2005年出世或~宏福幼兒園媽咪~(PART II)歡迎新朋友加入

hongmimi

我正想問妳同天藍一唔一齊食lunch，真係心有靈犀喇~

多人真係可以飲茶喎~

原文章由 pcdogxx 於 08-5-22 10:34 發表
各位,

我尋日上左大陸呀..  唔好意思答唔同Hongmimi d問題.. 嘻嘻..
星期六不如大家一齊食囉..  睇下天藍得唔得閒早d出黎..
我最鍾意多人飲茶..  得自己一家人飲好鬼悶.  

今日好好好忙, 所以唔可以成日 ...

626mama

hongmimi,pcdogxx,
我記錯2:00上堂添
多人真係可以飲茶好喎 ，咁時間大家再定啦。
唔知天藍得唔得呢 。

原文章由 pcdogxx 於 08-5-22 10:34 AM 發表
各位,

我尋日上左大陸呀..  唔好意思答唔同Hongmimi d問題.. 嘻嘻..
星期六不如大家一齊食囉..  睇下天藍得唔得閒早d出黎..
我最鍾意多人飲茶..  得自己一家人飲好鬼悶.  

今日好好好忙, 所以唔可以成日 ...

天藍

各位,

大家都係到通緝我, 皆因我尋日唔舒服返到公司
發冷又發熱, 所以返到去交底公司d野比同事,
都返屋企訓教, 睇醫生話我作感冒, 昨晚食
d藥今日精神好多, 上到o黎見大家搵緊我真係
唔好意思~

626mama / pcdogxx / hongmimi,

星期六個日我同唔到你地飲茶啦! 因星期六我
一點先放工, 返到屋企接昊藍再出來都要成二
點幾, 都差不多開始"功夫班"啦! 你地飲得開
心d, 到時係協康到等。
我希望到時我會記得點坐lift上來, 我無乜記性
唔知會唔會同昊藍一齊迷路

原文章由 626mama 於 08-5-22 13:10 發表
hongmimi,pcdogxx,
我記錯2:00上堂添
多人真係可以飲茶好喎 ，咁時間大家再定啦。
唔知天藍得唔得呢 。

天藍

各位,

我無上來一日你地o黎到變美食編,
講飲講食, 又燒買, 又糯米雞......, 你
地訂咁多野食, 真係睇睇下都好肚
餓, 因我未食晚飯
我最近係屋企樓下大昌買"四海"個
隻魚肉燒買都未食晒我遲d先訂啦!
講起美食唔知你地鍾唔鍾意食"雲吞",
有時我係屋企都會煮下麵, 放d雲吞一
齊煮, 荃灣係街市街對面, 近榮華個到
有間叫"民豐" 佢d雲吞我覺得好好食,
皮薄肉多, 好多時放工時間要排隊買,
買返屋企放係冰間有時煮麵加雲吞都
幾好味, 個到都有"水餃"買, 但皮厚少
少, 我覺得比較下個到d"雲吞"好味d。

hongmimi

天藍，
我地唔係通緝妳，係唔見妳 好掛住妳~

原來妳作感冒，妳而家同病菌打梗仗，多d休息係岩架~ 祝妳快d打低病魔~

我地都唔係一定去飲茶，只係話多人既話去飲茶可以叫多d野食、吹水大聲d都唔怕肉酸啫~

我都記得妳星期六要返工同放一點，但我以為妳叫姐姐帶昊藍出黎，妳要返入去再出黎就真係趕d喎~ 有無時間食d野先架? 無問題既到時係協康等，但如妳落車望兩望都無頭緒點坐lift上黎就打俾我地啦~ 可能我地岩岩起行，join埋穩陣d唔怕妳同昊藍一齊迷路嘛~

[ 本文章最後由 hongmimi 於 08-5-22 17:28 編輯 ]

hongmimi

天藍，
多謝妳既介紹....我知妳講邊間，因以前我地都常去幫襯架~ 佢仲有好多唔同種類既食物，新年好多人排隊買湯丸呢~ 不過都係好耐之前既事lu~ 另外，都會幫襯千色店出面果間"津味"既生雲吞，妳又有無試過?

626mama

天藍,

原來妳昨天昨病，食左藥好d未呀?
妳都好有責任，反公司交低d工作。

星期六你趕唔到來飲茶，下次啦，晏小小大家都見到，
妳唔好同昊藍一齊迷路呀，電話聯絡啦。

原文章由 天藍 於 08-5-22 04:57 PM 發表
各位,

大家都係到通緝我, 皆因我尋日唔舒服返到公司
發冷又發熱, 所以返到去交底公司d野比同事,
都返屋企訓教, 睇醫生話我作感冒, 昨晚食
d藥今日精神好多, 上到o黎見大家搵緊我真係
唔好意思~

626mama /  ...

ElainAiolia

你o地就好la，星期六一齊食lunch。

hongmimi,
公公攞完o野返屋企有冇應o力話“唔重、唔重”。今晚係o米即刻開試食大會 。

婆婆好番晒，你o地終於安心晒la 。

pcdogxx,
原來你尋日返o左大6，唔怪得唔見你上o黎 。今朝我o地出門口係地下一出lift，就見渝爸自己入o左lift上樓lu，唔知係o米已帶o左鈞渝返學呢 ？

天藍,
你感冒睇完醫生休息o左一日好D o麻？記係食藥及休息多D 。又會無端端病，係o米呢輪賺o左好多，所以搞到財多身子弱 。

你唔同佢o地食lunch ，可以約佢o地一齊行上去o架，橫掂佢o地食o野果頭你都可能會經過o既。

「民豐」果度除o左買雲吞同水餃外，我覺得D麵同湯丸都好正，我團年會係果度買定D湯丸，以備必時之需，若果你唔係即日食，你話佢知，佢o地會係D湯丸上面灑多少少粉，及教你點樣keep住D湯丸，除此之外，一盒湯丸可以要2種味o忝，諗起都想食  。

626mama,
你個胃好番晒未呀 ，你都要小心食o野呀。

[ 本文章最後由 ElainAiolia 於 08-5-23 00:29 編輯 ]

天藍

hongmimi,

我同你心有靈犀, 我昨天下午食lunch先行去
"津味"食碗整"雲吞"
因我係荃灣返工既原故, 所以久唔久會幫親下個
間"民豐", 係呀! 佢地d湯丸都好多人買, 我老公
就好鍾意食, 但我就一般, 我鍾意食佢地d"雲吞"
多d~

626mama,

好呀! 明天見電話聯絡~
多謝你關心。

ElainAiolai,

明天我地放學, 你都同子聰一齊同我地玩,
多d人開心d~
原來你都有幫親"民豐" 買野, 咁我地幾個
都係熟客仔
我都想財多, 但剛好相反, 今年我黑到痺,
無乜財運, 唔係財多身子弱, 係越窮越見
鬼, 仲要病埋

原文章由 hongmimi 於 08-5-22 17:26 發表
天藍，
多謝妳既介紹....我知妳講邊間，因以前我地都常去幫襯架~ 佢仲有好多唔同種類既食物，新年好多人排隊買湯丸呢~ 不過都係好耐之前既事lu~ 另外，都會幫襯千色店出面果間"津味"既生雲吞，妳又有無試過? ...

[ 本文章最後由 天藍 於 08-5-23 10:13 編輯 ]

626mama

EalinAiolia,

我o地星期六一齊食lunch，叫埋妳都唔得，
妳要湊子聰，下次啦。更有樹會。

天藍係o米賺好錢，所以多身子弱。
呵呵...咁賺小小咪得囉。

「民豐」雲吞同水餃好好食，係邊嫁，
下次落荃灣試下先。我都好鐘意食雲吞。

我個胃近排冇痛喇。


hongmimi,
妳食左糯米卷未呀。妳地咁多人，咪咪已經食晒喇。



天藍,

我地明天電聯啦，咁食飯咪好趕囉。好彩昊藍食得怏。


EalinAiolia,天藍,

財多身子弱---越窮越見鬼

妳地兩個打油詩呀。

天藍

626mama,

"民豐" 係近荃灣街市街付近,
你知唔知近街市街對面有間
"榮華"?就係係"榮華"個條街
個到, 如你好想試我可幫你買,
但如明天我買拎上"協康",
我怕天氣咁熱拎住咁多個鐘無
放係雪櫃我怕會變壞, 因以家
d天氣咁熱~
咁不如搵日星期六放學(功夫班)
我帶你行落去買, 買完你返屋企咁
咪唔怕, 放咁耐而變壞。
講講下我好肚餓添! 又想食"雲吞"

hongmimi

ElainAiolia/626mama,
今次公公攞完無野講，係婆婆講，俾佢鬧鬼我：上倉咩? 個雪櫃都唔夠放，要我攞晒d野出黎先放到…
婆婆識得鬧人仲咁好中氣証明已經好番晒…

無呀! 擒晚返去無食到…我拎左三分一度番屋企，今朝幾想整黎食…可惜無時間。

天藍，
又會咁岩既?我諗妳梗係鍾意食”咸野”多過”食甜”，係咪!? 我都係架~ 鍾意食湯丸既係我老公(都同妳一樣)，佢周不時發牙痕夜晚叫我整d糖水食俾佢食，我屋企邊有預備喎，搵隻蛋都無呀! 所以買定d湯丸就岩~

ElainAiolia

626mama / pcdogxx / 天藍,
由下星期開始，連續2星期記得幫仔仔、女女放個小小環保袋係書包，以便佢o地係學校參加『超市shopping』遊戲，個環保袋度記得寫名呀。另外，係5/6記得幫佢o地著綠色上衫參加學校o既環保日 。

pcdogxx,
多謝你sent email比我o地有關i-pen筆o既資料，其實我星期三去o左睇，唔知係o米個Sales唔識，我問佢好多o野都答我唔清楚 ，佢話支筆只可以for box set D書，而散裝o既未必用到，我覺得平平地o黎計，比小朋友學習都OK，唯一麻煩之處係 ：每次支筆只可以upload一本書，若要再讀另一本書，必須要再upload過，而在upload既過程，新o既資料會cover o左舊o既。

ElainAiolia

626mama,
你咁快手係幼稚園topic度開o左個新題『有冇08-09入讀宏福o既媽咪，入黎一齊傾計丫』 ，等我得閒入去同你吹o下水先 ，但暫時都會係呢邊多D。

天藍,
原來你唔係 “財多身子弱”，而係 “越窮越見鬼” 。

hongmimi,
嘩，婆婆鬧你上倉，即係証明你真係買o左好多o野o番 。買o左無時間整o黎食唔怪之得 ……………….

原來最為食果個係匡爸，又真係估佢唔到o咼 ，因佢身形咁fit。

hongmimi

ElainAiolia,
妳地攪環保『超市shopping』遊戲，連續2星期都幾長喎~ 咁有無得出去參觀超市架?小朋友學習到環保意識好好呀! 匡匡學校就無，不過匡爸最近「自教」匡匡環保，一齊將物件儲好放入回收箱，教佢分咩顏色既垃圾桶回收乜野，而家出街見到唔同既垃圾桶(真係裝垃圾果d)逐個問：lee個呢? 咁lee個裝咩架? 點解又係藍色既??

呵呵~~ 俾匡爸知妳讚佢身形fit佢實好開心~ 佢貪靚嘛! 唔做運動好似有蟻咬咁，我就岩岩相反，叫我做運動好似拖我去受刑所以我咪有而家「咁fat」既身形囉… 其實匡爸而家無以前咁fit喇! 以前佢日日玩器械，而家老左「鬆」左好多lu!(唔好同佢講番@.@唔係嬲C我…)

626mama

天藍,

我知妳講邊間喇，佢D包都好好飽。原來雲吞都好食，
唔洗幫我買喇，我平日落下才買，星期六唔拎LU。

妳星期六工人湊昊藍出大窩口唔洗咁趕喎，見妳咁趕，係咪工人
唔識路定信佢唔過。

原文章由 天藍 於 08-5-23 11:24 AM 發表
626mama,

"民豐" 係近荃灣街市街付近,
你知唔知近街市街對面有間
"榮華"?就係係"榮華"個條街
個到, 如你好想試我可幫你買,
但如明天我買拎上"協康",
我怕天氣咁熱拎住咁多個鐘無
放係雪櫃我怕會變壞, 因以家
d ...

626mama

EalinAiolia/ pcdogxx / 天藍,

係呀，昨天婆婆打電話比我，問我有冇
細細個的環保袋，方便軒軒係學校用，
青衣的，多都都係大大個，怕佢咩上好，
個袋到小腿，我唔記得搵天。好再妳又提
一提我。剛剛軒軒有件綠色上衫，唔洗煩，
昊藍都好以有件綠色衫喎，上次去大堂衫
TOMAS好以係綠色。昊藍著左反去，
D同學仔實會講"TOMAS 呀"

我都唔快手喇，上年一早就開左幼兒園，今次都遲，
希望比多D人睇到，多D媽媽入黎傾下計啦。
我上次開左好耐才有D人氣炸。好再初初有妳同天藍
來，唔係就去到谷底喇。

我都係住要係度傾計。

天藍,
原來你唔係 “財多身子弱”，而係 “越
窮越見鬼” 。

我都確得匡爸身形好fit。


hongmimi,

下次婆婆個雪櫃壞左，記得買個好大好大的
比婆婆用，到時CALL多幾樣野食都唔會比
婆婆鬧鬼啦。

其實唔洗好多時間，一起身就放係獲度蒸，
梳洗同換完衫，都差唔多可以食。

佢地上堂而耐，好以冇出過外見識見識，可能
人多，怕走失都唔定。

匡匡識分咩垃圾埇係掉什麼東西，軒軒仲傻下傻下。

通常都係，一凹一凸才最夾。

[ 本文章最後由 626mama 於 08-5-23 17:46 編輯 ]

626mama

HI HI

天藍

hongmimi,

我地個間學校26/5-6/6要學生帶環保袋返學校,
其實都好好可以教下d學生環保意識, 唔好用咁多
膠袋愛護地球, 但我諗學校應該唔會帶學生到真正
既超市買野, 因佢地一班都十幾人, 一級都幾多人下,
多數係係學校模擬超市去教學生, 如好似匡匡間學校
就好啦! 有得去OK買野, 一定開心C我個隻胃食豬~
你真係有心機教匡匡去認識回收分類既色識別, 匡
匡係你教導下一定係一位好孩子, 又乖又愛護地球
子聰讀緊個間畫班(荃灣), 今日朝早打咗電話比我,
話星期六有位1:30-2:45p.m., 但佢話得一個位,
因之前昊藍留位先, 所以個到個識員話比仔仔先,
我都有幫你再問到個職員有無多個位, 佢話未咁快
有, 但佢話就算有都未必同一班, 如唔同一班你會
唔會都帶匡匡去學, 如你都會我幫你繼續問, 因我
落去交錢再同你打聽消息, 真唔好意思, 今次同唔
到匡匡一齊有d失望, 連子聰都同唔到昊藍一班,
子聰原來係星期日上架~
婆婆好番就好啦! 匡匡又可以同婆婆一齊啦! 唔使
公公一腳踢。
嘩~你地都買咗好多野, 又燒買又粉果, 諗起都想
食, 下次換雪櫃真係要買個大d可以放得晒~

ElainAiolai,

多謝你今早比電話我, 你未比電話我之前畫班個到
都打咗比我, 我初時以為可以同到子聰一班, 原來
聰聰係星期日返, 有d失望唔可以一班, 但其實都好
可以比仔仔獨立d, 唔知到時仔仔會唔會又哭, 因
仔仔返協康"功夫班"都好扭計, 差不多哭咗大半堂,
我都無佢付, 佢後半場一路哭一路沙功夫, 但到落
堂又好開心, 見到你同子聰更加開心~
不過, 仔仔哭我都要比佢試下, 唔試永遠都係咁, 試
下試下就會長大, 因父母唔會永遠陪係佢地身邊, 好
多時有好多野都係要佢地自己去面對。

626mama,

我今日終於去咗Disneyland, 去到Disneyland個陣
落咗小小雨, 但入到去就無雨, 唔係太曬都幾好, 我
次次係到講親要去disneyland都落大雨or仔仔病去
唔成, 今次所以我唔出聲, 真係去得成, 今日唔係好
曬都唔錯, 我係disneyland租個架BB車好似你上次
咁比人偷咗, 我地去玩完阿馬遜河(坐船)出去唔見咗
架車, d職員要我地行番出去問下, 咁昊爸沿路睇下
有無人攞錯, 行到去美國大街個到係買美心麵包門
口到見到架車比人放咗係到, 我諗係d人攞錯, 行行
下見唔係佢個名, 又求其放咗係到, 衰到c~
今日可能早上落咗一陣雨無乜人入場, 機本上唔使
點排隊, 樣樣野好快玩到, fastpass都無用過。

原文章由 hongmimi 於 08-5-23 14:57 發表
ElainAiolia,
妳地攪環保『超市shopping』遊戲，連續2星期都幾長喎~ 咁有無得出去參觀超市架?小朋友學習到環保意識好好呀! 匡匡學校就無，不過匡爸最近「自教」匡匡環保，一齊將物件儲好放入回收箱，:yum ...

hongmimi

天藍，
原來係模擬超市，都好好呀! 太多人真係唔好出外，個個都咁活躍，老師睇唔切咪C火~

我邊有心機教，係匡爸咋~ 況且我既話，佢左耳入右耳出，匡爸教，可能1-2次就得。

畫班打俾妳話星期六有位(1:30-2:45pm)，妳留先梗係妳先啦~ 我咪再等下囉~ 不過聽到妳話再有位都未必同一班真係有d失望….妳由幾時開始上? 時間ok呀? 咁咪上完又接住去上協康既班囉??

唔該晒妳就真….唔好再勞煩妳喇~ 我等間打去，妳上次同我留位時係咪留匡匡個名同我手提?? 定留妳聯絡資料? Sorry…唔記得左~ 仲有，係咪留星期六同星期日既班都等? 因我諗諗下，如果係星期日早上既班就仲fit~

昊藍第一堂功夫班喊起上黎都唔係扭計既~ 可能係新環境唔習慣啫~ 唔係呀! 跟著都好好，d動作都跟著導師做，算好好喇~ 我都係咁話，唔試永遠都唔會成功，哈哈~ 我都係抱著咁既心態，匡匡由細到大去到邊做咩都唔合作，人地warm up叫要坐佢就爬係地、踢腿佢就左穿右插、淨係要佢企定中心點就要我俾糖佢食先，妳地知唔知，佢食左我兩粒糖先肯企一陣，跟著我唔再俾佢就叫要走喇…激C我~~ 唉! 唯有再接再勵啦~

又會咁攪笑，妳次次係度講親要去disneyland都落大雨or仔仔病去唔成，今次唔出聲就事成~

[ 本文章最後由 hongmimi 於 08-5-26 10:38 編輯 ]