S位老師信箱

hk430

小牧媽咪 發表於 18-3-5 23:19
如果宜家足5歲，只有一年時間，應該排唔切S位。有冇外國評估報告？有嘅話可以出示俾教育局，應該都會pass ...

多謝你咁詳細解釋

請問香港既特殊學校仲有無分唔同程度？
（介唔介意話我知s 位同特殊學校既分別係邊？）
定係只要係中度至嚴重已經係 group 埋一齊教？（係咪不分A 仔，唐寶寶，只要一評定係嚴重都係同一間特殊學校？）
二仔有晒報告，但呢邊無評估發展遲左幾多呢啲野，自閉亦無分等級，其實我知自己個仔咩程度，
我估佢得兩歲咁上下既表達能力。（分分鐘都無）

請問如果俾佢入到特殊學校，佢既前路會係點？即係會唔會一直都只可以係特殊教育制度上升班，定可以銜接正統學校（當然指佢可以應付得到既時候）

我咁問既原因係因為大仔想當年都係咁，但一開到口講野就唔同晒，而家無人睇得出（感覺到）佢其實都係A仔。

我知呢個機會好微，因為二仔真係嚴重好多，yes no 都掌握唔到 呢條路太漫長，我唔期望佢會變到好似「正常」小朋友咁，我係呢邊無人無物，撐得好辛苦，返到香港的話起碼我會過得開心少少

但我老公覺得我咁諗好自私，佢覺得呢邊一定好過香港。經過咁多年，我親眼睇到呢邊唔係大家口中講到咁好支援，事實大部分人比較包容SEN 仔，但教育上，我唔覺好出色。

月餅仔媽咪

你好; 我個仔今年6歲, 讀僅S位, 佢做了評估係輕度自閉。　今年9月要讀小一,張煌偉已經收左。　但S位的班主任同社工都佢阿仔要入讀特殊學校, 但職業治療師就話阿仔可以入張煌偉, 我應該比阿仔讀特殊定主流好呢?

小牧媽咪

月餅仔媽咪 發表於 18-3-14 11:25
你好; 我個仔今年6歲, 讀僅S位, 佢做了評估係輕度自閉。　今年9月要讀小一,張煌偉已經收左。　但S位的班主 ...

咁請問小朋友被評為輕度，評估中心點講？建議去輕度定主流？

月餅仔媽咪

回覆 小牧媽咪 的帖子

評估中心話阿仔的理解能力比較差，學校就話阿仔唔係好肯寫字，　自理能力都比較差

月餅仔媽咪

評估中心話要去特殊

小牧媽咪

月餅仔媽咪 發表於 18-3-14 12:02
評估中心話要去特殊

評估中心建議去特殊，一定係小朋友嘅能力未符合主流。

說實話，今年龍年學額非常緊張，特殊學額比主流更加供不應求，所以，在評估中表現得不太差的能力，其實都被派了去主流。（特殊學位的津貼比主流學額的津貼也相差許多，學生派了去主流，其實冇乜太多支援，政府慳唔少，所以特殊學位比主流學位更值錢）

如果連評估中心都建議入特殊，意味著真係好有需要去入。有經驗的S位老師比一般治療師更清楚自己學生的優缺點，亦好清楚主流運作模式、大概課程等。

OT響小肌肉發展係專業嘅，至於OT睇小朋友嘅全面發展係咪都一樣專業，我不願置評。我建議家長都係跟返評估中心建議比較適合。

但張煌偉做sen仔係有支援，家長口碑係唔錯嘅，所以學校都多sen仔。

joey510joey

你好呀!我仔仔今年兩歲多(係大孖),因上年4月肺炎入院之後再患了一個叫吉巴氏綜合症的病症,傷了神經線,令到隻左腳到現在都未行得到,要帶住隻腳托扶住啲嘢行,而家有番緊早期訓練,下星期會再去評估中心見物理治療師,之前已做過一次評估,醫生亦有問我意願係點,我當時話諗住俾阿仔排兼收,但而家番緊早期果邊話如果番兼收可能唔會太有足夠訓練,建議我排特殊位,但特殊位我又怕影响阿仔第時入讀小學,我應該點揀好啊?真係好心煩

小牧媽咪

joey510joey 發表於 18-3-16 20:04
你好呀!我仔仔今年兩歲多(係大孖),因上年4月肺炎入院之後再患了一個叫吉巴氏綜合症的病症,傷了神經線,令到 ...

本帖最後由 小牧媽咪 於 18-4-11 00:24 編輯

抱歉，現在才覆你，小朋友兩歲，現在左腳仍未行到，我唔建議I位，唔係要潑冷水，你小朋友好需要物理治療服務，I位俾唔到個長駐PT服務，入S位，PT一定跟到足。又個別又小組又會拉筋check埋腳拓，如果擔心影響日後升學，不如正視現有需要。

FILOLO

你好，我囝囝4歲半係3歲3個月的時候CAC評為初至中度自閉及遲援。他大小肌差1年說話差二年當時醫生建議S或I位但我們選擇後者經一年多的努力語言欠一年大小肌也欠一年。现I位老師，PST及OT老師也說他是marginal case 可考慮S位。請問繼續I位还是申請S位呢

小牧媽咪

FILOLO 發表於 18-4-13 14:27
你好，我囝囝4歲半係3歲3個月的時候CAC評為初至中度自閉及遲援。他大小肌差1年說話差二年當時醫生建議S或I ...

S位吧！S位係密集訓練，小朋友現在都4歲多，並且已經在I位一年，連I位老師也建議轉S，那就說明小朋友比較適合S位的能力

bbjoanna

你好，小牧媽咪，如果小朋友整體遲緩粗略估計半至1年，建議入s位定將來重讀1年加e位?治療師建議e位，因每次訓練也有進步，而且大部份已達年齡水平，但擔心將來會有倒退現象，另一治療師建議s位，因為認知仍未見大進步，也同意同小朋友性格有關，可主流老師說可以升班，不知道應怎樣選擇？

joey510joey

回覆 小牧媽咪 的帖子

但係上星期I位已經編配咗學校俾我大仔，而我亦接納了，如果取消就要再排過

小牧媽咪

bbjoanna 發表於 18-4-14 20:14
你好，小牧媽咪，如果小朋友整體遲緩粗略估計半至1年，建議入s位定將來重讀1年加e位?治療師建議e位，因每次 ...

抱歉你的問題比較空泛，故我無法提供意見，建議按評估結果去排O / I / E  /S， 謝謝

redray168

小牧老師您好, 兒子4歲2個月, 自閉傾向, 整體遲緩1年,
- 現就讀明愛I位學校的普通位, 班主任是I位老師。
- 正使用明愛到校服務, 每月有1堂ST, OT及4堂幼師/小組, 共6堂。
- 自費服務有, 每星期1次ST, 及1堂社交小組。

剛派了黃大仙鄰舍輔導會S位, 我們收集一些意見,但見解卻不一致, 令我們不知應去S位還是留在原校......
- 班主任(I位老師)建議去S位, 因有密集訓練
- 協康會的資深治療師說兒子情況一直有進步, 認為可以不用S位, 加上在業界比較有經驗做自閉症的, 主要是協康會和明愛, 不建立兒子去其他機構, 除非所派S位是協康

我們知道S位的優勢, 所以不抗拒S位, 但也怕這間S位不適合兒子, 到時要重回I位要花一番功夫,

請小牧老師給予一些寶貴的意見, 萬分感謝!

小牧媽咪

redray168 發表於 18-4-23 20:11
小牧老師您好, 兒子4歲2個月, 自閉傾向, 整體遲緩1年,
- 現就讀明愛I位學校的普通位, 班主任是I位老師。
- ...

你好，我嘗試分析一下，你現在的問題情況：
1.有O位服務：其實服務時數及你現正所有的治療服務已經屬於E位
2.在normal位就讀：有社交刺激，語境好，相儕互動大，但有機會因爲跟唔上，或多或少會被忽略，亦可能因為社交技巧弱，會被同儕排擠。
3.有自費服務：ST:意味小孩的語言能力未達標準，社交小組：小孩的社交溝通，遊戲技巧也弱。
4.轉出S位：學校老師贊成，這方面我理解，老師需要全日跟進小朋友流程，每一個小朋友的需要，她也會看得到，而她亦都明白，學校的資源對你的小朋友是否足夠（不包括O位服務）。她贊成，主因一定係：小朋友在一般學校流程下的進步不會比S位多。一般幼稚園的流程很趕急，相反S位的流程時間比較充裕，就是讓小孩有多些時間去解決困難、多動手去做。至於ST: 建議小孩入S位，但只入協康或明愛。無可否認這兩大機構對支援自閉症的教學法作出不少資源投放，尤其協康所出版的書籍，其實都被同業作參考。以我所知，鄰舍未有自己的評估工具，也是用協康的評估工具。但一間中心，是否沒有自己的一套評估工具，以被認定為是次一等的中心？我又不認為。因為鄰舍的資源其實花在服務上。畢竟小孩還有兩年時間在學前，我也建議家長好好想一下再作決定。
因為問題未有提供小朋友的能力表現。
總括一句：鄰舍只是一間低調實幹的機構。

redray168

回覆 小牧媽咪 的帖子

小牧老師多謝您回應!
抱歉,上一個帖沒有描述孩子目前的情況, 詳情如下

學習能力: 認知遲約大半年, 大約能說出約200項名/動詞, 能自己閱讀青田的圖書, 數到1-20, 上30多人的群體課會發夢, 10個以內的就會比較專注

自理: 可以自己大小便, 飲水用餐, 穿脫衣物

要求行為: 可以主動要求所需

回應指令: 能明白老師大部分指令並回應, 但易分心。如要求上全體靜態課坐好, 一般15分鐘課, 大約數分鐘就要老師提示下才會繼續坐好

社交: 在家, 會邀請父母姐姐姑姐一起玩, 對話來回次數最多可以4-5下;
在學校, 能接受邀請一起玩, 但很少主動發起社交, 除了比較熟的1,2位同學, 對話來回次數也是1-2下就中止

玩耍: 平行遊戲階段為主, 但也可以加入沒有特定rule 的遊戲

語言: 遲10個月, 約3歲多, 能說4詞句, 例如, 我 要 士多啤梨 蛋糕

大肌: 沒有特別問題

小肌: 沒有特別問題

再一次多謝小牧老師賜教!

小牧媽咪

redray168 發表於 18-4-24 10:31
回覆 小牧媽咪 的帖子

小牧老師多謝您回應!

按你描述，小朋友的情況又真係未必需要入S位。首先，小朋友的語言發展上，雖然比實際年齡遅了十個月。但表達上也算可以在normal 位上，對外作出有效溝通。再者，在上堂情況下未見有不專心到去騷擾別人的情況，可見小朋友在課堂規矩上也願意遵守和自制。繼續留原校就讀再加O位服務及自費ST個別，估計也應該有足夠。

MiraLeung

小牧媽咪，你好!
我仔仔而家兩歲1個月，月中喺協康評估為中度自閉要排S位。我仔語言同認知冇問題，主要係情緒同社交比較難搞，我有問心理學家係咪以前叫嘅阿氏保加，佢話係。
排緊幾個機構嘅密集課程，扶康會嘅導師評估過覺得我仔未適合讀密集，因佢未離開過家人、情緒好易激動同唔肯聽指令，建議同佢上分離班先。而且下月開始會喺協康上感統訓練。
我有幾個問題想請教你:
1.本身有間學校有咗我仔9月入全日N班，但我又想佢讀密集課程，係咪放棄N班比較好?
2.社工估計S位要排兩年先有位，到時我仔已經4歲半，如放棄N班就要讀兩年嘅密集課程直到有S位?定係要搵K1下年9月俾佢讀?
3.如要下年9月讀K1，咁過多幾個月就要報學校同面試，普通學校如知道我仔排緊S位會唔會多數唔收?

麻煩你!

小牧媽咪

MiraLeung 發表於 18-4-29 18:00
小牧媽咪，你好!
我仔仔而家兩歲1個月，月中喺協康評估為中度自閉要排S位。我仔語言同認知冇問題，主要係情 ...

如果認知同語言冇問題，其實入N都可以考慮。但家長你要有心理準備，小朋友在學校有各種唔適應。老實說，情緒管理弱的小朋友，其實在S位都需要同老師去磨合，再培養感情，然後老師摸清楚佢特性，先容易處理佢嘅情緒。我意思係，除非N班老師好有心，又好有經驗，否則情緒呢一部分好難處理得好。相反，N班對社交刺激就好有幫助，因為有好多同齡嘅小朋友作對象，響平衡遊戲階段上，將各種行為內化從而去作出模仿，有助加強社交溝通行為。綜合而言，你小朋友上N位亦無妨。至於密集，對你小孩而言，唔算必須。我反而建議家長自己去報下有關處理兒童情緒嘅課程，實用性比較高。

fatshk

請問仔仔上左保良局到校服務，黎緊九月可以有東涌協康e位，唔知轉唔轉好，到校平均一個月st有3至4堂，特教班有四堂左右，ot就一個月一堂，pt就兩個月一堂。仔仔剛到5歲Asd，add features 但唔太嚴重唔會打人，可以坐定定，，係喺學校靜d,唔太同同學玩，淨係中意同弟弟玩，甚至跟住弟弟，弟弟做乜佢做乜，無乜感統問題，講野基本上都表達到自己，簡單對答ok, 點解未係好答到，點樣答到少少，幾時都答到d。未認問點解，點樣，但其他關於程序既野會問，例如陣間去邊，邊個去左邊度，如果大人講講吓停左，佢都會問「咩」。小肌都可以寫到字，寫字空間感弱少少。大肌無乜大問題，拋接波弱d,未做到sit up。
轉左協康唔知會唔會d堂少左。
期望小牧老師或其他人可快快解答，因為要覆社工要唔要。麻煩晒!