富安威寶的家長, 入黎交流吓啦

ktmama

Hi, Giann728
咁個老師又真喺好鐘意你個女喎, 因為好少老師會咁做 ga. 我今日見仔仔返學校入到課室, 首先會先會排隊將生日袋交俾老師, 老師攞曬 d 食品出黎後, 佢就走去將個袋仔放喺課室入面個櫃仔度.  我諗老師可能想訓練佢哋獨立 d, 可以做番自己既嘢. 所以變咗開頭有d 亂.  希望再過 d 時間, 可以好 d 啦. 我都覺得小朋友返學既情況好緊要, 最緊要佢返學返得開心又可以學到嘢, 咁樣已經好好啦. 呢個就喺我俾佢繼續喺度讀 k1 既原因, 因為佢上年返幼兒園足足喊咗三個月, 我真喺好驚同佢轉校後又要重新適應過 d 老師同環境, 真喺會影咗佢哋學習進度. 因為我發覺佢哋d 進度都算快.

我聽另一個同班既家長講, ms wong 好似只喺教半日, 所以變咗你下晏搵唔到佢.  我諗你下星期一要再問吓先得, 小朋友無書上堂, 可能會唔開心麻.

giann728

ktmama,
好開心呀，原來你仔仔個燈籠都攞到獎﹗ 尋日我女女返學校上興趣班，我叫左我工人影左少少相返黎呀，你仔仔個燈籠係咩主題架??  其實我都好想去馬鞍山公園睇吓d燈籠呀，不過果晚我個女要去九龍灣學游水，跟住約左人食晚飯，希望我地可以趕到10:30前去到啦，咁就可以順便欣賞吓你仔仔個燈籠﹗

原來今年生日會要主角先有得上鏡架??  上年我個女唔係主角都會有一兩張架，咁真係有D失望喎，我女女七月先生日，米要等成年﹗

Miss Wong叫我女女帶月餅咋(好在我都一早準備左)，所以我今日無比生果佢攞啦，我都驚好重呀﹗

係喎，下星期要交海洋主題既親子勞作，你諗到點整未呀??   我打算用紙黏土做呀，因為我女女都學左兩個月紙黏土架﹗

係呀，我試過下晝打過兩次電話比Miss Wong，都話佢走左架﹗ 所以我估佢係返上晝，下晝唔響學校。 其實我都想搵翻本書，因為我都唔知我女女依家學左咩phonic，同埋我知道上堂要用本書去做練習，不過老師佢都唔覆我﹗

我同你都有同一個諗法，我個女又係好怕羞，好慢熱架，上年佢都喊左差唔多兩個月，所以我諗左好耐都係決定唔同佢轉校，況且我幾鐘意呢間學校既校舍，夠整潔光猛。  我女女其實都考到真理浸信會碧濤同埋聖心架，不過前者個廁所好臭，我覺得好唔衛生，後者個校舍黑麻麻咁!

最近我女女講左好多個同學仔個名出黎呀，你仔仔有無同你講呀??  我記得既有心怡啦、博文啦、阿君啦、陳志然啦，當然仲有你仔仔，我女女叫你仔仔全名果喎﹗

ktmama

Hi, Giann728
吓, 不得了, 唔喺馬鞍山公園呀. 喺新港城三期海皇漁港對面嗰個公園呀. 希望你唔好去錯啦.

我琴日都有返學校幫仔仔個燈籠影相呀, 佢燈龍既主題喺動物園囉.

親子勞作我未諗到呀?  或者等爸 b 返到黎同佢傾吓啦.

佢哋既 phonic 依家教到 " f " 的發音, 不過黎緊呢個星期喺溫習週, 應該會同哋溫習番之前教過 " a ~ f " 的發音. 你不如試吓朝早大約 8:15 ~ 8:30am 呢段時間打電話俾佢問吓啦.

我個仔仔又無嘜點同我講喎, 等我聽朝問吓佢先.

giann728

ktmama,
我地星期六真係去錯左馬鞍山公園呀﹗  不過，後尾我睇吓本地圖，隱約記得個街名，最後都終於比我地搵到﹗  可惜，去到已經熄晒燈﹗  我搵到我女女個燈籠，不過就唔見你仔仔果個。我見好多都比人拆左個名，有d直情成個燈籠比人拆左落黎架，得翻條繩﹗

個海洋親子勞作我地星期六做起左啦，今日女女攞左翻學校﹗ 佢今朝上校車時喊呀，真係第一次，我諗係放假後遺症，佢一路喊住好眼訓，一路話唔要返學喎﹗   

呢兩日我女女就成日唱住『排排坐』同埋『郵差叔叔』首歌，可能係最近學架﹗

ktmama

HI, GIANN728
你諗應該喺 HOLIDAY MOOD 呀.  同埋可能加上佢又眼瞓, 所以先扭計, 放心啦, 放到學校應該無嘢 lu.

我間中都有聽仔仔唱 {排排坐}, 我仲以後佢唱返前聽過 vcd 既歌添, 原來學校教咗

我仔仔個燈籠的名牌俾人拆左個名, 所以你咪見唔到囉. 希望唔會唔見咗就好啦.

月尾又有萬勝節 ga party, 到時又要諗吓點同小朋友打扮 lu. 唔知今次 中秋節 party 有無影相呢?

我喺屋企都見到佢哋個場地, 因為我屋企可以望到個公園麻, 佢哋將同學校的燈籠擺埋一齊.

giann728

ktmama,
首歌仔應該係學校教架，因為我未同佢唱過呢d歌架﹗

上年我女女扮南瓜，睇吓件衫仲啱唔啱身先，如何啱，著埋今年，因為買黎先著過一次，好浪費﹗

原來你地住馬鞍山，我地住響沙田架﹗  咁即係我女女唔係同你仔仔同校車，無理由架車兜咁遠﹗

我女女話中秋節果日同樂詠(同學名)跳舞喎﹗又話你仔仔同阿軍跳，唔知係唔係呢??

ktmama

Hi, Giann728
咁就唔應該同車囉, 真喺無理由兜咁遠麻.

等佢瞓醒, 我問吓佢喺咪同亞軍跳舞先.

ktmama

Hi, Giann728
喺呀, 我問過仔仔, 佢話喺同亞軍一齊跳喎.

你有無同女女溫字咭呀, 喺咪每個英文字都讀啱呀? 我仔仔話老師無教過字咭上的英文字, 都唔知喺咪真o既

又關心吓你本書先, 點呀, 搵返未呀?

我今日聽仔仔唱 " rain rain go away, come again another day, rain rain go away.

我諗唔知佢哋喺咪自己將自己既嘢放番落書包呢, 今日仔仔個通告套摺埋晒, 又試過有次本中文書打橫擺.  

giann728

Ktmama,
本書無左音訊，我老公一陣打去學校搵老師問吓喎﹗ 佢又想了解吓個女響學校既近況，因為次次老師都係同我聯絡。

我個女唔肯溫書呀，星期六得閒諗住同佢睇吓，佢話唔睇喎﹗     不過，我問過Miss Wong，d英文生字唔駛識晒架，只要知道邊幾樣係A字頭，邊幾樣係B字頭....就得架啦﹗

我女女尋晚訓左13個鐘呀，由6:45訓到今朝7:45先起身，所以我尋日都無同佢傾過計﹗  不過，今朝無扭計啦，明顯佢已經訓夠。  仲唱左首新既國語歌，不過，我今次一個字都聽唔明﹗

我今晚問吓女女係唔係自己執書包先，其實我都唔知，因為佢下晝會自己攞d書呀，功課呀出黎做，我放工返去d書都會好整齊放翻入書包，可能係我工人放架﹗

giann728

ktmama,
Miss Wong最後都係打左比我，佢話學校都搵唔到本書，原本我要幫我女女買過架，不過佢話佢地老師有多一本，就比左果本我女女，Miss Wong叫我同女女響屋企做翻A-F果d exercise﹗

我順便問吓佢評估係做d咩，佢話同尋日張revision worksheet差唔多喎，不過每科有成3張紙要做﹗ 我又問佢英文點溫，佢話小朋友知道A for 咩，B for 咩就得架啦，唔駛識晒d生字架﹗

Miss Wong仲話我女女條裙短，我後日要開條新裙比佢啦，估唔到佢高左咁多，真係唔係好覺﹗

ktmama

Hi, Giann728
仔仔今晚叫我將對手放喺佢膊頭上面, 跟住佢扮火車同唱歌仔做動作, 諗落都好笑   , 我諗應該喺學校玩過 lu.

講真, 心情都幾緊張, 下星期就評估, 唔知仔仔識唔識呢  

佢今晚瞓覺時同我講 : 媽媽, benny bear 呢? 估唔到個熊仔無啦啦多咗個名, 叫 benny  

咁都好啦, 起碼唔駛買過本書, 最慘分分鐘唔喺即時買到麻 .

d 小朋友喺會高得好快 ga, 不過我哋成日對住佢, 先唔覺唔覺咋. 我又覺得 ms wong 留意到你女女條裙短咗d, 咁都算細心喎.   

giann728

ktmama,
我尋日翻到屋企，我女女又訓左啦，兩日都無同佢傾過計啦，都唔知佢學校學左咩，發生過咩事﹗ :cry:

我女女之前都有話扮火車頭架，佢係都要做火車頭唔做火車尾﹗ 佢話排隧去洗手間就會扮火車頭架啦﹗  仲有呀，佢之前同我講過話生日會玩左個遊戲，不過佢講極都講唔到比我知點玩，剩係話圍個大圓圈，佢好想我同佢玩，不過我都唔知點玩，你仔仔有無同你講過呀??

Benny Bear係咩黎架??  學校學架??  我未聽過女女講過喎﹗

係呀，我女女條裙又真係幾短，所以Miss Wong留意到﹗

ktmama

HI, Giann728
我諗佢哋返學都辛苦架, 我仔仔今日都好倦, 可能今朝又早起身, 所以好少可咁未到 2:00 就瞓著咗 lu  

佢哋本 phonic 書, 教 "B" 發音時, 個主角咪 benny bear 囉. 好得意架, 佢哋每個英文字母都有一個主角 ga.

梗喺唔做火車尾 la, 做車頭可以做埋手勢麻  

我有問過仔仔生日會玩過嘜嘢遊戲, 但佢唔肯講, 等佢瞓醒再氹吓佢講先.

今日仔仔派咗張 revision paper 返黎, 當中有幅圖要將 "4" 既數量用顏色筆油出黎, 我見佢只喺油咗二個, 我同佢講未夠數, 佢話咪油咗四個囉. 跟住我睇清楚, 又喺喎, 佢個格局好似喺二個二個放喺一齊, 加埋應該就喺 4 啦. 不過, 我都覺得幾誤導喎, 可能自己諗多咗啩.

giann728

ktmama,
你仔仔真係乖，我女女就係唔肯訓晏覺，所以晚晚去到黃昏就眼訓，我放工返到屋企，佢米訓著左囉﹗

原來Benny Bear係phonic果本書度學，我個女唔見左本書，我都唔知原來每個字有一個人物，咁即係佢地用緊letterland教phonic囉喎，係唔係呀??

我未放工返去睇佢份revision paper呀，等我今晚睇吓佢有無做錯先﹗   

我覺得英文果份好似好難做，尋日我個女做啱晒，我覺得係Miss Wong教佢做，佢都未學過aeroplane點串，佢點知係咩字頭喎，真係好似好深咁﹗

頭先我同女女傾電話，佢話比我知博文爭佢d玩具，心怡同樂詠都無爭，我估佢幾鐘意同心怡、樂詠玩﹗  你仔仔有無同你講鐘意同邊個小朋友玩呀??

ktmama

Hi, Giann728
我問過仔仔啦, 佢話大家圍個大圈, 然後就玩遊戲. 綠燈就坐喺地毯度, 如果黃燈就無事 ( 我諗喺企定定 ), 如果紅燈, 就.... ( 唔記得咗, 等仔仔放學返黎再問過 ), 如果錯咗就要罰坐返埋位.

我諗應該喺類似啦, 如 A = ANNIE ANT, B = BENNY BEAR, C = CANDY CAT,  D =  DANNY DOG ...........

我仔仔話佢個好朋友喺何錦全, 雅筠喎, 都唔知真定假. 我問佢知唔知邊個喺 芷希, 佢話知喎, 都有一齊玩 GA.

呢幾日聽到佢唱咗全首普通話歌 " 好孩子 "

giann728

ktmama,
你仔仔好犀利呀，我女女講極都講唔到比我聽圍圈玩d咩﹗   

雅筠我聽過呀，米就係同你仔仔中秋節跳舞果個囉，佢同我女女一齊上興趣班架，我工人話佢地次次上完興趣班都會去sir一陣滑梯先肯走﹗何錦全我就未聽過喎，今晚問吓女女先﹗   

今朝同女女換左條校裙，好鬼長，實唔會比老師投訴﹗   

我女女尋晚份revision paper，都係油左兩set包包咋，佢話係Miss Wong教果喎，仲數比我睇，又真係有4個包喎，佢地做無錯，不過又真係幾誤導﹗

ktmama

Hi, Giann728
我仔仔話如果綠燈就轉圈喎.

原來同你女女爭玩具玩嗰個博文喺坐喺你女女隔離 ga. 而陸頴就喺大笨象組既.  原來我仔仔話嗰個男仔喺叫 何港權先啱呀.

giann728

ktmama,
唔該晒你呀，我今晚試吓同女女玩吓先﹗咁係唔係老師發號師令話係咩燈架??  定係有幅圖睇住係咩色呀??

咦，我女女有提過權權呢個名架，可能就係何港權呀﹗

新施政報告我地受惠唔到，你會唔會同仔仔轉校呀??  我地應該唔會轉，不過好驚好多家長會轉，學校開唔成班，我真係幾鐘意呢間學校架，萬一要我同女女轉我都唔知轉去邊﹗

係呢，21號開放日你會唔會同仔仔去玩呀??  我初初以為係FOR招生，唔打算同女女去，原來有埋攤位遊戲，我又想同女女去玩吓﹗  佢未玩過呢D攤位遊戲架﹗

晞琳

janny,

請問你希希而家係咪係tom lee學緊音樂班呀？ok嗎？

giann728

未上堂呀，下個月先開始，Ian排到啦??

晞琳 寫道:
janny,

請問你希希而家係咪係tom lee學緊音樂班呀？ok嗎？