九龍塘基華小學-家長站

Masaka

Dear angelymama,

Thank you so much your kindly reply.

Mention by angelymama,
我唔知而家15分得唔得, 以前係黃大仙就得, 睇下今年小一D家長可能會答到你。 因為我仔女都唔係派入黎。
As above said that your kids are interviewed in this school?  pls advise.


is it tradition school?  and 有否精英斑?
is it Madarain class per week?

angelymama

Masaka,

基華以前係彩虹村, 今年9月先搬去九龍塘。
我個仔係97年入學,而家中學啦, 當年我想入彩云聖若瑟, 但入唔到, 考十間私校又全軍覆沒,  

我萬念俱灰之下, 奶奶話去睇下基華有無位, 就係咁就入左啦, 之後阿仔都讀得幾開心,成績又一般, 所以都無同佢轉第2間。

至於我個女又另一個story, 佢一年級讀德雅, 讀得好辛苦, 數學唔合格要留班, 我唔想留, 同埋知道越高班會越辛苦, 驚佢唔掂, 咪轉校囉, 想搵間全日制天主教學校, 點知又無, 咁唯有跟埋阿哥一齊啦, 所以咪入左基華囉, 點知上天保佑, 基華會搬去九龍塘兼轉全日, 所以就一路讀落去囉。

呢幾年都見間學校越做越好, 校長老師都好好, 我自己又入埋家教會, 所以會知多D野囉!

我知你諗緊乜, 鍾意九龍塘網但又唔知基華程度點, 其實呢2年我都同朋友講好多。 入邊間小學, 家長其實應先諗下第時想仔女去邊度讀大學。

如果諗住去外國讀, 咁中小學都唔緊要, 錢就最緊要, 咁唔使入名校啦, 留番d錢第日供佢, 而家就輕鬆d先。

如果想佢地係香港讀大學, 咁就睇下乜野中學可以入到香港D大學, 其實而家香港入大學都唔係好難, 大部份中學只要keep到中上成績都入到, 如果係咁,  唔一定要喇沙、瑪利諾先入到大學, 一般的中學都可以啦, 最緊要校風好,唔好學壞。 咁都唔係好難o者。

不過如果想第時要做10A狀元, 咁就唔同啦, 中小學都好緊要, 一定要入名校, 仲要係名校keep 住要係頭幾名, 將來就可以做狀元啦。

基華一半係band 1, 即係話一樣有基會入喇沙、maryknoll 中學, 你估係基華考頭一半名次容易d, 定係其他名校小學考頭一半名次容易d?   其實小朋友6-17歲係最美好的時光, 親子關係亦係最影響將來成長, 我地都見過唔少家長因為功課成績等等問題而影響同孩子關係, 所以我覺得親子關係最重要, 我唔想要佢多幾分而令到我仔女憎我, 或者唔鍾意讀書。

長篇大論左咁耐, 大家唔好怪我, 如果有家長有不同意見, 歡迎一起討論。

  :wink:

simsim

angelymama,
多謝你的分享, 我亦很認同愉快學習的重要性.
另外我還想問基華的家課多嗎?學生的stress大嗎?
thanks a lot

Masaka

Dear angelymama,

Thousand Thanks for your 長篇大論 information which is so useful and agree your points of Learning in happy.  

In fact, I plan this school & 陳瑞褀(la salle).   Do you have any comments on 陳瑞褀(la salle)?  

For 基華, noted teachers standared is general.  How about their manner is o.k. 熱心教學.  If there headmaster 推行学術方面好的projects for children to develop their learning manner and upgrate their standard?

Sorry for many question, thanks again your precious time.

傻鴨菇芝

ｍａｓａｋａ：

個人感覺，呢間學校ｄ教職員，
好有心去教ｄ學生，
對家長既意見亦好樂意接受，
但有ｄ九龍塘所謂既名校，
都係持住自己係名牌，
不大尊重家長既意見，
當然小朋友成績追得上咪冇咩囉，
但追唔上，佢地又好似冇咩根進喎
所以都係睇你想要ｄ咩學校囉

angelymama

其實呢2年學校都做好多野去upgrade自己, 裝備好預備係九龍塘區, 例如辦管弦樂團, 劍橋英文, 奧數等, 我知遲d會有學校電視台, 等等...又實施專科專教, 有輔導班去幫成績差的學生。  又有英文科主任請願辛苦d, 主動要求教c,d班學生。

功課都唔算多, 學校都好肯聽家長意見, 家長有乜野都可以直接去搵校長或家長代表去表達。

當年我個仔測驗交白卷, 校長即刻打電話比我兩公婆, 我地同校長傾左2個鐘, 叫晒中英數常老師黎, 睇下因乜原因會咁。  學校呢種態度我非常欣賞, 唔會因為學生成績唔好就狂炳, 亦比機會學生。  之後我仔由D班上番去C班, 然後遇者個好班主任, 所以而家都入到間Band 1 中學。

  

不過人就係虛榮o既, 我都明白好多家長想入名校o既心態!!

  

barneybb

angelymama,
睇完你嘅見解，真係對九龍塘基華多咗了解, 唔該哂!!

想問吓各位如果第一輪得 15分 有冇機會入到呀？    

肥嘟媽

各位，你們所講的梁主任是否梁淑貞呀？
我算是基華的大師姐，我79年入小一（下午校），85年畢業，那年我們那班(A班)42人只有2個不是派去BAND 1的中學，說起來真懷念讀小學的日子
當然經歷廿多年，學生的質素我不敢肯定，但應該不會差，老師亦不錯
梁淑貞老師，我有次返阿媽屋企（應是這兩年內的事），途經學校附近見到佢，佢仲識叫我個名，同我傾偈，呢d老師邊到搵呀，其實佢好好人架，做訓導當然要惡啦，如果唔係小朋友點會驚

傻鴨菇芝

請問各位家長會否參加學校的課後導修班?
時間好似好長,而家我仔都6:55上校車,
返到屋企已是17:00了,
如參加課後導修班後,
我諗要成18:00幾先返到屋企,
d時間好似好長喎,
唔知大家有咩意見呢?

係呀,大家有冇覺得今年既功課多

Masaka

Dear  傻鴨菇芝,

Thank you so much your kindly information.

Masaka

Dear angelymama,

Thank you so much your information.

Could you mind inform your son study which Second school or pm me?  Many thanks.

As your information, do you know pass two years, what kind seccondy schools kids went?  and do you know how many pencentage go to band 1 school?

funfun

請問有冇人知如參加課後導修班有冇校車接送,因平日校車要五點後到,如課後導修班要五點完,坐

LEON

funfun，
參加課後導修班應該冇校車架，記得7月家長會講過若果參加課外活動當日都要自己接受！我今年唔考慮報導修班，因為返到屋企已經4:30PM，時間跟本唔夠用，況且佢已經係學校太長時間，實在唔捨得佢再stay至5pm！ :cry:

傻鴨菇芝

LEON,FUNFUN:

頭先岩岩打

KiuKiu媽媽

好幾日無入來傾呀, 多謝您的回應, 這兩天下午都放假, 睇下個囡返全日回家后的時間點用法, 真系好急下, 無咩時間休息, 可能我緊張呀, 我都要放鬆自己先得, 我都明依家先小一, 要比時間佢地适應, 不過我個囡話今日又有三個小朋友留堂啦, 跟住喊哂, 老師先放佢地走喎!

總之每日都會話老師好惡, 可能我個囡重好BB下, 不過佢又無抗拒返學, 每朝都好合作, 希望佢可以keep住啦, 放工啦, 今天再傾!


[quote]
傻鴨菇芝 寫道:
ｋｉｕｋｉｕ媽媽：

唔駛

LEON

請問大家有冇考慮報管弦樂班呢？以往舊校有冇此樂班？多人參加嗎？我正考慮報但時間又同其他課外活動相同，真頭痛，而且管弦樂器費用不便宜，只怕亞仔3分鐘熱度！

KiuKiu媽媽

聽聞系之前已經有架啦, 不過我無諗住參加, 因為個囡都學緊琴, 無時間啦, 課外活動大家會否參加, 劍橋英語水準如何? 系咪之前已經系這間機構辦學的, 聽聞水準一般, 我正考慮報唔報??

jocelyn123

傻鴨菇芝:

開

傻鴨菇芝

PLS CHECK PM
[quote]
jocelyn123 寫道:
傻鴨菇芝:

開

angelymama

請問各位基華家長:

對新校服有什麼意見?
1) 校裙      2) 運動服       3) 男生校服

因為遲d要開家教會會議, 所以想攞D意見。

:    :wink: