不要怕辛苦，報多幾間直私，增加機會

Wmacy89

Interview嘅野除左實唔實力之外，根本天時地利人和也要配合，因為未必係自己就可以預測到結果的，報多幾間去試下也可以理解，我嘅底線係如果真係唔會讀的就唔會報，所有有可能的就會報盡佢，數埋其實已有十幾間

creambun

其實多報幾間是應該的，因為種種原因你未必能夠全部出席面試。不過選舉報哪些學校時就要花點心機，不是人報我報。之前見有會員不理學費，地點，理念，胡亂全港九新界報20幾間。面試完開post 怨要多做幾份工才可以交學費，神校會否歧視自己村校的小朋友，又怨不能搬的情況下，每天差不多3小時來回學校......! 選校的時候應先考慮自己小朋友的能力及家庭狀況來決定，不是盲目增加所謂機會而亂報，口說為小朋友將來着想，結果苦了小朋友。

AgapePa

hkpapa852 發表於 17-8-1 16:07
稍為知多一點香港教育既常識就會明白一件事:

各類小學既收入來源:

官津的資助並非以人頭計。
是以班數計，一班可以有1.5個教師額。而其他津貼大部分都要用在指定項目。只可收堂費和自由運用堂費，做乜都要申請津貼。每個項目的津貼額不多。
而直資以人頭計資助，每人每年4萬幾。亦可以收學費。一般直資都可以做到平均一班兩個教師以上。
而教舍的維修亦可申請政府支助。除特別申請的津貼，其他資金全部可以自由運用。
而教師退休的支出亦不算大，多數都只是供MPF.
只有官校的教師才是跟政府的退休制度。

Mrs.Luckycat

retriever 發表於 17-8-2 08:20
同意搬屋跨度成本係大架，但事到如今，有時候諗通左，果度亦可以係一念之間。

可能係舊債問題，大家對樓 ...

純粹避險，沒有人會反對報多幾間。但報幾多間呢，難不成全港九新界全報了吧？相信每位家長都有個底線吧。

如果有家長真的全港九大包圍，我只覺得他們已到瘋狂的地步----不理會家庭實際情況、不理會那所學校是否值得，只是為了逃避大抽獎。這種欠缺理性分析的羊群性格，我只盼望不要影響到他們的兒女。

至於舊債嘛......嘻嘻，江山易改、本性難移。她是真的為了新手父母着想或是嘩眾取寵，自己判斷吧。

hkpapa852

AgapePa 發表於 17-8-2 08:52
官津的資助並非以人頭計。
是以班數計，一班可以有1.5個教師額。而其他津貼大部分都要用在指定項目。只可 ...

官津資助其實有好多, 最基本既係: 以學生人頭提供支助, 另外當然仲有其它既資助啦! 好似你咁講, 會按班數提供唔到既教師學額, PA人數等既資助, 仲有特定項目既資助等 ....

不過, 唔需要講到咁複雜啦!

講開直資只提供MPF, 其實呢個係一個對教師福利既問題, 對學校既"好教師"是否願意留任, 某程度上係一個考慮.

官津小學既教師, 會由政府提供一份每年包有一定增長既退休金, 仲會按教師年資提供額外供款. 但如教師一轉咗去直資學校, 呢份退休金就會停, 而且仲係無得返轉頭 (即係教師如再返回官津校任教, 原有既退休金不能再累積). 呢個安排, 對不少資深教師要轉去直資會係一個大障礙. 亦係不少津校轉直資時, 教師反對既原因之一.

Charlotte_mom

ANChan59 發表於 17-8-1 19:50
我的觀察是學制的荒謬，令家長忐忑不安，才慌不擇路！年年都一樣，見得太多了！

反而家長清楚自己選擇學 ...

有時在ek覺得好無奈。
彷彿會員為左一個半個小小definition就拗贏先安樂，明明正常netural嘅事都要攪到草木皆兵咁
係咪每次發言前都要做晒declaration /disclaimer解釋清楚咩叫多咩叫好咩叫happy咩叫谷咩叫近咩叫方便至可以發言？

樓主叫報多幾間，純粹係溫馨提示，咩叫多，自己define啦！考到值唔值，你估家長傻的嗎？唔值自然唔讀架啦。唔通考70間，30間收，30間都留位嗎？

同意你呢句：祝樓主好運

Charlotte_mom

hkpapa852 發表於 17-8-2 09:04
官津資助其實有好多, 最基本既係: 以學生人頭提供支助, 另外當然仲有其它既資助啦! 好似你咁講, 會按班數提 ...

都係嘅。直資要留老師，係一件頭痕事。一間學校最重要資產就係教職員，流失率亦係校長每年向校董會交代重要數字之一。
退休福利唔夠人砌，最直接係進升加人工，老師越做得耐，學校「負擔」越大，係真嘅。所以校長每年計數，人工係好大舊支出呢

retriever

AgapePa 發表於 17-8-2 08:52
官津的資助並非以人頭計。
是以班數計，一班可以有1.5個教師額。而其他津貼大部分都要用在指定項目。只可 ...

全對。經常性維修果D 係另外資助。

官津資助係按班計，以預設人數給資助(唔記得係咪26,定28人), 所以理論上收少過預設人數又夠人開班，係多左錢駛。反之，有 D 熱門津校收30幾人係少錢駛左。

直資學校又收學費，一定多左錢駛啦。其他幾十萬一年攞IT 呀果D 資助，直資同官津一樣咁收。

retriever

Charlotte_mom 發表於 17-8-2 09:16
都係嘅。直資要留老師，係一件頭痕事。一間學校最重要資產就係教職員，流失率亦係校長每年向校董會交代重 ...

呢樣係幾矛盾既事。

自己都打左多年工。到一定年紀，工作穩定性係重要考慮，因為通常都有家庭負擔。相反，老餅左做事無後生咁有衝勁較HEA 亦係事實。


直資制度講白D 係市場化，理論上表現為本，減低HEA 做。

在我看來，要保持員工動力，除咗褔利，重點反而係歸屬感，老校有情，仲有係信仰，果D 出哂名有心老師既學校，開埋名啦， 宣小， 禮賢呢D， 都係宗教味極濃。

AgapePa

retriever 發表於 17-8-2 09:49
全對。經常性維修果D 係另外資助。

官津資助係按班計，以預設人數給資助(唔記得係咪26,定28人), 所以理論 ...

無幾十萬一年IT資助。我去過某地區一線津校聽講座，該校自稱是iPad 教學先導學校，都係得5萬.
連軟硬件，只買到10部iPad

retriever

AgapePa 發表於 17-8-2 10:27
無幾十萬一年IT資助。我去過某地區一線津校聽講座，該校自稱是iPad 教學先導學校，都係得5萬.
連軟硬件， ...

幾十萬一年係學校發展資助， 係每位學生資助 每年$1042.

某校部份用來請NET 及發展IT支援。

Binlojai

ar_mak 發表於 17-8-1 20:11
如果有家長,考直私失敗,再加上運氣差,派位唔好,我會鼓勵佢仍然要樂觀面對,而唔係令佢自責,去回想當初點解唔 ...

PS:你想唔想考第一?信我一星期補習7日. 你唔補?咁你考包尾也欣然接受的話,就冇問題了,呵呵呵~
喂阿哥,唔考第一就變包尾?嚇鬼咩~!
<-- 最尾呢句正!!

Binlojai

Felix223 發表於 17-8-1 20:30
樓主出帖只係想表達佢小孩只是一般資質，但有4、5間offer (包括APS 同SFA)，不過呢D都不是一線小學。:happ ...

我多事左添...

期雨

ar_mak 發表於 17-8-1 13:44
你想我講D嘜野比你知先?
我不如咁問你:如果有2個人,一個叫你多報多考增加機會,一個就教你用方法去直接考取 ...

說得太好了！令我想起前幾日的熱門貼。

Felix223

19841984 發表於 17-8-2 12:48
其實都係果句，全炒又欣然接受咪得，講咩都係多餘。

樓主的經驗指出曾報考過多間不同的學校，學校又精心設計了多重考核的方法去㽀選適合的學生，既然一心分享，不如樓主整個森馬里出來，好讓一眾新手爸媽，更能了解各校的面試過程就更加好。

taxibird

Felix223 發表於 17-8-2 14:29
樓主的經驗指出曾報考過多間不同的學校，學校又精心設計了多重考核的方法去㽀選適合的學生，既然一心分享 ...

贊成, 咁先係造福人群, 齋叫人報多幾間, 其實對結果冇咩用。龍年已經人多, 個個都報廿間的話只會令每間報名人數創新高, 咁本身墊底果班小朋友仲難有2nd in機會, 連二三線直私都冇2nd in的話就連waiting機會都冇

Binlojai

Felix223 發表於 17-8-2 14:29
樓主的經驗指出曾報考過多間不同的學校，學校又精心設計了多重考核的方法去㽀選適合的學生，既然一心分享 ...

係! 咁樣有建設性好多!
好過一味叫人考多D, 又或不斷講「如果全炒都欣然接受就無問題」呢D無建設性嘅內容...

Mrs.Luckycat

Felix223 發表於 17-8-2 14:29
樓主的經驗指出曾報考過多間不同的學校，學校又精心設計了多重考核的方法去㽀選適合的學生，既然一心分享 ...

贊成！雖然我隻仔已不能受惠，不過都希望樓主做好人做到底。。。尤其佢小朋友即將入讀那間，眾家長一定好有興趣。