老師今朝同我講話已將意見反影給白主任，會將睇佢地上堂 d 片放上網。  

Jennie

禮媽>>係呀, 好多呢樹o既學兄學姊都響o個樹學畫呀!!!

嘩,禮禮好叻呀!!! 香兒咁難入都入到!!!恭喜晒!!! 係咪返何文田呀?? 我下期都可能佢chloe 試o下, 睇o下佢個膽有幾大.

咁你下次見到老c , 叫佢整多d 佢地d 學校生活相上網, 比我地睇多d, 知多d.....

知唔知係咪要帶聖誕o既返去學校佈置呀???     

禮禮媽

Jennie，
Thank you，但禮禮果隻啟蒙班好易入架，四歲以上既合唱團就真係好難入，等佢四歲後要再考。好似二月招生呀，你 check check la。
好似係 X'mas 吊飾比賽，12/2 前交比老師，有通告架。

balltsang

禮禮媽,
我會唔會見過你呢
hoklam之前o係o個度返"精靈學堂"

Jennie

禮媽>>吊飾比賽我知呀! 但e家許老c 話教緊佢地響學校d 野要同我地家長講喎!!! 好似上次生日會帶野食返去分享o個d 喎....要recall佢地memory, 好似成舊雲咁.

許老c 話上次生日會得兩個小朋友做到咋...其中一個係昕昕呀!!   

carcar

咁你下次見到老c , 叫佢整多d 佢地d 學校生活相上網, 比我地睇多d, 知多d.....
TOTALLY AGREE, (我都係意見書度寫左)

我想問, 學校的網有無一個地方,可以比我地家長提供意見的呢?????

Adrian媽媽

Jennie, 禮媽,

其實許老師係家長會同我講咗, 今星期會叫小朋友攜帶聖誕飾物返學裝飾, 我而家就係等緊我君君講, 如明天君君都無出聲, 我就會自動比佢啦 ! chole果然好記性..

Carcar, Jennie,

我直情叫他們整條link比我們download啲相, 不過唔知學校做唔做到啦 !

叮叮噹噹

請問聖誕吊飾比賽, 係咪自已設計, 還是係街買就Ok 呢?
tks!

Jennie

叮噹>>吊飾比賽係要自己親子整o個d呀喎!!! 但可以唔交呀!

adrian 媽>>許老c 其實有同我講過話要佢地帶聖誕裝飾返學校, 但琴日我問chloe 許老c, 有冇話要帶咩返學, 佢至講, 咁我當佢無自動投案, 所以乜都無放入書包. 另外, 我問親chloe 佢係咪o羅佐咩獎, 佢自己都話無o羅過喎. 真係比佢激c, 睇晒相都話自己無份.你話係咪搞笑呀...