除咗為了考小一，識字係咪咁好？

starrymama

回覆 scgift 的帖子

好多家長都係咁, 所以大家都去補補補.
小一己 call人上門補中英文文, 其實小一有咩文法要揾人上門補? 我真係想有人話我知補咩.

個個英文都8/90分, 但好簡單的英文都唔敢講句. 唔知做緊咩.

Soundervolt

BBKDWLAM 發表於 17-8-24 15:25
覺得係培養學習興趣同方法的問題。

死谷=努力背誦學校的課本知識(如花大量時間串字同默書)

"打底=努力學習好語言(如睇有興趣的課外書，學英文拼音)"

"打底"仲有關於時間管理、專注力、學習動機、自信心、self-commitment及其他學習基本條件。

小華媽媽

starrymama 發表於 17-8-24 17:31
回覆 scgift 的帖子

好多家長都係咁, 所以大家都去補補補.

現時幼稚園已有人補英文，尤其是找Net teacher練oral, 補grammar就找英文major的Chinese 教，中文小學找補習大有人在。成績好的也有人補中丶英文，力爭上游，如果小一都冇80、90分，升上去都幾難讀得好，因小一已經算淺，如果低於80分即基礎不太穏，補習社朋友說的。一般初小基礎好，有potential的，有能力的，其實輕鬆地上高小也可保持成績，但讀書的確講資質。但小三同小五有二次大執位，中上的學生中，也有人開始超前，但一般初小成績不好或根基麻麻的，上高小會難少少爭上游，因越來越深，朋友做補習社說的！

小華媽媽

Soundervolt 發表於 17-8-24 18:59
"打底=努力學習好語言(如睇有興趣的課外書，學英文拼音)"

"打底"仲有關於時間管理、專注力、學習動機、自 ...

同意打底是學好英文phonics及多閱讀等，尤其是幼稚園及初小。

Soundervolt

starrymama 發表於 17-8-24 14:40
回覆 Soundervolt 的帖子

" 我相信冇乜學校每年開學就叫家長去報補習及功課班應付學校課程啩 "

您都識講唔會聽老師要求去補習啦，去唔去補習始終係家長既個人選擇，所以小朋友選擇乜嘢生活始終係睇父母。不過貴校既老師既做法好唔應該，未試過盡力，將自己責任轉嫁家長去搵補習解決問題.......

Soundervolt

siumicmic 發表於 17-8-24 14:05
不過話分兩頭，依家啲功課好多時小朋友都未必可以獨自完成(尤其初小)，如果父母晏放工，小朋友等父母返嚟教 ...

可唔可以分享一尐初小功課，小朋友未必可以獨自完成而需要父母協助既例子?

siumicmic

Soundervolt 發表於 17-8-24 22:45
可唔可以分享一尐初小功課，小朋友未必可以獨自完成而需要父母協助既例子?
...

我大女已經中四，小一已經好多年前，唔記得喇，
但係最記得小一時次次同佢做中文功課，我都係一路做一路鬧，
"有無搞錯呀，咩功課嚟㗎，小一咋喎，點會識呀？"
(小學係二線直資中文小學，普教中)


嚟緊讀小一呢個就未知點，
要開咗學先知

可能有小朋友啱啱讀完小一嘅家長會話到俾你知

starrymama

回覆 Soundervolt 的帖子

風 - 李嶠解落三秋葉，能開二月花。過江千尺浪，入竹萬竿斜。

1)詩中頭ㄧ二句分別描寫那兩個季節，請圈出答案

2)詩中那ㄧ句能表現風的温柔，為大地帶來生機?

3)詩中第3,4句特出風的什麼特點 ?(選擇题)

4)詩中有沒有指明描寫的對象是風?

5)這首詩歌主要 (選擇题)

小ㄧ生冇大人教導下真能獨自做對呢篇作業?

我比 60 後朋友看，佢地以為是初中學的文言文

Soundervolt

starrymama 發表於 17-8-24 23:34
回覆 Soundervolt 的帖子

風 - 李嶠解落三秋葉，能開二月花。過江千尺浪，入竹萬竿斜。

阿仔學校宜家既初小都唔會有呢尐咁唔合理既功課。咁樣根本係會令學生害怕學習，加上貴校老師不負責任既行為，恕我對你學校嘅教育方法十分遺憾。

starrymama

回覆 Soundervolt 的帖子

呢本係市場買到的作業，亦是ㄧ個好普及的出版社，好多學校在用。不是我校特別印製的補充。
我經常聽到不同學校都有老師叫人去補習，所以已冇咩感覺，反正家校合作下我女中文呢年係有興趣地進步很多。

要遺憾，是对香港教育的遺憾，不是对學校，因為呢 d 課程相信係好普遍。所以我ㄧ開始已話越早上岸越好。

我堅持讀 local school 只係想佢小學學好中文。high school/ 大學去外國

Soundervolt

starrymama 發表於 17-8-25 00:13
回覆 Soundervolt 的帖子

呢本係市場買到的作業，亦是ㄧ個好普及的出版社，好多學校在用。不是我校特別印 ...

係唔係普遍我就唔太清楚，但我仲有尐表親讀聖心、培正等初小，阿仔亦喺學校幫初小師弟上補底班都未見過咁大開眼界嘅補充作業，可能貴校真係超班學校，咁以後阿仔學校可以唔再被譽為「功課奴隸」學校了。

BBKDWLAM

揠苗助長，千里馬都被騎死，唔係隻隻都係萬里神驅，可能最後捱得到，都只不過變咗隻騾仔，再無跑的動力。
騎師們！真係要量力而為，適可而止！

siumicmic

早幾年我都見識過聖心嘅功課，
親戚學歴唔高(應該中學畢業)，個女小三嘅功課已經無能力教，
佢俾我睇，問我小三啲功課應唔應該係咁，還是係佢嘅問題，
我睇完O咗嘴
乜仲勁過我個年代咁多~
(我嗰間都係類近嘅學校)

之後都係攪唔掂，無得揀之下去咗潮商，讀咗兩年，
升中派位又派得唔好，問我意見
我覺得佢嘅情況最緊要校風好，成績都係其次(尤其teenage階段，好易學壞)
叫佢試吓叩一間當時係band2頭嘅直資，
(跟據hkpapa嘅資料，現在已經係band1C-2A)
其實我都唔知佢成績點，諗住一試無妨，
可能佢個女喺潮商操到英文口語ok，嗰間直資亦著重英文溝通，真係叩入咗，現在都讀得ok

所以派位嘅嘢，派到又未必好，派唔到又未必衰
漫漫長路，大家平常心，見步行步啦

starrymama

回覆 Soundervolt 的帖子

都話左呢本作業好多學校用緊，根本吾係ㄧ两間學校的問題。當然吾係篇篇都咁恐怖，可以當係只是接觸下。但如問有咩初小功課小朋友不能獨自完成，呢個就係一個好例子

beautifulbabies

starrymama 發表於 17-8-24 23:34
回覆 Soundervolt 的帖子

風 - 李嶠解落三秋葉，能開二月花。過江千尺浪，入竹萬竿斜。

jason1978

starrymama 發表於 17-8-24 23:34
回覆 Soundervolt 的帖子

風 - 李嶠解落三秋葉，能開二月花。過江千尺浪，入竹萬竿斜。

事實上，老師已在堂上解說並講出答案

Felix223

starrymama 發表於 17-8-25 06:45
回覆 Soundervolt 的帖子

都話左呢本作業好多學校用緊，根本吾係ㄧ两間學校的問題。當然吾係篇篇都咁恐怖 ...

所以現時的教育制度真係虐兒加虐待家長。

mcl203

IloveJJ 發表於 17-8-25 10:59
我反而覺得係學校揀家長有分別喎!

官津點可以真正去揀學生~~~

momama

starrymama 發表於 17-8-24 23:34
回覆 Soundervolt 的帖子

風 - 李嶠解落三秋葉，能開二月花。過江千尺浪，入竹萬竿斜。

好明顯呢間學校不入也罷