一人一信致教育局局長, 嚴厲打擊用非自住地址申請大抽獎

Soundervolt

kwunpa 發表於 18-12-5 15:57
我唔系天主教徒，唔識分修士定神父。我仔又唔系喇沙小學，我系多年前聽一個幾十年老友講的，佢仔系讀喇小 ...

對上一次有修士做校長已經係三十五年前嘅事～

我都唔同意做犯法嘅事，當年亦有人主動借地址俾我地抽學校，但我地都冇咁做。

BTW，喇沙喺出咗派位結果，學生登記嗰日已經需要填報住宅地址，唔使等校長到開學日先至同全級講。

若果消息係聽返嚟，下次用「據聞」會比較適合，無謂俾其他家長誤會。

simpson.chan

kwunpa 發表於 18-12-5 15:57
我唔系天主教徒，唔識分修士定神父。我仔又唔系喇沙小學，我系多年前聽一個幾十年老友講的，佢仔系讀喇小 ...

不嬲講緊好多人用假地址，呢個post就係講緊點執法。
正如呢間舊屋漏水（制度漏洞），而家想補漏（加強執法），就一堆人話要買新屋（改變制度）。  改變制度呢d澎拜高見緊係威風靚仔啦，問題要等多幾多十年jar嘛。
話人死拗在前 ，其實自己係度死撐。

skpun0317

收到家長pm我，佢直接打左去教育局反映虛報地址問題，希望當局嚴厲執法。多謝所有有心的家長支持！

simpson.chan

ar_mak 發表於 18-12-6 09:15
唔係喎,呢個post既主題係講緊喎,如果你話講執法,我就冇呢個權勒,你呢? 如果大家都冇而去講執法,真係得個講 ...

師兄，唔係叫你我去執法呀，如果跟返樓主意思，係「一人一信」去叫教育局加強執法。

「希望教育局認真審視情況及嚴厲打擊虛報地址問題. 例如: 1) 檢視有否個別大廈或單位, 有不尋常多的申請. 2) 加強家訪或以神秘人形式到訪 3) 加重罰則, 除派位無效外, 作虛假聲明家長需要罰款或監禁 4) 鼓勵舉報」

多謝你支持，講得出做得到，麻煩你寫信。你夠義氣呀！

Vanadium

根本多餘，教育局年年都話會加強執法，仲叫市民舉報添，使鬼你提佢。

一人一信去舉報實際啲啦，多啲同自己家長group打聽，一聽到有朋友或家長group既人暗示明示或有跡象係虛報，即報教育局，記住攞準啲人地既資料，如姓名、電話、地址、身份証號碼、報邊區同報邊間，唔係教育局好難幫你跟。

教育局若唔夠人手，自己請埋私家偵探，為子女入學機會，花少少錢點都值得。

爹親娘親不及小學派位機會親，真係朋友親戚都無情講，為左中小學抽獎六合彩，你犯左法一定要送你去法庭，以增加我0.0001%中獎機會，理直氣壯。

舊年好似話有19單舉報，証實唔知幾多，今年等睇新聞有190單，大家留意政府網頁，教育局可能要請好多臨時工，有興趣可申請。

skpun0317

回覆 Vanadium 的帖子

你唔支持真的不緊要，你亦無需花精神去睇、去回應一個你唔care唔支持既post！唔需要咁辛苦自己，大把更有建設性的事可以去做。

Vanadium

skpun0317 發表於 18-12-6 18:53
回覆 Vanadium 的帖子

你唔支持真的不緊要，你亦無需花精神去睇、去回應一個你唔care唔支持既post！唔需要 ...

我不知幾支持你地，等睇今年放榜教育局講有幾多虛報成功取消，開心都黎唔切。

我好多朋友要抽小學，越多呢啲舉報成功，佢地都有得益。

我之前只係提出，要做就做對整個社會而唔係純個人有益既事，一人一信去舉報，本質絕無可能影響真係有心虛報既人，只會更幫助佢地，要做就做到虛報都無用，全港小學如幼稚園咁自行報名，用實力考小學而唔係講命運安排，咁先無人會虛報咁無聊。

不過講唔服你地，等睇你地成果都好，我都唔介意我睇錯。

simpson.chan

ar_mak 發表於 18-12-6 18:04
親愛的教育局:

謝謝，你夠義氣呀！

simpson.chan

Vanadium 發表於 18-12-6 18:24
根本多餘，教育局年年都話會加強執法，仲叫市民舉報添，使鬼你提佢。

一人一信去舉報實際啲啦，多啲同自己 ...

你見人上巴士插隊，佢又一定唔會令你上唔到車，但佢係特登，又唔係七老八十，咁你出唔出聲？ 一般香港人會選擇遵守規矩而出聲，唔係咩大義，而係我地成長既香港教育我地咁做，多少我地都為呢種守規矩既自律而自豪。

你係的士站排隊，覺得巴士站有人插隊根本不值一提，甚至「根本多餘」。 事不關己，己不勞心，無事既。 不過希望你夜闌人靜時冷靜諗返件事，唔好因下不了台而是非不分，令自己睇唔起自己。

simpson.chan

Vanadium 發表於 18-12-6 19:04
我不知幾支持你地，等睇今年放榜教育局講有幾多虛報成功取消，開心都黎唔切。

我好多朋友要抽小學，越多呢 ...

sunshine test, 你用你既主張同覺得叫教育局打擊假地址係多餘既諗法，同你朋友分享一下，用真正身份去傾，睇下有咩feedback, 我諗你會好多野諗通。

Vanadium

simpson.chan 發表於 18-12-6 20:33
sunshine test, 你用你既主張同覺得叫教育局打擊假地址係多餘既諗法，同你朋友分享一下，用真正身份去傾， ...

我日日都同朋友傾香港教育問題，我既諗法寫上報都得。

部份朋友同呢度好多人一樣，一講抽獎個個都會覺得"有無搞錯?"，係教育局無承擔，先搞大鑊飯政策。

但若然朋友係抽獎既得利益，或怕interview要承受壓力，當然會支持抽獎算。

咩取態，其實亦好睇咩心態。我可加多句: 家長咩心態，亦會影響小朋友日後做事咩取態。

有個同層鄰居，佢小朋友報小學，佢話緊係借朋友地址報，我即話"咁都得?"，佢只回應，身邊個個係咁，講到常態咁，當然我唔會舉報佢啦。不過，佢小朋友後來係有一間極高競爭既直資小學收左。

而我更真實認識，為左抽小學而搬屋既更多更多。

呢個遊戲，本來就荒謬，從來面對荒謬既制度，人都會用"自己方法"處理，無例外，你告極都會係咁，唔係淨針對小學派位政策。

再講，我相信真係用虛假地址報既人係少數，等你地舉報打破我想法。

Vanadium

Sunshine Test

一個積極既心態，係咪應該好好花時間培育自己小朋友，然後開花結果，令好既學校喜歡揀自己小朋友去讀書.....

而唔係支持抽獎，仲用盡方法減少同自己一齊抽既人，以增加自己抽中好學校既成功率咁呢?

陽光之下，其實最難明既係，支持抽獎，同時又唔想咁多人同自己抽既心態係咩。

simpson.chan

Vanadium 發表於 18-12-6 21:58
Sunshine Test

一個積極既心態，係咪應該好好花時間培育自己小朋友，然後開花結果，令好既學校喜歡揀自己 ...

「你見人上巴士插隊，佢又一定唔會令你上唔到車，但佢係特登，又唔係七老八十，咁你出唔出聲？ 一般香港人會選擇遵守規矩而出聲，唔係咩大義，而係我地成長既香港教育我地咁做，多少我地都為呢種守規矩既自律而自豪。」

仲未明？個個學你咁「橫掂改變唔到」，比佢地插隊啦，遲d呢個香港就無人守規矩啦，明？ 你小朋友真係多謝你俾個咁既香港佢。 你小朋友返學排隊/買野食排隊被人插隊記住教佢唔好出聲，要先改變制度，否則做咩都無用。

你話我地「用盡方法增加機會率」，請問係現有遊戲規則下跟從規則去增加贏面有咩問題？ 問題就係你無份眼紅。

simpson.chan

Vanadium 發表於 18-12-6 21:58
Sunshine Test

一個積極既心態，係咪應該好好花時間培育自己小朋友，然後開花結果，令好既學校喜歡揀自己 ...

我地都叫關事，被影響。 你就唔關你事都浪費時間係度講黎講去三幅屁，你唔肯為你小朋友建立守規矩既香港，咁都請你抽時間管理下你自己。

「一個積極既心態，係咪應該好好花時間培育自己小朋友，然後開花結果，令好既學校喜歡揀自己小朋友去讀書.....」
我小朋友日日經過區內一間津貼小學，日日見到話想去讀，我地無自行分，津校無得面試，得返一個方法就係抽獎（叩面位係俾舊生）。 請問而家我地企出黎話加強執法，有咩問題，有咩唔積極？ 最負面既就係你自己，成日覺得一定唔得，佢地多餘云云。

陽光下，所有附合條件既，同一機率去決定結果，請問有邊個位唔明？

simpson.chan

Vanadium 發表於 18-12-6 21:37
我日日都同朋友傾香港教育問題，我既諗法寫上報都得。

部份朋友同呢度好多人一樣，一講抽獎個個都會覺得" ...

我之前咪講左我支持全港interview, 而唔同意你既全港分區抽獎囉，因為後者根本唔可行，within香港特區，將軍澳派去屯門點算？ 又叩門？

你唔係知道抽神校機率好低？點解你咁傻豬以為玩抽獎既唔會去私立小學interview? 所以你之後講家長咩心態，孩子咩心態就係你惡意抵毀其他人既實證。 呢句你同自己講啱用好多。

最後，你明嗎， 其實無人要「打破你想法」，因為「你根本唔重要呀！」

你講黎講去個幾點，答完你，扮睇唔到，轉頭又講返個問題，不停重申又重申。 你都幾無賴架喎

dolphindor

呢個小一派位真係一個歷史遺留落嚟的問題,某程度上同丁屋政策一樣.
Vanadium 提出統一大抽獎是要建基於所有學校的質素一樣,我也很同意.
可惜現在香港的情況是有大量的辦學團體 ,質素參差.而基於歷史原因大部分質素有保證的都是基督教或天主教會辦的學校.  部份所謂寶校都是又一些本地的社團組織在戰後興辦的學校.某程度上, 這些學校已經完成了歷史的任務,但是基於面子原因這些組織也不會貿然放棄氣辦學的權利.

另一 會員半開玩笑式的說把其他學校變成神校第一第二第三第四第五分校才能解決問題. 其實或真的是未嘗不可 .或者要有一個革命性的改革才真的有才扭轉這個局面

dolphindor

dolphindor 發表於 18-12-7 01:08
呢個小一派位真係一個歷史遺留落嚟的問題,某程度上同丁屋政策一樣.
Vanadium 提出統一大抽獎是要建基於所有 ...

據我所知在北美的政府學校都是由該市的school board負責管理 而school board的委員就是將我們區議員一樣每四年選一次 這樣做的話政府學校的質素會比較統一.

不知有沒有其他人知道在其他國家的政府學校的管理情況嗎.