大埔羅定邦中學 交流區

guoda1668

請問有沒有家長有星期六音樂堂上課日期通告呢？因為有一次個女晤記得左星期六要返學，結果就缺席左！

MANDY媽

回覆 guoda1668 的帖子

以下日子要返樂器班 :

Mar 08
Mar 15
Mar 22
Mar 29
Apr 12
May 10
May 17
May 24
Jun 21
Jun 28
Jul 05

petersonwang

本人是羅定邦的高年级生，本人見證著羅中由官津轉為直資, 換左校長後，學校成績同操行每況愈下，上年升讀本地大學的學生只有個位數字，十隻手指數得曬，而教師方面，每年都走十幾個老師，學生得唔到穩定的教學，有經驗的老師都走得七七八八。

而學校現在為了走他們自稱的所謂 "半國際化"路線,  這個所謂的 "半國際化"路線又要盲目地崇洋，但骨子裏又是十分傳統，保守的中國思想，自相矛盾，中體西用，跟清朝的洋務運動沒太大分别。學校上年開始實施homeroom system ，將外國的一套system照搬到學校中實行，但外國用 homeroom system 係地方夠大，但學校地方不大，但學校沒有顧慮到學生每到轉堂時迫在走廊的苦况，更把原本放在班房的locker搬放到走廊，令轉堂時的走廊逼上加逼,學生苦不甚言，學校亦辯稱homeroom system 能夠減低學校的失竊率，但現在失竊情况仍然有發生


homeroom system : http://orientaldaily.on.cc/cnt/news/20131216/00176_023.html

Momiumo

回覆 petersonwang 的帖子

說得很好啊，高年級同學。真的，看到你文筆流暢，思路清晰，又會引用事例，簡明握要地表達自己的訴求，我這個作家長的，覺得這所學校教出來的學生，還不算太差。最重要的是你們敢於爭取，勇於表達的行為，其實跟其他教導學生只管讀書，不鼓勵有自己獨立思維的傳統學校真的很不同。雖然你所說的，有些家長，或羅校的教職員會未必認同，甚至覺得你們高年級生向公眾媒體表達不滿，影嚮校譽的行為很要不得。但我卻認為只要是理性的表達，每個人都應有言論自由。

說回這個新的轉堂安排，要知道每一個制度都一定有利有弊，無論學校採用舊制或新的homeroom system都一定有人覺得不便，有人認為有好處。我不是當中參與的一份子，所以不好說那一制度較好，不過我卻覺得學校會嘗試引入外國甚至本地大學行之有效的制度，不怕麻煩努力改革是一間直資學校應有態度。不知道你作為學生，對學校成績同操行每況愈下，失竊情况時有發生的問題覺得有什麼更好的提議？是否轉回舊有安排，學生就會專心聽課，失竊問題就能解決？學校給我們家長的訊息是此制度還在試行階段，答應會繼續盡能力改善安排。

請相信，雖然我是局外人，但我的兒子剛進此校讀低年班，我比你們這些快要離校的高年級學生更緊張學校的未來發展。所以在剛過去的星期五，我放工後都有趕去學校參與教育局舉辦的全面評鑑，想聽聽其他家長對此校的意見。就兩小時的觀察所得，我看到大部份家長對學校的教學方向都是認同的，更有家長為老師著想，怕學校要求老師在午飯時或放學後及放假時留在homeroom輔導學生功課太難為老師，給老師太大壓力會令老師更快流失。希望教育局增加對直資學校的資助，令學校可以增加資源給每個學生更好的支援。但也有家長擔心，羊毛出自羊身上，想給子女更好的學習環景，除非辦學團體肯再增加資金，否則就只有增加學費了。

高年班同學，你們在投訴學校新制度沒有顧慮學生的不便時，有沒有更全面地為想辦好學校的校長，放學留班房內隨時輔導有需要學生的老師及出錢給子女讀直資的家長想想呢？如果你有更完善及可行的方案，不妨提出，我很樂意代學生向學校轉達呀。

luncy媽

學校其實口評是不錯的 , 不過打聽回來的都是校風 , 及師生關係之類的 , 成績方面卻令我十分擔憂。因為總是聽到這学學校功課考試十分少的消息。原本這樣對小朋友是十分好的 , 然而我發現這學校的本地大學入學率十分低 , 甚至比同區臭名遠播的三育中學低 , 只有個位數字 , 實在令人擔心。

guoda1668

我覺得這間中學的校風是不錯的，同學們也讀得非常開心。但作為家長的我也是擔心學生是否能升讀本地大學問題。

至于homeroom system，我個女就覺得幾好，因為可以在課堂之間走動一下清醒腦筋，但亦希望儲物柜可以搬到別的地方，因為走廊好似有D窄！我女兒去年讀中一時也試過有三次失竊情况。兩次晤見書，一次晤見銀包！

Momiumo

回覆 luncy媽 的帖子

我在2012年為兒子報讀此校時，看到羅中的校風和師生關係不錯，之前幾年的公開試成績還算可以，所以明知在大埔區英文中學的入本地大學率中敬陪末座，也決定讓小兒入讀。不竟全港七萬多文憑試日校考生中，只有約一萬二千人能入讀八大的資助學位，餘下六萬人都須另謀出路，報讀自資院校課程或到海外升學，有見及此，我在選校時，覺得要找一間學校能令兒子有興趣學習，能學好英文，沒有學壞，愉快成長才是最重要。

但上年羅中的DSE成績的確強差人意。學校沒有公佈各科成績，雖然全級考獲英文2級以上成績仍有9x%，但考到33222的百份比卻只得3x%，真的嚇一嚇！不知是中英數通識四科成績都差，還是那一科出問題導至達不到大學入學要求。我也擔心是學校太少操練試卷，所以成績不及其他傳統學校（難怪兒子老說成人想法很矛盾）。為此我也有在家長日跟數學老師反映(因為小兒數學退步了)，數學老師說他們重視學生明白多於機械式做練習，不過成績較差，或想多做練習的同學可於每星期三留校免費補習。我兒子也答應放學後參加。

聽聞有很多名校也在首一二屆的中文或通識科上失手，真的希望上次羅中文憑試成績只是因不熟新制所以成績差了，而不是因有經驗老師流失影響學生的學習吧。

lu-ka

好野，我地有羅中offer 啦! 第二次挑戰成功!

smallfoothk

(學校上年開始實施homeroom system ，將外國的一套system照搬到學校中實行，但外國用 homeroom system 係地方夠大，但學校地方不大，但學校沒有顧慮到學生每到轉堂時迫在走廊的苦况，更把原本放在班房的locker搬放到走廊，令轉堂時的走廊逼上加逼,學生苦不甚言，學校亦辯稱homeroom system 能夠減低學校的失竊率，但現在失竊情况仍然有發生,} 羅中no offer ! Good lucky for my fd kids....

lu-ka

我都有留意呢個post, 本人立場係其實每間學校有好有唔好，偷竊情況每間學校都有機會發生，我覺得家長要教好小朋友，要自愛，要讓佢明白偷竊是後果係會好嚴重，基本家教係重要，唔可以怪學校，家長都要負起大部分責任。

lu-ka

Homeroom system 其實係簡介會提過，我們都會接受，坦白講，香港模式教育已令我小朋友係呢小學6年讀得好辛苦， 我同我先生唔認同傳統教學，可能對某些小朋友係work, 因為要應付6年後DSE。但係我角度嚟講，一間適合小朋友教學模式，小朋友鐘意呢間學校，而又可以令佢提反起讀書信心及興趣，why not? 冇人知6年後會係点，但至少我小朋可以係自己喜歡學校讀書而讀得開心已經係冇價。當然家長係佢中學時都要從旁指導，有朋輩影響，要懂得結識朋友都好重要。

masterunion

上述報導一出... 我有問過小兒... 佢話覺得轉課室OK.... 佢仲話出來抖下氣無咩問題... 重既唔用既已經係LOCKER... 無所謂...

其實學生本身都接受到... 我地父母不用太介意報導吧

masterunion

lu-ka 發表於 14-3-21 19:26
好野，我地有羅中offer 啦! 第二次挑戰成功!

YEAH YEAH 可以安心放EASTER HOLIDAY 了

lu-ka

原帖由 masterunion 於 14-03-24 發表
上述報導一出... 我有問過小兒... 佢話覺得轉課室OK.... 佢仲話出來抖下氣無咩問題... 重既唔用既已經係LOC ...

Agreed 如果小朋友冇問題，我覺得唔需要太在意。

lu-ka

原帖由 masterunion 於 14-03-24 發表
YEAH YEAH 可以安心放EASTER HOLIDAY 了

Yes 放鬆哂。佢依加好relex,好期待中學生活。你小朋友中幾？ 佢開心嗎？ 好怕多功課要做!

IWAN

回覆 lu-ka 的帖子

good ~~~~

lucky2014

嗨，大家好！我見大家分享得好開心，我都好煩惱。小兒是band1尾，英文a，但佢由細到大做嘢都好hea，完全冇自理能力，自覺能力，我怕上到傳統中學佢冇心機讀書而唔讀，我覺得羅定邦嘅教學模式好岩佢，我都想佢發揮到潛能，唔係機械式做習作。我覺得如果佢有興趣，佢自然會繼續讀，相反冇興趣，俾到佢最好都係考第尾。加上佢與外藉老師對話完全冇問題。佢在現在小學是精英班，老師常說考唔到先去扣門讀羅定邦，在電話還勸我派唔到先去，仲有位，同埋話好浪晒左佢，不過我覺得即使派到第一志願，我個心都是想入羅。但我個仔所有同學都是選最好，而家幫佢選band1尾interview，佢都唔接受，怕人笑，何況要佢入羅中，畢竟潛移默化。同佢分析，根本佢都唔明白。

lu-ka

原帖由 lucky2014 於 14-03-25 發表
嗨，大家好！我見大家分享得好開心，我都好煩惱。小兒是band1尾，英文a，但佢由細到大做嘢都好hea，完全冇 ...

我仔同你仔一樣，但佢並唔係b1, 英文佢好好，對佢嚟講完全冇難度，知所以我仔選羅中係因為佢好喜歡跟外國溝通，佢喜歡英文，我知道傳統教學只會另佢更加唔喜愛讀書，佢唔鍾意傳統教學，佢唔鍾意每日返到學校要坐定定，有時上英文科時，本來佢係最愛既科目，但佢竟然話好悶，我覺得佢開始失去讀書興趣。當時我要求佢跟我去羅中簡介會，佢去完之後同我講一定要入到，佢覺得係度讀既學生好開心，又有好多外藉老師，當然一句好少功課做已經對佢嚟講係無敵。但對我嚟講羅中係佢唯一選擇，佢多元化活動教學，以學生做主導，可讓學生自由飛揮自己，可尋找自己潛在的潛能，  加上我跟老公唔想佢浪費佢對英文既熱愛，我一家心中懷著非入不可的心態。

或者你可以讓佢知道

lu-ka

讓佢知道你想羅中的目的，讓佢明白。另你可同佢一齊上羅中website了解多些。

lucky2014

多謝你！你都好，有個懂得分析同有主見嘅小朋友，我個就完全冇主見，冇分析能力。我怕我迫佢，佢將來會怨我。
最初我都怕因為學生質素參差而影響成績，不過既然係按能力分班都唔會有大問題。只是局外人對間學校有偏見，相反我真係鍾意佢教學。
小兒小學近來催谷得好嚴謹，一星期兩日放學要補課，星期六整個早上要番校補課，日日不是默書就測驗，我都覺得我個仔是承受唔到壓力，羅中就好岩佢讀。
我會讓佢考完呈分試解釋給他，同埋上羅中學校網讓佢知道。不過佢都係比較固執，怕俾同學笑，不過總好過選錯六年嘅光境。好希望我個仔可以同上面嘅家長嘅孩子做同學，只怕勸唔到佢。