優才2007-08年度小一入學簡介會 17/6(六)

meimeilam

Namingo,

其實當時我個仔都冇 profile, 佢都冇出去參加過任何比賽, 而個 D 所謂証書仔, 都係証明佢學過呢 D 野, 我唸應該唔係咁重要掛, 始終佢地都係得幾歲人仔。


:    :    :    :  

dabbycheung

namingo 寫道:
Daddycheung,

知道你非常熟悉優才,請問交報名表時,是否最好有profile? 有相有証書整到靚靚那種! 因為小兒只有鋼琴証書一張同埋平時幼稚園的証書仔, 冇出去參加乜比賽, 變左整profile都好少野!

謝謝!

namingo,

個人意見，我自己就覺得整埋好D。 因為會比學校覺得，你好比心機去做份申請表，好有誠意入呢間學校，或者印象分都高D呢！

wing530

hi, all,

今年改左形式interview呀? 如果要成 group 小朋友要玩搶答題, 阿仔實 c 緊呀! 我驚佢唔夠人快, 咁佢會黑面呀~      

Farm

其實去年都是小組形式的, 家長去到點名後, 學校會安排我們坐在禮堂外面, 然後老師會分組叫小朋友去另一張long chair到排排坐, 再安排小朋友入去課室玩 (就在這個排排坐的過程, 小朋友可能會扭計), 跟著老師會再叫家長入去禮堂, 禮堂內分成十多張枱, 而interviewer可能是老師, 可能是現任家長, 他們手上就拿著你的profile問問題, 最後會問你有無問題問番佢, 然後家長出去另一個課室等接小朋友, 嬸嬸還在課室中間放了地墊和玩具, 等小朋友有得玩 (因為有些家長會帶同其他仔女來), 之後你會見到老師逐個小朋友帶回家長的等候室, 通常小朋友都是開開心心咁拿著一個玩具返來.

我就等阿仔回來後在地墊玩一陣先帶走佢, 落樓後輕輕問他剛才做了甚麼, 他只說玩遊戲, 其他就無講. (well, 他一向都係咁, 問他幼稚園的事, 一樣係咁回應, 所以我都不感意外, 我亦不想他有很大壓力, 到時入唔到米慘).

就係咁, 有一日收到優才老師電話說收左阿仔, 她還問我想選TKO/MK, 我開心到連說多謝, 並希望有一日時間考慮, 她很好, 真的給我時間, 完全無迫我, 當然最終我地都選左TKO啦. 補充一句, 我真係覺得老師好有禮貌    

希望以上資料幫到大家.
Farm

namingo

真的多謝Farm分享咁詳細的interview過程, 希望我都可以好似你咁收到老師打電說收左我個仔啦.......!!

meimeilam

Hi Farm,

唔好意思, 咁遲先至覆你。

我都幾贊成  dabbycheung 嘅做法, 不過游水就真係唔好 cut 啦, 可以強身健體。

而家個仔就逢星期二學鋼琴, 星期日就學游水, 我都唔敢比太多課外活動比佢, 因為雖然佢唔係太多功課做, 但日日就要練琴。

:    :

Farm

meimeilam

Thanks for your advice and support.

Farm

pizzahut

我上個星期都有去聽個簡介會, 聽完之後都好想比阿仔讀.

不過因為佢第一輪in, 就會8月知道結果, 之後仲要即刻註冊. 但我又覺得如果唔去大抽獎, 又白白浪費左一個可以9 年免費教育o既機會. (因為我個網都有幾間好小學可以揀, 而且講真, 入得優才, 都諗住疊埋心水一路讀埋上去).

既然校長話第一輪同第2 輪都係掛同一條隊, 每一輪都係收48人, 所以我會揀第2 輪先apply!

咁當然, 我有d 朋友, 佢地都會第一輪就apply, 因為想早d 知道結果, 如果入到, 就疊埋心水讀優才, 安樂哂!

Farm

各位準備報優才的家長:

上年我聽講座時都有家長問這問題, 當時校方並無明言會第一round48個位, 第二round又48個位咁平均, 他說會視乎第一round的申請人質素而定, 如果係咁, 家長等第二round 就比較冒險了, 另外, 如果第一round入圍的可以優先去 TKO, 而家長又心意TKO的, 咁又會輸蝕了.

按道理, 報第一round的家長肯定誠意十足, 校方無理由唔優待他們的.

Farm

pizzahut

因為有個daddy 不停咁問陳校長仲乜要分2 round in, 驚會唔公平, 所以陳校長都解釋左好耐, 話根據佢地o既經驗, 會以7 個收1個來揀, 而且會1st round 以48人, 2nd 收48人, 之後所有ｏ既waiting list都會按分數來歸納同一條隊，變左如2nd round 有個小朋友d 分高過1st round o既小朋友, 佢排waiting list條隊都會排得前過1st round個位小朋友.

仲有話咁早開第一個簡介會, 係因為有太多家長打電話去問學校幾時會有簡介會, 所以應大家要求, 早d 開一次, 同埋而家應該係d 考試季節, 為免有d 有小學生做哥哥姐姐o既家長來唔到, 所以會有第2round.

以上都係陳校長咁講, 不過誠意分佢就無提過.

mayc

Dear all:
我當時都在場,也是聽到校長這樣說,所以我打算第二階段才報,一來我個是細女,大多幾個月去考希望表現好d,而校長話如果第一輪唔得就唔好報第二輪,希望這個暑假訓練下個女才去考!請問大家知唔知第二次會在幾多月面試?而讀緊的家長,請問你們的小朋友是第一次面試入還是第二次面試入的?

meimeilam

我個仔係第一次面試入, 而家讀緊小三。 :    :

sonma

我個仔都係第一次面試入   

mayc

Dear all:
Thank you very much!
剛剛收到校長的電話,解答我的問題!
我打算考MK的校舍,問校長關於師資,課程,軟件是否與TKO看齊?
他說老師是從TKO轉去MK校舍,去年Net teacher一星期去一日,今年將會多派三個老師去MK,其他一切會同TKO看齊!四年級要返TKO校舍!

Farm

我個仔係第一輪收左的    

Farm

mamailoveu

Hi all

Did anyone received the schedule of this Saturday's interview?

Cheers

積仔

你哋好!

見你哋講優才,講得那麼開心. 我都想問下.

我囡囡九月入讀小一TKO, 請問星期六學校有沒有課外活動安排.  因為想安排一下她的時間表.  是否要返童軍.  請優才家長分享. 謝謝!

Smiile

童軍是要經過甄選才入到的，所以不是 "必須"的。

至於週六是沒有課外活動，因為學校週六都好忙 (有很多資優培訓計劃 ~ 不是for校內生)，有時又有講座 (for 下一年的新生)，而且週六老師不用上班，故此學生不用上學和參加課外活動。

童軍都是家長籌辦的。

cmts

hi hi:
我收到信9/7(sun),到旺角面試.