分享蒙特梳利教學法part 2

childwecare

原帖由 elmostoney 於 09-6-1 12:29 發表
IMS歲半要去香港仔返.

LM我同個女上過, 唔鍾意, 個老師幾惡下, 而且佢加好多野, 唔係純蒙氏, 操作教具大約係45min, 睇你點睇, 如果你都想個小朋友有pg+montessori 就ok, 不過個導師就...

cdb我睇過學校,未返過, ha ...

Woodlands 大潭那一間是有AMI老師。其他不清楚。

childwecare

原帖由 elmolly 於 09-6-2 10:17 發表


我都係差唔多, 自問有儘力去堅持佢既自理能力, 不過同婆婆一齊住, 就算婆婆去上埋堂都唔係好得, i mean when it comes to practical life, same case as daddy

但係我地唔會去IS, 所以起real life都要c ...

其實Montessori vs local school一直存在，亦不是每一個國家都有Montessori小、中、大學。

但大家可否想一下幾多與Montessori成功的人士，他們是否從幼稚園到大學都是在Montessori環境渡過？

其實有一點是非常重要，Montessori是可以讓小孩子訓練一個自己的思考方法。可以讓以後的日子在不同的環境中找到自己的路向。

他們一開始在local school 覺得不適合，但很發他們在Montessori所學到的很快可以與學校所學的混在一起而變成自己的。

elmolly

原帖由 elmostoney 於 09-6-2 10:53 發表
elmolly,咁你個女都好叻女呀，兩歲兩個月咋！我個女食飯就最叻，因為好吃，佢兩歲半就食鳳爪，重要係食得好乾淨，不過呢ｄ野冇益，我都係偶然比佢食下．

有ｄ野好神奇，我個仔十四個月左右我發現，佢係一個盒／袋拎出來玩嘅野，好多時會自己執返 ...

唉, 叻鬼咩, 佢識做, 不過成日都唔肯做, 好似除鞋咁, 次次都要捉住佢黎除咁滯, 有時我唔起到, 我懷疑都係工人同佢除, 而家佢就學緊扭毛巾洗面, 我有叫工人摺開衫教下個女, 不過我諗都係無架喇.

haha, 你囡囡都好叻喎, 我仲未敢比呢d野佢試.

每個小朋友都唔同既, 我個女同你個女一樣, 都係要人唔停咁提

elmolly

原帖由 childwecare 於 09-6-2 13:39 發表


其實Montessori vs local school一直存在，亦不是每一個國家都有Montessori小、中、大學。

但大家可否想一下幾多與Montessori成功的人士，他們是否從幼稚園到大學都是在Montessori環境渡過？

其實有一點是非常重要，Mont ...

其實有一點是非常重要，Montessori是可以讓小孩子訓練一個自己的思考方法。可以讓以後的日子在不同的環境中找到自己的路向 -> 非常同意, 但係點樣可以訓練到佢既思維呢? 呢樣亦都係我好想做到既一樣野.

仲想問埋如果起trouble two呢段期間, 同佢地講道未明, 係咪同distraction最好? 上次Happy小米教呢個方法效果唔錯, 但係有時真係佢無理取鬧我都唔知應該distract左佢算定係堅持解釋比佢知唔啱好...

[ 本帖最後由 elmolly 於 09-6-2 14:34 編輯 ]

elmostoney

做蒙氏最緊要大人有耐性, 佢唔除鞋, 你就由得佢,但係唔比佢著鞋入屋, 睇佢除唔除? 成左習慣就會好自動波.  好多時唔係小朋友做唔到, 係大人唔夠耐性, 但係生活係呢個咁緊張嘅社會又好難.  

我個陣時send左個工人去上caregiver班, 但有次我個女想一齊洗碗, 咁梗會阻慢工人進度, 佢實唔想, 我都明, 我屋企重有個細嘅, 大家都想快d攪掂再攪哂兩個上床瞓, 所以都唔容易.

搾橙汁都係另一個媽咪教我, 又可以練小朋友手腕力, 佢地又鍾意, 你唔得閒時, 比個橙佢自己搾 (唔好用電動個d), 佢可以同你搾半個鐘.

slammama

好同意elmostoney 講做montessori 最緊要大人夠耐性. 許多時自己急左都唔知, 唯有大人互相提點. 我家工人雖然有努力follow montessori 既concept, 但有時見佢一時慣性, 又當阿仔係bb 咁從后抱起佢去洗手.阿仔就會大聲說"我不再係bb, 係大孩子了!", 好攪笑.

childwecare

[quote]原帖由 elmolly 於 09-6-2 14:31 發表


其實有一點是非常重要，Montessori是可以讓小孩子訓練一個自己的思考方法。可以讓以後的日子在不同的環境中找到自己的路向 -> 非常同意, 但係點樣可以訓練到佢既思維呢? 呢樣亦都係我好想做到既一樣野. /quote]




呢個問題可以講很長時間都得。最簡單的方法就是在Montessori的每一個"工作"裡，都有一個目標。希望小孩能自己體會的。

如感官教育是讓他知道不同的感覺(摸產生觸覺、聞產生嗅覺等)及同一種感覺的比較(熱、比較熱、最熱)。0-3歲多的小孩已經開始有這種能力並亂放在大腦某一個地方，當3-6歲時他們可以將這些感覺分門別類。

當一件新的物件在他們面前出現例如小黃花，他們會用手摸、用鼻聞、用眼看、用手拋下地下有否聲音發出等等。所有給收資料在大腦分析變成一件自己理解的"物件"，放回大腦的"花類"裡。這便是他們的思考方法。

另一天接觸相關東西如玫瑰花，亦用同一方法放回花類裡。

在數學區、語文區都差不多。希望唔會令到你更亂啦!

[ 本帖最後由 childwecare 於 09-6-2 20:08 編輯 ]

childwecare

仲想問埋如果起trouble two呢段期間, 同佢地講道未明, 係咪同distraction最好? 上次Happy小米教呢個方法效果唔錯, 但係有時真係佢無理取鬧我都唔知應該distract左佢算定係堅持解釋比佢知唔啱好...

2－4歲的孩子們很想證實自己是誰（是自我意識成長時期）要他們服從是沒有辦法的。妳可以從觀察到2歲的孩子想自己過街，而你不讓他自己過街；與你剛剛學會電腦操作而有人哪走你的電腦是ㄧ樣的，這些爭執都是因成人而引起的。


我自己不會在家庭以外的地方"教仔"，因為環境不熟悉、太多新的誘惑，他聽你講才怪。


另外，身教亦是很重要(自己及身邊的人)。故反問自己做好未？


更加重要，之前講過 - 讓他們自己找錯處比大人說出錯處更有效。


堅持到底都要睇情況....

elmolly

原帖由 elmostoney 於 09-6-2 15:31 發表
做蒙氏最緊要大人有耐性, 佢唔除鞋, 你就由得佢,但係唔比佢著鞋入屋, 睇佢除唔除? 成左習慣就會好自動波.  好多時唔係小朋友做唔到, 係大人唔夠耐性, 但係生活係呢個咁緊張嘅社會又好難.  

我個陣時send左個工人去 ...

我試過好多方法喇, 我會試埋呢招, 不過未必work, 因為佢成日都話要去街街唔返屋企

elmolly

原帖由 childwecare 於 09-6-2 20:05 發表
[quote]原帖由 elmolly 於 09-6-2 14:31 發表


其實有一點是非常重要，Montessori是可以讓小孩子訓練一個自己的思考方法。可以讓以後的日子在不同的環境中找到 ...

簡單d黎講即刻比佢感覺多d, 試多d? 到佢大d自己會有能力process/sort到之前"store"落既information? 真係好深奧既一門學問

elmolly

原帖由 childwecare 於 09-6-2 20:25 發表
仲想問埋如果起trouble two呢段期間, 同佢地講道未明, 係咪同distraction最好? 上次Happy小米教呢個方法效果唔錯, 但係有時真係佢無理取鬧我都唔知應該distract左佢算定係堅持解釋比佢知唔啱好...

2－4歲的孩子們很想 ...

讓他們自己找錯處比大人說出錯處更有效->係咪要等佢大d先可以做到呢點? 因為而家好多野佢都係似明非明

Happy小米

原帖由 elmolly 於 09-6-2 14:31 發表


其實有一點是非常重要，Montessori是可以讓小孩子訓練一個自己的思考方法。可以讓以後的日子在不同的環境中找到自己的路向 -> 非常同意, 但係點樣可以訓練到佢既思維呢? 呢樣亦都係我好想做到既一樣野.

仲想問埋如 ...

我覺得佢地有時搞"倒"乱可能係自身某種欲望作祟,eg想引大人有關注,可能用其他正面方法疏導就冇事.   

就算佢偶而打人/講一些inpolite words, 有些教育人士提出不要強調這些不当行為, 應該不于理會, 咁佢覺得做lee dee嘢引唔到大人注意佢就唔再做.

Happy小米

emolly,

你話 "點樣可以訓練到佢既思維"?

我想到其中最主要係, 如小朋友做到, 大人樣樣都畀佢做, 咁佢習慣左咩都自己做, 咁發生問題時佢第一直覺係會自己去解決問題, 而唔係望下媽咪/姐姐睇下有冇人幫先.

隨着年後愈大, 多啲畀佢自己選擇, 衣服啦, 想去公園定喺家玩, 食咩...可能畀兩至三个選擇佢選...

看書時多啲問佢問題, what, when, why, how, who...etc.

家庭既事可以提出來討論..等等.

其實我講到, 但好多都未做到, eg. 今晚食食吓反, 進進倒瀉左一杯豆漿, 我地第一直覺係dee豆漿會吸哂落地板度, 快叫工人拿mop來抺, 現在想來為什麼不叫他抺呢..

Happy小米

原帖由 elmolly 於 09-6-2 22:25 發表


讓他們自己找錯處比大人說出錯處更有效->係咪要等佢大d先可以做到呢點? 因為而家好多野佢都係似明非明

讓他們自己找錯處
我都覺得大少少先會明的, 但留意有啲小朋友兩岁幾就好明事理.

Happy小米

原帖由 slammama 於 09-6-2 15:59 發表
好同意elmostoney 講做montessori 最緊要大人夠耐性. 許多時自己急左都唔知, 唯有大人互相提點. 我家工人雖然有努力follow montessori 既concept, 但有時見佢一時慣性, 又當阿仔係bb 咁從后抱起佢去洗手.阿仔就會大 ...

我自己都唔夠耐性, 進進佢要出盡法寶想方法先做一些"家務", 佢可以食完嘢拿入kitchen, 幫手hang clothes就做兩做就去玩其他嘢, 用小dustpan 掃小垃圾都係喺學校做得多返黎先做...

所以冇耐性既我之前在想, 某啲細節(可能好多)可能要交畀學校(montessori school), 小朋友既感染力, 去引導佢做...

大家可能時常會忽略小朋友互相學習既重要性, 在家你点教佢都唔做, 反而喺學校見人地做又跟住做, 跟住先發覺原來自己做到, 然後先攞到果种滿足感.

另一方面, 因為个囝咁依賴, 先想佢學習独立啲, 唔捨得唔畀佢讀mont. school.....雖然佢讀果間最新, 冇track record, 但計下計下, 又最近我屋企, 又最平.

[ 本帖最後由 Happy小米 於 09-6-2 23:26 編輯 ]

elmostoney

琴日我個女好扭計(呢輪都係), 我覺得係引我注意.  佢食飯, 特登用隻手拎舊豬排, 食飯就更天一半地一半, 一陣又伸隻腳上桌, 我唔嬲,只係好冷淡咁話, 佢唔食可以離開張枱, 如果佢d行為好似bb咁, 我就會好似bb咁對佢, 冇自主權 (當然解釋左好多), 因為佢成日話自己係姐姐.  佢地腦筋冇轉得咁快, 過左五分鐘起碼, 佢d行為先回復正常.

出街有需要我都照教仔, 因為如果你由佢, 佢以為出街就可以為所欲為.  我又唔係打仔, 最多係唔理佢由佢喊.  好似我個女, 歲幾時梗會扭抱, 大大下佢扭, 我唔理佢, 我話佢唔行, 我地就企係到, 到到都唔去. 佢喊一陣就死死氣行.  到佢兩歲兩個月, 我地帶左佢去內蒙古玩, 印象之中都冇物抱啦.

bakusensei

My boy who is now nearly 2.5yrs started his "sensitive period of order" at around 21 month. At first, he's v. concerned about the door (door should be closed when he left a room. If not, he would say "close the door please"). At around 2, he started worrying about the light (light should be switched off when he left the room. If not, he would say "turn off the light please"). If we did not do as he asked, he would be upset and kept asking, even cried.

In recent months, we found that he started being quite sensitive to "light not being turned on" (e.g. in some public area/his school, if one of the light bulbs was out of order, he would quickly spot that and told us "the light is off!". We have to "acknowledge" his "finding" and told him that the light is "broken/out of order" otherwise, he would keep telling us and refused to leave the place.

He would also become upset when:
-he put his shoes not in an orderly way
-he accidently wet his clothes when he washes his hands

I become more and more confused and worried if those are behaviour of "sensitive period of order" or repetitive behaviour of Austic kids? But it seems that my boy doesn't ve any problem in language/communication (speak in full sentence and correct grammar; tell his own needs; ve eye contact and proper greeting, etc) and he has quite good social skills (e.g. will comfort his fds when they cried (hug the kid and said "don't cry", took the initiative to give his own sticker to the girl who lost her sticker and said "don't cry"). He had two overseas trip before when his routine was completely broken but he had no problem with it and enjoyed the trips v. much.

Is he still in his "sensitive period of order" or he's having some repetitive behaviour?

Should we let him continue to live in his "routine" (i.e. close the door, turn off the light, etc) or should we try to break his "routine"?

Did your kid also have similar behavour and how do you help him/her during that period? how long did the period last?

Grateful for your sharing and advice, please.

childwecare

原帖由 elmolly 於 09-6-2 22:22 發表


簡單d黎講即刻比佢感覺多d, 試多d? 到佢大d自己會有能力process/sort到之前"store"落既information? 真係好深奧既一門學問mouth:" />

是!為什麼AMI/AMS老師要上課、觀察、實習、考試。才拿到證書教小朋友就是這個原因。

childwecare

原帖由 elmolly 於 09-6-2 22:25 發表


讓他們自己找錯處比大人說出錯處更有效->係咪要等佢大d先可以做到呢點? 因為而家好多野佢都係似明非明

不一定，家長的責任是成立一個小孩發生錯誤的環境、示範錯誤帶來的後果，引導他們發現自己的錯處及改正方法。

如小孩子想玩火，你可以點一枝生日爉燭，放隻手在上面，然後自己表示小小痛苦的表情。再跟他一起伸手生日爉燭上面，讓他知道熱的感覺。他們便會知道火的壞處在那。

之後跟他們一起玩吹爉燭，要示範番火的好處如帶他廚房看煮菜要用火，沖涼(舊式煤氣爐)看水被加熱等等...。讓他們知道火的真正用途。

兩、三歲的小孩不一定100%知道全部是什麼，但他們已經將火、熱的感覺放在大腦。比起你只說火有危險，唔好玩來得實際。

childwecare

原帖由 bakusensei 於 09-6-3 10:26 發表
My boy who is now nearly 2.5yrs started his "sensitive period of order" at around 21 month. At first, he's v. concerned about the door (door should be closed when he left a room. If not, he would say  ...

You may check another topic of Montessori " Human Tendencies" and "Order". There are some information I think may help you.

Don't worry and good luck!!!