2007年8月開學宏福幻兒園既媽咪一齊入來傾下

626mama

天藍

妳敦了川貝果皮蘋果冰糖給昊藍飲，聽落都幾
好喎，有甜未，已碼都喜歡飲，齋川貝會苦D。原來要連續飲3日先有效，軒軒次次都係飲一兩次，可能就係咁差小小。

昊藍唔係用左手都好叻仔啦，起碼都有幾個獎牌睇門口，一D都唔蝕底。

hongmimi

天藍，
川貝果皮蘋果冰糖聽都覺得好好咪，昊藍飲完好番晒開心上學去lu~

左手好、右手都好，各有所長啫~  但其實我覺得自己用左手一d都唔聰明，反而…

626mama,
我諗照超聲波唔會影響bb用左手既… 我果時個個月都照，有兩個月照兩次添~

妳朋友生蛇，生得咁長咁誇真係好慘，因為真係好痛架! 果種痛唔係皮膚表面發炎既痛，而係係腰裡面既神經線痛…

記得果時醫生解釋俾我聽，細時生水豆，好番水豆菌lee埋腰神經線到，大時身體弱就會發出黎，所以係條腰到出。醫生話平常人依時食藥好快好番，但老人家、小朋友或者身體真係好弱好弱既人就難攪好多，要用多倍時間去醫。d人話生到圍住一個圈就會死唔係真既，但醫生話生到咁長都未好，即係好嚴重啦，身體抵抗力超弱，同時可能有其他病，況且唔死都痛死啦~

個老中醫又會咁醫既? 佢係咪想燒死條蛇? 一頭一尾整d火落去，好痛喎~ 唔通可以消毒殺菌??

626mama

HONGMIMI,

我都認為照超聲波唔會影響bb用左手既。
不過聽落幾得意。

我朋友個西醫話係"~包~疹"唔知幾多形咁講。
不過已經係好多年前的事喇。可能妳講岩D，
醫學日日都唔同。好以玫瑰疹以前話一生人
生一次，而家又話唔係。

經妳一講，我特然想起，我朋友話，個老中醫
用燈芯燒落去，有拍拍聲，好大聲果喎，
當燒到冇咩聲就即係就黎好返。
係成條蛇都要燒，仲好強調，一定要買燈芯
才可。現時代，想買條燈芯都唔係一件容易
的事。我記得我朋友果陣時都買唔到燈芯，
都係個老中醫私人收埋品來。

消毒殺菌 = 燒毒殺菌

天藍

626mama / pcdogxx / ElainAiolia,

我都收到學校張通告, 旅行個張我都填左會參加,
家長日個張我都填埋, 我選左早上8:00a.m...
個段時間見, 唔知你地選左乜野時間??? 不過,
學校有甘早既時間方便左星期六都要返工既媽媽,
因我個日都要返工, 如早見我就唔使請假, 因我公
司星期六請假係當一日扣, 但我地星期六係返半日,
一至五就有半日請, 唔使扣一日蝕比公司, 所以個
日同唔到大家出去, 希望你地唔好怪我, 我唔想益
公司, 留番26/01親子旅行先同大家見面   

626mama / ElainAiolia,

原來你地既仔仔都咁有大志一個想做超人,
一個想做巴欺光年, 超人同巴斯光年都係
想拯救地球, 好勁呀~~可能係未來既英雄
人物!!!
你地估下昊藍又想做乜???
昊藍話佢想做消防員, 我百思不解點解佢咁
鍾意消防車同消防員, 因我一家好少提消防員
既野, 但之後我知........
昊藍答: 媽咪話小朋友唔好玩火, 會好危險。
我: 乘呀! 昊藍。
昊: 我鍾意玩水, 消防員可以成日玩水,
      救火媽咪唔會鬧。
我以為仔仔細細個好有大志, 點知佢係鍾意玩水.....

原文章由 626mama 於 07-12-19 13:58 發表
各位,

婆婆剛剛通知我，學校出了去旅行的通知，
去上水"假日農場"，唔知近邊呢，我未聽過，
唔知妳地聽過未呢?

另外下個月軒軒同學仔開生日會，
要佢地自已做心意卡比同學仔，
唔點點解好添。 ...

天藍

hongmimi / 626mama,

嘩~~你地講生蛇生到咁恐怖, 又要搵火燒....
好驚呀!
我爸爸好耐以前都生個, 但都係睇西醫同食藥
就好快好番, 到以家都無再生個。
我用蘋果冰煻果皮川貝咁敦真係幾好味, 又唔
會好苦, 甜甜地又止到咳, 都唔錯, 藥房個個
人甘教我煲又真係幾有效~~
唔係呀! 你都好聰明呀! 照顧得匡匡甘好, 係
公司又係高級職員 係你兼o者! 左手既人
係聰明仔女!!!

原文章由 hongmimi 於 07-12-19 16:56 發表
天藍，
川貝果皮蘋果冰糖聽都覺得好好咪，昊藍飲完好番晒開心上學去lu~

左手好、右手都好，各有所長啫~  但其實我覺得自己用左手一d都唔聰明，反而…

626mama,
我諗照超聲波唔會影響bb用左手既 ...

ElainAiolia

hongmimi,
尋晚咁辛苦砌好棵聖誕樹，好彩子聰都好鐘意:D ，今朝返學出門口時，仲同棵聖誕樹講："我返學喇，你留係屋企等我返o黎o咼，乖D呀！"我同印印都覺得佢好搞笑 。

嘩，唔做"陳師奶"做"哥C拉"我怕我頂唔順，因為"哥C拉"要成日噴火及"嘩嘩"聲，仲要比子聰打，容乜易提早攞人壽果畢保險金o架 。


626mama,
我諗21/12我會搭42C去對面落車，而原先買比聰爸果張飛，而家由婆婆頂上(其實婆婆好想去o架 )。我就問o左個fd借o左部DV機(因聰爸帶o左返寫字樓)，諗住影低佢比聰爸睇，叫做"望梅止渴"當去o左 。

希望廸廸請晒佢o地二個做巴斯光年及超人，咁o米可以做同事o羅 。

原來你朋友揾中醫咁樣醫生蛇，聽落好痛好恐怖o咼 ，雖然好唔文明，但都會試o下o既，好過C啦(因我都聽人講過，話比條蛇圍了一圈，個人就會死)。

ElainAiolia

天藍,
好o野 ，昊藍好番返學啦，仲要同子聰一齊入學校，肯定開心C子聰:loveliness: 。妳敦川貝果皮蘋果冰糖給昊藍飲，如果佢唔係一定要好甜先飲o既，可以用蜜棗代替冰糖，因為蜜棗話晒有益過冰糖o麻，原來要飲3日o架，等我都試o下比子聰飲 ，等佢清o下D咳先。

其實20/12去"T"學校係玩聖誕攤位遊戲，時間係1030-1130，其實我二間學校都咁仲意，但"T"學費平好多，2007-2008年只收10個月學費，每個月收$1,6XX-及另收茶點費$80-，而且我有同事個女讀過都覺得好好，我亦見到佢o地D小朋友上落校車地點幾好，好乾淨及唔危險，所以到而家都十五十六，好難取捨 。

學校果2張通告，我仲未睇亦唔知有無 ，因今晚有事，成凌晨3點幾至返，而個書包係印印房，我費事嘈醒佢 ，唯有晏D至睇，旅行個張我會填參加，另家長日我會揀晏D約10:00-11:00 a.m 左右，因我星期六唔使返工，諗住訓晏D，所以揀晏D o羅 ，返工緊要，有關聚會，或者改為下午飲茶呀！係呢，我想問家長日係o米唔使帶小朋友出席，剩係家長o乍 ？

好o野呀 ！昊藍做消防員、匡匡做警察、軒軒同子聰做巴斯光年及超人，唔知翔仔同鈞渝又想做D乜呢 ？


pcdogxx,
你係o米尋日打War Game打到謝晒 ，所以今日攰到無力上o黎留言 ，成績如何，快D報上o黎！

你唔上o黎留言，休怪我又密密手post咁多o野上o黎 ，等你追到索晒氣，眼都睜唔大為止 ，睇你下次仲敢唔敢唔上o黎 。

626mama

各位,

剛剛聽收音機"晨光第一線"9:30左右，李家仁醫生今日講生"蛇"同hongmimi講一樣，另佢叫未生過的老人家可以打定針唔好比佢生，就算生打了針都冇咁痛咁講。妳地有興趣可以上網聽清楚。

天藍

all mama,

今早仔仔醒左又開始咳, 但琴晚同前日
都無乜點咳, 一返學又咳個好煩

天藍

626mama,

我今朝都有聽都有想post出來, 比你快手個我添!
可能李醫生知你地琴日有疑問, 今早答你地

原文章由 626mama 於 07-12-20 09:34 發表
各位,

剛剛聽收音機"晨光第一線"9:30左右，李家仁醫生今日講生"蛇"同hongmimi講一樣，另佢叫未生過的老人家可以打定針唔好比佢生，就算生打了針都冇咁痛咁講。妳地有興趣可以上網聽清楚。 ...

[ 本文章最後由 天藍 於 07-12-20 09:51 編輯 ]

626mama

天藍 / pcdogxx / ElainAiolia / candyhui77,

學校張通告旅行我都填左會參加，同做包包。
其它三樣就冇填，唔知到時睇到才決定是否
可以參加呢?我上網睇到佢地整包好以幾靚仔。
妳地撰擇整咩呀?

家長日個張我填埋10:00-11:00 a.m
同 ElainAiolia 一樣，我地兩公婆都洗返工，
所以唔想咁趕。學校都幾細心，有8:00咁早
可以見，咁家長就以可以照常上班，
真係要讚下佢，老師都要讚。

妳要返工去唔到都冇所為啦，我自已去都想去，
入開青衣都想去行去，再唔係等齊人下午才去，
又或者我入完去出來，可以大家一齊食午飯或
下午茶都得。或假"日農場見"。

昊藍原來想做消防員，鍾意玩水，消防員可以成
日玩水救火媽咪唔會鬧。果然醒目。

原文章由 天藍 於 07-12-20 12:20 AM 發表
626mama / pcdogxx / ElainAiolia,

我都收到學校張通告, 旅行個張我都填左會參加,
家長日個張我都填埋, 我選左早上8:00a.m...
個段時間見, 唔知你地選左乜野時間??? 不過,
學校有甘早既時間方便左星期六都要返工既 ...

626mama

天藍 / pcdogxx / ElainAiolia / candyhui77,

學校張通告旅行我都填左會參加，同做創意焗麵包。
其它三樣就冇填，唔知到時睇到才決定是否
可以參加呢?我上網睇到佢地整包好以幾靚仔。
妳地撰擇整咩呀?

家長日個張我填埋10:00-11:00 a.m
同 ElainAiolia 一樣，我地兩公婆都洗返工，
所以唔想咁趕。學校都幾細心，有8:00咁早
可以見，咁家長就以可以照常上班，
真係要讚下佢，老師都要讚。

妳要返工去唔到都冇所為啦，我自已去都想去，
入開青衣都想去行去，再唔係等齊人下午才去，
又或者我入完去出來，可以大家一齊食午飯或
下午茶都得。或假"日農場見"。

昊藍原來想做消防員，鍾意玩水，消防員可以成
日玩水救火媽咪唔會鬧。果然醒目。

原文章由 天藍 於 07-12-20 12:20 AM 發表
626mama / pcdogxx / ElainAiolia,

我都收到學校張通告, 旅行個張我都填左會參加,
家長日個張我都填埋, 我選左早上8:00a.m...
個段時間見, 唔知你地選左乜野時間??? 不過,
學校有甘早既時間方便左星期六都要返工既 ...

[ 本文章最後由 626mama 於 07-12-20 13:29 編輯 ]

hongmimi

626mama,
燒落去拍拍聲~ 好似燒炮仗多d喎!

原文章由 626mama 於 07-12-19 17:53 發表
我朋友個西醫話係"~包~疹"唔知幾多形咁講。
不過已經係好多年前的事喇。可能妳講岩D，
醫學日日都唔同。好以玫瑰疹以前話一生人
生一次，而家又話唔 ...

pcdogxx

各位.
你地冇人性架...     使唔使咁恨出咁多post呀?   
都係Elaine衰啦..   咒我多野做...    攪到我冇時間上黎留言...  
俾少少時間我..  我又黎大追擊

hongmimi

天藍，
原來昊藍想做消防員~ 好勇敢呀!

我先照顧得匡匡唔好呀，淨係識放工返去同佢玩下，邊有好似妳地咁周不時煲下湯水呀!  呢排每晚我走佢都唔肯，喊到好慘：我要媽咪!  我要媽咪!  攪到我都唔捨得… :cry:



婆婆話佢喊到好夜都唔訓仲係叫住個句，有晚藉頭要睇我結婚擺酒時錄個隻碟睇到半夜2點，後尾睇到攰先訓著  我個心想快d搬近番婆婆，辛苦d都要每晚帶匡匡返屋企，等多d時間見面。唉! 點知越心急越唔得:-| ，岩岩個期宿舍又抽唔到 ，而家等下一期要下年三月啦~

hongmimi

pcdogxx,
嘻~ 大追擊啦~ 妳打字打得咁快~~

喂~ 鈞渝今朝打俾我咩事? 匡匡係婆婆到喎~ 一係我俾婆婆屋企電話鈞渝喇~

原文章由 pcdogxx 於 07-12-20 10:37 發表
各位.
你地冇人性架...     使唔使咁恨出咁多post呀?   
都係Elaine衰啦..   咒我多野做...    攪到我冇時間上黎留言...  
俾少少時間我..  我又黎大追擊 ...

hongmimi

ElainAiolia,
妳凌晨3點幾先返，仲上黎留言，真係服左妳啦~

子聰返學出門口同聖誕樹講野咁攪笑，匡匡最多出門口/訓教時拜拜/good night魚缸d魚魚，都係生物呀~

妳呢隻哥C拉一噴火，天藍就多得妳唔少，因為昊藍消防員就有機會玩水喇~

擒日匡爸突然發燒，除左個胃有d唔舒服外都無乜野，都唔知點解無端端發燒，醫生話可能係腸胃炎(佢都係估估下)。我同婆婆講佢話報紙寫近日水豆爆發，叫我睇下係咪， 嚇到我即刻同匡爸全身檢查，因為一講水豆就諗到聰爸好辛苦個樣 ，好彩無任何發現啫~ :-x 嚇得我呀!

626mama

ElainAiolia,

子聰同棵聖誕樹講"我返學喇，你留係屋企等我返o黎o咼，乖D呀！"這句以妳地同佢講D說話。

聰爸果張飛而家由婆婆頂上。都好，好過浪費左冇去，聰爸成日拎晒D野返工咁得意，上次又拎左妳個手寫板。係呀!係呀!要攞部DV機，影返比聰爸睇止下渴，子聰唔同佢講電話都可以睇DV嗎。

原文章由 ElainAiolia 於 07-12-20 04:28 AM 發表
hongmimi,
尋晚咁辛苦砌好棵聖誕樹，好彩子聰都好鐘意:D ，今朝返學出門口時，仲同棵聖誕樹講："我返學喇，你留係屋企等我返o黎o咼，乖D呀！"我同印印都覺得佢好搞笑 。

嘩，唔做"陳師奶"做"哥C拉"我怕我頂唔順，因為"哥C拉"要成日 ...

pcdogxx

各位,

我尋日好唔好彩放工掛住打電話睇少級樓梯PK呀....   隻腳拗到少少... 尋晚搽左跌打酒..  今日都仲有少少痛...     都唔知叫好彩定唔好彩喇..  咁仲買唔買六合彩好呢?      有6千幾蚊金多寶喎.   

講返果日打War Game..  其實如果唔係咁痛都幾好玩既..  我地係玩彩彈, 但係打中都好痛架..   返到去沖涼發現左身上面有三個瘀痕, 我都算小兒科, 我見d同事個瘀痕係開晒花咁架.. 好勁.. 一定好近距離射中...   我都好想le埋唔出黎架..  不過個教練好惡..  如果你耐唔郁會俾佢鬧 "喂, 果邊個蕃薯你係度做乜呀?  郁下啦.."...:tongue:  果日都玩到出晒汗...  可能係十年唔運動一次.. 玩完第二日周身骨痛...   成個老人家咁..   

[ 本文章最後由 pcdogxx 於 07-12-20 13:03 編輯 ]

pcdogxx

各位,
其實個親子旅行呢..  Hongmimi一家都可以去架..  我打去問過我話如果小朋友唔係果度讀可唔可以去.. 佢話得喎..  Hongmimi你有冇興趣去呀?   
http://www.yp.com.hk/holidayfarm/ 假日農莊
大人 $75
小童 2-3歲 $50

如果你都join埋我地, 咪可以當我地親子聚會囉..  不過你老公星期六下午要返學喎..   安唔安排到呀?

我未交張通告架.. 等埋你覆我先交..  

另外我好似冇收到家長日既通告既..  係咪我掛住睇張親子旅行睇漏左呢..  爸爸都好似冇睇到..   今日返去再睇下先.. 如果你地揀10:00 - 11:00 我都揀呢個時間..   下午等埋天藍放工可以約埋一齊食飯都得喎..  我冇乜所謂, 睇大家決定..   Hongmimi 老公下午返學, 一於出黎同埋我地一齊食飯啦..   

[ 本文章最後由 pcdogxx 於 07-12-20 13:16 編輯 ]