培僑2nd in...

Brainwave

MillieLin 發表於 18-11-12 18:32
我仔也是數感強,自己能舉一反三那種,乘、除没教過,但他是由加減可自己推理出來的。
好鍾意玩數學
...

係，呢類小朋友數學能超前，靠的是一套內在學習動機，不是，亦不可能"谷"回來。

Dinhorse

Brainwave 發表於 18-11-12 15:21
本帖最後由 Brainwave 於 18-11-12 15:29 編輯

討論下，其實真係有'數學叻'嘅小朋友的。我小朋友當其他 ...

其實都無得好怨，數感好同性格慢熱都係天生嘅……！當然如果兩方面拉反平均啲可能有2nd in 嘅機會又大啲！但總會揾到適合你小朋友嘅學校的！

To@Yoyo

非常同意學習動機，我地不會谷，只會把所學習的與日常生活聯繫一齊，小朋友會學得好開心，而且能學以致用，繼而有動機再學下去(emoji)(emoji)(emoji)
而升小面試十間學校 ，不難發現學校要求的不只是書本知識，生活技能同解難能力都非常重要，這些不是谷得出來的！

Brainwave

Dinhorse 發表於 18-11-12 19:44
其實都無得好怨，數感好同性格慢熱都係天生嘅……！當然如果兩方面拉反平均啲可能有2nd in 嘅機會又大啲！ ...

係呀，所以都好慶幸有個機會了解小朋友嘅不足。咁都好彩有幾間second in,  但都有心理準備要叩門。

Dinhorse

又咁講吖……我都唔覺得PKC會剩係收識哂呢幾條超越咗大部份K3小朋友應該識嘅數的學生！因為我覺得second in 一pool人入面未必有百幾個人係識得晒！但佢出得呢啲數……如果個小朋友識晒……PKC又會唔會唔收呢！PKC咁出題法一定係screen緊某啲人！如果題目識晒又唔收……咁就可能係性格使然！

Yang81

mamaaddoiloil 發表於 18-11-12 11:57
咁我個仔實唔得啦
佢都無經特別通道落來又無見校長

上年我朋友都冇見校長有offer

mamaaddoiloil

MillieLin 發表於 18-11-12 18:32
我仔也是數感強,自己能舉一反三那種,乘、除没教過,但他是由加減可自己推理出來的。
好鍾意玩數學
...

我仔都係！識初步乘數概念！好鐘意同我玩數學遊戲！
我問佢一盒雞蛋有6隻 3盒有幾多隻！佢會數3次6咁就計到18隻
仲有好鐘意扮小巴司機！有時16座，有時19座！玩上落乘客遊戲每個站計仲有幾多個人！有時我突專上到過哂限定人數！佢就會話唔夠位（我地係用口講既！多數出街搭車時玩）
出街買平野時就會比佢自己比錢！要佢計啱數之後自己行去比錢！
所以其實好多生活上既野係學到好多數學既

不過佢今次應該唔得！因為佢大意答錯另外既問題！唉！算啦！順其自然

山貓姐

Dinhorse 發表於 18-11-12 20:11
又咁講吖……我都唔覺得PKC唔會剩係收識哂呢幾條超越咗大部份K3小朋友應該識嘅數的學生！因為我覺得second  ...

其實我真的不認為擁有所謂的「數感」就能在沒有超前教授數學概念下，應付這些題目。（當然EK神童，在各個範籌都不時會出現！）

退一百步就當是真的能夠，在學校的角度，用這些題目去挑選學生，是選了那些有「數感」的學生，還是只是選了那些受了超前教導的普普通通學生呢？   這跟某小學考學生 rhinoceros 一樣，挑選了愛閱讀勤拼音的學生，還是益了那些字咭黨呢？  （也許學校也對那些字咭黨有意思了）

szztt

MillieLin 發表於 18-11-12 09:39
數學尚有考規律,中英文認字、重組句子,英文故事排序。皆在ipad選答案。
傾計有好多條,妳囡這題仔也有,另有 ...

見到你地都話老師有傾計，我個小朋友好肯定咁話無，做完ipad題就可以走，無見校長，無傾計 唉！

Aphrodite

山貓姐 發表於 18-11-12 23:11
其實我真的不認為擁有所謂的「數感」就能在沒有超前教授數學概念下，應付這些題目。（當然EK神童，在各個 ...

點解就一口咬定學校係靠呢幾條數學題揀學生呢？仲考咗其他吖。如果係分part計分，比啲數超前其他略弱嘅小朋友機會都無可厚非啩？如同你講，識字叻小朋友都有字卡黨喇（同埋呢part我都認為各人學習方式唔同，雖然我未教認字，但係都唔認為字卡有咩錯）。我認同唔應助長提早催谷小朋友嘅風氣，亦都相信好多學校揀人標準未必係靠一兩道題目答啱答錯同一兩個字識定唔識。

PanMada

山貓姐 發表於 18-11-12 23:11
其實我真的不認為擁有所謂的「數感」就能在沒有超前教授數學概念下，應付這些題目。（當然EK神童，在各個 ...

其實學校一定知好多學生唔識，但我地唔會知學校出呢d 題既目的， 係咪識晒就會收，答唔岩就唔收？ 我覺得未必既
我大仔讀緊PKC, 佢地G2 頭都係未教乘數架， 更何況除數。。。。所以我都唔明點解學出咁深， 唯有等結果啦

KBN

請問知吾知咩學生係可以見校長? 面試過程中選出黎?

MillieLin

PanMada 發表於 18-11-13 08:47
其實學校一定知好多學生唔識，但我地唔會知學校出呢d 題既目的， 係咪識晒就會收，答唔岩就唔收？ 我覺得 ...

我猜想學校是想看小朋友遇事的態度及解難能力,並非是想收"神童"   

VanWanBaby

KBN 發表於 18-11-13 08:49
請問知吾知咩學生係可以見校長? 面試過程中選出黎?

我都想知

deco99

山貓姐 發表於 18-11-12 23:11
其實我真的不認為擁有所謂的「數感」就能在沒有超前教授數學概念下，應付這些題目。（當然EK神童，在各個 ...

我都不認為而家識字多嘅小朋友將來語文就好

我哋點諗都係無謂，學校有佢自己嘅揀人原則。心態放輕鬆d，隨緣吧

VanWanBaby

⚠

MillieLin

VanWanBaby 發表於 18-11-13 09:41
轉寄: 各位如果有星期六早上八九點in培僑的請注意⚠ 同場有小朋友今天確認出水痘 請留意觀察 ...

      

山貓姐

Aphrodite 發表於 18-11-13 07:54
點解就一口咬定學校係靠呢幾條數學題揀學生呢？仲考咗其他吖。如果係分part計分，比啲數超前其他略弱嘅小 ...

其實你見到我是在回覆 Dinhorse 網友的貼文，說到會參考這些數學題去挑選學生。
再者，入學試考的題目，不是用來挑選學生，用來玩遊戲嗎？學生和家長是抽時間來參與考入學試的，這說法說不過去呀。

當然不只是看這幾題作決定了，但當其他分數差不多時，這幾題就變得決定性了。最終在吋土必爭的情況下，最受益的可能是補習社，最受害的會是學生，四五歲的幼稚園學生。

山貓姐

PanMada 發表於 18-11-13 08:47
其實學校一定知好多學生唔識，但我地唔會知學校出呢d 題既目的， 係咪識晒就會收，答唔岩就唔收？ 我覺得未必既
我大仔讀緊PKC, 佢地G2 頭都係未教乘數架， 更何況除數。。。。所以我都唔明點解學出咁深， 唯有等結果啦

多謝在校家長回覆！我認為幼稚園級別的「算術」，其實是一種 know-how，基本的概念和操作，教過會識，唔教唔識。如果目的是用題目去判斷學生的數學資質，未免有點過份進取了。（其實我想用「自大」這詞）面對面試，小朋友和家長都過的不太容易，都希望D學校可以安排的體貼一點，其實也是一種社會責任。
其實唔緊張 ，再者很快就有結果，這比起很多學校要等到頸都長好好多，值得讚揚。  

993rs

山貓姐 發表於 18-11-13 10:10
多謝在校家長回覆！我認為幼稚園級別的「算術」，其實是一種 know-how，基本的概念和操作，教過會識，唔教 ...

其實只要小朋友鐘意，真係唔需要超前教，而有興趣亦唔等於神童。

以我個仔為例

數方面，佢K2已3位數加減心算。我奇怪佢未學直式，點知道要進位？原來佢 eg 14+17，會諗3+7咪10囉，10+10+10咪30，最後加剩個1，咁就係31。我冇刻意理佢，但最近佢會搵d簡單既乘數「考」我

中文方面，路牌、地鐵站，既名中英對照，佢有學 phonics前題下，一面讀英文、一面讀個中文譯音。咁已經學識好多字。

英文因為鐘意恐龍，睇好多英文恐龍書，捉住我係咁拚d恐龍中英文名。如果interview 考，佢實識架。

以上我都係冇主動教，而係佢主動問我先答。

小朋友對學習有興趣，自然會由「基本概念」行前多幾步，呢類題目唔係用來判斷「資質」，而係對學習既「熱衷」，就算唔識答，可以識下用學過既基本操作，試下演化出來。唔好睇小小朋友唔教就一定唔識。何況學術上可表現出來既優勢，對大多神校 interview 冇幫助，唔需要太緊張