屯門幼兒園介紹

Denise_Chan

candybarhk,
我都想帶亞仔去打水痘針呀,你去邊到打呀?
我可能去雅都嗰個到打(唔記得左個名    ).

candybarhk

Denise_Chan,

囝囝n1會讀st.peter(青山), k1想佢讀st.peter(siu lun), 都會報埋保記田家炳, 如果兩間都入唔到, 就繼續讀st.peter(青山)或拔臣, 選st.peter(青山)讀n1, 都係因為n1可以直升k1, 我囝囝係細仔, 要有兩手準備先得

我今日諗住打埋電話俾馬德華(雅都嗰間)問水痘針幾多錢, 又唔記得左, 之前問過馬會對面嗰間健怡醫務所(劉x良), 姑娘話剩番一支($450), 囝囝上年在此打過流感針, 打完囝囝好似無打過那樣, 無 , 昨日在市中心看夜診嗰間就$320, 今朝一早個醫生仔竟然打電話問我囝囝退燒未, 好似對自己好無信心好驚青, 其實囝囝可能又出牙仔(菲傭話), 我諗住問埋余秋良同埋馬德華下星期先打

sophyma

Candybarhk, Denise_Chan
我囡囡如果生病係去余秋良睇, 但so far未睇過余秋良本人, 次次去睇都係黃雄偉醫生. 我覺得麻麻地, 沒有以前在九龍睇那位兒科醫生咁好, 不過無法啦, 我公司在屯門區的醫生最近屋企就係佢.

囡囡一歲之前都週時生病, 但自從俾囡囡食健兒寳後, touch wood沒有因生病去睇醫生, 除了打完歲半針發燒外, 囡囡從未試過發燒, 上次睇醫生都係因為整親手. 或者妳哋都試吓,
因為第時返學仲易生病呀.

水痘針我會在聯合醫院打, 因為生BB時參加了中大的輪狀病毒疫苗計劃, 送5合1針, 嚟緊就送水痘針.

之前都有報青山St Peter N1, 已收囡囡, 但沒有上午班所以放棄, 未能做同學仔了. K1我都會報青山St Peter, 驚保良局幼稚園唔收, St Peter話晒表姐讀緊, 啱啱今年畢業, 希望人情分搭夠.

candybarhk

nik,

囝囝最近都係睇phonics kids, 依家成日講 A A A, B B B, C C C, 不過就亂指張poster, 什麼都話係A A A, 有時會突然間講一兩個字母, 如E, N, T，都唔知佢真識定諗口王
認圖仲攪鬼, 問佢"where is　ｔｈｅ　ｖｉｏｌｉｎ？”　佢就一隻手指住個小提琴，　另一隻手指住個結他，　跟住話 lin！ｌｉｎ！

niklaus903

0409媽咪會有個在屯門堂教n1既媽咪話 siu lun st peter 太多活動, 成日要表演, d學生經常要practice, 佢自己覺得唔係咁好

之前都有聽過有媽咪話因為青山村有n1, 所以佢既k1會比 siu lun深少少, 因為n1 時已經可左d野 我幾鍾意青山村個大自然環境, 但怕要餵蚊   

有時唸佢地咁細個已經要學a, b, c, 佢阿媽我細個時要正式讀書先學 a for apple, b for boy, 以前既程度/要求同今日真係差好遠好遠

洪寶仔都打左水痘針, 流感針, 肺炎鏈球菌針 :-|

sophyma,
乜野係健兒寶 原來你住chelsea heights, 我係你斜對面 960樓上

candybarhk

囝囝都係輪狀病毒疫苗計劃（屯門醫院）的BB, 姑娘話兩歲（１２月尾）先送水痘針，唔打水痘針就送甲類肝炎預防針，我好心急要幫囝囝打水痘針，我諗住自己俾錢打定先，九月就要返拔臣啦！　剛剛睇到隔離ｔｏｐｉｃ的一間屯門幼稚園有手足口病，好擔心幼稚園有好多病菌呀，睇來都要快ｄ打腦炎鏈球菌針

我囝囝同您囡囡剛剛相反，一歲前好少病，一歲轉食奶粉（一歲前母乳）後就開始間唔中有ｄ小毛病，　歲半時打5合1針無發燒但有嘔，我帶囝囝睇過一次余秋良，初生時淚線栓塞有眼膠，佢話無事唔洗醫，按摩下就得，那樣就收了幾百元！囝囝都睇過劉ｘ良同馬德華，劉ｘ良我自己睇了好多年，打針手勢好，但之前有單野，依家好似停緊牌，已轉了個年紀大的女醫生，馬德華就好隱陣，姑娘佩完藥要俾佢ｃｈｅｃｋ過先可以俾病人

健兒寳是維他命？

Denise_Chan

亞仔睇開譚卓華,因為我老公既公司e生最近屋企就係佢,但我覺得麻麻地   
余秋良係喺邊架?
我都想合知咩係健兒寳     

pinky_pig

陽光唔係太hit,而且是私校，可能雜費會多d。
有埋n1去k1，青山st.peter、新一代都有的，但st.peter校舍太d，而且outdoor多，新一代就是室內的多d

niklaus903

candybarhk,
洪寶仔都做左14個月既人奶bb, 我最心痛係我完全停餵後佢因為過濾性病毒入氣管住左3晚醫院 除此之外, 佢都好少病, 託賴 不過佢而家日日食scott 魚肝油

今日番pg時同老師講開佢將會做10月做n1插班生, 我擔心到時9月開學果d已經過晒適應期, 咁佢先開始, 會唔會難適應 老師話咁可能仲好, 因為老師既負擔少d, 唔會好似一齊開學咁難攪, 咁可能仲會有多d attention

gogoblue

monkey&dogBB,

我個囡同你個囡差唔多大喎..又係12月出世..
我同你諗法一樣呀.我黎緊一個sat 會去新一代参觀吓,若果ok既話,我都會比佢讀囉.原先都有諗st. peter.. 不過太多人爭啦.

candybarhk

nik,
青山st.peter雖然口碑好, 但離我屋企很遠(坐輕鐵要兜大段路, 坐614p+615p要十幾個站), 仲驚學校多蚊, 我住的地方好多蚊, 雖然做足一切防蚊措施(砂門,砂窗,烏繩紙,電蚊拍), 都會有蚊入到屋, 以前D蚊就專咬我, 依家就專咬囝囝, 就算一隻蚊都可以咬到多粒, 而st.peter(siu lun) 或保田就交通比較方便同無那麼多蚊, 所以會試下, 入唔到就算

我囝囝就每日食美贊臣的poly vi-sol (vitamin drops)

Denise_Chan,
余秋良在市中心柏麗, 我公司張醫療咭於余秋良及馬德華都用得

Denise_Chan

gogoblue, monkey&dogBB,
我地既小朋友都係12月出世喎,我亞仔12月12日出世架.
遲d可以攪返個0412生日會     

Denise_Chan

係呀,真係好驚青山st.peter好多蚊,好驚亞仔比蚊咬,佢d蚊"難"好耐都唔散架,攪到隻腳好"肉酸"     

sophyma

我囡囡冇乜飲過人奶, 喺3個月大時已經流鼻水咳咳要睇醫生, 每次咳親都要好耐先好, 病到面青青, 睇中醫話血氣唔夠, 叫我哋俾BB食牛肉汁及燕窩, 但我覺得幫助唔大又貴, D人又話食太多燕窩唔好, 後來囡囡夠1歲就食健兒寳, 效果仲好.

健兒寳其實係橙汁味, 有8種Vitamin的鰵魚肝油, 在藥房及屈臣氏等有得賣.

聽說肺炎鏈球菌針好貴, Nik, 請問妳的囝囝打要幾錢?

CarmenBeta

candybarhk,

我囝囝都係輪狀病毒疫苗計劃（屯門醫院）的BB, 9月會返醫院覆診, 我囝囝已打了水痘針, 所以我揀甲類肝炎針, 如果知道計劃送水痘針, 我就唔去私家打啊! 打一針要$500都幾貴!致於妳所講的腦炎鏈球菌針是不是惠氏新出的肺炎鏈球菌針, 報紙時常講這隻菌很厲害,建議小朋友應該打,我囝囝滿二歲時都會去打, 因滿二歲只是打一針, 日後唔需要再打, 我會去徐近明打, 他收$750.

妳囝囝現時食邊隻奶粉? 我囝囝1歲時轉了吃明治大仔, 日日有便便, 又唔熱氣, 好少病,  我經re-on訂, $150/can, 和惠氏A+比較, $120/can , 都唔係十分貴, 可以考慮.

candybarhk

Denise_Chan,
我囝囝都係12月出世架, 佢生日係12月21日, 應該是最細個的bb吧!

CarmenBeta,
我今日問過馬德華, 水痘針$500, 惠氏新出的肺炎鏈球菌針$750一針, 要預訂, 雖然滿兩歲只是打一針, 但又怕等十二月先打太遲了, 依定未返學就病了(今日仲要覆診).

囝囝十二個月大時開始加d奶粉俾佢,十五個月大時才轉到全奶粉, 現時食緊Enfagrow安兒寶(雪印都食過), 囝囝飲好少奶粉, 一日兩餐, 飲唔夠四安, 有時一兩安, 成日都要倒奶, 好浪費! 佢一日最少有一次便便, 有時兩三次都有, 佢一日三餐食到一大碗粥仔/飯仔/通粉仔, 都無餵口食奶, 唔知係咪因此唔長肉, 現在都係25磅, 無增長

niklaus903

肺炎鏈球菌針係幾貴, 我在美孚打, 差不多$600一針x2, wyeth新出果隻係打一針就夠不過唔係終身免疫, 好似得幾年效力 你地都係問清楚醫生先.

因為佢地已經好多外界既exposure, 又要番pg, 會同好多大人小朋友接觸, 所以都係愈早打愈好; 水痘針一樣, 打左就減少感染水痘既機會, 唔出水痘, 將來亦減少"生蛇"既機會, 係好值得快d打的.

洪寶仔自細都係食wyeth (因為聽seminar有sample送, 咁就食佢lor), 初時主食人奶, 所以只係用左7罐400g既sample就要比錢買no. 2, 而家 no. 3 樓下葯房賣$119, 見佢食咁耐都冇乜問題, 都唔唸住轉日本奶粉.

CarmenBeta

candybarhk,

其實妳囝囝現時25磅都ok, 太肥唔好, 我囝現時都是2幾磅, 只要他肯食solid food, 飲好少奶都不是問題. 我囝囝就一日三餐奶, 每餐7安, 早餐吃麥皮/麵包/芝士, 午餐和晚餐吃大人飯/通粉/意粉, 妳有無開始俾囝囝吃大人飯?他大過仔唔使吃粥仔.