張堅庭：為何我會選擇送子女到英國留學?

planetearth

Vanadium 發表於 19-5-9 22:11
有機會你去深圳科技園睇下，雖然我都唔太鐘意大陸，但了解下你可能會對內地創意產業改觀。

其實好似讀書 ...

中國近幾十年急起直追是好事， 好的當然要讚。中國不是見識了及學習了西方文明，才有現在的發展？30年前唔改革開放，有現在的繁榮嗎？中國一直都好努力學習西方那一套。
你有沒有見在課堂上見過美國哈佛耶魯 史丹福 MIT的學生?

nkd

shadeslayer 發表於 19-5-9 23:33
我想講一個重點，香港小朋友係傳統學校唔係無創意、唔係唔識批判、唔係無思想，若佢天生有，你係好難令到 ...

創意不能教，可以給條件鼓勵，國際學校做得比較好是因爲：

自由的氣氛，沒有因為少少出格便禁止，沒有固定答案，不同便判錯。讓學生用任何方式表達。

迫學生寫，交作品，做實驗自己試，做project 自己發掘、探索。

獎勵學生，小小做得好就大讚，給分數很鬆，鼓勵學生。

===

小朋友好簡單，老師家長讚下就開心，以為自己好有天分，跟著不斷做，揣摩、觀察、自娛，其實本身係普通料，做得多自然有進步。香港教育係扣分制，就算小朋友答對，就會因為這樣那樣扣分。扣得多，什麼自信都打沉。

nkd

planetearth 發表於 19-5-10 00:55
本帖最後由 planetearth 於 19-5-10 01:01 編輯

對呀，自由非常重要，看看改革開放前後是兩個怎樣不同 ...

對，V兄舉金庸，他的作品是在自由的香港面世，但他是在大陸學成後來港，才華一早就有，如果呆在大陸不來，還有金庸嗎。

他陸續在報館寫，要交稿，小說便迫出來。後來創辦明報，靠連載小說留讀者，名著就這樣迫出來。

poonseelai

所謂創意，如何培養/教導創意？各人睇法唔同。中國人四大發明，但發揚光大係西方，人家船堅炮利打中國，慈嬉太后出義和團，所解？Steve Jobs創意在於將已有技術: 電話，相機和互聯網放在一起，有人覺得唔係新發明喎。

shadeslayer

Vanadium 發表於 19-5-10 01:00
直資已唔單係教育問題，係社會問題，我之前已講過好多次。

我唔係話學校無影響，係話我個人經驗下學校影響 ...

你好鍾意自說自話，例如：

1。你說學校影響學生創意能力不大。

2。你又解釋說，如果有人話看見學生在轉了某學校返學後，成個人的改變很大，是他天生的特質在這學校環境發揮出來。

我說（2）即係新學校影響學生成長很大，因為之前的學校沒有這環境，轉了學校後，新學校有這環境。講完（1）又講（2）這是自打嘴巴的。

你只回應：

「我唔係話學校無影響，係話我個人經驗下學校影響並唔係你地講到咁大，社會、家庭、環境、學校，學校其實只係其中一個角色，而一啲內在特質，如性格、部份能力，父母都改變唔到，學校更唔容易改變。」

你亦喜歡偷換概念，例如：

我們一般性的講創意教育和學校的關係。你就不斷講家庭影響大，和本地教育有沒有創意的人如金庸。

無人講家庭或 DNA 影響創意不大，亦無人講本地教育出品，沒有可能有創意。

大家討論一個人有冇創意，明顯指外在接觸這人時的感受，你卻不斷說天生的創意，忽略後天。

你講的沒有錯，不過我們談的不是這些。

csy_ma

Vanadium 發表於 19-5-9 21:55
其實我真係好奇，呢個討論區無人讀過大學，讀大學時無國際學生?

講課堂有討論有present，我當然係講busine ...

又咁講，通常肯離開自己熟悉既環境向外闖既，都唔係保守內向果班。在亞洲，「槍打出頭鳥」既潛規則深入骨髓。大陸學生在大陸都未必咁踴躍發言，來香港倒少了顧忌。所以認同，創意，係需要一個開放自由包容既環境，而咁既環境，香港傳統中學未必好得過大陸某些學校？而國際學校就普遍都較傳統好？

planetearth

nkd 發表於 19-5-10 06:13
創意不能教，可以給條件鼓勵，國際學校做得比較好是因爲：

自由的氣氛，沒有因為少少出格便禁止，沒有固 ...

//創意不能教，可以給條件鼓勵，國際學校做得比較好是因爲：//
創意是可以教的, 也要鼓勵, 但人天生在創意方面也有一定差異

//自由的氣氛，沒有因為少少出格便禁止，沒有固定答案，不同便判錯。讓學生用任何方式表達。//要了解小孩子不同的成長階段, 如果在幼稚園或初小寫字出格,不會當是犯了大錯, 但會提點正確的方式.
好難話沒有固定答案, 數理的答案正確與錯誤是很明確的. 至於你可能想講語文方面的固定答案, 寫作離題也是會扣分或不比分的. 所以也是不能亂來的

//迫學生寫，交作品，做實驗自己試，做project 自己發掘、探索。//
不是迫學生寫, 是培養寫作能力, 學生不會覺得被迫, 而是習慣了要寫作, MYP/IB學制PE堂都要寫作報告.
同樣, 每個人天生在寫作方面也有一定差異, 例如女生一般好過男生.
學校會透過很多project的模式去讓學生從探索中學習, 要與同伴一起合作, 透過討論, 合作做好個project. 在探索過程中及制作過中, 把知識鞏固, 把創意發揮, 把合作精神掌握.

//獎勵學生，小小做得好就大讚，給分數很鬆，鼓勵學生。//
小孩子十幾年的成長過程, 一路成長一路學習, 有錯改正, 沒有人天生像program左什麼都懂, 錯誤是一個學習必經階段, 他們要學懂有錯要懂得去改正. 給分要有個合理標準. 適當的鼓勵令學生在學習過程中有自信.
國際學校學生到高中同樣要面對公開考試壓力, 要靠的就要有自發讀書的能力.
當然叻及差的學生什麼學制都會有.

我亦都覺得沒有完美的學制, 只有比較好的學制.

ABC-DAD

創意
新嘅創意可以係追求中去激發，能夠處身一班為解決問題絞盡腦汁嘅同學。同事。朋友當中，新嘅意念得到實踐同印證，有部分好成功，亦有大部分未能即時章顯價值。

學校能否改變人

如果指嘅係建築物，肯定唔會，如果係當中嘅有機組成，當然會，而且部分變好，亦有部分會南轅北轍。
單看大學好難發現當中變化，皆因入大學之前18年，三觀已經粗略成型；假若由學前教育起步至大學跟進，一定會發現，人在不同教育環境條件下會有明顯分別。
要不 然，不會出現20年的跟進研究。

西方和亞洲的科學家
我想強調，人種並非分別能力高低嘅硬基因，文盲，東西方都有，主因，經濟同文化地理局限左發展，放相同教育條件底下，各自嘅發揮都近似。即使頂尖嘅科研隊伍亦不乏亞洲歐洲美人士混合嘅情況。歷史事實睇到 歧視同階級觀念 邊啲係 阻止其他種族 發展創造力嘅最大阻礙，當然保守嘅固有觀念，自己限制自己，覺得不如西方，不求突破，亦已經形成一個惡習，但是否要讓下一代仍然受制於這似是牢不可破嘅觀念？有一定思維能力嘅你，自己會有答案。

ABC-DAD

關於金庸作品，個人睇法 武俠小說滲透在 通俗文化比較 廣泛，但查先生嘅國際視野同文學修養，終身學習跟對國家民族情懷同態度，各種精髓，要在其他地方地方去發掘，包括散文，訪問文稿，社論，生平當中細味，才品出精緻雅淡嘅風采。

akys

planetearth 發表於 19-5-10 10:20
//創意不能教，可以給條件鼓勵，國際學校做得比較好是因爲：//
創意是可以教的, 也要鼓勵, 但人天生在創意 ...

好多年前聽過Edward De Bono喺北歐推行幼兒教育，佢主張從小教導孩子多用橫向思維（lateral thinking），有冇用就唔知。

我自己就會在睇電視或閒談間問孩子對事件的看法和提供3個可行的解決辦法，好多看法離經叛道，除了違反普世價值觀會平和引導外，一般唔會批評，亦唔需要定結果。哈哈，有冇效其實唔知。


例如農地唔夠點搞？佢會話由政府起多層農場，金字塔式，每層用鏡反射陽光。



離經叛道例子: 香港人口太多，地唔夠，除咗傳統解決辦法外，佢話將政府可以挖地，將新移民搬晒落地底住。

shadeslayer

akys 發表於 19-5-10 12:47
好多年前聽過Edward De Bono喺北歐推行幼兒教育，佢主張從小教導孩子多用橫向思維（lateral thinking）， ...

測驗考試練習，少D標準答案已經好好。

akys

shadeslayer 發表於 19-5-10 15:16
測驗考試練習，少D標準答案已經好好。

完全同意。

Vanadium

planetearth 發表於 19-5-10 01:10
你有沒有見在課堂上見過美國哈佛耶魯 史丹福 MIT的學生?

我應該未見過。

但我唔知點解對外國名大學無任何幻想與期望，我讀大學時成績算幾好，但最好成績既科目，我都係從來唔上堂。美國名人，如Steve Jobs、Bill Gates、 Zuckerberg呢啲，上堂既咩? 書都費事讀。

上堂不如去圖書館自己睇書好過啦。

所以，大家不斷比較學校，不斷話咩"教育"係最好，我真係好奇怪，可能我真係見得太多怪事吧。

nkd

Vanadium 發表於 19-5-10 19:15
我應該未見過。

但我唔知點解對外國名大學無任何幻想與期望，我讀大學時成績算幾好，但最好成績既科目，我 ...

你走堂去圖書館，好合理的，明顯當年你已經好頑固，不願聽人講，教授只會浪費你時間。

而加你知點解未？

Vanadium

nkd 發表於 19-5-10 20:02
你走堂去圖書館，好合理的，明顯當年你已經好頑固，不願聽人講，教授只會浪費你時間。

而加你知點解未？ ...

我肯定大家經歷好唔同，所以我講既野可能有人覺得好難明。

我無上佢堂個教授，我不知同佢幾friend，因我唔上堂，只係我鐘意自己睇書搵資料，當儲左一堆唔明既野就會問佢。佢當時見竟有學生"落堂"問野(其實我無上過堂)，佢不知幾興奮，因對佢黎講，香港既大學邊有學生會問書架，我呢啲應該係稀客，佢一同我傾，就知我係鑽研過先有果啲問題，佢不知幾like。

雖然我只係undergrad，佢逢假期都邀請我幫佢做研究，有糧出俾我，最後研究係國際期刊出左3份papers，有一份仲叫我自己寫。有次佢仲問我有無興趣去Cal Tech繼續讀，有就會幫我搞，因佢係Cal Tech黎，係果邊有人脈。

所以我主觀又好，真實又好，我領略教育既真諦，係製造環境俾機會一個人發揮就得，好既老師只係導師甚至只係幫手，而唔係不斷填塞知識。

ABC-DAD

Who Is Rory John Gates?

He wasn’t allowed to use a phone till he was 13, his parents thought it wise to let him concentrate on his studies instead of the internet.

shadeslayer

Vanadium 發表於 19-5-10 19:15
我應該未見過。

但我唔知點解對外國名大學無任何幻想與期望，我讀大學時成績算幾好，但最好成績既科目，我 ...

全世界爭入名大學，你的子女，親戚朋友子女，中學畢業後記得再好成績，也要學超人，蓋茨，Steve Jobs 咁不讀大學，由得D傻人比天文數字的錢留學爭入「牛劍哈耶」，由得D傻人自以為是，眾人皆醉你獨醒。

shadeslayer

Vanadium 發表於 19-5-10 20:24
我肯定大家經歷好唔同，所以我講既野可能有人覺得好難明。

我無上佢堂個教授，我不知同佢幾friend，因我唔 ...

所以我主觀又好，真實又好，我領略教育既真諦，係製造環境俾機會一個人發揮就得，好既老師只係導師甚至只係幫手，而唔係不斷填塞知識。

Xxxxxxx

學校制造理想環境俾機會一個人發揮，師長有合適的幫手啟發，咁學校算是好有用定無乜大用？

planetearth

shadeslayer 發表於 19-5-10 22:26
全世界爭入名大學，你的子女，親戚朋友子女，中學畢業後記得再好成績，也要學超人，蓋茨，Steve Jobs 咁不 ...

我對外國名大學好大幻想,而且好陶醉呀.

shadeslayer

planetearth 發表於 19-5-10 22:52
我對外國名大學好大幻想,而且好陶醉呀.

我好彩讀過一間名大，但我也同你一樣是傻瓜囉。

名大之所以名，有其原因。