Hello, Dr.T speaking...

siubakto

Dr. T,

siubakto即係小白兔囉。

細孖今日已經係16個月啦，但佢到目前為止都唔多願行，扶住企還可以。需唔需要找一些專業的訓練比佢呢 ??

Dr.T

我會擔心小朋友是因生理原因導致不願/能步行...大肌肉發展會是物理治療師的範疇,兒科專科醫生亦應該能夠協助撇除生理因素的可能性

siubakto 寫道:
細孖今日已經係16個月啦，但佢到目前為止都唔多願行，扶住企還可以。需唔需要找一些專業的訓練比佢呢 ??

alfyma

Dr.T,
代朋友請教問題.女孩子,差不多4歲(4月份出生),在政
府做 了 iq test,結果是極高分的資優(沒有說分數),準
確性高嗎?因那位心理學家叫我朋友,待小朋友大些去
私人再做多次 iq test,又說被大小肌肉的分數拉低了
分數,4歲做的iq test是否有check大小肌肉?又是否
智商高會影響情緒,因小朋友在學校的情緒比較反覆,
老師說她開心時就開心,不開心時有時會大吵大哭,老
師還叫她帶小朋友去看心理學家,其實這個問題也詢問
過政府的心理學家,她說多跟小朋友說話,嘗試打開她的
心窗有需要看心理學家嗎?收費昂貴嗎?如不方便答
覆,可pm給我 謝謝!!!

Dr.T

1. 個人經驗是如果在5歲前的測試也能夠獲得高分,那在韋氏量表的表現應也不俗.如果要再測試的作用是確實她的強弱項所在.

2. 主要是手眼協調.

3. 不清楚小朋友和她的父母溝通有多好,可能一個有經驗的輔導員可以教爸媽如何和孩子"交心"...不一定是心理學家才會做.

收費視乎是私人機構抑或是半私人機構(所謂非牟利),因為後者不用交租,職員又有政府資助的基本收入,自然可以較便宜(其實他們的收費應該比現在更低才合理...)

但問題是那位政府心理學家為何不自己跟進   :evil:

alfyma 寫道:
1...女孩子,差不多4歲(4月份出生),在政
府做 了 iq test,結果是極高分的資優(沒有說分數),準
確性高嗎?
2...4歲做的iq test是否有check大小肌肉?
3...政府的心理學家,她說多跟小朋友說話,嘗試打開她的
心窗有需要看心理學家嗎?收費昂貴嗎?

葆媽

Dr. T

多謝你的回覆, 對於”社交小組”及”感統訓練”, 我跟你的看法是一樣, 所以我一直都不太積極給女兒這些訓練。

我女兒的整體表現主要是溝通問題, 聽唔明指令, 唔識表達, 故影響情緒, 小小事就發瀾, 非常固執, 如不順她意, 她會發瀾訓地; 如出街後回家, 一定要按門鐘, 告訴她工人姐姐不在, 没有人開門, 她仍然堅持唔比用鎖匙開門; 没有危機感, 見到猫狗, 無論大隻細隻, 都撲埋去摸啲毛, (在地鉄,在lift, 摸陌生人的衣服就不在話下); 亦試過發皮氣坐在馬路中心;搭地鉄没辦法坐得定, 要跟著她由車頭行到車尾, 她不會回頭看你, 跟本唔識驚話唔見咗父母; 在食肆又係行來行去, 成日比人叫我”唔該睇住你個小朋友, 淥親佢就唔好意思啦”; 在家亦會不時行來行去, 由梳化跳落地, 由一張櫈跳到另一張櫈, 睇vcd, 唔夠兩分鐘就要換碟; 跟她在家做居訓練時, 很容易分心, 就算没任何東西或聲音騷擾, 都會做做游咗去第度, 對眼仔望住幅牆, 好似諗緊野咁, 問她諗什麼, 當然唔識答。對一些事情很死板, 如我叫她收拾玩具刷牙訓教, 她會望著我說 :”收玩具, 坐地墊”, 我話”唔係坐地墊, 要刷牙跟住訓教”,她會不停望著我說 :”收玩具, 坐地墊”, 直至我妥協跟她說一次”收玩具, 坐地墊”,她才肯去收拾玩具, 然後去刷牙, 不會真係揾地墊坐, 原因是”收玩具, 坐地墊”是她在幼兒園的常規。

唔好意思, 長篇大論。她老師説她在幼兒園尚算坐得定, 但對動態活動很積極, 但靜態活動不大興趣, 成日遊雲, 冇耐性排隊, 會排排下行咗去第度。

她都有優點, 強記能力好, 認字, 認顏色, 形狀比同齡做得好, 很喜歡唱歌, 有甜美的聲音及笑容…..

講到尾, 現階段除了溝通能力外, 我最想加強她的專注力, 因為這樣可以增加她的學習能力。

Dr.T

Dr.T

個人覺得光是訓練專注的意義不大,反而是孩子在那種環境能夠專注,我們就應該盡量提供,最少為他們安排一個類近的環境...試想將小朋友訓練到可以安坐30分鐘,但其實是完全魂不附體,那又可苦呢?能夠有足夠的專注程度去學習就可以了.

葆媽 寫道:
...現階段除了溝通能力外, 我最想加強她的專注力, 因為這樣可以增加她的學習能力。

alfyma

1.曾經有個媽咪說幼童時期多加訓練,測驗分數會較高,是否待小朋友大些才做測驗會比較好?

2.是否小朋友與父母溝通不足?又或是父母未有教導小朋友疏導不開心的情緒,引致她遇到不合自己心意就大吵大哭,或是小朋友只有4歲未能完全表達?(但她語言能力很過)

3.這個問題你應該也明白..... 如果不是怎會找你再做多次評估   白白浪費 時間:evil:

[quote]
Dr.T 寫道:
1. 個人經驗是如果在5歲前的測試也能夠獲得高分,那在韋氏量表的表現應也不俗.如果要再測試的作用是確實她的強弱項所在.
2. 不清楚小朋友和她的父母溝通有多好,可能一個有經驗的輔導員可以教爸媽如何和孩子"交心"...不一定是心理學家才會做.
3.但問題是那位政府心理學家為何不自己跟進   :evil:
[quote]

Dr.T

1. 當然不會...除非那位媽咪本身是行內人,又刻意地利用測驗內的題目訓練小朋友,否則一般的"訓練"是沒有多大作用(除了針對思維技巧的訓練除外).年齡亦不是一個影響表現好壞的因素(指韋氏而言).

2. 有此可能...而且4歲小朋友亦未必能夠純用言語表達自己的內心世界,故若言孩子真是轉數較快但無人能明白時有心理障礙也不出奇.

3. 深信你指的"白白浪費時間"不是話見我啩 ... 當然知道唔係

又係嘅,既然做完測試,點解又唔詳細講清楚?攪到見完重多咗問題...

alfyma 寫道:
1.曾經有個媽咪說幼童時期多加訓練,測驗分數會較高,是否待小朋友大些才做測驗會比較好?
2.是否小朋友與父母溝通不足?又或是父母未有教導小朋友疏導不開心的情緒,引致她遇到不合自己心意就大吵大哭,或是小朋友只有4歲未能完全表達?(但她語言能力很過)
3.這個問題你應該也明白..... 如果不是怎會找你再做多次評估   白白浪費 時間:evil:

Peanuts

Dr. T,

唔好意思, 好長篇~

我女今年讀小四, 由小一開始經常唔見文具, 簿, 外套等等, 成日抄漏家課(有時直頭冇抄), 功課/通告明明帶左佢又搵唔到出黎交, 唔幫佢執書包一係就漏帶書, 一係就所有書都帶晒, 開頭以為佢未適應小一生活, 但到學期完結, 情況都係持續

升小二因為搬屋所以轉左校, 佢情況依然, 而且不肯做功課, 每日放學回家就玩/瞓, 到我放工番去同佢做就恰眼瞓, 於是成日都攪到半夜三更, 打打駡駡,........後來安排佢放學之後去功課輔導班, 但每日佢一打開d功課就恰眼瞓, 唔瞓就魂遊, 有時1個半鐘頭都完成唔到1樣功課,去左3個月, 冇一次可以完成功課番屋企, 補習導師都冇晒符.......

升上小三, 放學送佢去託管中心(1:00pm-7:00pm), 希望可以有改善, 但在託管中心每天也是恰眼瞓及魂遊, 中心姑娘說怎樣叫/拍/搖/拉也不能將她弄醒, 每天都要睡45-60分鐘才清醒, 而且開始在學校上課也恰眼瞓, 週會例必恰眼瞓, 試過默書時瞓著, 考試時瞓著, 有時吃晚飯也恰眼瞓, 有2晚我發現佢夢遊, 重伸手去關窗.......之後我同佢去睇家庭醫生,醫生寫紙我去油麻地精神科見醫生

排左大約4個月(03/2005), 第一次見醫生佢寫紙我女去做腦電圖(睇下有冇隱性羊癎症)& 俾問卷番去填, 在做腦電圖時我女竟瞓著了!

第二次見(2個星期後)醫生佢話報告未出, 我同佢講亞女做腦電圖時瞓左, 佢話對個test冇影響

第三次(2個星期後)見醫生佢話報告未出, 但亞女情況唔似渴睡症, 又冇睡眠疾息症症狀, 似是專注力不足, 於是開藥(Ritalin)俾佢試下食, 由開始食上下午各半粒,一直加到而
家1日3次, 1粒半/1粒/1粒半, 我女食左藥之後恰眼瞓情況改善左, 但唔見野, 漏野, 明明帶左又搵唔到嘅情況就依然

我有以下疑問:
1) 我同事仔仔最近發現有專注力不足, 過度活躍 及讀寫障礙, 佢係先去智力中心做評估, 然後才排期見精神科醫生, 但我女冇做評估?! 咁點解醫生評定佢係專注力不足? 佢會唔會重有其他問題呢? 咁而家我係咪應該去做番評估?

2) 我同事仔仔每日上下午食半粒Ritalin, 佢個醫生話係根據體重來定, 咁我個女食嘅份量(1日3次, 1粒半/1粒/1粒半)會否過多?

3) 除左食藥重有沒有其他方法可以幫到亞女?

4) 我女由bb到而家(9歲半)瞓覺都係通床走, 唔係定定的睡在一個位置, 一晚換好多位(床頭/床中間/床尾), 有時會跌落床, 由大約1年前開始, 佢好多時有一個怪異的睡姿,是好像人家跪拜的姿勢, 雙腳屈起, 雙手藏在身下, 額頭貼著床, (不知怎樣形容, 由上面看下來只見頭及背部, 不見手腳的) 這正常嗎?

Dr.T

1. 基本上如果是純粹專注力的問題,由醫生診斷及跟進是正路的做法.但很多時候讀障與ADHD是雞先抑或是蛋先的問題,評估一下她的閱讀表現是恰當的做法.

2. 服藥量起點是以體重為基準,但藥份是否足夠是要長期觀察,每個人都不盡相同,最重要是有效.

3. 打個比喻,藥的作用是幫她攪好副機器,但實際如何能正常運作就要有人教-這就是行為治療的作用.

4. "反瞓"都算是正常表現黎嘅

Peanuts 寫道:
1) ...佢會唔會重有其他問題呢? 咁而家我係咪應該去做番評估?
2) ...咁我個女食嘅份量(1日3次, 1粒半/1粒/1粒半)會否過多?
3) 除左食藥重有沒有其他方法可以幫到亞女?
4) 我女由bb到而家(9歲半)瞓覺都係通床走...

alfyma

1.若是孩子真是轉數較快但無人能明白而有心理障礙,是否一定找專家解決?

2.當然不是說你"白白浪費時間"是否我的表達不清楚?如果是多多原諒  

[quote]
Dr.T 寫道:
1. 有此可能...而且4歲小朋友亦未必能夠純用言語表達自己的內心世界,故若言孩子真是轉數較快但無人能明白時有心理障礙也不出奇.
2. 深信你指的"白白浪費時間"不是話見我啩 ... 當然知道唔係

Dr.T

1. 無話"一定"嘅,其實所謂"專家"主要都是教家長點同小朋友溝通,因為始終都是家長與孩子的相處時間最多(但願如此...)如果有一些課程/講座,都可以考慮下.

2. 我當然明白你原本的意思,我係驚其他"觀眾"誤解,所以多口講句啫 :

alfyma 寫道:
1.若是孩子真是轉數較快但無人能明白而有心理障礙,是否一定找專家解決?
2.當然不是說你"白白浪費時間"是否我的表達不清楚?如果是多多原諒  

alfyma

其實我都知你明白我的原意,但也怕其他"觀眾"誤解,所以加強用"   "如果因我的表達不清楚,誤會了你就不好意思了.
[quote]
Dr.T 寫道:
我當然明白你原本的意思,我係驚其他"觀眾"誤解,所以多口講句啫 :

yklee

Dr.T ,

小女7歲謮小一曽在一小學做評估,是參考教

lingchuling

Dr. T

剛巧看到你們提到ADHD, 請問會否遺傳, 因我老公姊姊個女是ADHD(12歲), 老公哥哥的仔(9歲)就有讀寫障礙, 而我小朋友現在將近三歲, 亦剛評估為有自閉傾向, 但醫生話不太嚴重, 但可能會社交方面比較差, 現我都怕我小兒將來有齊以上幾種。

小兒現在一些普通幼兒中心內番全日,我想應屬於傳統教學, 但我老公下年想比小朋友到一些以啟發性為主的幼稚園就讀, 該間幼稚園以小朋友興趣為主, 可能會比較自由,我怕會令他更加不專心, 因為平日只要有其他聲響, 他就會專注去另一方面, 所以我想都是要幫他慎選幼稚園。

可否建議下。

謝謝   

Dr.T

1. 只可以說研究顯示有此可能,但又無需因此而過份擔心

2. 自由得滯可能不是好事,因為自閉症的小朋友是需要一個清晰的學習環境.

lingchuling 寫道:
1...現我都怕我小兒將來有齊以上幾種。
2...老公下年想比小朋友到一些以啟發性為主的幼稚園就讀...我怕會令他更加不專心...

Dr.T

老實說,我也不知道如何看待這些無認受性的"評估"... 不如問一問官員們會如何跟進?

[quote]
yklee 寫道:
小女7歲謮小一曽在一小學做評估,是參考教

gigi2

Dr T,

又是我這個問題婦人。

最近我的4歲半女兒很喜歡玩老師學生遊戲，她會將家中的毛毛玩具分成學生和老師。每晚主題都不同，有時會教學生寫字，唱歌和跳舞。今晚則是那馬騮老師帶所有同學分兩批排隊去旅行，過程中有搭地鐵、排洗、遊玩和唱歌。她十分陶醉和會扮聲去演譯角色，句子組織也比以前豐富了許多。但每每我想參予其中的角色她也拒絕，若做旁觀者發問問題的話，她又並不介意回答你。

這是不是不太好呢？我應積極參予還是繼續做旁觀者發問問題？放心！她絕對是望著我來回答的！我要如何更能幫她發展社交的技巧呢？我很擔心她上小一后怎算？ 難道一個朋友也不交嗎？ 她的老師也說不太擔心她跟不上課程，反而憂慮她會給人排斥。 現在的她衹會很罕有地和別的小朋友互動地玩耍，同家姐也祇是比較好一點罷了。

有何計仔賜教？

sjmama

Dear Dr. T,

小女下個月底四歲了,她的情緒問題仍使我們非常煩惱.雖然比去年稍為好些,但仍是很容易就發脾氣哭鬧,常常一發不可收拾(哭至力竭聲嘶,手腳冰冷),達致失控狀態,並且會自我傷害(雙腳不斷互踢腳腕, 好讓自己哭的更利害),連EETC的幼兒導師和OT 也無計可施,向我們表示擔心她的"精神健康".她的哭鬧有時還能找到原因,但有時卻全無原因, 事後問她又不能告訴我們為什麼.

我們也用了不少的方法,教她表達自己的情緒;平時問她,她也能說,就是不懂得為何會如此.實在是不知如何處理.
:cry:

請問您有何建議嗎?