九龍禮賢幼稚園K3家長請進！

penpen

喂喂! 幫幫忙, 投妹豬一票 click here
thank you!!  

dns

penpen & 朱古力:

係喎你地開在家長會選小一了，開成點？
有咩可以話Ｄ經驗比我地分享下指教下呢？
我個女係上午幼愛的！
有問題想請教你地，我個細仔今年都會報禮賢
如果姐姐係到讀細路妹入番禮賢機會大吾大呢？
你地高班多吾多呢個例子呢？       

朱古力

dns,
我非常之想囝囝繼續讀禮小咯！不過又驚負擔唔起 所以好煩惱呀~如果讀禮小，我計過要四千蚊一個月呀∼真係幾重負擔呀∼但其它私學和直資，我又無間鍾意喎∼官小和津小又怕多功課，總之一個字"煩"啦∼
如果你囡囡係本校既學生，細佬入到既機會都好大架，我見好多兄弟姊妹都係咁既．

朱古力

ChingChingFather

1. 小學會留60%位比原校幼稚園學生．
2. 如果禮小收左，都可以參加大攪珠架．
3. 一樣要填表申請，之後面試，不過原校幼稚園學生會有分加的．

朱古力

ChingChingFather,

我諗因為禮賢小學唔同地方係佢無中學，民生和培正都有，所以好多幼稚園生都唔會轉校，但禮賢幼稚園申請禮賢小學既學生我諗都係六成左右，所以其實等於收番全部咯∼（純屬個人睇法）

朱古力

ChingChingFather,

如果我負擔得起，我唔會考慮第二間，一定比佢讀番禮小∼我好鍾意學校既教育目標，但我兩公婆收入一般，所以就有些擔心咯∼如果派位派得差，就唔諗其它決定讀禮小．

littleeva

朱古力

禮賢真係好好.  我仔也十分喜歡學校.  學校的教育方針和目標也正是我的期望.  我兩公婆收入也是一般.  如果沒有妹妹一定比仔仔讀. (我知唔應該咁)  惟有依靠神. 深知祂一定比最好最適合給我們.

penpen

呢個禮拜真係好唔得閒, 剛過了的星期一同媽媽吃飯, 星期五要去奶奶度做節, 星期六日都有生日會, 倦c 好彩係紅日, 唔洗返畫班
妹豬終於都病喇~ 不過都仲好精神, 冇發燒我都會俾佢返學, 昨天睇醫生,睇返病歷, 原來上次睇醫生已經係4月喇~ but 醫生話佢輕左d喎?! 得16kg,不過唔太醫要, 到發育時會追得番既! +埋可能似佢老豆咁c瘦,  不過睇落真係唔覺!  

朱古力

littleeva,
同你一樣諗法，考就考晒先，到時再算啦∼睇天安排啦！

penpen,
妹豬無事嗎，係咪感冒呀∼
依家ｄ感冒好勁，我上星期尾先中招完呀∼我帶實個口罩 （最怕塱生病呀！情願自己代替佢病呀∼）成身骨痛無力，陰燒左兩日，星期一去排隊交表，企左一個鐘頭，簡直想暈低呀∼公司岩岩有人放大假，所以病都死死下都要返工呀！

littleeva

penｐｅｎ

囡囡點呀 ?  祝她早日康復.

朱古力.  您都要保重呀.  

我唔報 kowloon 的私直學校了.  如果要比 $$$ 我一定讀禮小.  雖然名氣可能不夠大.  不過我唔係要ed. 只希望全面發展. 禮賢最適合不過.

朱古力

penpen,

塱生話琴日盈盈嘔喎~
佢未事嗎?塱生話盈盈病左好慘 :cry:

penpen

朱古力, littleeva,
多謝關心! 妹豬已經好返好多喇~ 有得玩能戰勝一切, 佢驚星期五六日冇得出席

朱古力,
塱生好乖, 識得關心人喇~ 大個囝喇~  
星期三的生日會我要帶三樣野   20隻雞翼, 6個橙 & cake, 老師唔知係唔係見我唔洗返工就想'螺'我條命  

朱古力

bosze,

塱生今日係樓梯跌倒呀~唔該浩然扶番起佢呀~
塱生話佢拐住野係第三級跌左落地,老師幫佢

penpen

朱古力,
生生冇事嘛?!  明天有咩要帶?! 妹豬冇講!!
係呀! 佢地3個一齊設計個帶小朋友出街既機械人, 唔洗媽媽咁辛苦喎!  d 野妹豬今日拎左返黎, 仲有幅佢地3個答左名同畫既畫! 佢話下星期取回去到第二個取回家喎?!  

朱古力

penpen,
無咩事，佢扭親下腳掌，原來佢跌親坐在係地上，浩然就即刻扶起佢，無話比老帥知，返到亞公度，公公同佢

penpen

朱古力,
冇事就好喇~  

朱古力, bosze,
你地囝囝今日有冇講個旦糕呀!! 林老師話今日個旦糕好快食晒~ 以前未試過咁快! 連平時唔食旦糕既都食埋一份!
我知道左都好開心!  
不枉我一番苦心同苦身     個cake我我同凱婷媽咪一齊夾, 凱婷爸爸媽媽都要返工, 不能出席,我今早八點去到餅舖(在花墟)取了旦糕再拎住d雞翼行上去, 個旦糕好足磅, 拎到我大汗叠細汗, 不過知道佢地咁開心都值番晒

朱古力

penpen,

塱生有講，佢好鍾意食蛋糕上面既生果，佢話好好味，仲有雞翼都好好味，不過有個問題，因為有層皮喎（平時我會幫佢起左層皮）    ，我話下次媽咪會教你自己起皮啦∼辛苦晒你penpen．

琴日林老師和鄧老師黎左我屋企做家訪，鄧老師話塱生今年好似好唔開心，有好多心事，唔見佢笑喎∼我好出奇，塱生唔笑 我問鄧老師，鄧老師話除左第一日開學，佢好開心外，之後就唔見佢笑啦∼成日都皺眉頭，老師又問我點解今年無帶佢去中心，因為老師知道上年塱生同公公有少少磨擦，我都解釋左中心唔比延遲，要六點前接走，但我放六點半，同埋塱生唔想去中心，佢話要去公公度，老師同塱生傾計，叫佢有咩唔開心都可以同老師講，畫畫比老師．