比華利幼兒園.

IRON

好緊張呀好緊張呀......
仔仔自出世以黎除左係醫院果幾日從來都無同我分開過, 而家要返學, 都唔知佢會點, 喊幾耐...... 各位媽咪可否講下返"比"第一日既程序(點樣分離),  我知個個小朋友都會唔同反應, 不過我想知多d者, tks.

IRON

littleeva,

希望妳bb今日就好返, 到返學時同我bb玩. ^.^
全職湊仔其實都好辛苦, 雖然有工人做晒屋企野, 但我仔仔好痴身, 夜晚仲醒好多次, 我日日都唔夠訓; 而且又唔似返工時咁顧身世(以前keep到著M, 家下XL都好似唔多掂), 到時妳見到只勁黑眼圈大灰熊就係我啦, 哈哈哈. @.@

hktt

littleeva,

子軒好番未呀?紫晴已好左八、九成啦。

littleeva

HI IRON

謝謝您的關心.  我仔已好得9成.   

好開心您仔今天開學. 不用太擔心. 我仔而家都係 2yrs 3 month  . 佢第一,二天返學在學校當然有哭.  之後仲唔肯著校服.又話唔返學. 但每次放學佢都好開心話明天要返學.  一星期後又好d, 再過一星期又好d. 當 當佢熟了學校的老師和環境. 佢就好開心去返學了.  我仔都係怕羞慢熱的人.
我諗哭一定有嫁啦. 這是成長的一部份.  希望您仔仔好快適應.

littleeva

HI HKTT

我仔已經好番好多啦. 多謝關心. 醫生話因為鼻水未清.會倒流所以會咳.  昨天休息一天. 己經好得差唔多.  

hktt

littleeva,

琴日鄧左川貝，好苦呀!囡囡頭二啖都肯飲，後覺得唔好飲 (但佢靜係識講 "辣辣"，佢唔識分甜酸苦辣)，迫佢都唔肯飲，為有我飲啦，但我飲左二啖都頂唔信，終於被我老公飲哂。

有咩方法鄧川貝唔會苦呢?

littleeva

HKTT

我弟婦就用冰糖. 佢個囡入了 一碗.
不過都要tum 佢.

hktt

hi IRON ,

我個囡就非常之差啦!返學頭一個月就只係四圍走，唔會坐定定嫁，入課室時又唔放底書包，老師都無法。總之就係哭呀哭!!

到下半個月坐校車啦，上車又哭返到學校又哭。問佢野又唔答，我幾傷心及想放棄，想唔比佢返學tim。

到依家返左二個月學，總算有d成績啦，除左唔哭，我返到屋企佢會話我知　”今日無哭”，有時重聽到佢唱歌仔tim，我已經好開心家啦。

所以如果你囝囝返學哭或問佢學校的事情，而佢又無反應，唔洗心急，遲d你就會見到有成績，同埋你要相信老師，佢地好有方法嫁。

IRON

littleeva & hktt,

多謝妳地既鼓勵......不過佢今日真係喊到豬頭瀝咁呀, 10點去接佢時見佢成頭濕晒, 個樣傻下傻下咁行出黎, 何主任話佢抱左好耐, 我地走左一陣就開始搵, 搵唔到就喊...... 妳地bb返去有無講有個小朋友喊到死呀??唉~~~
希望聽日好d啦. ~_~

littleeva

IRON

放學後同個仔傾電話,我問佢有冇小朋友哭. 佢話有.
平時問佢佢話冇.

我仔第一天都哭. 哭到放學接他時.  雖然冇眼淚不過佢都有且下且下.好明顯是哭過來.

不過e d 野好快會過去嫁啦. 不用太擔心. 慢慢佢會知道返學好好玩. 知道邊段時間做什麼, 邊段時間食茶點. 邊段時間放學. 總之當佢有安全感時, 佢就會鐘意返學玩.

早上您送佢返學時, 唔好比佢睇見您的擔心, 細路仔會更加不安.

hktt

hi IRON,

等我今晚返屋企問吓囡囡先。

littleeva

hi hktt

我個工人話您囡帶了口罩. 是您幫她帶 or  何主任.

我仔今日冇咳冇流鼻水, 今天冇帶. 前日返學就帶左. (係何主任話要) 不過如果佢咳,我唔比佢返學lu. 費事佢好極都好唔番. 寧願在家訓下好過. 學校都係太大冷氣.

hktt

littleeva,

唔係呀，囡囡已沒事啦？點解咁嫁，等我打比何主任問吓先。

hktt

littleeva,

問左何主任，因我囡囡重有一、二聲咳，所以比佢帶口罩羅。

littleeva

hktt

咁您囡仲有冇食緊藥呀?

我姪女之前流鼻水, 之後有咳. 初是冇睇醫生. 以為會自己好番.
後來嚴重了.睇醫生話D菌入左耳. 有中耳炎TIM.
個醫生話小朋友個 鼻 和耳個通道是好短的, D 菌會好易走左入耳仔. 如果有第一次中耳炎會好易番發.

聽完之後. 我仔一有傷風都係睇醫生.
今次醫生都話我仔喉嚨冇發炎,耳仔冇發炎, 咳是因為鼻水唔清 引至咳. 特別是訓平時(半夜) 咳得特別多.



希望我地D仔仔囡囡快D好返.

hktt

littleeva，

佢已無食藥，漸漸好嫁啦。

睇左四次醫生，都係同你講法一樣，其他原因就係返學受同學交叉感染。不過你所講的中耳炎好恐怖，你話要唔要帶佢睇多次呢？

今次輪到我又流鼻水及咳，死啦我驚轉番比囡囡呀！今晚去睇醫生先。

係呢成日都想問你關於玩具圖書館d野，你重有無去呢？我諗都係唔好成日煩你啦，不如你話我知玩具圖書館電話號碼，今次等我book吧啦！

littleeva

hi hktt


您睇邊個醫生嫁? 新都城 吳文"told"  (唔識打個x字) 幾好嫁, 不過好多人睇要等. 晚上 8時半後睇會小d人.


唔緊要嫁, 都冇咩煩, 記住要預早一星期book .
圖書館電話號碼 :  2921 0386

IRON

littleeva,

下午同何主任通電話, 原來佢話抱左我仔仔成粒鐘呀, 真係辛苦佢囉; 仔仔又唔比第二個抱, 又唔肯落地, 搞到佢要抱住二個人再坐係椅度, 仔仔又大力, 仲醒左佢心口一野, 搞到我猛講對唔住, 哎...... 今日有三個新加入架, 妳問下妳仔仔邊個喊得最勁??(係咪何主任抱住果個, 哈)

littleeva

iron

何主任好好人嫁. 您可以時不時打電話比佢問下仔仔在學校的情況. 我仔第一天返學都係何主任抱他, 我仔有成30 lbs嫁.
第二天何主任就和我仔仔講"我可唔可以放低您呀, 因為您好重" 估唔都我仔又肯講好.

哇原來有 3個新加同學. 好熱鬧, 希望仔仔識到新同學. 之前問何主任個班有幾多人, 她話有 11 人.

我覺得其實做插班生仲好, 因為老師有多些時間照顧新來的同學. 您放心啦.好快仔仔就會適應. 遲d仲會唱歌歌比您聽.

hktt

littleeva,

唔該你呀 eva，等我打去 book 先，要唔要幫你 book 埋呀?

何主任真係幾好人嫁，佢又好了解各小朋友的情況，你打電話比佢佢都答倒你問題，最重要係佢會教你點樣教導小朋友tim，我都學唔少嫁。