教育局終於正視問題

ANChan59

beastiebistro 發表於 24-9-23 13:30
哈，好彩我嗰啲都係，仲返學好開心添。我唔吹谷但又唔躺平，啱啱好。齋靠教育政策？死得喇。 ...

在教(emoji)教養方式，不是1或者是0，最好係按子女資質，0. 2-0.8是有可能的。

ANChan59

stillgood20 發表於 24-9-23 14:05
讚！
此外.我自有一套:

生命中，得時，不得時，都係學習，都會慢慢進步。

beastiebistro

ANChan59 發表於 24-9-23 14:39
在教(emoji)教養方式，不是1或者是0，最好係按子女資質，0. 2-0.8是有可能的。

同意呀，所以我認為選擇係最重要嘅，唔可以因為某少部分人可能揀錯或者唔識揀，就拎走選擇權。

加樂爹

回覆 ANChan59 的帖子

係, beastiebristo 之後解釋清楚.
我連"中三淘汰試" 我都蔑蔑下, 何況在教育上的叢林法則?   

ANChan59

加樂爹 發表於 24-9-23 14:49
回覆 ANChan59 的帖子

係, beastiebristo 之後解釋清楚.

我個人贊成升中試，或者中三分流的考試，不用淘汰這個形容詞就可以。

其實你如果留意下VTC的青年學院，就係吸納一些不想讀文法中學的學生，學一門手藝及相關的語文課程，是另一種分流，自願性。很多時係父母堅持子女要大學畢業，做白領，忽略咗孩子的能力及興趣。

加樂爹

ANChan59 發表於 24-9-23 14:59
我個人贊成升中試，或者中三分流的考試，不用淘汰這個形容詞就可以。

其實你如果留意下VTC的青年學院，就 ...

你說的是對.  
我都是誇張用中三淘汰試去突顯"叢林法則", 做效果嗜 :)
記都當年開始有職訓局, 什麼職業先修之類, 再之前是學徒制等等.

用現有社會資源去批評舊日社會是不當的.
就是今天, 教育都是在限於資源及社會職場取士需要.
當然, 前說的分流, 或你帶出的情感因素都是在先天後再加上.

其實討論可以反思, 又誇張D講, 當年是覺得職業先修無有點垃圾 (要say sorry 先), 甚或近年資力架構是架牆疊屋.

這或是自己對教育理解不足. 其實一直整理左咁多問題, 知了不少.

開心 VS 公平 如Stillgood 有說是看你處理, 刻服困難單都可以開心.
子女可承受多小, 家長去關心, 可能更重要.

ANChan59

加樂爹 發表於 24-9-23 15:35
你說的是對.  
我都是誇張用中三淘汰試去突顯"叢林法則", 做效果嗜 :)
記都當年開始有職訓局, 什麼職業先修 ...

我識得人為教育局負責編寫資歷架構，是IVE某院校的院長，當時也有大學及不同類型教育的專家參與編寫。

所以我較明白他們的理念，multiple entry and multiple exit。所以大學，大專，VTC都係有不同top up programs 讓學生可以透過進修，一步一步上資歷架構。

ANChan59

加樂爹 發表於 24-9-23 15:35
你說的是對.  
我都是誇張用中三淘汰試去突顯"叢林法則", 做效果嗜 :)
記都當年開始有職訓局, 什麼職業先修 ...

其實，我哋作為網友可以分享經驗，分享睇法就可以，不要太多指指點點，自以為高大上，如果我不自覺也是這樣，敬請見諒及指正。

父母親要了解子女，才懂得如何處理及配合孩子的成長及目標。

天外之人

ANChan59 發表於 24-9-23 14:59
我個人贊成升中試，或者中三分流的考試，不用淘汰這個形容詞就可以。

其實你如果留意下VTC的青年學院，就 ...

升中試及中三分流的考試我覺得係可以有，衹係現今社會令父母過早就出現堅持子女要大學畢業，做白領，忽略咗孩子的能力及興趣(例如音樂及體育或其他工藝手藝)，引導出怪獸家長出來，從未入幼稚園開始就已經安排了所謂合適既跑道，間接令到好多孩子因過多既事項，以致基礎不穩就面對中學，所以才出現好多學生問題存在，要政府又要攪出個什麼"三層應急機制"既野出來，但就唔面對為何會出現這些既根本問題。



不論教育制度什樣改，都係要睇家長點樣做，為自己孩子做什麼方法都冇問題，衹係要家長明白，好多野唔一定係過度催谷都可以有好既效果。咩為之好各人有自己觀點，攪到孩子健康唔好，就會比學校安排第三層應急機制去做，衹怕係發覺唔到嗰啲。

加樂爹

ANChan59 發表於 24-9-23 15:53
其實，我哋作為網友可以分享經驗，分享睇法就可以，不要太多指指點點，自以為高大上，如果我不自覺也是這 ...

@beastiebistro
Sorry, 我沒有這個意思.有時一直想下去, 推出來的點未收到位.

beastiebistro

ANChan59 發表於 24-9-23 14:36
當時係冇什麼催谷計劃，因為未出世已經擔心唐氏綜合症，又不懂說話，又學習遲緩，去到普通或者不是包尾以 ...

多謝陳sir幫忙解畫，同埋家樂爹諒解。
我補充多幾點。

1. 其實我從來無講過「叢林法則」，大家可以爬返文睇吓。我講物競天擇係我認為「競爭」係hardwired咗入每個人裏面嘅本能，亦係人類不斷超前突破嘅原動力，而人為禁止「競爭」係違反自然。「叢林法則」聽落好負面，但係「競爭」我認為本身中性，冇褒貶，又可褒可貶，睇吓邊個去interpret。

2. 我由頭到尾都係講「分流」，冇一次講過輸贏，大家又可以爬文睇返。對我黎講，一個醫生，同一位整冷氣師傅，同揸巴士嘅同樣值得尊重。冇話做到醫生就贏，揸巴士就輸。讀書唔適合所有人，正如整冷氣唔係個個啱。坦白講句，我認為部分家長咁緊張輸贏，咁緊張公平，正因為佢哋係帶有色眼鏡睇事情，歧視某啲工種。如果佢哋肯恩然接受佢哋小朋友係一個出色嘅冷氣技工，咁又點會覺得輸咗呢？

3. 況且分流嘅意思係喺有限資源時間之下，做最有效率嘅事，對社會反而最有益。可能部分家長覺得，分咗流就永遠爬唔返上去。咁一嚟已經唔理解multiple ENTRY point嘅意思，二嚟直頭侮辱咗啲先經High dip, VTC出身，經自身努力之後再讀大學嘅人。從前中學入唔到預科會唔會係世界末日？讀夜校、半工讀大有人在，只不過佢哋唔係21/22歲讀完大學，可能要24/25歲先畢業。我個人係覺得中三可以分，升中可以分，考小學可以分，分三幾次流完全冇問題喎。分得越多仲越多機會考返入去添。

4. 唔少網友又將「精英」連上「上流」、「財富」、「權力」。我個人就認為太狹隘喇。精英於我嚟講，只係某方面做得最好嘅人。例如可以係讀書嘅精英，又可以係整冷氣嘅精英，或者揸巴士嘅精英，踢足球嘅精英。（其實我都冇用「精英」呢個詞彙）邊個話政府高官，國家領導人一定係精英呢？又或者一定係讀書嘅精英呢？

5. 好似stillgood網友咁講，其實「失敗」都係人生必須面對嘅課題，唔係洪水猛獸喎。（留意我係講「失敗」，唔係講「輸」。）考小失敗，一係檢討問題，提升自己。喜歡嘅又可以接受現實，開心生活。再唔係留前鬥後，玩咗先，到中學再慢慢追又得。各式其式，完全取決於家長，根本冇政府政策插手嘅餘地。

6. 公平定義因人而異，你嘅公平於我嚟講可能好唔公平。追求公平嘅終極結果就係降低公平嘅條件，咁先有機會「人人都覺得公平」。（舉例100分滿分，50分合格。一個攞40分可以話50分合格唔公平要40分合格先公平。咁其實對攞90分或者30分嘅都唔公平。到降到30分合格，對20分嘅又唔公平。最後就係有考就合格，0分都得。而本來攞90分嗰位亦再冇動力去攞90分，橫掂0分都合格）。所以我話追求「人為嘅公平」最後結果就係「共同貧窮」因為冇人再有動力向上。或者有人會覺得咁係烏托邦，我個人就認為咁樣係世界末日。

Anyway，襯有少少時間，一次過講清楚我嘅睇法。各位毋須認同，各施各法啦。但求政府放手，唔好再插手教育就好喇。

天外之人

題外話，先要說明愉快學習唔係一些人所指既躺平，唔係衹係玩唔讀書，點解係要一定催谷過學呢樣學嗰樣先得，簡單可以做到就話高度簡化，過份天真呢？世上無可能既野多的事，就好像今次奧運100米游泳項目，所有西方既人都唔相信中國人都可以游得咁快，結果唔抵得既人居然仲會話佢係磕興奮劑才贏出。不過都係嗰句，家長用咩方式都可以，其實什麼是愉快？家長唔出聲，孩子每次都自自然可以拿出書本，這都可以講出孩子係愉快學習。

加樂爹

beastiebistro 發表於 24-9-23 17:09
多謝陳sir幫忙解畫，同埋家樂爹諒解。
我補充多幾點。

很清楚, 謝謝.太多文, 有時會誤解左, 不好意思

ANChan59

加樂爹 發表於 24-9-23 16:35
@beastiebistro
Sorry, 我沒有這個意思.有時一直想下去, 推出來的點未收到位.

無事，澄清就可以。

ANChan59

beastiebistro 發表於 24-9-23 17:09
多謝陳sir幫忙解畫，同埋家樂爹諒解。
我補充多幾點。

你第3點，我可以分享一下，我80年讀Poly HD, 87年讀BEng，89年讀MBA，99年讀DBA。這就是multiple entry points，有心，有$，隨時都可以不斷學習，進步。我哋讀part time 博士，阿仔4歲，我哋經常睇書睇論文，所以身教之下，他揸住本書學習係必然嘅。

我一講到這步，好多朋友問一個問題，我個仔咪係好大壓力囉，因為CEO都係博士。到阿仔都已經廿幾歲，都係BSc加兩個專業資格，如果唔想讀graduate degree，我慳返50-250萬。他覺得有需要有個graduate degree，我會實踐我的承諾，供他一個海外學位。

天外之人

幾諷刺,部份香港想因不接受填鴨式教育,跟外國那種教育風氣學習,如今出名既瑞典減少孩子玩耍時間提早入學,當然學習模式一樣都沒有變動. 但為何喺國際上非常出名既瑞典教育制度都要改變?這應該算是第三個地方/國家肯承擔去改善教育制度(雖然不知是好是壞), 香港還停留在建議階段,又係怕呢樣怕嗰樣冇承擔既政府.


https://www.discuss.com.hk/viewthread.php?tid=31706337&extra=page%3D1%26amp%3BthreadMode%3Dneutral&tr_h=170802692766f22a7bef8e89_83846090

TAIOU4

ANChan59 發表於 24-9-23 18:01
你第3點，我可以分享一下，我80年讀Poly HD, 87年讀BEng，89年讀MBA，99年讀DBA。這就是multiple entry po ...

要諗到同行到尼條Path實在唔容易
但慶幸當年教育商業化還未普及
在沒網絡時代雜音較少
較容易專心專攻某一學科
現代尼條路有太多競爭對手
加上成本真係好高
真係機會只會留給有準備的人/家長

ANChan59

回覆 TAIOU4 的帖子

你啱㗎，當年讀MBA課程一年學費生活費仲平過讀BEng，到續DBA時，錢不是問題，時間才是問題。
我哋夫婦都係偏靜，冇乜其他嗜好，都係喜歡睇書，一齊讀博士係維繫一下感情的另類方式。

天外之人

beastiebistro 發表於 24-9-23 17:09
多謝陳sir幫忙解畫，同埋家樂爹諒解。
我補充多幾點。

其實所講既六點係好清楚,但全都一樣有問題.
1: 「競爭」孩子學習上自然會有,唔需要家長加上額外野令呢個「競爭」加大,這亦做成孩子精神壓力加大,好多出問題既孩子就是這樣來.

2:  你所講職業種類既野,個個都知道,問題係現今社會環境攪到家長偏向帶有色眼鏡睇工種,做到醫生未必都係贏,你睇部份醫生既品德有幾高?有啲仲做傷天害理及品德敗家既事,咁既贏有幾好?

3: 「分流」不嬲都應要有,好像升中中三評核試呢D.  讀書更冇時間限制,咩叫學到老,有時間你想學就得,問題係你有冇心去學.

4: 「精英」其實比教育制度攪到好多本身可能係都變成唔係真正「精英」,「上流」、「財富」、「權力」講得出呢D咪又係錢最梗要,變成咁社會環境做成,「健康」都冇提及過叫咩精英.

5: 「失敗」你我都一樣要面對過,失敗乃成功之母,冇失敗何來有成功?更何況可能要無數次失敗才可以,衹係失敗就又罵又打多不勝數.係冇政府政策插手嘅餘地,但亦都可以講係政府政策原因引致做成什麼家長問題.衹係好多孩子小學家長唔敢做到喜歡嘅又可以接受現實,開心生活,再唔係留前鬥後,玩咗先,到中學再慢慢追又得,反而係去到中學管唔到而才講接受現實,學到咩做到咩冇所謂,從來冇稔過係因為從幼稚園及小學攪成現今這個模樣.當然如幾位所講,係家長自己各施各法,唔係政府攪成.

6: 你用分數指公平冇用,你用越級或同級不同課材而去考同一個考試先係比較. 而家歐美所謂既公平真係攪到世界末日.

一個國家一個地方政府,為了當地人民,為了下一代,梗係要負責好當地教育,連教育制度好既瑞典都一樣無啦啦改,為何咁好既香港唔敢去嘗試?

TAIOU4

天外之人 發表於 24-9-25 14:29
其實所講既六點係好清楚,但全都一樣有問題.
1: 「競爭」孩子學習上自然會有,唔需要家長加上額外野令呢個「 ...

無慾無求可成佛
與世無爭高大上
真正出淤泥而不染

俗世腐敗不堪
小主子還是返回小宮殿
不然染上世人貪腐惡習
則江山危矣