九月入讀蘇淅幼稚園

康媽

我囝依家好鍾意返學，又話鍾意學校d同學同老師，我叫佢返番以前間學校，佢都話唔好。可能同佢一齊搭校車有d小學既哥哥姐姐，佢學得自己大個左，仲話以前間學校係bb返架，真攪笑。

JC

wongnysw,康媽,
係咪星期五至帶月餅燈籠返學呀,我見課室已經有燈籠裝飾(係有小朋友名),我驚亞b唔帶 / 遲左 佢無得玩

twokidsmum

請問有沒有媽咪讓孩子上午讀普通話班, 下午讀國際班呀? 國際班教得好嗎? 謝謝!

康媽

JC,

係呀，要帶d應節既野返去，不過唔知使唔使著校服呢?

connie04

twokidsmum,

有啊!  囝囝搭的褓母車有一位同學係咁樣, 上午讀普通話班k1, 下午讀國際班, 但唔知教得好唔好, 只知那同學仔和他媽咪都係講英文(是中國人), 但唔係好識廣東話.  

wongnysw

JC和康媽,
上星期派回手冊, 寫話本星期五(16號)主題係中秋節, 可以帶D相關東西回校. 不過我都見呢兩日有小朋友帶住個燈籠返學, 可能班班唔同. 至於衣服問題, 手冊無寫可以穿便服, 都係穿校服穩陣.

另外, 各家長你地星期六下午有無節目呀? 我諗住帶女女同仔仔去渣華道體育館個兒童遊戲室玩, 時間4:00PM, 有興趣一齊來呀?  

connie04

康媽,

通告好似冇提到唔駛著校服.  
早幾日, 我囝囝突然話要返以前間nursary, 要番以前個老師, 我幾驚呀!  但他每天返蘇浙又冇話唔開心, 一上車見佢同d同學又玩得很開心, 也沒有說唔返學, 晚上訓前又會唱學校d歌比我聽, 我昨晚和他傾計, 說以前的學校是bb才返的, 現在你大個仔, 所以要返新學校, 佢聽左好似明咁,  

請問有冇媽咪知, 課室窗口 d paper 捎左味, 我想搵日到學校狀下亞囝上堂.

JC

wongnysw,
我都會比佢著校服,都係著運動衫,波鞋.
唔得lu, 因為4:00PM通常訓緊覺.下次啦.

twokidsmum

不明白為何國際班的學費收得這麼貴, 教得好嗎?

connie04 寫道:
twokidsmum,

有啊!  囝囝搭的褓母車有一位同學係咁樣, 上午讀普通話班k1, 下午讀國際班, 但唔知教得好唔好, 只知那同學仔和他媽咪都係講英文(是中國人), 但唔係好識廣東話.  

康媽

twokidsmum,
因為蘇浙既國際班係正式國際學校模式，屬英制(即只有k1 & k2)，與小學及中學國際部銜接。與出面部分幼稚園所稱既國際班不同，佢地唔係真正國際學校模式。我諗因為咁所以貴d。

wongnysw

今早課室門貼了通告, 明天可以穿便服.

cheerfulbaby

請問06年k1係咪派緊表啦?

康媽

wongnysw,

唔該晒。

connie04

唔該晒wongnysw,  明天可以穿便服了  

connie04

cheerfulbaby,

派緊表啦! 可以在internet download 或在學校取表.  

JC

wongnysw,
唔該哂,今朝遲左少少,無留意到tim.真係好消息   

wongnysw

個女返學返左兩個星期, 已經適應了. 不過我晚上問佢每日在學校的情況, 佢就唔係好願意答, 唔知係佢唔記得抑或無咩特別野想講呢?
昨日聽到佢用普通話同弟弟講"老師早"、"收玩具", 又教弟弟玩"扮火車去廁所", 好大驚喜呀. 相信假以時日, 佢既普通話會有大進步呢!!!!!

evalauwm

wongnysw 寫道:
個女返學返左兩個星期, 已經適應了. 不過我晚上問佢每日在學校的情況, 佢就唔係好願意答, 唔知係佢唔記得抑或無咩特別野想講呢?
昨日聽到佢用普通話同弟弟講"老師早"、"收玩具", 又教弟弟玩"扮火車去廁所", 好大驚喜呀. 相信假以時日, 佢既普通話會有大進步呢!!!!!

諾宜似乎開始enjoy學校生活la波,可喜可賀   
遲d佢就會同你一句廣東話,一句普通話,耐唔時仲夾多句英文同你對答架啦,係時候練定d"煲冬瓜"啦,wait & see la

唔知今日中秋節活動好無玩呢 我噚日俾左盒月餅謙謙帶返學,唔知有冇食到呢
佢放學果陣同印印姨姨講佢燈籠唔靚(個燈籠係舊年二姑媽買,不過未玩過就收理左),印印姨姨仲同我講條電線斷左,不過印印姨姨話等我放工返去買過果陣,佢又話唔使,因為佢書包有一個係老師教佢地整

康媽

hi,

我囝話今日玩得好開心，仲有月餅食，佢話老師每人派左份禮物添。

connie04

我囝都係話今日有月餅食.  其實我間唔中都會問下佢今日返學好唔好玩, 佢只會說好玩, 但唔識講玩左d咩, 自己在家去廁所, 也會唱 火車開首歌, 其實現在好多小動作, 你也會觀察到他開始投入學校生活,
昨天和他看seasame street, 見到隻elmo, 佢話好似學校個唐老師